|
كارثة الخبه .... بولاية جعلان بني بو علي
كارثة الخبه لا أدري بما سأبدأ أو كيف سأنتهي سوى أني أختصرها بقول : انا لله و انا اليه راجعون يا الله كيف حدث كل شي في أقل من خمسة ثواني ؟ وش سالفة الأشخاص الخمسة عشر ؟ أرجوا المشاركه بنصيحه أو حتى تعليق إلى متى يا شباب ؟ |
لا حوله ولاقوة الا بالله
لقد سعقنا عند سماع الخبر والان لانستطيع القول الا حسبنا الله ونعم الوكيل ولي عوده إن شاء الله |
شو السالفه ياجماعه
مافاهمه شيء؟ |
أقرأي في جريدة أمس عن المأساه التي حدثت في جعلان بالأخص في الخبه |
لاحول ولاقوة الا بالله
|
لأحول ولا قوة إلا بالله
نعم المولى ونعم النصير ولكن وجدت السيارات وسيلة نقل ولكن سوء إستخدام بعض الأشخاص يودي إلى أن تكون السيارات وسيله قـــــــــــــــــــــــــتـــــــــــــــــــــــ ـــــــــــــــــــــل |
شكرا على المرور أحبتي |
مشكور اخي ع موضوعك والصرلحه فاجعه كبيره
وسمعت بالاس انه الشخص الثاني توفى ايضا وهذا ان دل يدل ممارسة الهوايه بشكل عشوائي وبدون مراعاه للناس المتواجدين وعدم القدره ع السيطره وانا لله وانا اليه راجعون والله يصبر اهلهم في مصابهم |
وابوووووووووي احس نفسي مثل الاطرش بالزفه ما فاهمه
شي بس اللي فهمته في حادث واموااات اعتقدكذاااااااااا فيدوناااااااا لاه |
انا لله وانا اليه راجعون
ولاحول ولاقوة الا بالله |
عزيزتي (ريم السلطنه) أود أخبارك عن كل الذي حدث في هذه المأساه ولكني عندما أتذكر الذي حدث وكيف نجوت أنا بالذات من هذه الكارثه لا يسعني سوى الدموع وقول الحمد لله على السلامه |
احب ان اشاركم الحدث واقول اذا لم تستحي ففعل ماشأت كل شي له حدود وعندما يخرج عن هذا السلوك هذه هي النهايه والعتب ليس علي الشباب وانما يعود على الاباء انشغلوا عن تربية ابناء هم التربيه العقلانية وعلى سبيل المثل من امرك قال من نهاني ومن هذا الموقع اناشد الشباب ان يرأفوا بانفسهم واعمارهم واعمار الابرياء وان يعلموا با الحياة حلو وتستاهل ان نعيشها باطول عمر ونحن اصحاء فالصحوة قد تكون متأخرة عندما لاينفع الندم وان يفكروا ويجلسوا مع انفسهم لو لبره لعل الغمامة تنقشع
|
مشكور حبيب قلبي على المرور والنصيحه الطيبه |
هذا طيش شباب.............وهذا الشاب اكيد ما كان قصده....ما بيقتل اولاد الناس على هالحال....بس السبب من الناس اللي جالسين ينظموا مثل هذي المسابقات اللي انا سمعت اللي يفوز يعطوه 500 ريال..
بس لو كان وزارة الرياضة تسوي للشباب اماكن معينه وايام محدده لهذي الرياضه كان بتقل مثل هذه الحوادث....وتلبي رغبة الشباب |
عاشق المنصور انا معك على المعنين وجود حل لاشباع رغبة الشباب عشاق هذه الرياضه دون ازهاق ارواح وبسرعه وعلينا ان نتوخى الحذر ونتبع قواعد السلامه حتى ياتي ذلك اليوم ومن حذر سلم واقول للي نجاء سلامات وعساك تعلمت الدرس والله ليوريكم مكروه
|
إنا لله وإنا إليه راجعون حسبي الله ونعم الوكيل إخوتي الذين لم يفهوا القصه !!!! القصه وما فيها أن مجموعه من الشباب جالسين يخمسوا بسياراتهم فجاء أحد الشباب وقام يفحص ويلان بطريه غير طبيعيه وطلب منه أن لا يقوم بمثل هذه الحركه فأصر على أنه لا يريد حياته مما أدي في النهاية إلى صدم عدد كبير من الشباب ما يقارب ( 16 ) شخصا أو يزيد بعضهم فارق الحياة والبعض في حالة خطره كما علمت هذا والله أعلم . لا حول ولا قوة إلا بالله العلي العظيم |
السالفة بانه كان في الخبه عرض للسيارت....تفحيط...
وفي واحد عنده سيارة لكزس وفقد السيطرة على سيارته ..فذهبت الى مكان تواجد الجمهور..واصابت حوالي 15 شخصا والكل اصابات..وللاسف كانت هناك حالتين وفاة..... http://upload.wikimedia.org/wikipedi...ler_Bigger.jpg انا لله وانا اليه راجعون |
السالفة بانه كان في الخبه عرض للسيارت....تفحيط...
وفي واحد عنده سيارة لكزس وفقد السيطرة على سيارته ..فذهبت الى مكان تواجد الجمهور..واصابت حوالي 15 شخصا والكل اصابات..وللاسف كانت هناك حالتين وفاة..... انا لله وانا اليه راجعون http://upload.wikimedia.org/wikipedi...ler_Bigger.jpg |
لا حول ولا قوة إلا بالله
إنا لله وإنا إليه راجعون انا كما حدثني بعض الأخوان ... أن الحدث صار بعد ما طلب الجاني من أخيه السيارة وهم كانوا في مسقط وطلب منه أن يذهب إلى جعلان وبعد ذلك جاء وسواس الوسواس وأصر الولد أن يذهب إلى ساحة العرض بدون علم أخيه ، ولو علم أخيه بذلك لما سمح له بالذهاب إلى جعلان ..... مالذي ساقه إلى تلك الساحه مالذي دهاه وأجره لتلك الساحه ... هذا ما سنعرفه في الحلقة القادمة .. وهذا الخبر كان من صاحب السياره إلى أخي .... والله أعلم |
يا شباب ايجولوا لولا الله سلم والرصيف اللي وقف السيارة عند الجمهور كان بيسقط ضحايا كثيرة.............
|
انا لله وانا وانا اليه راجعون
بقولكم اسالفه الي شفتها بعيني .. كان فيه واحد راعي جي تي قاعد يخمس فل خبه وبظبط على الجزيره المهم وهو قاعد يخمس والجمهور قاعد يتشوف مر اول شي الكزس مسرع وخطف مره من سيارهم بعدين رد مره ثانيه بس عاد اذيه المر رد وهو مبند اليتات ولله يهيدهم الجمهور مره مسكرين اشارع يعني مشي مبينهم ومبين الموتر الي يخمس الا متر .. ياك راعي الكزس مطير وهو مبند اليتات ومسرع ولما كان يبا يتفادى راعي الجيتي افتر عليه موتر .. وفتر اموتر صوب اجمهور وقصع منهم وايديين ووقف .. لما وقف التمو عليه اشباب وقالو بندف اسياره يمكن حد وطاها نزل الي قاعد سيار اسايق وقال لا لا تحركو اسياره حن بنروح وبنقلصها . الحين هو مفكر فسياره وناسي الارواح الي دعمهم .. وستوت اضاربه .؟ الله يهديه . بعدين ين ثلاث مواتر استشين ونسيان وهايلكس وسعفو الي طاح من الجمهور . يزاهم الله خير .. بس ما نقدر نقول غير عسى الله يرحم الي توفى منهم ويشفي الي بقى منهم . .(( وعلى فكره اي اتخميس الي بل خبه كان يسير كل سبوع وبظبط يوم الخميس )) |
هو المفروض من الحكومه وبالأخص وزارة الشوؤن الرياضيه بالتعاون مع الشرطه أن يجدوا حلا لهذه المشكله كأقامة مكان مخصص لهذا النوع من الرياضات ولا وش رايكم يشباب |
لا حول ولا قوة إلا بالله
إنا لله وإنا إليه راجعون |
لا حول ولا قوة إلا بالله
كله من وزاره الشؤن الرياضيه ياخي ليش ما يتساهلو مع الشباب ترا هذي رياضه لها محبيها ومشجعيها واصلا الامور فجعلان وبديه متعفسه من العام الماضي |
لا حول ولا قوة الا بالله العلي العضيم......
الله يرحمهم....... ويعين اهلهم....... |
السلام عليكم ورحمة الله وبركاته:
مشكورين ع الموضوع ومشكورين ع التغطيه الرائعه منكم والظاهر أنه كل واحد يكتب ع كيفه الحادث باختصار صار ومهما كانت الاسباب واللي مات الله يرحمه ويغمدروحه الجنه ونا لله وانا اليه راجعون ولاحول ولاقوةالابالله المتوفي:شخص واحد يسوى 100الله يرحمه والمصابين 2 والله يعافيهم والسموحه |
مشكور أخوي سهم الموت على المرور . والظاهر مثل مقلت كل واحد يألف أخبار من راسه حد يقول المصابين 2 بس الي نعرفه أكثر . المهم الي صار صار والواجب علينا كيف نعالج هالمصيبه (مصيبة التخميس) لأن الشباب بيردولها مره . وزين كل واحد يطرح أقتراح وشكرا |
لاحول ولاقوة الا بالله
|
انا لله وانا اليه راجعون
هذي نهايه اللعب بالسيارات |
لا حول ولا قوة الا بالله العلي العظيم
الله يرحم الاموات ويشفي المصابين . |
اقول يا العصفور الابيض وسهم الموت هيش قصدكم يوب تقول كل واحد يالف لمن راسه ؟ زود اكلام لمن عندكم وترى الحشمه لغيركم ماهي لكم .
|
الحربي سمعت المثل الي قول وان جاتك من سفيه خلها تمر وأنا بخليها تمر نيابه عني وعن سهم الموت وشكرا |
الحمامه البيضاء
سمعت المثل الي يقول كلن يرى اناس بعين طبعه اذا ما سمعته طرش رقمك بلخاص وبطرشلك اياه مسج وبشر بنارن ما يوطي جحيمها |
الحربي خف عنك الجحيم وخليك مثل منته حربي (وبس) ولا تفكر تلعب بالنار أوكيه كتكوتي الصغير جابل عمرك انا وراي نار اذا أشتعلت بتخطف على الخضر واليابس |
اقول يا الحمامه البيضا ترى كثر كلام مخلفه عليك .. وفعل مشي . خلك مثل منته انته ويماعتك حمام وشوفلك واحد ضان منك وفيك ترفع خشمك عليه .. وترى ولله يا ود مصروم منت قد اكلام الي تقوله وكان تحس عمرك كفو وعلى قولتك انار من وراك (( امحق )) طرش رقمك بل خاص . ولا روحي بطرشلك اياه ونبى الوعد قبل رمضان وتعال انت بروحك ولا انت والحمام الي عندك .
|
يا شباب ما له داعي هذا الكلام
وكلن يعود لأصل جده ومرباه راعي الشرف يشرف والانذال يهبون انتو جالسين تتكلمون في مكان عام فماله داعي ذكر يماعتك ويماعتي ... ارجو منكم احترام المكان اللي انتو فيه .. وسوالف القبليه خلوها عنكم .. |
هههههههههههههههههههههههههههههههههههههههههههههههههه هههههههههههههههههههههههه أقول الحربي الاخ أنت عارف من تكلم أو تعق كلام على كيفك المهم الوايت بيرد ساعدي وأنا كاسبي وشغلك اللي لك بيجيك فالخاص وعن كل واحد يألف من راسه أنت مألف من راسك أنت والغنبوصي اللي كاتب فالجريده تعرف ليش الغنبوصي مزودنها لانه ذايق الويل منا اللي بتذوقه أنت اذا ملفيت أثمك والسموحه أخواني وأخواتي الموضوع راح ينحذف |
ابش صاير عندكم عسى ماشر الله يجيب العواقب سليمة
تحياتي:الحيرة للأبد |
مازين هذا الكلام في المنتدى انتوا ناس فاهمين
|
| الساعة الآن 08:58 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][