|
خايفه وااااايد
حبيت أخذ رايكم واستفيد من تجاربكم....
الحياة (لقاء وفراق) (بسمة ودموع) وأنا الحمدلله مؤمنة بالقدر وخوفي ما من القدر بس من القسوة والوحشة والوحدة بعد الفراق... أنا الصداقـــــة تعني لي شي وأشياء وكل شي... الصديقه والحبيبه ف الله أحتلت أرقى مكانه ف قلبي... الوحيده اللي شافت دموعي... وسمعتها همومي... وشاركتني فرحتي... وهي اللي تعتبرها امي بنتها بس ما ولدتها.... ثلاث سنين ونص وإحنا كل يوم فيهن عشناه مع بعض واكلنا ويا بعض.. تمازحنا وفرحنا...وتزاعلنا وتفاهمنا... ومرضنا واعتنينا ببعض... سوالف وضحك... ومذاكرة وسهر... وووووو ماجدر اوصف غلاها...اعرفها أكثر من نفسي... بس المشكلة احنا ما من نفس المنطقة والمكان يبعد بينا كثير... وتصادقنا ففترة الدراسة... وعرفت اختي الخامسة بعد 19 سنة... بس خايفه وش بيصير بعد التخرج؟؟؟؟! جلبي ما يتحمل ألـــــــــــم الفراق.... والله مب جادره اتخيل حياتي بدونها.... |
عادي خليكن متواصلات بالموبايل والزيارات العائليه
والله لايحرمك منها |
مشكــــــور اخوي...
آآآآآمين.... والله لا يحرمك من غاليك... |
هـــدي باالج وخيتي انتـن مثل الخوات وبتصيرن اكثر من كذيه بعد والحمد لله وسائل الاتصال متوفره اليوم ف مافي مشكله والله يزيد محبتكم |
المشكلة ما فوسائل الاتصال... الحمدلله فالاجازات بطايق الحياك على عشرة واكثر تخلصهن...
بس المشكلة تعودنا على بعض.... اشاورها وتشاورني فكل شي... والصديق الطيب الاصيل صعب تحصله او تبدله فهالايام.... وألا أنا غلطااااانه؟؟؟؟؟؟؟؟؟؟!!!!! |
صح كلام الاخوان تزورون مع بعض ووسائل الاتصال وايده ..
مب انتي بس عندي ها لمشكله كل البنات اكيد بس يو م يومين وبعدين بتتعودين صدقيني والله لايحرمكن من بعض ان شالله,, |
صـــح فدديتــج مووووب غلطـآآنـﮧ موول بس هـآآي سنة الحيــآآه يالغـــلآ آ لآزم آآتيي عقب الفرح لحظة حـزن وفـراااق ووددآآآع صح آحين آلزمن آتغيير وصـآرر سهل آلتووآآصل بس بعده مـآيسدك عن آلشووف بالعيـــن وووآآلله يخلي لج آربيعتــج دددبــوووه |
مشكورات مدحن شراتي و العويسية....
أكيد ماِشي بيملأ فراغ الغالية ف جلبي,,,, بس الله يعين...... بزوجها أخوي انشالله,,,,, هههههههههههه الله لا يجرمكم من غالي انشالله |
آآآآصدقيــن كنت بقوولج يوزيهـــآ آآخوووج بس نسيت
آآآكتبلج هههههههه |
مراحب اختي الفاضله
اختي ان شاء الله بتكونن مع بعض وبتكون هالك لجن زيارات لاتحكمي للشي قبل اواااااااانه تفااائلي بالخير تجدييييييييه وربي ماتنحرمون من بعض بس لاتسبقي الاحداث اهي موجوده معكـ وبتتواصلون اكثر باذن الله |
اختي الحياة والدنيا ماتتوقف عند شخص
ممكن تتواصلوا بالتيلفون والزيارات بس صدجيني ياختي راح كل وحده تعيش حياتها صح بتضلن صديقات وخوات بس الدنيا تلهي الواحد من اقرب الناس خاصه بعد ماتشتغلي وتعرسي وتأخذك الدنيا انا عن نفسي ماربط شخص بحياتي عشان ما يعذبني فراقه تقبلي مروري |
الله يكون في عونك
|
اكيد الفراق شيء مؤلم ولكن صدقيني حضرتك انه طالما طاعه الله ومحبته ...
هي التي تجمع الناس فلا فراق وان كان فراق مؤقت ولكن حتما سيتم اللقاء . |
كل شي بيد ربك سوى كان الفراق او غيرة
الله لا يحرمكم من بعض |
أختي أنا مريت مثل مرحلتج واايد وأعز صديقاتي فارقتها م أيام الدراسة...متواصلين بالتلفون بس بصراحة مب مثل ما كنا قبل ...كنا نبكي عشان بعض اذا كانت وحدة منا مريضة...بس هذي الدنيا يوم معج ويوم ضدج...تحملي فراقها.....صح فالبداية بيكون صعب واااايد بس مع الأيام بتتعودي... أختج همووووسة؛؛؛ |
تبي شوري...هونيها وتهووووون...
يعني انتوا ما تتتفارقوا فالاجازات ؟؟؟!! لاتحسسي نفسج انكم راح تتفارقون للابد بالعكس راح تتواصلون بكل اريحيه..واحنا ف عمان يعني مش صعبة انكم تتواصلو فأي وقت.... واستفيدي من تجارب من سبقك...لان هالسالفة تتكرر كثير كثير عند البنات ((خصوصا اللي يدرسن فالجامعات)) |
انا عشت في بلد غربة اربع سنوات
واعتبرها احلى ايام حياتي مع الشباب وافترقنا لانه القدر طالب كذا لاكن الحمد لله متواصلين مع انا من بلدان متفرقه زاروني في عمان وزرتهم في الامارات وبما انكم من نفس المنطقه التواصل راح يكون بينكم سهل بالهاتف او تتقابلن في الشهر مره وبعدين راح تتعودي على فراقها لانه ظروف العمل بتكون اقوى واذا تزوجتي بدري يعني راح تكون عندج مشاغل ثانيه تلهيج عن التفكير الزايد وادام الله محبتكم فيه |
لا ما اعتقد في مشكلـــــة ...
مثل ما قالوا الاعضاء وسائل الاتصال متوفـرة ,,, بس يبقى الدور عليج لتفعيلهــــن .... الله لا يحرمكم من بــــــــــــــــعض ...... |
أنشااااااااا الله راح تتواصلن أختي لاتحاتي..بالموبايل وبزيارات أو أنشااا الله راح تكوني معها نف الوضيفه مثلن أو راح تشوفيها ف الأعراس أو راح تتزوجي أخوهااا أو راح تتزوجي قريب منهاااااا ... الله كريم"""أختي
وبعدين كلنا كذا والله وقت الدراسه نجتمع وبعدين نفترج ...هذا الحياه.. الله يصبرج أختي.؟؟؟ |
تسلمي ع الموضوووع الجميل
ما عليج غير الصبر والله يجمع بينكن ان شالله |
| الساعة الآن 01:52 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][