|
لك في الضمير الود والحشمه اتوام .. .. ولي في ضميرك مثل ما انا بغيتـك ولك منزلٍ في نايف القلـب وخيـام .. .. وذود الغـلا ترعـاه ولا شكيـتـك |
من عرفتك وأنت تايه من مواني لي مواني وتارك ٍ قلبي مولّع من وقيده في وقيده ضاعت سنيني أحد بهاليالي وتحداني وأنت ماتشبع غياب ولاتخاف من النقيده |
اللي يحسب إني على البعد سجيت .. .. والا ان عيوني للرقاد استباحت ياليتني من قبل لا أحبه اقفيت .. .. والا ان دروبي عن دروبه تناحت أهون علي من البكا والتناهيت .. .. وأشلا من سدودٍ على الناس باحت |
ابك انا لاقلت ابنساك وانكرت الوداد والله اني مانسيتك وولاهم يحزنون من جزع من صفعة الشمس يطمع بالبراد ومن فقد وجهاته الخمس يلقى بك ركون |
ياطيب القلب حكم قلبك الطيّب اخرت غيرك وبعته وقربتك ليه التباعد مع انك دايم قريّب من وين ما صد في عيوني تخيلتك |
غالي ولا يحتاج بسّك تغلي .. .. غلاك اخذ قلبي وروّضـْه واسرجْه ولو قلت ياعيني بصدره تملي .. .. شافت خفوق ٍ حبك الذرْب توّجْه |
جابك الله من غياب ٍ ضيّق صدور المباني قبل لا الوحشه تزعزع بيتك الصلب وتبيده بيتك اللي من رحلت وكل جدرانه تعاني ماتحمل ينتظر شهرين وعيونك بعيده |
لكنٌ يا دكتور جعلك ما تهون.. .. ابغيك كلمت راس دامك ما بديت اسمع......ولا ابغي اللي وزانك يسمعون.. .. ربي كتب يكشف لك اسراري وجيت صورة عديل الروح عندك فالعيون.. .. واخاف تقطعها بموسك ما وعيت ولا عليك امر..اطوها تحت الجفون.. .. وعقبه لو تقطع عيوني ما شكيت هي راس مالي والعرب ما يدركون.. .. اني على باب الممات و ما حكيت |
يا مسا السكّر على الغصن الرطيب يعل تسقي ديرته وبل السحب زارني والفكر ساري سري ذيب قلت سبحان الذي ساق ووهب |
× لوبعزي الصبر دونك قال ماثيّب المشكله ياطويل العمر مشكلتك الصبر شيب وشوق القلب ماشيّب لازال يلعب بقلبي كل ماشفتك × |
| الساعة الآن 01:33 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][