قصة فتى بني ياس
 

السلام عليكم شحالكم

وعلومكم

مشي خبر :d

تذكرت قصة صارتلي فالصيف الماضي


القصة تبدأ باتصال ياني من ربيعي يقولي شرايك اليوم نسير الرملة لان الجوة كان رطوبة بس فالرملة الجو كوس المهم انا قلت اوكي

طلعنا ويا الشباب وكانت الساعة تقريبا 2 الفجر

وقفنا فوق عرق وكان الجو عجيب مرررة

كنا نسولف وفجاة الا نشوف راعي نيسان يديد يمكن موديل 2005

لونه أبيض تلحقة 5 دوريات نعم 5 دوريات ؟؟؟؟؟؟؟؟

شو السالفة شو سوا راعي النيسان انا قلت ادكيد ياقاتل يا مسوي شي

وشرد المهم ترى المكان اللي يالسين فيه جريب من الشارع يعني نطالع بوضوح شو اللي يصير انزين تخيلوا معاي الموقف النيسان جدام ووراه 5 دوريات وكان الشارع سيد ورونج سيد يعني شارع واحد في نفس الوقت واحد راعي نيسان جديم ياي من العكس (مواجه النيسان وجه بوجه)

تخيلوا يالربع دعمه وجه بوجه والله اني ما ابالغ يمكن كانت السرعة اكثر من 160
السيارتين فالهوا والله انا ما صدقت اللي شفته تجلبوا واحد يمين الشارع والثاني يسار الشارع

الحين السؤال منو هذا راعي النيسان اللي دعم شو من قلب فيه؟؟؟

المهم احنا اول ما شفنا الحادث على طول ركبنا السيارة وسرنا صوب الحادث

اول ما وصلنا الحادث والله منظر فظيع اول مرة اشوف حادث بهذي الفضاعة

راعي النيسان الجديم طلع من التحريات وعنده ربيعة مساكين كلهم ماتوا
على طول وراعي النيسان اليديد اللي شارد من الدوريات كان بعيد شوي سرنا صوب سيارته والا نسمع صوته يصارخ (طلعوني بموت طلعوني يا عيال ؟؟؟ طلعوني )

انا قلت مابا اطلعة اخاف اتوهق ويصيرله شي واكون انا المسؤول

المهم واحد من الربع قلبه قوي وفي نفس الوقت حنون ما قدر يستحمل سار وكسر دريشة وطلع راعي النيسان اول ما طلع قعد يزووع دم؟؟

وريله الثنتين مكسورات منظر يلوع بالجبت

المهم انا شفت شي غريب كانه راعي النيسان سكران ؟؟

هيه والله طلع سكراان تخيلوا جا الشرطي بطل باب النيسان ويطلع غرشة خمر طولها ذراع ونصها مشروبه

السالفة طلعت انه كان يسوق وهو سكران ودعم هندي والهندي مسكين مات وبلغوا عنه .


==========
======
اكيد بتقولوا شو استوى عقب

شهر 10 من السنه الماضية حكموا عليه بالاعدام لانه قتل 3 اشخاص

وهذي كلها القصة


اخوكم فتى بني ياس

معقوله هذي القصه صارت ف عمان

كل شي يستوي لكن كل التحريات والامور تستوي بسرية وما احد يعرف

يسلمووووو عالمرور

القصة فالامارات

معقوله هذي القصه صايره فعمان.........
الله يرحم اللي ماتو........

وهذي عبره لكل شخص.......

مشكور أخوي على هذي القصه الرائعه

يسلموووووووووو عالمروور

يعطيك العافيه...

تسلم فتى بني ياس ع القصه

لا حول ولا قوة الا بالله

لو كنت مكانك كان مت من زمان