|
اذا البنت عرضت عليك الزواج ايش راح تكون ردة فعلك؟؟؟؟؟؟؟
عندي موضوع حبيت اعرف رأي الشباب فيه وهو
وش راح يكون ردة فعلك لما تعرض عليك البنت الزواج يعني هي اختارتك او بطريقه ثانية ابوها عرض عليك انك تتزوج بنتة ان كانت تقربلك او لا والبنت ذات خلق ودين ياريت تكون الاجابات بصراحه ومن دون مجاملات |
المفروض يقبل,.,,
لانه لو ماقبل بتكون فشله!! واحراج بلنسبه للبنت!! دام انها بنت طيبه وماعليها رمسه لييش ترفض؟!! بعد المثل ايقولك: اخذ الي تحبك مب الي انت اتحبهاا ^_^ والله يوفق الجمييييييييع... مشكـــووور المنصـــور ع الطرح.. |
اما انا برفض
|
ليش بترفض؟؟؟
شوو فيها لو ساهمت ف حل مشكلة العنووسه!! وااااااي انتاااا بس انا رايي ان المفروض من البدايه البنت ماترخص عمرها وتقول ل احد تزوجني!! وبعد الاب مايرخص بنته!! ويقول ل واحد تزوج بنتي!! |
السلام عليكم
مشكور اخوي المنصور على طرحك للموضوع اول شي اخوي اذا على قولك البنت ذات خلق ودين ما راح تقولك تعال تزوجني ثانيا والكلام لك و للاخت التفاحه ف ايام الصحابة رضي الله عنهم كان الاب يختار شخص معروف بحسن خلقه ودينه ويقوله لقد زوجتك ابنتي ,,, وهذا شي عادي لان ما فيها ترخيص من الاب لابنته بالعكس شاف الريال زين وما عليه قصور ف حبه وحب انه يتقرب منه ,,, فهالشي مثل ما قالت اختي التفاحه يحل مشكلة العنوسه ,,, والريال اذا شاف الناس شارنه ليش ما يتزوج اذا كانوا ناس محترمين وخلوقيين ,,, واخيرا : اللي يودك وده واللي رماك ارميه :) دمت بود |
عفوا فهمتواغلط
التفاحه المفروض يقبل,.,, لانه لو ماقبل بتكون فشله!! واحراج بلنسبه للبنت!! دام انها بنت طيبه وماعليها رمسه لييش ترفض؟!! بعد المثل ايقولك: اخذ الي تحبك مب الي انت اتحبهاا ^_^ والله يوفق الجمييييييييع... انا قصدي كان ان البنت ما تهين نفسها امام الشباب حتى ولوكان ذاك الشباب حسن الخلق وغيره من المواصفات لكن ما تعرف البنت ايش اللي بيصير بعد الزواج لكن عن الاب اذا شاف ذاك الشاب ثقه ومحترم وحسن الخلق فهناك من حقه ان يزوج ابنته لتومه اول شي اخوي اذا على قولك البنت ذات خلق ودين ما راح تقولك تعال تزوجني صحيح كلامك شكرا لكم على المرووووووووووور |
لهذي الدرجه هذي البنت تعييييييسه
وما عندهااا حياء ولا اسلوووب الله لابارك فيها والله يعين الخوال عليها |
عن نفسي لا أقبل أبد ولو كانت ذات خلق . مجرد رئي
|
السلام عليكم ورحمة الله وبركات
بالنسبه للبنت اذا عرضت ع الشاب او والد البنت عرض ع الشاب احس من وجهة نظري بالنسبه للبنت لو عرضت ع الشاب بيكون فى تقليل من قيمتها مهما كان الشاب من اخلاق واحترام لازم فى يوم من الايام بيكون فيه زلت لسان ومعاير اما بالنسبه لوالد البنت يمكن شاف فى الولد اخلاق واحترام وتمنى هالشاب لبنته بس فيه اساسيات لو عمل فيها من البدايه وبدون لا يحس الولد ولا تعرف البنت اكيد بينجح وبيجمع راسين بالحلال بس ما يروح يقوله اكيد فيه تقليل من قيمتها وبيكون فيه احراج من صوابها لو عرفت وبيكون فيه حساسيه فى الموضوع بعد الزواج ولو رجعت للاهلها بيوم وش بيكون ردت الشاب انت عرضت على بنتك واهنين الوالد بيعرف قيمة بنته من تصرفه اخوانى اخواتى هالحركه مو فى هالزمن ولا فى هذى الايام تقبلوا تحياتيـــــــــ وردة جوري |
مرحباااااااااااااااااا
اخوي المنصور انت طرحت موضوع ولا تجلس تعلق وايد انت شوف النتيجه وبس ..... لو البنت عرضت الزواج انا ما أقبل بس لو ابوها عرض علي هنا الكلام يختلف وللعلم تقريبا 50% من الزواج عدنا ياتي من ابو البنت او امها بس بعض الاحيان بطريقه غير مباشره اسأل مجرب ولا تسال طبيب انتو لو تعطوني فرصه بطلعلكم درر هذا والله اعلم اخوكم الصغير الصايغ |
وش فيها يعني البنت إذا طلبت منك الزواج
أكيد البنت حبتك وشافت أنك فارس أحلامها يعني مشي بنت بتجي من الشارع وبتجول لك تزوجني ، أكيد بيكون فيه علاقة حب. نجي على إذا الأب طلب من الشاب انه يتزوج بنته اول شي إذا كان الشخص مستعد للزواج خليه يسأل عن البنت وإذا مكان شي يعيبها فالصلاه والسلام على رسول الله .. وإذا كان في عيب أو شي فيكون الرد بأسلوب مغلف بشيء من الأدب الراقي. ومن وجهة نظري مافيه نقص لا لكرامة البنت ولا لأبوها .. دمت بوووووود أخي المنصور على الطرح الجميل والقيم والشائك وإلى الأمااااااااااااام |
يااااااااااااااااااااااااااااالله بالستـــــــــــــــــر.........!!!
|
والله العظيم وبكل صراحة أنحطيت بهذا الموقف :(
بس كان زواج مسيار ...:( في أكثر من وحده عرضو علي زواج مسيار وكل شي عليهم ... بس الي يجي بسهوووووولة يرووووووح بسهوووووووله بس اذا جاءت لي بنت طيبة وخلووقة وماعليها كلام ...على طول راح اوافق ... واذا لي نصيب فيها راح اتزوجها واذا مالي نصيب ...فهذا قدرها بس في مجتمعنا هذا الاسلووب منبووذ ويعتبروونة شذووذ او قلت ادب رغم ان اجدادنا ..والعرب كانو يزوجن اولادهم وبنتاتهم بنفسهم يعرضون على ابطال قبيلتهم او جماعتهم او منطقتهم الزواج من نباتهم المهم اذا البنت خلووقة واهلها ناس معرووفين وخلووقين وانا مغمض |
انا لو جاتني وصفاتهااااااااا حلوه طبعا بقبل اذا اذا كان ما في بالي بنت قبلها
|
وين عايشين عسب البنت تروح تخطب او تقول لابوها ابا فلان ..
هذي العادات خليناها لغيرنا شرات الاجانب .. اما اذا كان فيه صدج بنات خليجيات جي يسوون ف هذيلا بايعات عمرهن ومايعرفن الاصول ماظنيه فيه واحد بيقبل يتزوج هانوع من البنات .. سي ياا مهاري .. |
احلا كلام هذا الرجل ما عرض عليك بنته الا وهوه يعزك ويشوفك اهل لها وكفوا واذا البنت من عرب وبنت اصل وراعيت دين وهذا طبعن اهم شيءعندي وجميله اكيد وافق
|
هههههههههههههههه وولقعه تلقعهااااااااا شهالكلام يعني بتقووله تعال
تزوجني هههههههههههههههههههه حلووه هااي بأي دستوور حصلتووهاااااااااااا هههههههههههههههههههه |
اشكركم على
اآآآآآآآآآآآآراااااااااااااااااائكم |
من المفرض البنت ما تعرض ع الرجال الزواج مهما كان
بس في حاله وحده الا اذا كانو يحبو بعض |
عن نفسي ارفض لانه هذاالزمن ما فيه بنت محترمه تعرض زواج ع شخص لانها اول شي تقل من قيمتها هذا راي شخصي ...... يسلموووو يعطيك الله الف عافيه انته ع راسي المنصور اشكرك على الموضوع الحلو
|
| الساعة الآن 02:21 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][