طبعا راح نحتاج الى دجاج مقطع قطع صغار بس مب وايد وسط يعنى احسن عشان التتبيله
روب + ملعقه فلفل أبيض+ ملعقه زعفران + عصير ليمونه وطبعا راح نحتاج الى بصل حبه وحده ونقطعه قطع صغار ونحمره فوق الزيت نصف استواء مايكون مره بنى بس اشوى ونظيف له ملعقه واحده من الكركم وبعدين نخلط كل ها المكونات مع بعض ومعهم الدجاج طبعاوحطوه فى مله كبيره وسكروها وخلوها فى الثلاجه تقريبا 3 ساعات .
واما العيش كيفكم كثر ما تحبون بس وانتو تسلقون العيش على النار حطوه فيه ملعقتين من السمن وشوى من الزيت وملح طبعا وخلوه ينسلق لين يجهز شيلوه من النار اوكى بعدين فى نفس الجدر حطو ملعقتين من السمن وملعقه من الكركم وعصير ليمونه وبصل حبه وحده وحمروهم عدل اخر شى ظيفو نصف كوب او كوب من الشبت المقطع والكزبره والبقدونس المقطع قطع صغار وحركوهم مع بعض لين اتحسوهم اذبلوا اشوى ضيفو له العيش الى سويناه قبل وحركوهم مع بعض وبس وقدموه مع الدجاج بالطريقه الى تحبونها وان شاء الله يكون كلامى مفهوم واتمنى تجربونه وتدعون لى ..
هاى تتبيله الدجاج
وهنا لما تم قليها بالزيت
هذه صوره العيش بعد سلقه
هاى السلطه مالتنا
وها طبقى اتمنى يعجبكم