|
اشكرج روعة الكون ع اختياري
بسم الله ..يا الله نبدا [ المحطه الاولى ] اوصف طفولتك بجملة واحدة شقاوة وبراءةsmile. . . [ المحطة الثانية ] ما هو اجمل موقف او اجمل ذكرى تتذكرها من طفولتك ؟ امممم ..احتاج اعصر مخي biggrin الذكريات واايد بس اجمل ذكرى لما سافر اخوي ورجع بعد 3 سنوات كانت الفرحه مرسومه ع كل فرد ف العايلة وخصوصا امي الله يحفظها وبعد ذكريات الرحلات مع ربيعاتي وخصوصا لما نطلع اليبل ونسوي مسلسل بدوي biggrin . . [ المحطة الثالثة ] ما هو أصعب أو أحزن موقف مر عليك في طفولتك ؟ لما كان عمري 10 سنوات ..كنت افكر انه الوالد رايح وبيرجع بس بعدين فهموني انه متوفي ..الله يغفرله ويدخله الجنه ويغفر لجميع المسلمين والمسلمات . . [ المحطة الرابعة ] ما هي أجمل هدية تلقيتها في طفولتك ولم تنساها لليوم ؟ امممم اجمل هدية ساعه لما كنت صف رابع تقريبا اهدوني عشان التفوق الدراسي بس اذكرها وما نسيتها لان خربت قبل لا افتحها اخوي خربها علي الظاهر غيرانrolleyes.biggrin عاد انا طفرت بامي طول اذاك اليوم صياح . . [ المحطة الخامسة ] هل هناك انسان معين كرهته في طفولتك .. ولماذا ؟ بنت عمتي (هي كبيرة) كنت احسبهي ساحرهbiggrin طفلة ما اعرف بس اللحين لا عااادي الحمدلله ما اكره حد . . [ المحطة السادسة ] ما هي اصعب مرة انطقيت فيها ولا زالت محفورة في ذاكرتك وسبب الطق وش كان؟ الطق الطق الاصلي ما انطقيت ترا اني اصغر وحده ومدلعه smile. وامي ولا مره طقتني (امي بطبعها ما تحب الطق فديتها) بس عاد طق اخواني وخواتي والهواشات وايد وبالاخص مع الامبراطورة وبنت المضيبي لانه اعمارني متقاربة . . [ المحطة السابعة ] هل كنت غيور بطفولتك من اخوانك وتحس فيه تمييز بينك وبينهم ؟ لاااا ابدا المفروض هم يغارون لاني انا اصغر وحدهtongue. . . [ المحطة الثآمنه ] ما هي اكثر وافضل لعبة كنت تلعبها و أنت صغير ؟ الالعاب وااايد ..ألعاب شعبيه بذكرلكم اكثر من لعبه واذا حبيتو اشرحهنrolleyes. خبروني اني جاهزهsmile. ..يمكن تحبون تلعبوهن المهم هذي هي الالعاب مديسوه (الغميضه) جوجو عشرين ولد ولد بو يجحسووه . . [ المحطة التاسعة ] هل ستربي اولادك بنفس الطريقة التي تربيت بها في طفولتك؟ بعدني م فكرت ..صغيرة ع هالتفكير خلاف بوااحي اختار اختار اختار ... نزلوو شوي بعد 1 2 3 اكشن كاتبة الموضوع روعة الكونsmile. وسوري طولت عليكم |
اقتباس:
الله يرحمه ,,ويغفر له..ويدخله فسيح جناته .. {بنت السلاطين} .. تسلمي حبوبة ع المشاركة النااايس .. ومعليج الدبة ما لقيتي الا انا هع هع .. اوكي راجعين بالأجوبة ^^ .. دمتِ بخير |
اقتباس:
كنت في طفولتي ف البدايات شيطونة وحبوبة بعدين صرت انطوائية وخجولة اقتباس:
يوم كان ابوي يأخذني السوق..كان كل ما يلقى واحد من ربعه يقولهم ادخلوا تقهويوا عندنا وانا اقوله ليش كل ما شفت واحد تقوله قرب قالي لازم هذه الأصول انزين مرينا جنب واحد من ربعه بالسيارة يوم راجعين من السوق وسلم عليه بس ما سمعته يقوله قرب تقهوى سويت عمري رزينة وقلتله اقولك قرب تقهوى قال ابونا لالا الشيمه خليه يروح ههههههه كان يمزح هو وربيعه اقتباس:
وفاة عمي الله يرحمه اقتباس:
مرة ابوي سوا لنا مسابقة اللي يكتب له احلى رسالة يعبر عن حبه له يعطى هدية ورحت انا ومسوية عمري شاعرة وكتبت كم جملة ورسمت قلب هنا ونجمة هناك وحروف والحالة حالة المهم فزت انا بالمسابقة اقتباس:
هيه كنت اكره اولاد الجيران ياخي ما يخلوا حد يلعب براااحته كل ما شافونا نلعب قاموا يخربوا علينا بس انا وصديقتي كل يوم طايحين فيهم ضرب ومكافخ وباقي الفريق يشجع اقتباس:
مرة ابوي وامي طالعين ويقينا انا واخوني الصغار واخوي اكبر واحد فينا والله يسلم حالكم هذا عنتر قصدي الأخ الكبير حاشرنا كلنا ف الغرفة النوم من وقت وما باغي يسمع صوت اي واااحد وطايح فينا ضرب ما اعرف ليش يمكن باغي يحسس عمره انه كبير واحليلي انا ضربني اكثر وحده حكم القوي على الضعيف لحد ما جاء عمي وسمعني اصيح والحمدلله فكني منه ولا كنت اروح فيها ذاك اليوم اقتباس:
لالا الحمدلله لأني كنت البنت الوحيدة بين 5 اولاد اقتباس:
امممممممم في لعبة اسمها {عنبر }اذا تعرفوها ولعبة البيوت هذه اكثر العاب حبيتهن اقتباس:
إن شاءالله في بعض الامور:) |
{}عطر الاماكن {}الماااجد {}بنت السلاطين {}روعة الكون |
نختاااار..{الزعيم} .. بإنتظاره:) |
مراحب ضاربني قهههرررر من هالكمبيوووتر الجديييييييييم
اكتب مرتيييييييييين وف النهايه يعلق واضطر اطلع بدش الظهر وبكتب عن طفوووولتي اوكيك |
روعه ..صدناج ^_^
بعد ما يصير تعرفي طفولتنا وم نعرف طفولتج الزعيم بنتظرك لين الظهر |
ههههههه .. خلاص انا بستفيد من هالكتابات وببيعها نفيد ونستفيد هع هع .. اوكي الزعيم بإنتظارك :) |
ابي اعررررررررررررف
كل ما اكتب ف الهموضوع يعلق الكمبيووتر ولما ارووووح مواضيع اخرررى عادي حرااااااااااااااااااااام |
ههههههه
يا حليلك الزعيم زين بعدني نتريا مشاركتك |
| الساعة الآن 07:06 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][