ألغاز جعلان3
 

السلام عليكم

عسى جميع الاعضاء بخير وعافية ان شاء الله

رجعنا لكم بعد توقف المسابقة لمدة تزيد عن الاسبوعين وابتعادي شخصيا عن الانترنت بشكل عام لمدة خمسة ايام لظروف سوف تعلمون عنها بعدين36_11_16[1].

نرجع لمسابقتنا:

السوال الاول:

يقال ان هناك بيت طابقين الطابق الاول فيه 3 مفاتيح كهربائية لثلاث مصابيح في الطابق العلوي

لا يمكنك رؤية المصباح يعمل الا عندما تذهب للطابق العلوي عن طريق السلم

السوال المطروح اذا بامكانك ان تذهب للطابق العلوي مرة واحدة فقط لتتأكد من اي المصابيح مشتغل وعند ذهابك للاعلى يسمح لك بوضع مفتاح كهربائي واحد فقط في وضع التشغيل

كيف تعرف اي مفتاح لاي مصباح علما بان جميع المصابيح والمفاتيح تعمل


السوال الثاني:

معاك 9 خواتم متشابهة لكن واحد منهن اثقل من الاخريات ومعك ميزان ذو الكفتين بامكانك استعماله مرتين؟

كيف بامكانك ايجاد الخاتم الثقيل من بين هذه الخواتم؟؟


نترياااااااااااااا اجابتكم وابداعاتكم

سي سو صعبات
بس ان شاء الله لي رجعه
عصرت مخي بس ماشي فايده

ان شاء الله تتوصلي للحلول

ننتظرك رجعتك لا تشردي

وين البقية؟؟؟

بل اسأله صصعبه الصرراحه يباله حد ذكي شويه ..

ان شاءاالله مي تو لي عووده .. معني اشك اني بحلهم

يسسلمو ع الفكره ونرقب كل يديدك

تصدق سامعتنها هالاسئلة












بس ناسية حلها
هههههههه
لي رجعة ان شاء الله اذا عرفت حلها

يالله نتريااكم عيل عكس قانونة وونة ولا تسونها شردة

فانتظار البقية

هلا

يسلموو عالالغاز الحلوة والصعبة خخخ


بحاول احل...انشألة

يالله ننتظر حلولك ومشاركتك ان شاء الله تحلينهم

ما زلنا في انتظار البقية

السؤؤال الاول وايد صعب ..

الثاني في امل احله واتفلسف شويه لووول



انحط 4 خواتم على الكف اليمين و 4 خواتم على الكف اليسار ......... و طبعا شي خاتم واحد ف الخارج ...... اذا كانوا الكفين متساويين .... الخاتم اللي ف الخارج بيكون هو الاثجل ....... و اذا كان كف اثجل عن الكف الثاني ...يعني مثلا اذا كان الكف اليمين اثجل من الكف اليسار ...يعني الخاتم الثجيل ف الكف اليمين .... ف هالحالة نبدا انشل خاتم من الكف اليمين و خاتم من الكف اليسار
..... اذا اتساووا فالوزن ... يعني الخاتم اللي ع اليمين اللي طلعناه هو الخاتم الثجيل .... و اذا ما زال الكف اليمين اثجل ... انسوي نفس الشي انشل خاتم من اليمين و خاتم من اليسار لين انحصل الخاتم الاثجل


وبسس عاد اتمنى يكون صصح لوووول

شكرا عكس قانونة عالجهد المبذول

قربتي من الحل بس انتي مسموح لك محاولتين بالميزان

اعصري مخك شوي وان شاء الله توصلي للحل

يالله مشمشة شدي حيلك

فانتظار البقية

اممممم بحااول احلهم باجر ان شاء الله,,
اذا في وقت لانه عندي بروجكت ماث ف الماتركس>> صعب

فانتظارك ان شاء الله

بالتوفيق لك

جواب السوال الاول

نشغل المفتاح الاول وننتظر 10 دقائق او اكثر وبعدين نضغط على المفتاح في وضع الايقاف

ثم نشغل المفتاح الثاني ونذهب للطابق الثاني

المصباح الساخن نتيجة تشيله لمدة طويلة للمفتاح الاول

المصباح المولع هو المصباح اللي مفتاحه مشغل

والمصباح الطأفي للمفتاح الثالث



عسى يكون الحل مفهوم

حل السوال الثاني بيكون بعد مدة

عسى احد منكم يحله ان شاء الله

اول مره اشوف هالمسابقه....^^!

بس الالغاز صعبه شويه......بما انك جاوبت الاول فمابقالنا غير الثاني.....

اممم انزين ممكن نستخدم قياس الثقل باليد ولا....؟؟؟...

ايوه بامكانك لكن لا انتي غير قادرة على التمييز بين اثقال الخواتم

ناااااايس,,
الصرااحه الحل سهل,,لو فكرناا شوي,,
بس تبا الصدق لو انه كان واجب ولابروجكت كنا حاولناا,,
بس لانه لغز خلااص نشوف السؤاال ونقول انه صعب,,

احم احم إن شاءالله يكون صح

اول مره اوزن خااااااااتم وااااااحد واشوف كم وزنه

عقب اوزنهن كلهن مع بعض وكل مره اشل واحد وانا اشل اكيد يوم بشل الثقيل بينقص وااااااايد فهو بيكون الخاااااتم الثقيل

محاولة جيدة بس حاولي فحل ثاااني

لانه الحل للاسف خأطي

انزين حلي الثاني36_1_28[1]. لانه اسهل

لحظة يحتاااج لي نظارة وطاولة وكوب شاي علشان أفكر

أنتظروني بس أفكر في حل اللغز الثاني

بيكون الحل بسيط وهذا اللي أتوقعه

هههههههه سلامتهاا سيارتك؟؟
شو بلااهاا؟؟

نووووووووووووووو سوالف هير

كم تو ذا مسنجر36_3_11[1].

اوكي

اول شي اوزن خاتم واحد واشوف كم وزنه اوكي

بعدين احط 4 خواتم في كل كف واشوف إذا متساويات يعني الخاتك إللي برع هو الثقيل

وإذا لا اتم اشل خاتم من الكف اليمين وخاتم من الكف اليسار وإذا تمن نفس الحاله
واحد اثقل من الثاني ارد اسوي نفس الحركه إذا تساون يعني الخاتم إللي شليته هو الاثقل

يــــــــــــــــارب صح

1
بارقم الليتات والمفاتيح و باييب شخص ثاني يتم فوق و يقولي يوم بيشتغل الليت
2
باشوف اي خاتم شكله متين و باوزنه و واحد شكله ضعيف

شكرا محد يروملك على المشاركة

انتي على الاقل حاولتي البقية لم يكلفوا نفسهم عناء المحاولة


المهم الحل كما يلي:

انته عندك 9 خواتم

حط ثلاثة في كل كفة اذا متساوية نشلهم برع والثلاثة الباقيات ناخذ منهم اثنين اذا متساويين اذن الاخير هو الاثقل

اذا ستة خواتم ما متساوية نشل الكفة الاثقل وناخذ منها اثنين ونوزن اذا متساويات اذن الثالث اثقل

اذا مختلفات اللي نازل اكثر هو اثقل




اتمنى الحل انفهم


وخلاص زعلت منكم محد رد الا ناس تنعد بالباصابع اللي كلفوا نفسهم يحاولوا<<<<<حزين

شكرا على المحاولة لكن الحلول نزلت

لو تريت علينا اشوي كنت بحله بس انت الله يهديك مستعجل


انزين حط لنا الغزه ثااااااانيه

مافهمت حل لغز الخواتم...انت قلت نستخدم الميزان مرتين ....بس انته جي بتكون استخدمته اكثر ...>.

عاد مب حلوه ايي الحينه واقول اني كنت اعرف حل اللغز الاول بس يالله

لا تزعل سي سوو وان شالله الالغاز اليايه بنتشطر وبنحلها

الا ما قلت لنا سي سوو بلاها سيارتك سلامات

تسلم ع التوضيح اخويه سي سو....فهمت السالفه...^^!