![]() |
شربت الحب من كاسك وطعم الورد بانفاسك
السلام عليكم ورحمه الله وبركاته شحالكم ربكم الا بخير حبيت اشارك وياكم بأول كتاباتي وان شالله تعيبكم وبا نتضار ارئكم وان شفت تفاعلكم بكمل القصه وان ما شفته ما بكملها شربت الحب من كاسك وطعم الورد بأنفاسك سلامه يالسه ع الكرسي في الصاله وتبدل في قنوات التلفزيون وتدندن بصوت واطي ومره وحده دخل عليها ولد عمها حمدان وانتبهت له ويلست عدل وحطت الشيله ع راسها ورحبت به حمدان :السلام عليكم سلامه :يا مرحبا عليك السلام شحالك ؟ حمدان :بخير ربي يعافيج ويبجيج ومن صوبج ؟ سلامه :طيبه طاب حالك وتبتسم له حمدان :سلامه وينهم الشباب عيل ؟ سلامه :والله ما ادري في حجرهم ما شفت شيفه حد منهم اليوم وهيه سايره صوب المطبخ تيب الفواله لولد عمها حمدان :سلامه وين سايره ؟ انا ياي آخذ عبود وبنطلع سلامه مب معبرتنه وسايره صوب المطبخ ودشت المطبخ وحطت له الفواله وسوتله عصير برتقال او ودتله وعقب سارت توعي اخوها عشان حمدان يترياه وحمدان طبعا يالس ويشرب العصير وشل ريموت التلفزيون ويلس يجلب في القنوات وحط قناه حواس كانوا حاطين اغنيه دبي الحربيه روض القلب وطبعا الريال ارتبش ويلس يغني وكان مرتبش من الخاطر شويه الا وعمه عمر اللي هوه بو عبد الله وحرمته عوشه ام عبد الله وسلطان وعفراء اخوان عبد الله وهم صغار او توم عمارهم 4 سنوات ونص واول ما شافت عفرا حمدان سارت تناقاز داني داني لانه وايد تحبه وهوه بعد وايد يحبها ونش وسلم على عمه وحرمت عمه ويلسوا يسولفون بو عبد الله :ها الغالي اشوفك عندنا اليوم ؟ عفرائ وهيه يالسه في ثبان حمدان وتطالع ابوها وتقوله باباتي نحنا نباه هوه يخلينا نلعب انته ما تخلينا وبتبوز حمدان : هيه الغالي مار على عبود متواعدين بنطلع ويا الربع ويطالع عفاري بنت عمه ويقولها حبيبتي انتي يلسي واستوي شاطره عشان نوديج الالعاب سلطان معقد حواجبه :انا زعلان منك حدنا حمدان :علني افداك انا يالله شو رايكم نخلي عبود في البيت ونسير نحنا نلعب شويه عفاري تناقز ومستانسه هيه هيه ام عبد الله : لا ابويه بيلعوزونك وتونا رادين من العزبه عفراء وسلطان في نفس الوقت لا نبا نسير وعفاري تعفد على حمدان وتم يالسه في ثبانه وسلطان نفس الشي (ها كله عشان يوديهم ) حمدان : لا خالوه مب مشكله بسير اشل حمادي اخويه وححصوه وبنلعبهم شويه وبنردهم الين ما عبود ينش نحن جد سرنا وردينا بو عبد الله : بتعب عمرك الغالي حمدان : افا عليك الغالي اخواني سلامه نازله من على الدري وتقول اسمع طلعه وين سايرين انا بسير وسايره تسلم ع امها وابوها بو عبد الله : انتي وين بترتزين عيب بنيه انتي قري في البيت حمدان يضحك ان شالله المره اليايه انا وانتي وعبود ومريوم بنخليكن تتحوطن رواحكن ونحن بنحوط رواحنا وعقب بنتلاقا سلامه تحب حمدان بس تكابر هوه عمره 24 وهيه عمرها 23 يعني اصغر عنه بسنه بس متخرجين ويا بعض لانه حمدان ماخرينه سنه وعبد الله بكبر حمدان بس حمدان اكبر عن عبد الله بساعه ونص المهم سلامه :خلاص انا اتريا هاليوم معنه ادري انه حلم حمدان وبو عبد الله :ههههههههههه ام عبد الله : ويدي شبلاكم ما قالت شي يضحك سلامه : اميه علني افداج شوفيهم ام عبد الله بس صخوا انا بوديها بنتي الغاليه بنسير عند امك وبنسير روحنا نتمشى ما بنترياكم حمدان هههههههههه براحتكم خالوه بس خالوه سلامه يمكن ايي يوم انا اوديها ما تدرين (قواه ويه سلامه في هالوقت قفطت واحمرت وكلهم يضحكون عليها ونشت عنهم وسارت حجرتها تتصل اب اخت حمدان تسولف وياها لانه ملانه وضايجه من رمستهم سلامه : مريوم يالدبه شحقه ما يتينا مريم : بلاج تنازعيني شو سويتلج سلامه : انتيي شحقه مخليه حمدانوه ايي بيتناوما تين وياه مريم : ما قالي انه بيي ولو قالي ما بروم آي نسيتي انه اليوم ملجه حمدوه ربيعتنا اللي كانت ويانا في الجامعه سلامه : هيه حليلها والله نسيت انتي بتسيرين مريوم : هيه ان شاللله بسير انتي ما بتين ؟ سلامه : لا والله احس اني تعبانه ومالي خاطر اطلع مكان مريم :سلاموه علني افداج شو فيج ليش صوتج تغير سلامه : لا ماشي غناتي انتي سيرري وسلمي عليها وايد واستسمحي منها لاني ما رمت اسير وقوليلها ان شاللله في العرس بسير مريوم :سلاموه يالدبه شو فيج حسج تغير عسا مب مضايجه من شي سلامه شويه وبتصيح : لا فديتج ما فيه شي خلاص الحين بخليج برقد مريوم : الله يحفظج غلاي واقري على عمرج سلامه : ان شالله في مان الله وسكروا عن بعض وحمدان والصغاريه طبعا طلعوا من البيت في سياره حمدان كلهم يالسين ورا وحمدان حاطلهم اغاني ورابشنهم جو وناسه خطير والصغاريه مستانسين عفاري :حمدان حمدان : عيوني عفاري : وهيه تطالعه بنظره مكر تقوله ما ابا عيونك ابا ماي حمدان : ههههه علني افداج انا الحين بنوصل وبناخذ ماي عفاري والدمعه في عيونها : انا الحين ابا حمدان : ليش حبيبي بيصيح سلطان :حمدان عفاري اصلا تبا ماماتي حمدان : علني افداج انا ومر شيشه البترول ويابلهم الهندي غراش ماي وعصير وحمدان شل عفاري وحطها في ثبانه لانها وايد حساسه ودلوعه حصه اخت حمدان عمرها 6 سنوات بس كانت غيرانه من عفاري جان تصيح وتقول لحمدان انا زعلانه منك جمدان :ليش علني افداج بتخليني ازعل واردكم البيت عفاري في ثبانه يالسه وهوه لاوي عليها وهيه كانت اصلا متروعه لانه كان شويه مسرع وسلطان وحمادي يلعبون ويضربونها هيه وحصوه وتمت يالسه في ثبانه وشويه وهوه يطالعها ويقولها عفاري يالله حبيبتي سيري ورا عشان نسير الالعاب وتلعبون عفاري ما ترد عليه رقدت حمدان :علني افداج والله تشبه سلامه اختها وحبها ع راسها وحطها ع الكرسي اللي جدام حذاله وسدح لها الكرسي وكان شي ثياب له بيوديهن الندري جان ايب وحده من كناديره ولحفها وحط اباله انه يوم بيوصولن مدينه الالعاب بتنش وكملوا الدرب نفس الموال القبلي يوله وربشه وحصوه تطالع حمدان وهوه مب عاطنها ويه لانه وايد تدلع وترفع الضغط حمدان :حصوه شو بتلعبين اليوم حصوه : انا ما احبك انته تحب عفاري حمدان : يالدبه هاي نونوه انتي تغارين ويا هالويه دبوه انا احبج بس ما اقول حصوه : انته ما تحبني انا يوم اصيح ما تشلني حمدان فديت اختي انا يالله صيحي وبشلج ههههههههه حصوه ودمعتها بعيونها ما احبك ما احبك حمدان وقف السياره في الباركنات لانهم وصلوا ونزل الصغاريه وخلا عفاري لاخر شي عشان ايوعيها سلطان وحمادي نزلوا يترابعون دشو وتموا عند الباب يتريون حمدان وحصوه وعفاري حمدان شل حصوه ويقولها فديتج حبيبتي انتي ويحبها ع خدها وحطها ع الارض قالها شو رايج تساعديني انا بشل عفاري وانتي شلي هالشنطه عاد حليلها ياهل ينقص عليها باي كلمه حصوه تحرك راسها بمعني اوكي وعطاها الشنطه وهوه شل عفاري ويقولها عفاري حبيبي يالله قومي وصلنا الالعاب وعفاري مول مب معبرتنه راقده من الخاطر لاقيه الحضن الحنون لانه هوه وايد يحب الصغاريه وخصوصا عفروه لانها تشبه سلامه اختها وهوه يحب سلامه المهم طبعا وين بتنش وهيه في حضنه الدافي ينفع يكون ابو لول حمدان وهوه ميود حصوه اخته بيد وميود عفاري بيده الثانيه وداشين مدينه الالعاب وحصوه و سلطان وحمود كلهم يلعبون الا عفاري راقده في حضن حمدان وهوه كل شويه يطالعهم وهم يلعبون ويرد يطالع عفاري ويحبها ويقول متى باخذج يا سلامه متى وتقطع افكاره رنت تلفونه عبد الله اللي متصل عبد الله :ها حمدان وين انته حمدان انا ييبت الصغاريه يلعبون وعفروه رقدت علينا في الدرب والحين هم يلعبون وهيه راقده عبد الله هيه فديتها انزين يالله انا ياينكم بردهم البيت وانته ود اخوانك البيت وعقب نلتقي عند الربع حمدان خلاص تم عبد الله شل عفاري اخته من عند حمدان ويود سلطان وساروا صوب سياره عبد الله وحمدان ميود اخوانه وساروا سيارتهم عبد الله حط عفاري في الكرسي الوراني ويلس سلطان حذاله ع الكرسي اللي جدام وربط له الحزام وحمدان يلسهم كلهم ورا لانه حمادي ما شالله عليه وايد مزعج حصوه حليلها من ركبت السياره رقدت في سياره عبد الله : سلطان يطالع عبد الله عبد الله : شو بلاك حبيبي ليش تطالعني سلطان: مبوز انا بابا اسيل (بيت يعني ما يبا يسير البيت) عبد الله يحط ايده ع راس سلطان فديتك الحين خلاص فليل لازم نسير البيت ويوم الخميس بنسير بعد مره الالعاب اللي في مول الامارات سلطان استانس لانه يحب بيت الكور اللي هناك في سياره حمدان حصوه راقده وحمود يباغم ابا اغنيه وحمدان مب معبرنه وتم يصيح وشغله المسجل وارتبش شويه والين ما وصلوا ابيت نزل حمادي او شل حمدان حصوه اخته عشان يدخلها داخل وكانت تقربيا الساعه 10 الا ربع حمدان دش البيت هود هود مريم يالسه تطالع التلفزيون هدا هدا حمادي سار يركض صوب مريم يقولها ميمي نحنا لعبنا وايد اليوم لالالا يغايرها لول مريم : حبيبي انته وتحبه ع خده حمدان واقف وحصوه في ايده حمدان: مريوم فديتج تعالي ودي حصوه انا متواعد ويا الربع مريم: (تنش من مكانها) ان شالله الغالي وسارت صوبه مريم تصاصر حمدان وتقوله اليوم شو سويت في بيت عمي حمدان مستغرب:شو سويت ؟!! مريم: ما ادريبك ؟ حمدان: (بدا يحرج) مريوم شو السالفه شي مستوي ؟ مريم ههههههه ع ملامح اخوها وتشل حصوه عنه وتقوله هات اذنك بقولك ويوم قرب ويهه حبته وقالتله: ان شالله اشوفك معرس يالدب حمدان يطالعها وعلامه استفهام في ويه لول وسارت عنه وهوه تم واقف شويه وعقب اطالع حمادي اخوه ويقوله حمود يالله قم بدل ثيابك وارقد باجر عندك مدرسه حمادي عمره 8 سنوات في صف ثالث ابتدائي حمود برطم وقاله :ما ابا اسير المدرسه حمدان يالله بس باقي باجر واللي وراه وبس خلاف اجازه وان ما سرت المدرسه ما شي العاب حمود مبوز وسار وركب ع الدري وحمدان طلع من البيت حمود ساير يركض صوب حجره امه وابوه كانوا رقود وشافته مريم: حمادي حبيبي وين ساير تعال هنيه حمود ابا ماماه ومبوز وسارت صوبه وحبته وتقوله : حبيبي تعال انا وانته بنرقد في حجرتي شو رايك حمود استانس لانه يحب مريوم ويحب يرقد عندها وساروا اول حجره الملابس اللي في حجره الكوي لانه امه وابوه رقود وثياب حصوه وحمود في حجرتهم المهم ساروا الحجره مال الملابس وطلعتله بجامه يديده ولبس وطاحوا ع الشبريه وحصوه كانت حاطتنها تحت لانها وايد تتجلب وما فيها تطيح وحمود نفس الشي بس كانت تباه يرقد لانه لو خلته تحت جان يلس يتنقرش بحصوه وبيوعيها وحطته حذالها ويلست تغنيله الين ما رقد في بيت عبد الله يوم وصلوا البيت كانوا سلطون وعفروه رقود وابتلى عبود حليله المهم اتصل في سلامه اخته وسمع انه صوتها متغير قالها: سلومه شو فيج ؟ سلامه ترد بصوت واطي: ما فيه شي الغالي انته وين؟ عبد الله: بترومين تنزلين .. الصغاريه رقود ما اروم اخلي واحد منهم في السياره انا بييب لج عفاري عند الباب وانتي شليها وانا بشل سلطون .. يالله تعالي وسكروا عن بعض سلامه لبست شيلتها للاطمنان بس لانه صك عبد الله الباب والدريول والطباخ برع وقبل ما توصل عند الباب حست انها ما تروم توقف وبغمت ويلست سمعها عبد الله وانتبهت امها اللي كانت في المطبخ الداخلي لبغمتها وسارتلها وبانتضار ارائكم |
مشكوره اختيه ع هالقصه
نتريا البارت الثاني في اسرع وقت اوكيه اختيه |
تسلمين اختي ع القصه الجميله
وفي انتظار الجزء الثاني |
يعطيج العاافيه اختي ونتريااا باجي القصه...........
القصه روعه... |
اسعدتوووني بتفاعلكم
وان شاء الله باجر بحطلكم التكمله |
انا بصرااحه اتريااها ع احر من الجمر...........
|
خلاص لعيونج بنزلج اياها باجر
|
تسلم لي عيونج...............
واتريااج |
وانا بعد اترياها خبرت بنات خالتي عن هالقصه والله غاويه عيبتني
خخخخخخخخخخخخخ |
اسعدني تواجدكم في الصفحه
ولكم التكمله وفي انتضار ارائكم |
عوشه (أم عبدالله) : سلومه حبيبتي شو بلاج شو يعورج؟
ويدش عبد الله: اميه شو بلاها عسى ما شر شو صار توني مرمسنها ما فيها شي ام عبد الله: الحين انته شو تتريا شغل الموتر وانا بيب عباتي وبايك وبنوديها الدختر عبد الله: اميه عفروه وسلطان في السياره رقود ام عبد الله لا حول وتزقر ع البشكاره معنه الوقت متأخر: ميري ميري وتيها مسكينه البشكاره قافزه من مكانها اول مره تنزقر بها الوقت وسارت شلت عفاري وسلطان من السياره ويلست وياهم في الصاله عشان ما يتمون روحهم وام عبد الله وعبد الله ميودين سلامه وركبوا السياره بو عبد الله توه ياي من العزبه ها شو بلاكم وين سايرين سلامه ويها محمر وكانت محمومه وظغطها نازل ام عبد الله: سر عند الصغاريه رقود داخل ونحن بنخبرك ان شا الله ما فيها الا العافيه عمر (بو عبدالله): ان شالله بس لا تنسون اترياكم ودخل البيت وقال للبشاكره تسير ترقد وهوه تم طايح ع الشبريه وطبعا يفكر بنته شو ياها ويدعي انه الله يعافيها في موتر عبد الله التلفون يرن عبد الله هلا حمدان حمدان :ها وين انته عبد الله اسمحلي الغالي ما بروم أي حمدان: افا عبد الله: والله سلومه شويه تعبت علينا ومودنها المستشفى انته سر عند الربع وانا بشوف جان بلحقكم ويالله في مان الله وسكر في ويه حمدان ام عبد الله :ها حمدان ولد عمك عبد الله :هيه الغاليه ها متفيج اونه تعال عند الربع ام عبد الله :هيه سلامه يالسه ورا وحذالها امها وميوده ايدها سلامه تطالع امها وشكلها يعور القلب وعبد الله يسرع ع قد ما يقدر عشان يوصولون المستشفى وسلامه ميوده امها لانها اصلا تتروع من السرعه وتحط راسها في حضن امها ومتألمه راسها بينفجر عليها وتصيح بس دموع بدون صوت وامها تمسح دموعها وشويه او وصلوا المستشفى نزل عبد الله وخبرهم انها تعبانه وطلعوا لها الممرضات ودولها الشبريه المتحركه وحطوها عليها ويتراكضون بها داخل لانها تتويع من الخاطر واصطكت ما رامت تتنصخ ويترابعن الممرضات اللي تحطلها المغذي واللي تحطلها الاكسجين وامها ميوده ايدها وعبد الله واقف عند الباب وشويه وتلفون عبد الله يرن ويطلع له في شاشه التلفون اسم ابويه ورد عمر: ها عبادي شو قالولكم عبد الله : ابويه ما فيها الا العافيه بس شكلهم بينومونها اليوم لانها شويه تعبانه ودمها نازل فيحتاجون انه يحطولها دم والدختر يطلع من الحجره اللي فيها سلامه ويقولها انته اخو سلامه مصري الدختر عبد الله :هيه انا وقال لابوه الغالي بشوف الدختر وبخبرك وسكروا عن بعض الدكتور: يا اخويه اختك محتاقه دم بس الكميه اللي موقوده عندنا متكفيش انته دمك زي دمها ؟ عبد الله: والله ما ادري الدكتور طيب بتسمح نعمل لك فحص سريع لانه اختك محتاقه الدم وعايزين تتبرع لها عبد الله: يالله انا جاهز اختي هاي يالله لا نتاخر عليها وهمه يجيكون على نوع دمه حمدان اتصل به واول سؤال قاله عبد الله بدون سلام ولا شي حمدان: انته شو فصيله دمك ؟ حمدان: بسم الله شو السالفه عبد الله وصوته شويه متغير حمدان علني افداك انته شو فصيله دمك فقاله انا o جنه عبد الله: بتينا المستشفى سلومه ناقصنها دم وانا ما اروم اعطيها ع قوله الدكتور نوعيه دمي غير عنها ما ادري شو ها بعد المهم بتروم تي تجيك ع دمك والا ما بتروم تتبرع لنا حمدان: افا عليك سلومه .. (وسكت شويه وتغيرت نبره صوته) انا الحين ياينكم عبد الله :يالله تعال او 5 دقايق والا حمدان واصل وطلع دمه نفس دم سلامه وتبرع لها وهيه مسكينه ما تدري بالدنيا واستوت الساعه 3 اونص فليل سار عند الدختر وقاله بشر الدكتور: لا الحين ما شالله عليها زي الغزال بس عايزينها تفضل اليوم عندنا عشان نطمن ع صحتها كويس عبد الله :خلاص دكتور ما تقصر وخلوها اليوم ودخل ع امه وسلامه وحمدان يترياه برع اميه الغاليه حمدان يترياج برع انتي سيري وياه البيت وانا بتم هنيه ويا سلومه ام عبد الله: ليش بيخلونها هنيه عبد الله: هيه اميه اليوم بس الين الصبح وان شالله بتطلع ويايه انتي سيري ريحي وانا بتم وياها والحين هيه راقده لا تعبين عمرج انا موجود ام عبد الله (تحب سلامه ع راسها) وطلعت من الحجره: يالله نسير حمدان حمدان مستغرب بس ما بين لها طرشله عبد الله مسج وقاله يودي امه البيت وجان يقولها يالله خالوه السياره هناك وساروا صوب السياره في السياره ام عبد الله: ما تقصر الغالي (لانه تبرع لسلامه بدمه ) حمدان: افا عليج خالوه هاي سلامه ما ارضى انا بعد وسكت شويه وقال ختيه لازم اتبرع لها ام عبد الله تبتسم له وتقوله ما تقصر الغالي او وصلوا البيت ونزلت ام عبد الله ومن دشت اتصلت في عبد الله ها عبادي نشت عبد الله: اميه الحين شو بيوعيها خليها راقده انتي استريحي وطمني الوالد وما فيها الا العافيه وها حبيتها عنج بعد ههههههههههه ام عبد الله: هههههههههه عبد الله بدا يتنرفز: اميه يالله انا ما اروم ارمس وايد في التلفون عشان ما اذيها ام عبد الله: الله يحفظكم الغالي واقرا ع عمرك وعليها عبد الله: ان شا الله الغاليه بس انتي استريحي مسكينه وين بتستريح وبنتها في المستشفى المهم طمنت بو عبد الله وع الساعه 5 الفير انتبهت سلامه لانه تعودت تنش للصلاه وتشوف عمرها مب في البيت وتشوف عبد الله واقف عند باب الحجره وتزقره: عبادي عبادي وانتبه لها واستانس يوم شافها واعيه وترمسه وسار يود ايدها وقالها: الحمد لله ع السلامه غناتي سلامه: الله يسلمك وتبتسم له ولوا عليها ونشت تتوضا وتصلي وهوه سار توضا في مكان ثاني وصلوا وع الساعه 6 ياهم الدختر وشاف انه ما شا الله صحتها عال العال وقال لعبد الله: اذا عاوزين تطلعوها بتادروا عبد الله: لا خلنا الين العصر وان شالله خير وطلع عنهم الدختر وعبد الله يطالع سلامه ويبتسم لها وهيه تطالعه وبصوتها نبره حزن وتقوله : ليش ما تخلينا نطلع الحين انا ما ابا اتم هنيه عبد الله سار ويود ايدها وحضنها وقالها علني فداج ان شالله الين العصر وبنطلع عشان نطلع ونحن متطمنين سلامه وهيه لاويه ع اخوها: عبد الله عبد الله يود ايدها وقالها: عيون عبد الله عاد هنيه صاحت سلامه ورد حضنها وقالها: علني افداج ان شالله من يأذن العصر بنطلع سلامه بصوت متشرط : ان شالله عبد الله : سلومه انا بسير ستار بكس اللي في المستشفى وبايج تبيني ايبلج شي سلامه : سلامتك الغالي لا تبطي عبد الله : من عيوني سلامه : تسلم عيونك طلع عبد الله من الحجره كانت الساعه 10 تقريبا ً وهوه نازل من على الدري لفتت نظره وحده ومشبهنها كان على وحده من ربايع اخته وكان وياها ريال فسار وسلم على الريال وخبره بسالفه انه مشبه ويبا يعرف اذا هيه والا لا بس طلعت هيه واسمها أمل وهيه من اعز صديقات سلامة او وياها من أيام المدرسه واللي وياها كان أخوها ياين يزورون واحد من هلهم وخبر عبد الله انه اخته سلامه هنيه في المستشفى فأنتهزت الفرصه وسارت لها وهم سايرين عبد الله او اخو أمل اسمه أحمد وقفوا يسولفون برع لانه ما يستوي احمد يدش الحجره شو تتوقعون بيستوي في حجره سلامه وكيف سلامه بتستقبل ربيعتها ؟ ترقبوا الجزء القادم |
قصه جميله ومشوقه اختي
ومعرف وفي انتظار تكملة القصه |
مشكوووووووووووووره يالغاليه
ونتريا البارت اليديد اوكيه الغلا |
اسعدتوني والله
وان شالله ورا باجر بحطلكم اياها عشان تشطون شويه هع |
حرام عليج تعلقين قلوينا اكثر من جيه
خخخخخخخخخخ بس اوكي تمام عادي بنتريا شوو ورانا^^ خخخخخخخخخخخخخخخ |
هع
هع ترقبوا باجر التكمله |
مشكور اختي ع القصة الروعة
|
مشكورة يالغلا ع القصة الجميلة...ننتظر الباقي.......
|
المهم في حجره سلامه
سلامه طايحه ع الشبريه ومغمضه عيونها سمعت حركه في الحجره بس تحرت عبد الله ومره سمعت صوت حرمه تقولها: سلامي سلامه فتحت عيونها وانصدمت لانه ما كانت تتوقع انه تلتقي ويا أمل لانه من مده ما تشاوفوا ونشت وكانت بتنش عشان تسلم عليها امل : علني افداج سلامي يلسي يلسي لا تنشين سلامه : (متلومه ) افا عليج الغالية وتحاول أنها تنش بس أمل سلمت عليها وخلتها اتم يالسه ويلست هيه ع الكرسي أمل: سلومه غناتي عسا ما شر شو عوقج سلامه: ما شر الغالية بس حسيت بدوخة وانتبهت اليوم وانا هنيه بس الحمد لله الحين أحسن أمل: الحمد لله سلامه: كيف عرفتي أني هنيه أمل: تشاوفنا ويا عبد الله اخوج ونحن كنا ياين عند واحد من الأهل جان تعرفينه عماري ولد فطيم بنت مبارك سلامه: هيه هيه عرفته شو فيه عساه خير أمل: والله ما شر وتبتسم لها سلامه: علني افداج والله ولهت عليج أمل: وتنش تحبها ويلست حذالها على الشبريه وتمن يسولفن وعبد الله وأحمد يتمشون تحت وين ستار بكس في مستشفى الوصل وشويه وسارلهم عبد الله واحمد سار عند هله وطبعا تعارفوا على بعض ويوم وصل الحجره دق الباب ويقول: هود هود أمل تعدل شيلتها سلامه: هدا هدا عبد الله: السلام عليكن سلامه وأمل: عليك السلام عبد الله : ختيه أمل بو شهاب يترياج عند اللي انتوا يايين جداهم ( ما يدري منوه ) أمل: خير ان شالله بسير لهم سلامه: عبادي الغالي خلها شويه انته تريانا برع شويه وبتروح أمل : لا فديتج أنا ما اريد أطول عليج نسيتي يوم كنا ندرس عن آداب زياره المريض وكلهم: هههههههههه ونشت أمل وسلمت على سلامه وطلعت عبد الله يا ويلس صوب سلامه سلامه: ها ما اشوف شي في يدك وينه الكوفي عبد الله: ههههههههههه والله يوم شفت ربيعتج استانست لاني بونسج ونسيت سالفه الكوفي سلامه: علني افداك والله عبد الله يتقرب منها وحبها سلامه: عبادي متى بنطلع بس ضجت من المستشفى عبد الله: الحين بطالع الدختر سلامه تبتسم: يالله انهض ورمسه عبد الله: بلاج مستعيله الحين حزه غدا وين ايبه الدختر عقب العصر بنطلع سلامه : وبدا الحزن عليها عبادي انا ضجت من هنيه ما ابا اتم وشويه والا هم يسمعون حد يقول هود هود سلامه حطت الشيله البيضا على راسها وعبد الله نش يطالع منوه عند الباب طلع منوه ؟؟؟؟ عبد الله : هلا والله بالغالي حمدان : هلا بك زوود عبد الله: اقرب اقرب سلامه ( مستغربه ) وتعيبت انه حمدان نزلت راسها ويا وسلم عليها حمدان: السلام عليكم سلامه سلامه: عليك السلام والرحمه حمدان : ها سلامي شو صحتج الحين سلامه : (متخاديه ) امم ها بخير وسهاله ومن جداك حمدان : هههههههههه انا بخير وسهاله سلامه وما شي تعبير على ويها وتمت ساكته عبد الله: سلامي سلامه ترفع راسها وتطالع عبد الله عبد الله: برايني اسير ؟ حمدان: الله وياك سلامه : (شويه وبتصيح ) عبادي حمدان : ويا ويهج انا ولد عمج ما بسوي شي بيسير شويه وبيرد عبد الله : يوم شافها بها الحاله قالها فديتج انا خلاص ما بسير حمدان اتصل بهم وقولهم اني ما بروم اسير لهم والا اقولك انته انهض وسر لهم حمدان: خلاص الغالي تآمر عبد الله: تسلم الغالي حمدان: سلامي تامريني بحايه قبل ما اسير سلامه تهز راسها بمعنى لا حمدان: الله يسلمج ويعافيج عبد الله: يالله في مان الله حمدان حمدان مروح سلامه : تطالع عبد الله عبد الله يلس عدالها وحبها وقالها بس دقايق وبرد لج عبد الله كان مسولها مفاجأه هوه وحمدان ويايبيلها الصغاريه لانها وايد تحبهم عبد الله طلع من الحجرة ونزل عند حمدان حمدان: ايبهم من السياره عبد الله: مينون انته مخلنهم في السياره حمدان: يالله انا بسير ايبهم عبد الله: يالله اتترياك وبسير اسوي التصريح عشان ندخلهم حمدان: تم وساروا عن بعض حمدان سار صوب السياره وعبد الله سار عند الرسبشن عشان ياخذ اذن انه يدخل الصغاريه لأنه في الوقت ها ممنوع الدخول بس هوه سار وطلع لهم الاذن حمدان وصل السياره عفاري اول وحده عافده عليه وهيه تصيح انته ليش خليتني هنيه وتضربه وتصيح ما احبك ما احبك هئ هئ هئ حمدان: حبيبي انتي تعرفين الحين وين بنسير عفاري تطالعه: وين ؟ سلطان: بنسيل عند سلامي صح ( يعني بنسير ) حمدان: هيه يالله سلطون حبيبي انزل من السياره وهات ايدك وانتي عفروه بعد هاتي ايدج وخل نمشي عفاري تصيح بدلع ما ابا ما ابا سلني ابا فوق تباه يشلها سلطان: انتي مب شاطره كله تصيحين دلوعه حمدان: سلطان حبيبي بس اختك هاي عفاري واقفه مكانها ما تمشي تباه يشلها حمدان: عفاري عيوني يالله تعالي عفاري وهيه مكانها ما اباك سيلو سيلو يعني سيروا حمدان : خلاص انا بزعل عليج عفروه عفاري مبوزه وتسيرله وتتيود فيه ما تخليه يمشي الا تباه يشلها وشلها ومشى بسرعه ودشوا داخل عفاري يوم شافت عبد الله اخوها تمت تزاعج : ابادي ابادي يعني عبادي عبد الله وهو يشلها من عند حمدان ويحبها وحب سلطان بعد حمدان: حبيبي عفاري عسل انتي بس لا تباغمين عبدالله :هههههههههه طبعا هيه مب فاهمه شو السالفه وهناك صوب الرسبشن شي محل يبيعون في حلويات وهالسوالف وتمت ابا حواوه يعني حلاوه عبد الله: عفروه بضربج تراني بس بنسير الحين عند سلامي عفاري: انا ما احبكم هئ هئ هئ هئ سلطان : عفاري انتي لا تصيحين بعدين بنشتري صح عبادي ( رمسه سلطان احسن عن رمسه عفروه الدلوعه ) عبد الله: هيه هيه بس سكتي حمدان يشل سلطان ع الدري المتحرك وتمت عفاري غيرانه ما تباه يشله عفروه: اتاني ايال ليس تسله ومبوزه ( سلطان ريال ليش تشله ) حمدان ميود عمره يبا يضحك وعبد الله نفس الشي عبد الله: وهوه يحط ويهه مجابل ويه عفروه وهوه شالنها ويقولها : منوه حبيبي انا عفروه : انته لا حبني انا ابا ككاو انته كله تقول لا وتبوز عبد الله يحب عفروه ويقولها الحين بنسير عند سلامي شو بتقولين لها سلطان : انا بقولها عفاري كله تصيح مب شاطره ما تيبلها لعوبه بس تيبلي انا عفاري تحط راسها على جتف عبد الله واتم ساكته وحمدان يطالعها ويضحك وقبل ما يوصلون صوب القسم الي فيه سلامه حمدان يطالع عفاري ويقول : عبود عبد الله: ها شو تبا انته الثاني حمدان: مالت عليك يالهرم ها يزايه يايب اخوانك عبد الله: آمر حمدان: عفروه عبدالله: شويه وبيشل عفاري من على جتفه حمدان وبسرعه يقوله لا خلها عبد الله: شو بلاها سلطان : وهوه يضحك عبادي عفاري رقدت عبد الله تم يضحك وحز في خاطره انها رقدت وهم يايبنها تونس سلامه وبعد لانه زعل عفروه ويوم وصلوا عند باب الحجره اللي فيها سلامه عبد الله : حمدان نزل سلطون ويرمس سلطان: حبيبي دش انته الحين عند سلامي ونحن شويه وبنيك سلطان : اوكي وعاد اونه الحين سلطان ريال وداش هود هود سلامه عرفته من صوته : سلطون حبيبي تعال سلطان : دش الحجره وسار ونقز ع الشبريه وحبته وحطته في حضنها سلامه: وين عبود وعفروه واميه يت والا لا سلطان : ماماتي راقده ما يت نحنا حدنا يايبنا عبادي برع ويا حمدان سلامه تقاطعه : وعفروه وين ؟ سلطان : عفاري رقدت وتمت حاضنته شويه ودخل عبد الله وفي يده عفروه وكانت راقده يابها عند سلامه وحبتها وحطتها حذالها على الشبريه سلطان : سلومه انتي متى بتين البيت عفاري كله تصيح سلامه ترد تحضنه وتطالع عبد الله عبدالله وينه الدختر بس ابا اطلع وكان كلامها بنبره حزينه عبد الله: حمدان سار يكلمه سلامه : وهيه محرجه عبود انته سيرله حمدان شو يخصه عبد الله : ليش محرجه علني افداج انا كنت شال عفروه وتلاقينا ويا الدختر برع وانا قلت بدش وبيبلج عفروه وحمدان رمسه والحين ان شالله بنطلع بس لا تزعلين وانا مرمس الدختر حمدان بس ساير يخلص الاوراق سلامه منزله راسها وحاضنه سلطان وتصيح سلطان : سلامي لا تصيحين شو ها كله كله يصيحون البنات عبد الله : هههههههههه فديت الريال انا سلامه ترفع راسها : اميه ليش ما يت وابويه وينه عبد الله : سلامي فديتج امج وابوج وين ايبهم هنيه امج يت ويانا البارحه وتعبت ويانا الين الساعه 3 سلامه تنزل سلطان ونشت سارت صوب عبد الله ولوت عليه وتمت تصيح عبد الله: سلامي فديتج لا تصيحين الحين سلطون شو بيقول عنج سلامه وهيه بعدها حاضنتنه وتقول عبود: الله لا يحرمني منك وتصيح عبد الله: علني افداج والله سلطان في هالوقت ما انتبهوله وطلع من الحجره وشاف حمدان واقف ويا الدختر سار ويود كندورته : حدنا حدنا حمدان: حبيبي لحظه الدكتور : انته يا ود يا حلو اسمك ايه سلطان يطالعه ومستغرب ويطالع حمدان ويقوله : ها شو يقول الدختر وحمدان تمو يضحكون الدكتور : هو دا اخوك يا حمدان حمدان " لا ها اخو سلامه سلطان وكان اونه محرج : حدنا حمدان : ها حبيبي ما تشوفني اكلم الدكتور سلطان اونه زعل الدختر : شوفوا عايز ايه يا حمدان حمدان : اف منك ها آمر سلطان : خلاص ما بقولك بقول حق الدكتور الدكتور : يا عمري انته وسار سلطان صوب الدكتور ويقوله : ييب راسك تحت بقولك شي ما بنخبر حمدان الدكتور يطالع حمدان وحمدان ميت من الضحك حمدان : خسك الله يالهرم يا سلطون خلاص لا تخبرني بس بشتري حلاوه لعفروه سلطان يطلع لسانه لحمدان : عبود وسلامي بيشترولي حمدان والدكتور يضحكون الدكتور يلس عشان يرمسه سلطان سلطان يتقرب من الدكتور : سلامي وعفاري كله يصيحون ليش ؟ الدكتور يطالع حمدان وعلامه تعجب في ويه حمدان: سلطون اجلب ويهك مناك سير عند عبود وسلومه الدكتور يطالع حمدان :ماشالله عليه يا حمدان بس مالها سلامه بتعيط ومين ديه عفرا حمدان: يركب الجمله سلامه تصيح ومنوه عفرا دكتور والله ما ادري عن سلامه شو فيها بس عفرا أخت سلطان هالخبله خويته التوم الدختر: ايوه الله يخليكم لبعض حمدان: أمين وسار وخلص الاوراق عشان تطلع سلامه والدختر سار صوب حجره قوم سلامه ودق الباب وعبد الله دخله عقب ما سلامه لبست شيلتها ويلست ع الكرسي لانه كانت حاطه سلامه على الشبريه الدكتور: السلام عليكم عبد الله وسلامه: عليك السلام الدختر: ازيك يا سلامه ان شالله كويسه ؟ سلامه: الحمد لله طيبه دختور وابستمت له بس ابتسامه حزن الدكتور: الحمد لله دنتي متأكدة انك عاوزه تخرجي من المستشفى سلامه بدون تردد: هيه نعم بس طفرت سلطان: هيه بس نحنا نباها مب كله عندكم اونه محرج ومره وحده عفاري انتبهت وتمت تصيح لانها شافت المكان غريب سلامه تتطالعهم سارت لها سلامه ولوت عليها عفاري: الامي ؟! ( يعني سلامي ) سلامه: فديتج والله هيه أنا سلامه وتم لاويه عليها الدكتور:ايوه دي عفرا سلطان: هيه شفت هيه كله تصيح عبد الله: سلطون بس اص عيب الدكتور: ههههههه هوه قال انوه سلامه وعفرا بيعيطو سلامه مالك بتعيطي شوفي عيونك فيه حاقه بتوقعك والا حاقه سلامه: لا دكتور ما فيه شي بس ابا ارد البيت الدكتور: ماشي يا سلامه ( ويطالع عبد الله) ويقوله يا عبد الله انتبه لاختك اوي واذا عاوزه أي حاقه نحنا بالخدمه سلامه وعبد الله يبتسمون للدكتور الدكتور: ما تشوفيش شر يا سلامه ويطالع عفاري ويقولها تعالي يا عفرا انتي عايزه شوكولاته عفاري سمعت في السالفه حلاوه عفاري: هيه ابا بس انته هاته هنيه عبد الله وسلامه مفتضحين عبد الله: عفروه نحنا شو قلنا الدكتور يضحك: معليش يا عبد الله دنا بحب الأطفال اوي عبد الله: عفروه وفي هالوقت حمدان جد خلص كل شي دق باب الحجره ودخل حمدان: الحمد لله على السلامه سلامه سلامه : الله يسلمك حمدان يالله عبود انا بشل الصغاريه وانته سر ويا سلامه غيروا جو شويه سلامه تبتسم لحمدان عبد الله: يالله عفروه وسلطان سيروا ويا حمدان عفاري: انا ما ابا حدنا ابا حواوه (يعني حلاوه) وتصيح هئ هئ هئ هئ الدكتور: يالله انا استأزنكو سلامه تطالع عفاري وتقولها: حبيبتي عفاري الحين كلنا بننزل وبنشتريلج انتي وسلطان عفاري وهيه مبوزه: الحين الحين ابا حمدان: يالله قومي عفروه انا بوديج وسلطاني يالله الشيخ قم ونش سلطان وحمدان شل عفاري ويوم وصلوا عند الدري المتحرك شل سلطان بعد لانه ما يعرفونله الدري ويتروع عليهم انه يطيحون ويتعورون لا قدر الله ويوم وصلوا نهايه الدري على طول نزل سلطان ومشوا صوب المحل ونزل عفاري وكل واحد منهم اشتراله اللي يباه ورودهم البيت وعبد الله وسلامه شو بيسون والا شو بيستويلهم ؟؟ انتضروا البارت الياي والسموحه |
السموحه ع التاخير
واتمنى انه البارت يعيبكم |
افا
وين اختفت الردود ؟؟ |
يسلموووووووووو فديتج وانتريااا الباااقي.........
|
الساعة الآن 02:06 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][