|
<ِماني من اللي تنحني بسهولة لي هامه يخضع لها الذل ويهينٍِ>
السلااام عليكم
حياكم الله في مدونة بنت المضيبي هنا اخباري وكل جديد وان شالله تستمتعو معي وتستفيدو تحياتي لكم |
السلام عليكم
اليوم الاول من يوميات بنت المضيبي في المدونة طبعا يبدي اليوم من ساعه 12 س 12: اكيد ف سابعه نومه س 1: احلم خخخخ س4: لازم بقوم بشوف الساعه بقول الحمدلله بعده الصبح برقدلي شوي << هذي يوميا ومعرف ليش اقوم>> س: 8:30 قمت من النوم واللي قومني خواتي اسمعهن يتريقن ويحشن فيي اسمعهن يقولن ماسوت شي ف الاسايمنت تدخل المنتدى تلعب والمسن جالسه تقول عندي شغل وهي تلعب وامي تقولهن لا تشتغل وهنه يعطنهي كلاااام عني المهم قمت وع طول ع الصاله من وين يتريقن وقفت ع الباب وحاطه ايدي ع خاصرتي واعطيهن نظرات خاصه الامبراطوره وبنت السلاطين وامي تقولي وش فيها العين مدحوره واختي الكبيره تضحك شوي ويقولن انتي قمتي قلتلهن اها وسمعت كل شي وحاطاتلي انظف البيت من داخل ويقوللي بسج مكر اونج مشغوله وانتي جالسه تلعبي سويتلهن حركات ورحت اغسل ورجعت اتريق وسوالف جلست اسولفلهن عن مواقف الشغل من متى صايره واليوم قررت اخبرهن مع انهن ما يستاهلن اضحكهن جالسات يتكلمن عني بعده نص الكلام ما خبرتكم عنه حواااطه وما تجلس ف البيت كله مع ربيعاتهي حتى مع امي ما تجلس وغيره من الكلام المعسول ^_^ انزين خلصت ريوق ورحت الغرفه فتحت الابتوب ويبت الفايل مال الكليه وطلعت من وين تحس ورقه فيه اونه اشتغل ع الاسايمنت خخخ المهم يات اختي الكبيره نظفي ابيت قلتلها مشغوله وعادي تفاهمت تصدج بسرعه خخخخ بعدين يات الامبراطوره قومي نظفي قلتلهي مشغوله قالتلي خلي عنج قومي قلتلها ما بقوم قالتلي محد بينظف غيرج واذا ما نظفتي اختي الكبيره بتنظف خيلي ع ويهج وروحت رحت وخذيت لابتوبي ولملمت اوراقي وطلعت صوب بنت اخوي عشان تنجر الامبراطوره تنظف خخ وقبل لا اطلع مريت ع الامبراطوره قلتلها بااااااااااي اني رايحه عند بنت اخوي اذاكر مع حركااات حلوووووه للمغايض هههههههههه (اني عادي انظف بس ياي ع بالي اعاند) رحت عند بنت اخوي وجلست هناك تقريبا ساعه ورحت البيت قلت بغايضهن شويه وبرجع كم كلمه مني وكم كلمه منهن وكم حركه مني ورجعت (بردت فوادي هههههههههه) قالتلي بنت اخوي بتتغدي معني قلتلهي اوكي قلتلها بروح اصلي وبرجع قالتلي صلي هنيه قلتلها لا ف بيتنا اوجر الصلاه هههههه قالتي لا يكون بيتكم المسجد النبوي وروحت عنهي هههههههه رحت وتناقرني شويه اني وخواتي البغيضات احم احم اقصد العزيزات وصليت ورجعت وفتحت المنتدى والمسن شوي وطلعت اشتغلت ع الاسايمنت ورجعت العصر عندهن حضراتهن يتابعن مسلسل تركي بنات اخوي واختي الكبيره وامي بعد خخخخ والامبراطوره وبنت السلاطين جلست شوي وقمت اعار بنت اخوي بنت 6 سنوات اسوي ازعاج لاااااااه وقامت طولن لسانهن وبندت التلفزيون ورحت خخخ ترا تييني حاله لما يكون عني اسايمنت وضغط احس بكروب وتزيد ربشتي ف البيت خخخخ المهم صليت المغرب ورحت عند بنت اخوي بعدين رجع البيت تابعت مسلسل صبايا مع انه ما اتابع بس اقضي وقت وبعدين دخلت المنتدى وبعد شوي بناااام هذا يومي بالكامل للي يقولي سوي مدونه خخخخ اباهم يملووووو يكون يقولولي سكري مدونتج بسنا هههههههههه المهم هذا اول يوم قلت اخباري بالتفاصيل لطربة يوووم بس اتوقع الايام اليايه ما بسوي ^_^ |
السلااام عليكم وتستمر الأكشنات ف يوم جديد من يوميات بنت المضيبي طبعا يبدي اليوم من ساعه 12 س 12: اكيد ف سابعه نومه س 1: احلم خخخخ س4: لازم بقوم بشوف الساعه بقول الحمدلله بعده الصبح برقدلي شوي << هذي يوميا ومعرف ليش اقوم>> كوبي بيست من اليوم الاول عياااز ما يحتاج تقروه غمضو << عيل ليش حاطتنه >> عشان يطول يومي خخخخ المهم س ؟؟؟ ما شفت الساعه تييني بسمه بنت اخوي والامبراطوره مطر مطر مطر رديت عليهن بعصبيه زين تراني اعرفه اعرفه << حتى اني ما اعرفه بس من الضيجه حتى اونه قايلتلي شي جديم سكتن وروحن كأنهن خزن ههههههههههههههه وكملت رقادي وس 8:30 قمت والمطر بعده ينزل والجوووو رهيب مع شوية برد وتريقت وع طول رحت افتح المنتدى <<< كأنه بيطير عني المنتدى ولا عن ما اواحيله زين فتحته نظره عامه وحصلته ممل وطلعت كنت ناويه اروح مسقط عشان المعرض متفقه مع بنت اخوي وزوجها بعدين سمعت انهن يخططن لرحله ^_^ كنسلت عن شومة مسقط قلت الرحله ما تتفوت مسقط 24 ساعه فيها الموووهيم بنت السلاطين جالسه تمشط شعرها ييت وامسكها من شعرهاا وامطها ويايه ابى اطير ولا تيي وقبضتني قبضتن حلوه نص شعري طبق ف يدينها << حو عليها محد يستانس يسويبها شي اهاايي عمري بطير و طاحت فيي وعورني راسي قمت ابكي بالسر خخخخ ويبت وساده وتسدحت واصيح رااااااااااسي ااااه ياا راااااااااسي سمعتني امي عاد امي كله ولا يعورني راسي اطفربها لين يصح تسويلي مساج و فكس وتقرا علي لين يصح قالتلي الحين صدج يعورج راسج ولا متمكره <<< خزتبي سكتت ما تكلمت قالت بنت السلاطين اهااا صدج وهي ندمانه وامي نازعتني من ينونج هين نوج تركضين وتضاربين مستويه كأنج صغيره << رد يسكت ما تكلمت خخخ المهم تسدحت شوي لين خف وقمت اتجهز رحنا ركبنا السياره ولفينا الدكان وف السياره كله مناقره اني والامبراطوره وبنت السلاطين معرف ليش صايرين كذيه ف العاده بس مزح خفيف رحنا الرويضه هذيه منطقه ال مضيبي وادي وفيه سدر وانتظرنا المجموعات الثانيه لين وصلو كل مجموعه توصل بسالفه تضحك ياااات اختي الكبيره ما شالله اولادها 12 وهي عمرها 35 او 34 ^_^ لكن عايلتهم كلها سوالف المهم الذبيحه ف سيارتهم اللي هي الشيه يايين ينزلوها وقال ولدها الكبير خلوها هذيه تنزل تماتيك متفشر خخخخ ولا تطير عليهم ولحقوها ومسكوها انزين ذبحوها وحصلو فيها ولد يعني كانت عشار مسكينه المهم الحريم جلسن يسون الغدا ولين جهز الغدا رحنا نصعد الجبل واااايد كبير ورجعنا طفحانين ومتذرعين رجعنا وتغدينا وجلسنا شوي وعاد نبى نطلع لمينا الزباله كلها ومجمعينها ولا يي هبوب وتفر كلها عاد ما غم ياني سويناها سكته جلسنا نشوف كل الاتجهات لما تفر راح تعبنا ع الفاضي ^_^ عاد نبى نطلع اتصلني باخوي طلع ف سناو وهو وخوتي كلهم عندهم شغل هناك راحو عايلة اختي وشلت جروب ثاني معها لانه بنشرت سيارتهم ونحن رحنا مع جروب ثاني يايين ف باص صغير ركبنا كلنا وتكانزنا كلنا وسعنا بالغصب عاد نبى نطلع ما طاع يتحرك الباص يسوي صوت والكل يضحك كركركركر هههههههههههههه اقولهن سكتن ثقلتنه بضحكن ههههههههه عشان مسيله والوزن ثقيل اووووووووووف تعبت من الكتابه ما طاع يخلص يومي خخخ فاصل ونوااصل بروح اتعشى |
عدنا المهم قلنا بننزل وبنحرك الباص وهو فاضي وبعدين بنركب فيه تحرك الباص وبعدين ركبنا وهو باص خشله كحيان وكلنا خايفين لانه منطقه جبليه خايفين لا ننقلب وتعليقات طول الطريج <<< ما لازم اخبركم عن كل شي تعبت ة_ة المهم وصلنا بيت الجروب اللي رايحين عندهم وقلنا بنخبر حد يجينا اتصلنا بولد اختي وهو كان ف العزبه قلناله تعال شلنا يي يشلنا ومعه سيارة العزبه بكبب غماره وحده قال يالله ركبن 2 وبعدين برجع اشل كل مره 2 ما طاعته عايشه اللي هي ام الجروب الثاني خخخ قالتله متى بتخلصهن عادي خلهن يركبن ف الكريل وهو ما طايع وبعد عناء طويل وافق ونحن مستحيييييييييين ف الكريل معقوقين وعاد متغشين نمشي ف شارع جريدل ومرت علينا سياره بيكب هي ف الشارع العام بس تشوفنا وضربت هرن هههههههههه ونحن نضخك كل وحده تقول واااا الفضيحه يضحكو علينا وضحك طول الطريج لين وصلنا بسلام صلينا المغرب وجلست شوي ودخلت المنتدى |
مضايجه حدي
|
مضااايجه
وبعده فاتحه مسن ومحد داااخل |
صبااااح الورداااات
شخبااااركم زوار مدونتي من وين لها زوار ما سويلكم شي ^_^ لانه ما احب اسوي شي ما كاتبتنه يعني ما احب اروح اييب اشعار وصور لكن بنزلكم صور الرحله ان شالله تحياتي |
حتى اللون ما اغيره نفس اللون
تحملوني ما احب غير كذي ^_^ اني صعب اغير من شي لشي خخخخ |
الحين بقولكم ابتسامه
كان يا ما كان هناك اختي واولادها يبو ييو معنا قالت اختي روح اشتري شي من الدكان راح نزل ولدها وقال مشي كلهم مقفلين ورجع وقال ما يحتاج قالت امه ولدي ما يستوي نروح لكذي فاكين ثاميتني << فاكين ثاميتني يقولها لما حد يروح فاضي ما يايب شي قالها امي زين سكروهن ما يحتاج تفكو ثاميتكم ههههههههههه قامت تضحك امه وخبرتني بالسالفه |
مشتاااقه ربيعتي بطوووووطتي
وااااااااااااااااااااااود واااااااااااااااااااااااااااااااود |
:vb30:
أكبر فخر للناس إني من الناس وأكبر فخر للأرض ممشاي |
السلام عليكم
فيي عياااز اكتب ف مدونتي روحت الطربه ^_^ |
مريـــــــــــــــــــــــــــــــــــــــــــــــ ــــــــــــــــــــــــــــــــــضه
|
still sick
|
عندي اختبار اليوم س 2
ووبعدني ما مذاكره لين الحين دعواتكم لي بالتوفيق |
وبعد شاغلني موضوع
أفكر ف ناس اذا زعلانين علي او لأ |
هلاااااويااااااااات ومليوووون غلاااوياااااااااات
الاختبار كااااان سهل حتى لو ما اذاكر اييبله راااسه ^_^ <<<< عاد وش رايج تييبيله راسه ف الفاينل |
صباااح الخير
ضغط ضغط ف العمل والدراسة ما انام لا ليل ولا نهار أمس طول الليل اشتغل ع الاسايمنت ما نمت واليوم من صباح الله خير مداومه واللي زاد الطين بله طلبتي عندهم اختبار ؛<<< عاد الاسئلة سؤال ورا سؤال واني اووووف |
مدونة مشوقه .. متابعين بصمت
|
السلام عليكم
الشعاع حياااك الله في أي وقت تواجدك تشريف ـــــــــــــــــــــــــــــــــــ سمحوولي ع قل الوصال مشغووووووووووووله حدي عاد تبو ضحكوووو علي رايحين اني واخوي يبى يشلني الكلية امس س 7 فليل تقريبا وينزل مطر خفيف انزين ف الطريج فجأة ييت اني اقول يااااااااااااااااااااااااااااااااه مطر اصره شي سحاب واتشوف ع فوق قال اخوي سلاااااامااات من لما اركبة مطر ومن امس السحاب ^_^ اواااااااااااااااااااالله ؟؟؟؟ قال والله قلتله ما عندي خبر قال عاد سمحيلني ما خبرناج يقول بعد هذيه فيها خبر وما خبر ترا جدام عيونج ههههههههه حالتي صعبة لما يكون عندي ضغط عااااد ف الشغل ضحك والله الموظفات اللي ادرسهن هنه اكبر مني بوااايد كلما يقولن شي نسوي اقول ما فيي بارض ماا فيي بارض يقولن بعدج صغيرة وما فيج بارض عاد كيف من تكبري ^_^ |
يااا محلاااا الشيبس
والمكسرات والجلكسي وريد بووول بعد التعب لهن طعم ثاني خخخخ |
صبااااح الخيراااااات وزقزقة الطويرااااات
وقرقعة الهنود من صباح الله خير تدجديج من صباح الله خير من تزهب هالبناية اللي يبنوها اني بصدج عنهم ما يحتاي يذبحوو ^_^ |
مسااااء الخيرااااات وزقزة الهنوداااااات خخخخخ
امزح مشي زقزقه الحين يوم السبت عندي امتحان واسايمنت ديسكشن دعواتكم |
تصبحوووو على خيراااات الله
|
goooooood morning
|
هلاااااااوي
أخباري خلصت اختبار .... بس مضايجه ضيعت جزئية من سؤال عليه 5 درجااات قلبي معورني عليهن !_! ........................................... أخباري القلبية مشتاااقة امي وااااااااااااااااايد احلمها كليوم صارلي فترة ما شفتها ومشتاااقة بيتنا وايد خاصه صايره فيه تغييرات ومشتاااقة بنتي ريماااني ومشتاااقة المضيبي !_! تعبت من كروب مسقط !_! ......................................... أخباري الشغلية <<< يعني الشغل ^_^ فرحانة ما دواااامت اليوم ياااات فكة لكن رحت الكلية عشان الاختبار وعاد باكر بداوم ووو وووبس ........................... أخباري المنتداااياتية<< عادي مشو حالكم مع بنت المضيبي كل شي يصير خخخ مشتاااقة المنتدى واااايد حتى اشوفه من بعيد لبعيد افتحه واجلس اذاكر ابصبص أشوف اخر المشاركات فتحلي نفسي للمذاكرة<< صاحب باليين كذاب يا تذاكري يتفتحي المنتدى خخخخ .............................................. أخباري الصديقاتيه <<< عاد لقيت سالفه ما بخلص لين باكر بأنواع الاخبار خخخخ صديقاتي تقريبا زعلانات عليي يتصلن ويرسلن ولا حد يعبرهن والغم يرجعن يتصلبي وش تبن تتصلن ابى ابطر خخخ واحليلهن طيبات ............................. اخباري المدوناتيه هااااوتت وااايد فيها هههههههههه مع السلااااماااات |
صباااااحااااات خيرااااااتيه
نمت العصر عند س اربع وس 5:50 تتصل ربيعتي قمت منتقزه اهاييها مصبح اقووول واااااااااااااااااه تأخرت ع الدوام اهاايي اخوي متصل من بعد ما طال انتظاره ما حسيت الا من بعد ما كلمتها هههههههههه والحين بعدي متبوغه خخخخ |
مسااء الشووق والاحسااس والطيب ة ة
مساءن ما يليق الا بأحباابـــــــــــــــــ ه ه خلصت اختبار يوم الخميس س 1:30 ورحت طووااالي ع المضيبي والعصر رجعنا ماااسكاااات معي مااامااااتي سحبتهي معي غصب ^_^ |
الحيااااة حلووووووووة بوجووود الماما بقربي
خواتي غيرانات مني ^_^ |
مسااار الخيرااااات
مضاااايجه شوي |
http://www7.0zz0.com/2011/01/22/18/779176790.jpg
هذي الصورة كنت ف الكلية تقريبا س 11 فليل كنت انتظر اخوي لين يخلص طبعا والعمال اللي يقفلو الكلية ينتظرو معي وينودو والاخ الكريم ماخذ راحته كأنه البيت بيته والاخت الكريمه ماخذه راحتها جالسة تصور ع بالها ف حديقة زهور خخخخخخ وبعد انتظار طويل طلعنا من الكلية س 11:30 |
السلام عليكم
مسااكم الله بالخيرات والمسرات مريضه حلجي يعورني |
صبااااح الخيرااااات
|
سلااام الله عليكم
شحوااالكم وعلووومكم هل جعلااان انقطعت فتره والسبه النت كااان مقطوع <<< وما تحس البيسه خخخ اخبااااري فرافش |
صبااااحكم ورد يااا احلى ورووود ف الكون
كحه كحه كح كح يالغباااار حشى عاد اني غبت محد يدخل مدونتي عالاقل لما بجي ما بتشرق من الغبار بحصل مكان نظيف مذاعلتتنكم الله يسااامحكم |
السلااااااام عليكم
شخبااااراااااتكم مدونتي شكلهي انتهت صلاحيتهي ^_^ |
ملاااااااااااااااااااااااااانه حدي ^__^
ما يدخلن مااااسنجر البطبوطااااااااات يبن تكفيخ علين ما يلقن ويهن اش من صوب << ما يخلصلهن هالماسنجر هق هق هق |
صباااااحكم شاااااهي وتشيتووووز
من الكيس الى الفم |
ي الله عااااد اني بدش وبخترق القانون
فديتج والله جعدت اضحك .. ي النقط مب كل شي يقولونه .. ي الله عساج ع القوه .. تحيتي لكي اوخيتي |
هههههههههههههههه هلاااا بامبراطورتنااا
مع بنت المضيبي كل شي يقولووونه نورتي الغاليه |
| الساعة الآن 12:00 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][