ليش نحن دايم نحكم على الناس بمظهرهم بدون ما نعرف الجوهر!
ليش دايم نعامل الناس بمستوى عقولنا!
ليش اذا واجهنا انسان تعامل بأسلوب جاف شوي او استفزازي نرد عليه بالمثل ويمكن زود!
كم من المرات تعاملنا مع أشخاص وقلنا
//أخيه وع شفتي كيف أسلوبها شفتي كيف كنها غبيه م تفهم
شفتي كم مره أقولها السالفه وبعدها م استوعبت//
هو كل الناس بعقليه وحده؟
كل الناس متساويين فالعقل والفكر؟
كم من مره تطنزنا على ناس ع مستواهم التعليمي؟
هو كل الناس متساويين في قدراتهم وقدروا يجيبوا نسب عاليه؟
هو كل الناس أذكياء؟
هو كل الناس عندهم القدره الماديه انهم يكملوا على حسابهم الخاص؟
هو كل الناس بصحتهم ؟
ليش نحن دايم نفكر بعقليتنا أو أكبر
ليش ما نراعي الفوارق فالسن والفكر والتربيه.
كم من مره قلنا
//ابوي قالي كذا او امي سوت لي كذا أهلي كذا اشتروا لي وعملوا أهلي هالشي أهلي أهلي أهلي أمي أبوي//
هو كل الناس عندهم أبآء أحياء أو أمهات؟ او كل الآبآء يقدروا يوفروا لابناءهم كل مطالبهم؟ او كل الآباء عطوفين بعيالهم؟
لحظات كثيره واسئله تخلينا نتألم وندرك كم من المرات وقعنا فهالخطأ!!!!