اهداء لكل المتينات
 

اهداء لكل المتينات...........خصوصا اللي في بالي

الرجاء من النحيفات لاتزعلن هذي الصراحه :D

للزين قالوا مـن قديـم علامـات
عين ومبسم والجسـم والرشاقـه

لكن كسـر هالقاعـده هالمتينـات
من واقـع ماهـو كـلام وبلاغـه

اللي محليهن ولـو هـن ثقيـلات
دايم خفاف الـدم وفيهـن لباقـه

الله ياهـن ياجماعـه لطيـفـات
وعن الكلام الحلـو فيهـن طلاقـه

ماهو ضروري بالرشاقه رشيقـات
وزود الوزن ماهو بيعنـي إعاقـه

صحيح بعض اللبس يعني إهانـات
الـوزن بالضيـق عديـم العلاقـه

بس مو ضروري يلبسن استرتشات
يازينهن واللبس وااااسـع نطاقـه

لابارك الله فيك يالضيـق بالـذات
ترى السعه مـرات تعطـي أناقـه

قالوا الرجيم اليـوم هـم البنيـات
قلت الرجيـم أدري يبيلـه فراغـه

وقالوا الرياضه قلت ماهن مريضات
للسكـري لا مامعـهـن بطـاقـه

قابلهن الله بلا رجيـم ورياضـات
بهديلهن مني مـن الـورد باقـه

هن دفء هذا المجتمع هن رقيقات
هن ملح هن سكـر لذيـذ مذاقـه

هن لا سألتوني عن الحب بسكـات
بأقول فيهـن عـن الحـب طاقـه

ماهو كلام اللي كتبتـه واشاعـات
انا ربطتنـي مـع متينـه علاقـه
:rolleyes: :rolleyes: :rolleyes:

مشكووووووووووور
وان ايضا متييييييين لكني شاااااااااااااااب

حن برع القائمة يعني ما شي قصيده حجنا

هههههههههههههه

حتى المتينات ما نجوا من شرك

اووووووووووووووووين
عاد والله سويت فيهن خير
زين انهن لجن حد يتمدح فيهن