شيخه: امي هين قرشة الماي؟
ام يمعه: ف سيارة يمعه
شيخه: وحن هيش نشرب ألحين؟
ابو يمعه: صبري يابنيه.. ألحين بنوقف عند شيشه وبنشريلك وحده
شيخه: بموووت من العطش
هدى: حشى .. الي يسمعك يقول يايه من الرمل!!
شيخه التفتت لهدى: تشب
هدى: تشبك يا الدبه
شيخه بعصبيه: الحماره تسبيني ف سيارتنا..
هدى: حماره!!
لا مصختيها.. وقف عمي بركب عند ناصر خويه..
ابو يمعه: شيخه طيجي عن بنت خالتك
ام يمعه: معليه هدى..لا تأخذي فخاطرك عليها
شيخه: ليش بقره..؟ على بالك هبله يعني؟
ابو يمعه بضيقه: شيييخخه
هدى: عمي نزلني .. اني وايد تحملتهي!
ابو يمعه: يا بنتي..
هدى: عمي الله يخليك..أني رسلت لناصر خلاص..
وقف بويمعه ع طرف ونزلت هدى وروحت صوب سيارة خوها..فتحت الباب وهي تقمقم : جليلت ادب.. من ركبت وهي رافعه مناخرها عليه..كني أشتغل عندهي
ناصر+محمد : ههههههههههههههه
هدى بشهقه : اااااه أنته
هنيه؟
محمد : لا هناك ههههه
ناصر: سكي الباب بسرعه
سكرت الباب ف اللحظه الي حط محمد شريط أغنية (ياناسي قلبي)
><><><><><><><><><<><><><><><><><><><><><><><><>
حطيت ايدي ع بطني..وصرت اكلم ولدي عن ابوه بهدوء..وكل ما قلت اسمه احس انه يتحرك..
معقوله يحس فيه وهو م شافه؟
أحلام بشهقه: تصدق يا قطعه منه.. أني لين ألحين اذكر اخر نظره له فيني.. ابوك توفى وهو زعلان مني ..تصدق اهئ اهئ آآه لو بس يرجع ثواني ثواني بس اعتذر فيها منه..(حسيت بحركه تعور )
ااااااه من حقك ترفسني .. وتعورني اآآه .. (وبديت اصرخ) تراني جتلت ابوك استاهل والله استاهل.. استاهل اموت ..امووت ااآآه ياراشد ااه يا بعد عمري..
حسيت انه الدنيا ظلمت بويهي والعوار يزيد بظهري ..فقلت مشي بريحني كثر الصلاه ..سحبت عمري سحب للحمام ..توضيت وتوجهت للقبله اول ما بديت اصلي حسيت براحه..حسيت انه صدري انشرح وعقلي ارتاح من التفكير..يمكن تكون اذيه اكثر صلاه كنت فيها خاشعه لربي..حسيت بكل ايه بكل سجود فيها..حسيت بوجود ربي بقربي..وبحمايته لي!!
خلصت صلاتي وأخذت مصحف وصرت اقري فيه.. ومحسيت ألا وساعه 9 ونص ..وخالتي بعدها ما يات..عساه خير
التفتت ع يمين يوم سمعت نغمة رساله بتيلفوني .. هيش صاير؟ اخاف افتحها وانصدم بشي أني مب ناقصه..سمعت رنه ثانيه .. مديت ايدي وفتحته
"سعد"
السلام عليكم
أحلام أني ف السبله ببات هنيه اليوم .. أي شي تحتايه دقي عليه
"سعد"
نسيت اقوللج ..أمي تعبت شويه وخذيتهي المستشفي ونوموها ..ان شاء الله باكر بيطلعوها لا تخافي أني موجود عندج..
(حطيته سياري..وتمددت ف الأرض)
اهاه يعني خالتي ف المستشفى.. عشان كيه م يات ..
تراه عادي اساسا أني مب محتايه حد عندي.. (حسيت حركه ف بطني) هه لا تخاف منسيتك..
><><><><><><><><><><><><><><><><><><><><><><><><>
يلس ع كرسي جدامه بتعب: يووه عوافي صارلنا ساعتين نخمس ف المول وما طلعتي بشي.. شو هالحاله؟!
عوافي تحط اصبعها ف حلجها: شو اسوي؟ مب متعوده اختار كندورتي بروحي..
مايد : انا اليوم بطيح ميهود بسبتج..
تيلس عداله: سلامتك.. عيل مابي اشتري شي..خلنا نسير
يود ذراعها وهو يصلب طوله: تعالي اقول..تراني امزح!
خلينا نحدر صوب ذاك المحل..
(كان محل ملابس..فساتين ودراريع)
مايد: شو رأيج بهذاك الفستان
عوافي بستغراب : أصفر؟
لا شو أصفر.. خبله البس هاللون؟
مايد: ليش شو فيه هاللون؟!
عوافي: مب ....
..: عوافي؟؟ هذي أنتي؟ ايه والله أنتي؟
عوافي بارتباك: هاه.. ميثاء؟
ميثاء تأخذها بالأحضان : هيه ميثاء..
مايد: عن اذنكم! انا بظهر من المحل.. عوافي أنتظرج هناك..بس تخلصين تعالي..
عوافي: ان شاء الله
ميثاء: شو؟ شو يابج ابو ظبي يا الدبه؟
عوافي: أنا .. أنا كنت..
ميثاء تغمز لها: منوو هالمزيون.. معرفتينا
عوافي نزلت رأسها: ميثاء ها مايد.. ريلي
ميثاء بستغراب: شووو؟ من متى؟ وليش ما عطيتيني خبر
عوافي : تعالي بنيلس هنيه وبقولج كل شي !
عوافي: و هذي كل السالفه..
ميثاء: شو هالقصه ولأ بالأفلام الهنديه؟
بس تصدجين..شكله جنتل مان
عوافي: يله عاد
ميثاء : حطي عينج بعيني .. صرنا نغار بعد!
عوافي استحت : ميييثاااء..
ابيه..نسيت مايد برع..فشيله..
ميثاء بعياره: نسيتيه ولأ ...
عوافي بغنج : فديته والله..يله عاد استحي يا بنت واجلبي فيسج عنا..
ميثاء: ههههه بس بسير لا تأكليني هههه
عوافي تطبع بوسه ع خد ميثاء: فرحت بشوفتج ياريحة أهلي..
(طلعت برع وهي خايفه مايد يعصب عليها..طالعت يمينها حصلته عند الكافي.. جربت منه واقعدت قباله..)
عوافي بخجل: مايد انا آسفه.. بس ...
مايد بهدوء : اشششش .. ادري..وأنا حاس شو تبي تقولين .. عادي فديتج .. اقسم بالله لو تجلسين لأصبح .. بتحصليني بمكاني هذا اتحراج ..
(مد ايده تحت الطاوله ويود جيس هدايا أحمر..سحبه وحطه جدامها..)
مايد : هاي هدية زواجنا .. يودي لا تستحين
عوافي مدت ايديها وحطت الجيس عدالها : مايد ..
مايد: طيب شوفيها ع الأقل!
عوافي: مايد اسمعني..
مايد : أوكي..مثل ماتبين رمسي اشوف..
عوافي: مايد انا .. من توفى هزاع ماذقت طعم الوناسه ابد ..
مايد انا ..من دخلت بيتكم .. تغيرت حياتي كلها ..صرت ارمس بالي ف خاطري كله.. ألعب مع عذراء واعوض طفوله فاتتني..خلال هالشهور الجليله حسيت بطعم الحياه ...
(نزلت رأسها) مايد.. أنا .. بحياتي محد قالي أحبج ..غيرك..
بحياتي ماحسيت بهالأحساس صوب أحد غيرك..
مايد ..
(بلعت ريجها)
أنا أحبك .. أحبك مايد .. وبحياتي وماراح أحب أحد غيرك..
مايد ابتسم ع جنب، نزل رأسه ورفعه بسرعه: هههه نذاله يعني؟
عوافي بصدمه بريئه: شووو؟
مايد والأبتسامه ع محياه : تقولين هالرمسه بوسط المول .. عسب ما اجدر اخذج بأحضاني؟!
عوافي بضحكه اسرت قلب مايد : هههه.. احسن .. هههه
مايد: سرينا
عوافي بستغراب: وين؟؟
مايد بضحكه: هههه البيت يا بعد روحي .. اليوم بيكون غير .. يوم ما عشتيه بحياتج..
يود ايدها .. ومشى معها مشي سريع .. وكأن السياره تبعد أميال ..و هب راضيه تقرب منهم!!
عوافي : هههه فديتك.. وفديت هبالك!
><><><><><><><><><><><><><><><><><><><><><