|
بنات خلاص لا تتغشن
السلام عليكم ورحمة الله وبركاااااته.... اليوم بتكلم في موضووووع مهممممم جدا جدا بالنسبه اليه .... الغــــــــــــــشاة..... والله ما ادري كيف ابتدي او شو اقول المههههم:::: سؤال؟؟؟ الحرمه ليش تتغشى!!!! أنا بقولكو :: لانها تتمنى الموت ولا يشوف ويهها الغريب وبعض البنات يتغشن حتى عن عيال عمهن وخالهن ... الحيييييييين اتسير السوق وان البنات عند الهندي راعي القطع او راعي العبي او راعي الدكان وعاااااقة غشااااتها ويوم اتحدر واتشوفك اربعت واتغشت الحين هنيه السؤال::: ليش يا مسودة الويه اتغشيتي؟؟؟ لانك ريال ... أنزين والهندي هب ريال !!!! مرة استواليه موقف اصلا وين مره دوم ,,,, كنت ساير اخلص بطاقة ضمان حق السستر مالت يدتيه ... ويوم حدرت وان البنت الي عالرسبشن .. والرسبشن فيه 2هنوود و 1مصري والحبيبة عاقة غشاتها وما ادري شو تقولهو وانا واقف وراها عاليسار وورايه بعد زحمة عالم بس اكثر الموجودين هناك وافدين... المهم البنت شلت الكرت مالها ولفت ويهها واول ما شافتنيه تغشت عاد انا هنيه ارتفع الضغط عنديه وقلتلها :: أقول اقبضي غشاتج واحذفيها عطول يدج... قالت :: شو تقول !!! قلتلها :: اقولج اقبضي غشاتج واحذفيها عطول يدج وما يحتاي تتغشين... قالت :: شو تبانيه سلط ملط قدام هالخلق.. قلتلها:: لا ما اباج سلط ملط تراج ما تغشيتي عن هل الرسبشن !! شبلاج يوم شفتينيه اتغشيتي؟؟؟ قالت :: أنته شو لك خص فيني....؟؟؟ هنيه انا بغيت اعطيها كف عويهها .... قلتلها:: ألا أختص فيج وأختص في الساعة الي هدفتج... أعنبوج انتي هب بنت ابلاديه كيف ما اختص فيج!! الحين لو واحد من هالوافدين اعتدى عليج منو بيحول دونه ودونج غيري انا !!! البنت تمت ساكته .... و خلاف قلتلها ختيه اسمحيليه .. قالت لا انته اسمحليه .. ويا حافظ عليها اسميها ما عقت غشاتها الين ما طلعت وعسى الله يستر عليها وعليه وعلى هليه وعلى امة محمد... أرجو من البنااات انهن ما يعقن غشيهن قدام حد ... واللي تعرفلها بنت تعق غشاتها تحاول تنصحها وتخبرها .... والكلام موجه حق بنات الكليات والجامعات ..... الآنسات يتمشن فالممر ويخطفن عالهندي ... ايييه يالحبيبه اتغشي وترى شعرج ظاهر،،، أوووووه عظمه ألا هندي... يعل القوم اتشلكن واتشل الهندي فوقكن... لا بعد شي ظاهرة يديدة.... لول الشباب يغازلون البنات الحين لا البنات يغازلن الشباب... واسأل مجرب ولا تسأل طبيب.... ما أقول ألا لا حول ولا قوة ألا بالله.... |
تسلم اخوي ع الموضوع الحلو والاكثر من رائع بس بصراحة الغشوة ممشرعة فالاسلام الخرمة يجوز لها ماتغطي ويها وايديهن بس بصراحة بنااااات اليوم حدث ولا حرج لو شورهن يعقن الغشوة وميلبسن غشيه اللة يستر عليهن بس
|
سوري الحرمة انجلبت هندي ههههههاي
|
هههههههههه
موضوعك مهم وبالفعل حن نشوف هالظاهرة وايد احنا فالجامعات مجبورين نشل الغشوة بس برع اكيد نتغشى فالسكن حن نتحرك يمين يسار بس في حبتين هنود بياع وعامل النظافة ما نروح مكان إلا هم طالعين في ويوهنا إيش نسوي تغشينا تغشينا لين ملينا بعدين جابلناهم والله يغفر لنا |
عني أنا احط غشووة (لثاام سعودي) لاني مومتعودة أبد سواء لواافد أو من بلادي المهم هو أجنبي أطلع وجهي...........
والله عجب بعض البنات الله يستر عليهن.......... بس البعض منهن عديمات ذووق حطن ولا ماحطن مايغير شي مو قصدي أمدح حالي بس هذا الي أشوفه من حيااتي...... بس الي تحترم حالها وتلتزم بالاخلاق والادب حطت غشوة ولا لا أكيد بتلاقي الاحتراام........ لكن كل وحدة وطبيعته بس بشرط تلتزم بالاخلاق........... تقبل مروري |
موضوع يستاهل النقاش,,, مثل ما قلت في بنات يتغشن عيال عمهن وعيال خوالهن ...الخ يمكن في أعضاء يعرفون اني كنت بسير الجامعه والجامعه مختلطه,,, عسب جذيه هلى رفضوا هالمبدأ ,,, والحمد لله ع كل شي انا مب ناقصني شي,,, بس الاسلام ما جبرنا ع الغشوه ودينا دين يسر... بس هاااي عادتنا وتقاليدناا والستر زين,,, وسالفه البنت لا راحت السوق تشتري مب لازم تشل الغشوه كلهاا لاااا غطي نص ويهج طلعي عيونج الحلوه cool. عسب تشوفيني الي خاطرج فيه,, عاد في بنات ما يصدق يالله يالشيله طيحيwink. ,,, يعطيك العااافيه اخوي ع موضوعك المميز.,, نترياا يديدك,,, |
الموضوع للنقاش لا اكثر ولا اقل تسلمن على التعليق والله يستر عليكن وعلى نساء المسلمين |
وعليكمـ السلامـ والرحمه تسلمـ || راعي صوغانـ || ع الموووضوعـ .. وسلمتـ يمنااكـ عليه .. ما قصرتـ فالطرحـ ومثلـ ما قااالو الأعضاء إللي قبلي الموووضوعـ يستاااهلـ النقاااشـ اليومـ كلـ شيء تغير أو بالأحرى الناسـ إللي غيروووه ... frown. وفي بعضـ البناتـ ربي يستر عليهنـ يومـ يسيرنـ حطنـ غشوتهنـ اوونهنـ متغشياتـ لكنـ شو غشااتهنـ ؟!!!! حطتها ولا ما حطتها واحد " خفيفه ".. يعني كأنها ما متغشيه والويه كله ينجااافـ .. بسـ ليشـ متغشيه ما أدري ؟!!!! يمكنـ عنـ الحلالـ والحرامـ rolleyes. والبنتـ المفروضـ تتغشى عنـ ولد بلادهااا والهندي والوافد لأنهمـ كلهمـ بالآخير اريااييلـ ... وعنـ نفسي هلي ما عندهمـ كاااني مااني .. وعودونا بإنـ غشوتجـ تسبقجـ السياره وهذا نحنـ تعودنا على هالشيء .. والله يستر علينا وعلى بناتـ المسلمينـ والعربـ والسمووحه ع الأطااله ودمتـ بوووووووووود |
صدقت أخوي راعي صوغان صحيح انا بنت بس ما اشجع البنت تتغشى
الإسلام شرع لهي تغطي كامل جسمهي إلا وجهي وأيديها بس بنات اليوم يتغشن لأن تحت الغشاة بلاوي... الله يستر علينا بس........... |
اقتباس:
ومن قال يسلم بالحل يا فروسة اتمنالج التوفيق والستر والعفاف |
اقتباس:
يسلمووووووو على المرور |
اعتقد البنت كفن و وفن بالكلام وما اعتقد ان عندي اضافة فالكلام
احنا معنا فالكلية ممنوع الغشوة وخلاص تعودنا ع هالشي بس اذا سرنا مكان بعيد دارنا انا بصراااحة مو مقتنعة بالغشوة ابدا لكن فهالايام الشباب ما يصدقوا يشوفوا بنت خاصة اذا كانت من دارهم فانا يكون اريحلي بان اتغشى اما اذا فالخارج مو مشكلة واهلي عادي معهم واهم شي رضى اهلي اذا مو راضين علي رايح اخلي الغشوة فوجهي ومثل ما قالت اختي فارسة الصحراء ان الغشوة هالايام مالها معنى الوجه كله كله ينشااااف وعن سالفة ان البنات عند الوافدين يعقن غشاتهن فهذا صحيح انا كذا مرة شايفة هذا الشي لااا بعد ياخذن راحتهن فالكلام وضحك وسواااالف الحين ما نستغرب اي شي اذا حال البنااات كذا كل شي متوقع منهن بس مو الكل |
مشكور الحبيب يالي كلك زبيب..
و الناس أجناس منهم الزين و منهم الشين.. والزين يزين باعمره و الشين يشينبها.. الي يبا يتغشى يتغشى و الي ما يبى لا يتغشى.. و طاااااااااااااااااااحت السالفه |
مشكور راعي صوغان ع الطرح الحلو والله يستر علينا و عليكمــ لكن بسبة الغشوه ارفض ادش الجامعه مب وياج الشيخه ف هذا والسموحه |
ليش الصغر الغشى مب ممشرع
يعني ما اخسر مستقبلي عشان الغشى الغشى حن العمانيات وبل الخص الشرقيات مجبورين عليه لنه من العادات والتقاليد وعشان كذا بلغشى ولا من دونه اهم شي في البنت احترام نفسها وتصونها شكرا يلي طارح الموضوع وان ما خاب ضني ياراعي صوغان انك اماراتي |
السموحه , الإسلام حث على لباس الحشمه وان تغطي المرأه سائر جسدها بما فيها الوجه والكفين في وجود الرجال الأجانب كما روي عن أم المؤمنين السيده خدي وهي في جمع من النسوه يؤدين العمره ويطوفن بالبيت عندما يمرن بالرجال الأجانب يغطن وجوههن وهذا دلاله على أن تغطية سائر جسد المرأه واجب ولم يرد في أي من أحاديث الرسول أو الخلفاء الراشدين ما يبيح للمرأه التبرج والسفور[أو يدل على عدم جواز تغطية الوجه والكفين أمام الرجال الأجانب وأباح لها أن تكشف عن وجهها عندما يتقدم من يطلب يدها وذلك في وجود الأهل وتسمى بالرؤية الشرعيه وقد سنها النبي وورد في ذكرها أحاديث عده
|
مشكور اخوي لكن نحنا نتغشا صح لكن بس نتغشا في المنطقة مالتنا لما نتطلع نثوره عاد ماشين نتمشى نحنا وهلنا عاد نبغى نرتاح اكربنتنا الغشا ومدام معنا اهلنا خلاص مو فيها شي وعيال عمومتنا وخوالنا ما نتغشاهم حال مو نتغشا وبسألك لما ندرس بالجامعة ما يقولوا ممنوع نص عيال الحارة شافوا وجهنا بالجامعة لما نروح البيت نتغشاهم الي شافونا شو انسوي هاي الحياة بس المهم كستورين الله يستر الجميع
وعالسالفة الهندي وعليه عليه تاهم اهلنا اخوانا ما نستغني عنه ولما نثور غشانا عدالهم لانه بنشوفهم مره وحده مو كل يوم اما عيال الحارة كل يوم سلام |
اقتباس:
|
الغشوه صارت موضة البنات
ع فكره انا ماتغشى لاني من بيئه حضريه لما دخلت الكليه تعودت اتغشى عشان انحاش من حركات الشباب بس للاسف في بنات يتغشن ويقولن لي اتغشي عشان تشوفي الشباب زين الصراحه طاحن من عيني ياما وراء السواهي دواهي معظم اللي يتغشن عليهن حركات والله يستر عليهن |
اقتباس:
اختي الغاليه عنيد وبكيفي من قال انه الاسلام لم يشرع الغشوه...؟؟؟!!! قال تعالى: ( وقل للمؤمنات يغضضن من أبصارهن, ويحفظن فروجهن ولا يبدين زينتهن إلا ما ظهر منها وليضربن بخمرهن علي جيوبهن, ولا يبدين زينتهن إلا لبعولتهن أو آبائهن أو آباء بعولتهن) على حسب قول احد العلماء انه الخمار هو غطاء الراس في اللغه والجيوب هي فتحة الصدر... يعني الخمار يسدل من الراس حتى الصدر يعني واضحه وضوح الشمس....على حسب الايه ( وليضربن بخمرهن على جيوبهن)... وعندج ( ولايبدين زينتهن) والوجه مركز جمال كل فتاه.... هذا والله اعلم....smile. واذا تبين تفسير الايه اضغطي على هالرابط.... http://up5.m5zn.com/photos/00342/e5hlyljfjj8g.jpg وعسى الله يهدينا ويهدي بنات المسلمين.... راعي صوغان... تسلم ع الطرح....smile. |
هلا ومرحبا
انا مع عنيده وبكيفي بس الغشوه هي مجرد عادات وتقاليد يمارسها مجتمع ما ف بلد ما ولو نلاحظ ان الدول الاسلاميه بكبرها من الشرق للغرب نسبة الغشوة بس يمكن 20 بالميئه بس دول الشام كلها محد يتغشى الا نسبه بسيطه جدا ودول الخليج بعد نسبه قليله والمسلمات ف العالم نسبه قليله مقارنتا بالحجاب اللي ربي فرضه فرض واجب ع كل مسلمه ونحن مجتمع محافظ جدا فلو كانت الغشوه فرض اكنت الدوله مراح تهمل هناحيه ؟؟ واعتقد الغشوه مباحه لان لو كانت كدا كان الناس ولامه الاسلاميه بتطبق هالحكم نفس ماتتنفد الحجاب وكاااانت بتقوم مؤسسات تتطالب من الملسمات الغشوة للكن لانه بس مباحه ترك الامر لمن يحب بشرط ان تكون المراءه مستتره وغير متبرجه تلفت الانظار +++++++ هدا راي بصراحه ورضا الناس غاية لاتدرك ولاننسى شي انما الاعماااااااااااااااال بالنيات |
اقتباس:
وليضربن بخمرهن على جيوبهن ) يدل على عدم وجوب ستر المرأة لوجهها لأن ( الخمر ) جمع خمار وهو ما يغطى به الرأس . و( الجيوب ) جمع ( الجيب ) وهو موضع القطع من الدرع والقميص وهو من الجوب وهو القطع فأمر تعالى بلي الخمار على العنق والصدر فدل على وجوب سترهما ولم يأمر بلبسه على الوجه فدل على أنه ليس بعورة ولذلك قال ابن حزم في ( المحلى ) ( 3 /216 - 217 ) : ( فأمرهن الله تعالى بالضرب بالخمار على الجيوب وهذا نص على ستر العورة والعنق والصدر وفيه نص على إباحة كشف الوجه لا يمكن غير ذلك ) . وبعد............. حديث صريح في جواز كشف الوجه والكفين رواه أبو داود عن عائشة رضي الله عنها : أن أسماء بنت أبي بكر رضي الله عنهما دخلت على رسول الله صلى الله عليه وسلم وعليها ثياب رقاق فأعرض عنها رسول الله صلى الله عليه وسلم وقال لها : يا أسماء إن المرأة إذا بلغت المحيض لم يصلح أن يرى منها إلا هذا وأشار إلى وجهه وكفيه اتمنى اختي تغتنعي والسموخة منج |
يعطيك العافيه أخوي ع الموضوع الرائع ...
والله يستر على جميع المسلمين والمسلمات ... |
تسلم اخي بن صوغان على موضوعك القيم
دمت بود |
لا ضميـــــــــــر لمن تنــــــــادي..!! |
جـــــــــوة عييين فيهاا هالبنت المهم الله يستر عليها
ومشكــــووور أخوي على أخلاجك العااالية وغيرتك على بنات دارك جليل من كان شرواك بالفعل انك رياال من صلب ريااايل يـــاخوي بكل صراحة أنا اتغشي بالبرجع يعني بس عيوني طالعة عشان يوب امشي السوج أشوف الخامات وجية ومرات أنزل الغشوة على عيوني لانة أخوي يجول العيييون فتنة وانا معة وانزل الغشوة على عيوني وانا مرتاحة ومقتنعة والحمدلله نشوف مب لازم نعج الغشوة تسلم على طرح الموضوع |
هلا
اقتباس:
|
ماشاء الله عليكم ردود طيبه وأن دل .. فأنه دل على الوعي والثقافة الكبيرة لدى اعضاء المنتدى ...
وموضوع الغشوه عند الفتاة تختلف لدى كل منطقة ودولة وولاية وامارة ... فمن لا يسمح ومن يسمح ...أهم شي الفتاة تكون حذرة من الجميع وفي كل الحالتين ولكم الشكر على الطرح المفيد والردود الطيبة |
أحنه في ولاية في منطقة الداخلية مو كثير الحريم للي تتغشى ..........................................
|
اهم الشي الحشمه والستر
برايكـــــــــــــــــــم منو استر البنت الي حاطة غشوه شفافه ومتبرجه وايد أو البنت اللي مب حاطه غشوة وساتره نفسها؟؟؟؟؟؟ اهم شي الحشمة والستر |
يسلمـــوا خيـــو ع الموضوع ــــــ علامك داخل بالقوه علينا خخخخخخخخخخخ
بخصوص الظاهرة الأولى صج منتشرة كبير أما الظاهرة الثانيـــه لا زودتها شوي الحين البنات يغازلن ـــــ حرام عليك ( البنت تستحي ) يسلموا ع الموضوع تشكراتي |
بارك الله لكِ وشكرا على الموضوع ,,,,,,,,,
|
موضوع مميز
تسلم ع الطرح المميز نتريا اليديد |
اقتباس:
تسلمين على المرور والتعليق الطيب اتمنالج التوفيق والستر |
اقتباس:
شكرا على المرور وان شاء الله تكونون انتوا من الحزب الزين |
اقتباس:
العفو يا الصقر الابيض يلي لونك مثل لون الحليب الصافي امين خلها على الله والله يستر عليهن بس الزمن والعولمه والحداثه تفرض نفسها والانسان ضعيف كم بيتحمل يا الصقر |
راعي صوغان
شو أقولك قريت القصة كاملها والله فيك الخير بس البنت ما تستحي على وييههها وين تبا حسبي على بليسها 0 0 مره شفت موقف لاستاذة بالجامعه عندنا هي مواطنة ويالسه بالكلاس تشرح والشيلة ع الكتف وشعرها مفتوح ودخل فجأة مدرس يسأل عن شي نسـاه والله فشله يعني انتي الحين ماتعرفين الجامعه مكان عام وعادي اي حد يدش جي والله لا مذهب ولامستحا ويوم خلص الكلاس لبست الشيلة وطلعت وجدامها عمال يشلون الكراسي ولا تغشت ولاهمها شي عادي الحياة حلوة عندها!!!!!!!!!!!!! تصدق انا شايفة بلاوي واااااااااااااااايده بالجامعه عندنا ويوم اشوفهن اقوووووووول لا حول ولا قوة ويييييين عن اهلكن ترا في منهن يطلعن من البيت يتغشن ويوم اييين الجامعه جدام الهندي والعمال والغرباء ما شي مستحا ولا غشوة ..الله يهديهن لصراط المستقيم.. والسمووووووووووووووووووووووحه ع الاطالة - سمــــــــــــــــــــو الشيخة |
اقتباس:
ان شاء الله ما تخسرين مستقبلج والله ييسر امورج ويستر عليج وان يثبتج على الحق ويعينج علا الحشمه واكيد اني امارتي ما تشوفين صورت المرحوم هذي اكبر دليل |
اقتباس:
جرناس دبي تسلم على المرور والتعليق الطيب يا طيب انته |
اقتباس:
كلامج طيب يا اسومه عاد ما شين ومدام معنا اهلنا خلاص مو فيها حال مو نتغشا ما اقول انا الا الله يعينج والله يعينكم علا الاختلاط ومشاكل الاختلاط المهم اتمنالك التوفيق يا أسومه والله يستر عليج |
| الساعة الآن 12:05 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][