|
أهم قــوانين الطبيعة
السلام عليكم قانون الاصطفاف : إذا صاف في طابور بطيء وقمت غيرته، طابورك اللي غيرته فجأة يصير يمشي أسرع من اللي انت الحين فيه قانون التلفون : عمرك ما تتصل على رقم غلط ويطلع مشغول قانون التصليح : بعد ما إيدك تتزيت وتتوسخ من الشحم ودهن الماكينة، خشمك يبدأ يحك قانون المعدات : إذا طاح من إيدك أي شي، تأكد انه بيظل يتـدحرج إلى أن يوصل لمكان ما تقدر تطلعه منه قانون الأعذار : إذا تأخرت عن الدوام وقلت لرئيسك أن كان عندك بنشر، اليوم اللي بعده يبنشر من صج قانون المسبح : بعد وضع جسمك في الماء، يبدأ التلفون يرررررن وما يسكت قانون الالكترونيات : إذا أخذت جهاز عند مصلح تبي توريه انه ما يشتغل، حزتها يشتغل أحلى كلام قانون السينما : اللي حاجزين كراسي في النص لازم يجون آخر ناس ويدوسون على رجولك قانون القهوة : أول ماتجيب لك كاس قهوة ساخن، يجي رئيسك ويعطيك شغلة ما تخلص الا لما تبرد قهوتك قانون المصادفات : إذا كنت مع واحد ماتبي حد يشوفك معاه، فجأة كل اللي تعرفهم يطلعون من كل مكان قانون الأقساط : إذا عندك سيارة أو طراد أو أي سلعة مطلوبه للأقساط،،، مجرد أن تنتهي الأقساط تخترب !!! قانون الزواج : بعد شهرين من زواجك... يسألونك ها في شي بالطريج ؟؟؟ قانون المعاش : آخر الشهر لازم كل العزايم والهديا والطلبات تزيد ) حبكت يعني(!!! قانون الطقس : لازم بنهاية الاسبوع وانت حدك متحمس بتطلع حداق أو تروح البر مع الربع يصير الجو هوى وغبار وحر و رطوبة بمعنى ثاني الفصول الاربعه بيوم واحد و أخيرا قانون البحث : إذا حبيت تدور شي معين(ما تلقاه).... مع إنك كنت كل يوم تشوفه مجابل ويهك ؟؟ biggrin أخوكم " ظبي جعلان " |
اية والله صح
شكرا على هالطرح المميز |
موضوع حلو وواقع
|
اخونـــــــــــا ظبي جعلان ... من صــــــــــــاحب هذا القوانيـــــــــن؟!!
|
صــــــــدقت اخوي هذه قــــــوانين تنطبق علينــــــــــا في حيـــــــــــاتنـــــــــا .....
لا هتت ع طرح المميــــــــــز ـــــــــــــ بإنتظار الجديد تحيأإتي |
و أخيرا قانون البحث : إذا حبيت تدور شي معين(ما تلقاه).... مع إنك كنت كل يوم تشوفه مجابل ويهك ؟؟ ههههه يسلمووو خيووو عالموضوع الفرفوش...^_^ |
قانون التلفون :
عمرك ما تتصل على رقم غلط ويطلع مشغول هههههههههههههههههه مشكور ظبي جعلان علا الموضوع تسلم |
اقتباس:
دقدي دقدااا عفوا smile. |
اقتباس:
smile. |
اقتباس:
|
| الساعة الآن 05:45 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][