|
كيف تعرفت على صديقك؟
السلام عليكم و رحمة الله و بركاته حبيت اكتب موضوع يتعلق بالصداقه ، ليش اني شايفه نفسي بصديقتي_الله يخلينا لبعض دوم_ الصداقه هي احسن شي بالعالم واللي ماعنده صديق بيكون فاقد شي كبير -> يلعن ابو التفلسف طيب بما اني ما اعرف للرسميات وتصفيف الكلام ببدأ بالموضوع سيده انزين السالفه وما فيها ابي كل واحد يخبرنا كيف تعرف على صديقه الصدوق. وببدأ بنفسي بصراحه انا ما كونت صداقه الا بعد ما خلصت من المدرسه ، واللي هو لما صرت بالكليه حتى صديقتي الغاليه ماكان عندها اصدقاء بس في ناس قريبين منها حيل . طيب احنا عشنا ويا بعض بنفس الشقه كنت دايما اشوفها معصبه ويمكن تكون العصبيه هي اللي جمعتنا ويا بعض بس انا كان في جانب يحب الضحك و المزح واحب اتعرف على الناس بس بسطيحه وهذي البنت ما حد وياها ابد بالبدايه كنت راحمتنها وبعد سنتين صار وانتقلنا لشقه ثانيه وسكنا بنفس الغرفه وعلاقتنا تمام علما اني صرت اعتبرها قريبه مني بس هي بعدها لانها ما تأمن للناس بسرعه، المهم في مره كانن البنات بالمطبخ وانا بالسطح جوني ركض يخبروني انه هالبنت تعورت براسها بواحد من دروج المطبخ وطلع لها دم وانهن بالغلط بدل لا يحطن لها كركم حطن لها فلفل طبعا انا ودرت كل اللي بايدي وجيت لها ركض اسأل واتصل عشان ياخذوها المستشفى ولا تضحك هي والبنات ويقولن سوينا فيك مقلب، بعد ما لعنت خيرهن جتني تعتذر وتقول انه ماعمرها شافت الخوف عليها بعين حد كثر ما شافته بعيني واني كنت شوي وبصيح من الخوف ومن يومها واحنا اكثر من الاخوات . ومع انه تفرقنا من سنين بس التواصل دايم بينا ترررررررررررررررررررا نهايه سعيده يالله خل نشوف سوالفكم |
شكرا ع الموضوع حلو الصراحه.
المهم. عندي وااااااااااااايد زميلات وربيعات بس صديقه بمعنى الصداقه يعني: رفقه دايمه وأسرار ومشاركه فحياتي الاجتماعيه والخاصه نوووووووووووووووووووو محــــــــــــــــــــــد |
ان شاء الله يصير عندك بالمستقبل وتسلمين على المرور |
طرح راائع عزيزي يسلم قلمك بما طرح من كلمات
وفقك الله |
تسلمين صدى الاهات منوره الصفحه |
فكره روووووعه
عسوله أحس المفروض ينقل لملتقى الاعضاء مدري عاد الاربابات وترتيبهم |
أنا أقولكم أشلووون
تعرفت عليهـ>> كنت مره ماشي للدكاان وشااافني فقال لولد خالتي أوووصف لي ولد خالتك >الي هو أنا ..فوصفني له وبعدين قاله بلغه إني أبا رقمه فبلغني وقلتله أعطيه عاادي فتراسلنا وبعد كذيه تعرفنا على بعض فأكتشفنا أنه شخصياتنا متشاابهه ..ومن بعدها صاار صديقي المقرب الي أوثق فيه ويوثق فيه. وهذي مختصر الساالفهـ||~ يعطيك العاافيهـ جبن وعسل||~ مع التحية |
شكرا ع المرور
حللللوة سالفه الرقم شلال |
حلوه الصداقه حيييييييييييييييييييييييييل تعرفت ع صديقتي من بعد ما اتقلنا للمدرسه الثانويه وطبعا كل المدرسه متعددت المناطق والقرى وبدت صداقتا من اول ثانوي يعني عاشر والحمدلله بس مرات نتغلى ع بعض بس ما نقدر نفترق .
ربي يديم كل الاخوة في الله |
تعرفت ع صديقتي من الولادة للحين وهي مامينا وربي يخليها لي وامهاااااااااااااااااااات الجميع
تسلم ع الطرح |
شلال الورد الجاريه ضحكة امي والمغتربه بعد، تسلموووون ع المرور منورينا |
صراحه انا بنت احب التعرف ع الناس وااااااااااايد..
يعني عندي كم هائل من الصديقات، بس اعز صديقه تعرفت عليها بالمدرسه لما كنت بثالث عدادي يعني 9 ..كانت ولا زالت -في بعض الاحيان- وحدانيه. بس الكل يقول انه من بعد ماصارت ربيعتي صارت تحتك بالناس ووووواااااييييد..بس تجيها هبات مثل مايقولو، اتمنى انه نبقى ربايع لين ما يوقف الدم الي يسري بوريدي... ...(فديتني انا حبوبه) .. |
الله يخليكم لبعض الغلا ولا يفرق بينكم ابد |
تعرفت على أقرب صديقة لي ف الجامعة رحنا مع بعض أول مرة ولأنه ما نعرف أحد سكنا مع بعض ،، ومن هذاك صرنا ما نفترق ولا نتزاعل مع أنه درسنا بنفس المدرسة بس هي بصف وأنا بصف ،، وعلاقتنا كانت مو قوية يسلمووو فطيرة الجبن والعسل أحبها هالفطيرة:vb99: |
تسلمين ع المرور و زين اني ما انأكل |
| الساعة الآن 02:06 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][