|
{ •° مـاضـي البـداوه لا حشـا مانمـله ! °• }
السلام عليكم ورحمة الله وبركاته
يقول الشاعر : [color="sienna"]تاوةٍ ومحمــاس ونجــرٍ ودلــه ،، ودلـــةٍ مـــن الرســلان ممـــلاية اقنـــــاد و بيـــت الشِّعر مبناي من فــوق تــله ،، وحظـــيرةٍ فيهــا معـاميــل وعتــــاد ., والضيــف لــي يا فالحظـــيرة مــــحله ،، لـي من لفاهم ضيفٍ عاني وقصّاد يا مــا حـــلا فنـــيال ذيك المـــزلّه ،، اللــــي مـــسوّايه علـــى يَمـــر لوقــاد هـــذي وصـــوف البدو يا فاهم له ،، وصـــف الــــبداوة ليتــــه لنــــا عــــاد وذبيحـــةٍ للضيــــف مذبـــوحةً له ،، وزقــروا على الضيفان لي قرب الـزاد ., يجلس كبير البيت مع خاطــــــرٍ لــه ،، وخــــلاف يتعشـــون باقيـــن لـــولاد وعقب العشا ردوا لحظيــرةٍ لـه ،، وبــدت سوالفــهم عــن رســـوم لجـــداد ., راعي البحر يرمس عن ماضيٍ له ،، ولبدوي يسـولف عــن خيــار لجيـــاد والعيال شلوا ملةٍ فوق مله...وحلبـــوا مــن الخلفــــات لـــي معهـــم تـــلاد يابوه حق الضيـــف في مجـــلسٍ لــه ،، ثـم اغتبــق لنّـــه على نيّـــة رقـــاد الضيــــف قــــام وطــــاب في مرقدٍ له ،، وكــــل واحد منهم الى منزله عاد ., والصبح كلٍ قرّب فوالـــةٍ لـــه ،، وتجمّـــعوا وســـط الحــظيرة على الــزاد مع ضيفهم ودّوا له اكرامةٍ لـــه ،، ثـــم ودّعــــوه وروّح الضيـــف قـــصّاد يا زينهم ون ييتهم في المـــــحّله ،، لا واشيـــن معـــهم ولا شـــي حســــاد لي ييـــت تلقى بو عيـــونٍ مثلـــه ،، يرضّـــف تراحيبـــه مــلايـــين بعــــداد ., بــو عيـــونٍ ســودا والهدايب مظلّه ،، والخــــشم ســــلّه بيـــن حياةٍ اـعقاد امفقــــره عازل عن العود ظله ،، وشــــلت اهــــدابه كنهـــا جيوش بعـــتاد ., ما حط هاتف ما سكن وسط فله ،، بيت الشـعر سكنه مــــن تـــراث ليــــداد يعرف ســــلوك اهله وماضيه كله ،، ويعلّـــم عـــياله مـــن عيـــال لــحفـاد ., والبنت تاخذ من العيوز الادلــه ،، وبنت البـــدو تفــرق عـن بنـــات البــــلاد تحطــــب وترعى وتروي محله ،، وتقــــدم التـــرحـيب لـي رجـــلها عــــــاد ., خطرٍ عليــها مـن ذلـــولٍ تشـــله ،، غالــي معـــاها ســـاكن بلـــــب لــــفواد بـه رحــبت به ســاعة رجع في محله ،، وتبادلواهمس وسوالف على التـاد ., وبنــــات هذا الجـــيل لا ما صفـــــن له ،، تركــــنه المــاضي وردن للبــــلاد تلفــــاز مــع هـــاتف ومـــوتر وفـــله ،، وبشكـــارةٍ متخــصصة حق لـــولاد ., حتـــى ولـــدها لي بكــى ما تشــــله ،، ومــــن طــاح ماكل من يديها بعد زاد يلقـــى اللطافة عند خدامــــةٍ لـــه ،، وان سفّـــروهــا ما هنـــا حــقه رقـــاد ., ولــي مــن ضوا الريال قامـــت تذله ،، وتـــريد خـــدامة يـــديدة من البـــلاد ويقول حاضر وامرها خاضــــع له ،، تكفيـــن بنت العــــم يا لــــب الفــــواد ., ثـــم يــــاب خـــدامة عــلى طلبـــةٍ لـــه ،، بـــنتٍ جميــــلة وزعلــت ام لولاد يا خــوي ياك الجيل رجواك هله ،، رجـــواك وضـــح في تمــاثيل لنشــــــاد خــــل جيلـــــنا يــــرجع الى ماضـــي له ،، ويتـــرك علـــوم قد وفدت لـلبلاد ماضي البداوة لا حشــا ما نــمله ،، ولي ما تبــــع ماضــــي يداده فـــلا فـاد |
والبنت تاخذ من العيوز الادلــه ،، وبنت البـــدو تفــرق عـن بنـــات البــــلاد
تحطــــب وترعى وتروي محله ،، وتقــــدم التـــرحـيب لـي رجـــلها عــــــاد صــح لســآن الشـاعر .. تسلم يمنـــآك ع الطـــرح ..~ |
اقتباس:
الله يسلمج اختــــــــي~ ويعطيج ال عاافيه على المرور الطيـــــــب |
خــــل جيلـــــنا يــــرجع الى ماضـــي له ،، ويتـــرك علـــوم قد وفدت لـلبلاد
ماضي البداوة لا حشــا ما نــمله ،، ولي ما تبــــع ماضــــي يداده فـــلا فـاد ياعيني ياعينيي صصح لسسسانهم وربي لاهانهم ع المنطوق الغاوي ابدعو الصراحه وكل حرف صحيح يسسلمو ع الانتقاء الراقي والجميل لاهنتي حيأإاج.~! |
اقتباس:
اللــه يسلمـــــج خيتي~ بس انا ولد مب بنت~ |
ولــي مــن ضوا الريال قامـــت تذله ،، وتـــريد خـــدامة يـــديدة من البـــلاد ويقول حاضر وامرها خاضــــع له ،، تكفيـــن بنت العــــم يا لــــب الفــــواد يـــأإ ســـلأإم صح لســـــــــأإن قايلهـــــأإ أإبداع الصــرأإحـــه تسلم أإخويـــــــه ع الطـــرح الغــأإووي نتريـــآ الزود م جدأإكـ مرت م هنـــأإ >< ريمـــأإني |
اقتباس:
ردج الغااوي أختــــي~ الله يسلمج ويعاافيـــــج~ يسلموو على المــــرور الــــروعـــه~ |
هـــذي وصـــوف البدو يا فاهم له ،، وصـــف الــــبداوة ليتــــه لنــــا عــــاد
وذبيحـــةٍ للضيــــف مذبـــوحةً له ،، وزقــروا على الضيفان لي قرب الـزاد يعطيك العافيه يا بوو عون |
صح لسان قايلهــاا وتسلم ايد اللي ناقلهــاا تقبلينيهناا خيتي |
صح لسااان الشااعر وصح اللساان الطاارح تسلم أخووي ع هالطرح الراائع وربي لايهين جدرك تقبل مروري المتوااضع |
| الساعة الآن 12:36 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][