منتديات جعلان - عرض مشاركة واحدة



على صوت امواج البحر..وشكل قطرات الماي تتناثر كل ما ضربت الامواج السفينه..وقفت هدى بهدوء قاتل.. وهي تفكر ف ربيعتها...وحالها الي مايسر لا عدو ولا صديج..

وقف جنبهي وهو يتأمل البحر.. ناصر : بهيش يفكر الحلو؟؟؟ هدى تتنهد: اأه..افكر بأحلام وحالتها الي يبكيلهي القلب..
ناصر: بترجع مثل ما كانت بعد ما تولد وبتقولي ناصر قال.. هدى: هههه..بنشوف..عسى يطلع كلامك صح ..

ناصر بهدوء وهو يخاول يشوف فعيونهي: وانتي؟؟
هدى: تلتفت الجهه الثانيه: اني هيش؟؟؟
ناصر: ما فكرتي ف مستقبلك؟؟
هدى: لا فكرت..برد الجامعه السنه اليايه..
ناصر: و... قاطعته: لا تقولي يمعه..اني خلاص قررت ..
ناصر: هيش قررتي؟؟
هدى تعض شفايفها: مابا اتيوز..اني جربت مره وخلاص..

مسك ناصر ايدها وحوطها بايديه..كانت حيل بارده: هدى..الانسان ما يكتفي بتجربه وحده..سبحان الله يكون يمعه الانسان الي بتكون راحتك عنده..
حطي عينك بعيني واني اكلمك..
"لما التفتت له،شاف الالم والحزن بعيونهي..كانت ع وشك انها تبكي بس ماسكه عمرها"
هدى لا تكابري..إذا بعدك تبي محمد قوليلي..انتي كنتي ماتضمي عني شي...اشصار ألحين؟؟
هدى: معرف ..معرف..
ناصر: شوفي هدى..حن اهلك وتهمني مصلحتك..ان كانك ماتبي يمعه محد بيغصبك.. وكانك بعدك تبي محمد .. فأني مستعد اخطبه لك مره

هدى: ههههه..لا تضحكني..
ناصر: خليك كيه..دوم البسمه على شفاتك..

نطت هدى فجاه بحضن اخوها، وهي تبكي: الله لا يحرمني منك..عسى يومي قبل يومك..

ناصر يبعدها عنه: بنات اخر زمن ..محتشرات علي العرس ههههههه

<><><><><><><><><><><><><>
<><><><><><><><><><><><><><><>

قاعد ع نار..يمشي يمين ويسار وهو يفكر هيش يصير داخل..

فجاه طلعت ممرضه..:انته زوجها ؟؟؟

سعد بارتباك: اها ..لا ..اخوها..
ممرضه: البنيه بشهرها السادس..وشكلها ع ولاده بس حالتها تستدعي نسويلها عمليه..

سعد: الزبده..
ممرضه: نبا حد يوقع عليها..ومحتايين متبرع ..

سعد: اني بوقع..و وو اني فصيلتي o تنفع صح؟؟

ممرضه: اها تنفع!! تعال معي ..

وقع الاوراق المطلوبه..وسحبو منه دم..ورجع لحالة الصمت القاتل مره..
مرن ساعات وهو ينتظر...

واخيرا اطلعت الطبيبه من عندهي سعد ينتظر الفرج: بشري بشرك الله بالجنه..
الطبيبه: مبرووك بنت..
سعد بقلت صبر: وأحلام؟؟؟؟

الطبيبه: المدام مازلت فحالة اغمى..اتمنالها السلامه..
سعد بعصبيه: هيش يعني؟؟ أحلام اشفيها؟؟

الطبيبه: راح ننتزر ساعتين بعدين بنشوف إزا محتاقه علاق تاني..
سعد مب فاهم شي: انتي هيش تخربطي؟؟ احلام حالتهي خطيره؟؟
الطبيبه: لا ..ان شاء الله راح تئوم بالسلامه..مبرووك مره تانيه..

سعد: لحظه..اجدر اشوفهي..
الطبيبه: اااامممممم..اوكيه..بس رقاءا بهدوء لو سمحت..

فتح الباب الي بينهم بسرعه..وحصلها على زاويه..

جرب منهي..وجلس ع طرف السرير وهو يتأملهي..وفخاطره يقول 'احلام الدلوعه صارت ام..'
مد ايده واخذ ايدها بين ايديه..وهو يتخيل لو انه ما جدر ينقذهي..هيش كان بيسوي بعمره...
تأمل براءتها..وهو يتذكر آلمها وهي ف سياره..

تمتم وهو يجرب منها: احلام..ألحين اجدر اقوللك الي بخاطري كله..ههه دمي ألحين يسري بعروقك..ياحظي!!

الحلم انتي متعرفي مقدار فرحتي واني اشوف نبضات قلبك على الجهاز ألحين.. انتي قلبي وروحي وانفاسي الي اتنفسها.. غبيت حبك سنين ..وما جدرت اعترفلك به..إلا وانتي مب ف وعيك.. اني احبك يا احلام..طول عمري واني اراقب حركاتك من بعيد لبعيد..
مجدرت اقولها لا لك ولا محمد ولا لأي مخلوق بالدنيا.. الله وحده يعلم بحالي..
"سكت للحظات وهو يتذكر يوم عرسها"
يوم تيوزتي راشد..حسيت انه الدنيا ضاقت عليه..حاولت المح لأمي بأني اباك لي وحدي..بس ما جدرت ..عرفت انه العادات اقووى من الي احسبه..
"البنت لولد عمها"..
"لزوم نأخذ شور ولد عمها قبل لا تنملك لغيره"
كلام فاضي ماله معنى..مجرد تحطيم للمشاعر...
تعرفي..!!
اني الي كنت ارسلك لما كنتي ف مسقط.. اني الي كنت اتويع واتحطم لما اشوف ايدك بأيد المرحووم.. لا تفكري اني دعيت عليه ولا فرحت بموته..بالعكس ..
اني اكثر واحد زعل لموته..تعرفي ليش؟؟ لأنك تحبيه..... ما كنت اباك تفقدي الانسان الي حبيتيه مثل ما اني فقدتك... احلام ..اعرف الكلام مب منه فايده..والتحسر على الي فات ضعف مب قوه.. بس صدجيني اني احبك من يوم كنا صغار وبظل احبك لين اتغطى بالتراب..
اعرف انك تحبي راشد..وبتظلي تحبيه ..بس اهم شي اني احبك..وانتي دنيتي.. احلام ..أنتي وبنتك بحايه لريال يوصنكن..واني اوعدك من يرجع ابوك ..بطلبك منه..بس عسى توافقي..
أحلام اني مستعد اربي بنتك كنها بنتي بس وافقي عليه..وافقي عليه
"ضحك باستهزاء" هههه والله اني مينون ..انتظر اجابه من وحده مب حاسه بالي حولها..
"انحنى وباس ايدها..ولما رفع راسه انصدم.. لاحظ دموع تنزل من عيون أحلام بغزاره..ونبضها يزداد"

سعد بربكه: أحلام.. "بس الوضع رجع مثل ما كان بلحظه...
دموعها بدت تجف ونبضها رجع مثل ما كان..لحظتها تأكد سعد انها سمعت كل كلمه قالها..يعني وفرت عليه مشور طويل ..
ألحين عليه ينتظر ابوها بس ..ويشوف ردها ع مشاعره الصادجه"

<><<><><><><><><><><><><><><>
<><><><><><><><><><><><><><><>
<><><><><><><>
<><><><>

بأنتظار الردود الي تبرد القلب
تحياتي همسات الحنين ...