يالحب مالك باخر العمر قيمه
لا والذي تفطر له الناس وتصوم
ويلي عنيت المرجله والحشيمه
أقصد مشاريف الهوى بطيب وسلوم
يلي غنم بالطيب راس الغنيمه
ولي رخص بالناس يرخص به السوم
تلقى الردي عايش فعيشه كريمه
وراعي الشرف عايش مناكيد وهموم
بعزاك يلي كل امورك سليمه
لاتسمع المغرض ولاتسمع اللوم
من ثار بالفتنه تراها وخيمه
ومن ثار بالحكمه كسب فزعة القوم
في داخلي كل الجروح القديمه
وفي داخلك بركه بها يعجز العوم