ذكريـــــــــاتي
 

مسا الخير لاحلى منتدى

شحالكم اعضاء وعضوات المنتدى

عساكم بخير وسهاله36_19_1[1].

تتذكرووون ؟! .... ما تتذكرون !!! .... افااااااااااا مب وايب منكم ما تتذكرون زمان اول وايامنا زمان من منكم يتذكر امي العوده لما كانت تيلس ويانا وتحكي لنا كيف كانت تصحى من الصبح وتسير السيح تدور الحطب وتمشي المسافات الطويله عشان تييب الماي الحلو ....
من منكم يتذكر لما كانت بالليل تيلس تحكي لنا حكاياتنا الي كانت اغلبيتها الصراحه عن الجن والشياطين وقصص البحر والبحاره انا امي العوده كانت تغني لي غناوي زمان وتلحنها بالحان الماضي
من منكم يتذكر لما كان ابوي العود ينازعنا لاننا ندوور بالشمس ويقول لنا " بتطيحوا غشيانين من الشمس " ويتم ينازع ويزاجر ويهدد ونحن طبعا من شيطنتنا مطنشين بس العصر نسير له ونحن نضحك ونكركر ويرضى علينا بسرعه ويعطينا من الحامض الي بمخباه ونحن طبعا نستانس
من منكم يتذكر ايام زمان وكيف كانت امهاتنا يربطن مياتنا بلواسيهن عن يضيعوا تتذكرون

الصراحه جالسه اتذكر ايام اول وحبيت انكم تشاركوني بهذه الذكريات ها حبايبي من منكم يتذكر

شاركوني ذكرياتكم الحلوه عشان نعيش زمان اجدادنا من يديد شو تتذكرون عن ايام اول وشو كانوا يحكون لكم

لا تبخلون علي بردودكم الحلوه

انا اختكم
شواطي الاشخره
36_3_11[1].36_3_11[1].36_3_11[1].

والله حلو بس انا ماذكر حد قالي شي لان ماشفت يداتي كلهن توفن قبل عن اشوفهن..

بس الصراااااااحه ايام زمان وايد حلوة ...

يالله احنا مانتذكر شي انت خبرنا ..

تسلمين والله شواطئ الاشخره
ذكرتينـــــــــــــــا
بس بصراحه ماتذكر شي عن يدانيـ
بس اتذكر ابويـ لما يصارخ علينــــــــــــــــــــــــا
ههههههههه

راحتـ الايامـ
لمانركض ف الشمس بدون نعالـ
وثيابـ محلطــــــــــــه
هههههههههه

تسلمين محد شراتي
نورتي موضوعي
وفعلا الذكريات وايد حلوه

حلوه هاي وثيابنا محلطه
صدق انها ذكريات حلوه
والله زماااان
تسلم اخوي الزعيم عـ المرور

ايه والله
عاااااااااااااااد الشعر كشه
لا كريمـ ولا مشط متروووس ترااااااااااااااااااب
هههههههههههه

هيه والله ما كنتوا تعرفو المشط
اما نحن كان في نوع دهن يدهنوه بشعرنا
وحليلنا يترسون شعرنا كله دهن ويخلونه جي
هههههههه
كنا مدهنات فعلا ابتسم لما اتذكر هالامور الحلوه

زيت نارجيــــــــــــــــلـ تقصديـ
ههههههههههه

هيه ها نوع وفي نوع ثاني
مدري شو اسمه غرشته شفافه وعليه غطا اسود مذكره بالضبط
ايااااااااااااام بس صدق كانت ايام
تتذكرون قطعه السكر الي يعطونا اياها
خخخخخخ
كان اليهال كلهم يستانسون بها الا انا
ما عجبتني ابد مدري ليش
الحين اشتاق لها

هههههههههه..حلوه زيت نارجيل..

اناا الصرااحه اتذكر يووم يصرن الفلووس ف لواسيهن..
واتذكر كل عيووز تسير تسلم عليهاا تعطيك 100 بيسه او حامض صوور(لونه بنفسجي)..
عشاان جي كناا نطيح عند العياايز..
واتذكر يووم نيمع فلووس (50 بيسه)حق الهبطه..ههههههه
والله انهاا اياام ولا احلى..
تسلمين فديتج على هالموضووع الغااوي..