منتديات جعلان - الكلام من لسان عماني للجمهور الكويتي

هذا منقول من احد المنتديات
مشجع عماني زار الكويت في مباراة تصفيات امم اسيا وشوفو شاللي كتبه>>>>>

شكرا والف شكر ياجمهور الكويت نعم أقولها وبصوت عالي شباب بالفعل حصلت تصرفات أطفاليه من جمهور بسيط لايعكس الأجواء الجميله الي صادفناها والي عشناها في أرض الكويت
نعم ياجماعة الخير حصلنا رمي بعلب فارغه من جمهور الكويت ولاعبينا نفس شئ حصل لهم بس خلوني أوضحلكم شي مهم يمكن رأح من بالكم جميعا راح أحكيلكم أحداث المباراه من أول ماوصلنا أرض الكويت تصدقوا أول ما نزلنا المطار حصلنا الترحيب والتهاني والتبريكات وبابتسأمه جميله منهم علي البطوله من كل كويت قابلناه وجلسنا في ساحة انتظار المطار ننتظر زميلنا الكويتي وكأن جنبنا أحد الأخوه الكويتيين رحب فينى وقالنا اذا ماعندكم سياره بوصلكم واذا محتاجين أي مساعده انا حاضر ردينا عليه مشكور وتسلم نحن ننتظر أحد ابناء الكويت بيوصل بعد شويه وصدقوني الفرح الأكبر لما ذهبنا الي الملعب حصلنا كل الأحترام منهم ولم يضايقنا أحد أبدا وحتي لما جلسنا فالمدرج كان معنا كويتيين ساعدونا في كل شي وجانا مشجع كويتي قالنا بجلس عندكم لاني كويتي بس مشجع متعصب لمنتخب عمان فرحبنا فيه ولكن من خلصت المباراة حصلت الأحداث أقسم بالله أنا عصبت وقلت بصوت عالي نحن في مسقط خليناكم فوق رأسنا ويجازونا كذيه
والله جأني أحد الأخوه كويتي وقالي حقكم علينا وهذيلا أطفال لأتأخذوا عليهم ولاتطلعوا من المدرج الأبعد ان نعطيكم الأمأن وجلسنا ننتظر في المدرج
وسمعت مشجع كويتي يناديني فرديت عليه نعم تفضل قال أريد علم عمان الكبير والوشاح الي عندك أريد أحتفظ فيهم قلتله تفضل هذا شرف كبير لنا
وبعدها جانا الكويتي قالنا الحين طلعوا صدقوني طلعنا من المدرج ومسويين زفه ومعنا جمهور كويتي مشاركنا الزفه وخرجنا وسط جمهورهم وكأنا في مجمع بوشر الأمور طيبه وشفت بنفسي شرطة مكافحة الشغب ماسكه الأشخاص الي مسويين الفوضه والله طلعوا شباب صغار أعمارهم ماتوصل 16
خرجنا من الملعب الكل جالس يباركلنا والله تعبنا من كثر ما نرد التهاني وحصلنا شباب قالوا عطونا أعلام عمان لانكم برازيل الخليج وتستاهلوا الفوز وعطيناهم والكل كأن يتأسف علي الي صار وبعدها شفنا السيارات يطوفن بمسيرات الفرح ومعهم أعلام السلطنه والكويت والله وقتها نسيت التصرفات الي حدثت سابقا والسبب هذا الجمهور الرائع
الي بصراحه أخجلني وقتها أيقنت انه الجمهور المشاكس اطفال ومايمثلوا غير أنفسهم
والي أريد أوضحه لكم ياشباب بأنه أصابع اليد ماوحده وهذا يحصل في كل مكان الأهم رجعنا بالنقاط الثلاث والله كنا في أرض الكويت معززيين ومكرمين وماحصلنا أي مضايقات ابدا أغمرونا بالتبريكات والتهاني والأبتسامه الحلوه منهم
لاتأخذوا بخاطركم عليهم ولاتخلوا تصرفات الأطفال تفسد علاقتنا معهم عفا الله عم سلف وهذي صورة نقلتها لكم من أرض الواقع وأنتوا لكم الحريه في التعليق.

لكم تحياتي المهاجر الأصيل