|
يعطيج العافيه(عاااشقة أبوويه)على جمال الأسلوووب ورووعة السرد وغزارة االخيااال قصه جد رائعه أقرب ماتكون إلى الواقع .. !!
|
مشكـــــــوـوريــن عـ المــرور أخـــوـوآآنــي إن شــــــــالله أنــــــــزـزل البــــــــآآرـرت فـ أســـــــرـرع وقــــــــت ..]!~
|
البارت السادس دكـتوور: اختكم مـب عـاشه الـ ***** .. خليفه دز الدكـتوور خلاااااه يطيح على الكرسي .. خليفه : ونعم في دااكترة راك .. طاع ويهك .. اختي غلا شو فيها دكتور : فيك ايه ليش بتعمل كده .. ؟ خليفه : مب فايجلك قوولي غلا شو فيها دكتور : اللي مضرووبه .. ؟ خليفه : هيه هيه دكتور : كسر في ايدها بس عاوزينها تبأ يوم عندنا في المستشفى لاني عاوز ابص عليها ازا تحسنت ولا لأأ.. خليفه : اوووك مشكور.. سار الدكتوور .. وخليفه ودا امه واخته البيت وشل ثياب حق غلا وحقه وسار عند غلا .. خليفه اول ما دخل عليها دموووعه على خده . . سار ويلس عدالها ومسح راسها وجان يبوسها .. خليفه وهو يصيح : اسف حبيبتي والله اسف .. وتم يقرا قرآن بخـشوع .. وعقب رقد ع الكرسي .. قام خليفه على صوت آذان الفجر .. قام وصلا .. صلاة الفجر ..وتم يدعي انه الله يقوم غلا بالسلامه و وعقب سار يقرا قرآن عليها .. "صدق الله العظيم " سكر القرآن ... وسار ياخذله ريووق .. طلع من الغرفه سار يا خذ ريوق حقه ورجع . . خليفه كان محطي راسه عند راسها .. شويه ولا يسمع حس مب غريب عليه .. غلا : أ .أ ابا مـ ـ ـأي خليفه فز من مكانه وسار ويابلها المكااان ..وهو كان وايد مستانس .. خليفه ناول غلا الماي .. خليفه : الحمدالله ع السلامه اختي .. غلا : انته هني .. شو ياي تسووي ياي تظربني ياي تبا تجتلني مب حرام عليك مب حراام تشوه جسمي انا وراي مدرسـه .. اسير المدرسه جيييه .. حرام عليك والله حرام انا اول مره اجووف اخو وجيه يعاامل خواته .. اطلع اطلع من عرفتي اطلع ما ابا اجوف ويهك .. فـي هالوقت ..دشت ام غلا و بو غلا و زايد و غاليه .. غلا : اميه وينكم ليش خليتوني هني ويا ها ,, ؟ ام غلا سارت وحبت بنتها : حبيبتي والله الحمدالله ع السـلامه .. بو غلا : الحمدالله ع السلامه فديتج .. زايد : الحمدالله ع السلامه فديتج غلا : الله يسلمكم. .اميه طلعووه برع مب متحمله اجوف ويه .. غاليه يرت اخوها وطلعته برع .. غلا : زايد فديتك لا تحزن انشالله بتعوضون .. زايد : لا ما عليج يكفينا منصور .. غلا :ههههه صوب غاليه وخليفه في هالوقت يو ام مايد وبو مايد و مايد وظبيه و هيفا وحمدان وخلود خلوها في البيت .. ]~ غاليه اول ما جافت مايد عصبت ونزلت راسها .. خليفه : خلاص انا الحين مروووح .. بسير ارتاح وبيي.. غاليه : حفظك الرب .. الكل دخل الغرفه ما عاد مايد .. اللي نشع غاليه اللي كانت بتدخل داخل .. مايد : غاليه والله العظيم ما اعرفهاا .. غاليه : مايد هدني نحن في مكان عام .. مايد : غاليه ما هقيتها منج .. تشكين فيني .. !! غاليه : عيل منو هاي شما. . مايد : والله هااي كانت بس في كلاسي .. << وكانت منعجبه فيني ..بس والله ما كنت اسويلها ويه .. غاليه دموعها على خدهاا ..تندمت ع الكلام اللي قالته البارحه حق مايد .. غاليه بصوت ما ينسمع : انا آسفه ع الكلام اللي قلته البارحه .. مايد : مسموحه فديتج .. غاليه الحين بتتفاجئين في شي .. غاليه : شو هو .... مايد : لا كيف مفاجعهـ .. هع هع غاليه غاليه : عيونها مايد : تحبيني .. ؟ غاليه احمرت جان تقوم وتدخل داخل .. وهو بعد دخل .. ويلسـوو وتمو يسولفون .. ويظحكون ... دش خليفه عليهم وهو شال باقة ورد عووده كلها جوري احمر ..هاللورد اللي تحبه غلا .. وسار وعطااااها الباقه .. خليفه : الحمدالله ع الـٍسلامه فديتج .. غلا منزله راسها .. : الله يسلمك .. طبعا ام غلا ما قالتلهم ان خليفه اللي ظاربنها .. قايلتلهم انه هيه منزلقة في الحمام .. بومايد : فديتج غلا كيف انزلقتي ؟ غلا منزله راسها ومب عارفه شو تقول .. غلا : بس انا ما ... امها قطعت كلامها .. ام غلا : كان رايحه بتتيدد حق الصلاه وكان الحمام خرسان من الماي ..فانزلقت وظربت ايدها بالحد .. غلا ما حبت تقفط امها في الرمسه او تجذبها. .: وهذا اللي صار يا عمي. . بو مايد : الحمدالله ع الـسلامه يا بنتي .. وما تشوفين شر ظبيه : غلووي حياتي والله ما تستااهلين .. غلا بس تكتفي ببتسامتها .. شويه ولا يدشون بو حصه وام حصه و حصه وسيف و حمد و العنود خلوها في البيت دشو وسلموو .. حصوه نقزت على غلا .. حصه : حياااااااتي الحمدالله ع السلامه .. بو حصه :ماما شويه شويه ع البنت .. حصه قفطت وقامت ويلست ع الكرسي .. حمد : لقطي ويهج .. حمدان :كفك كفك حمد غلا : جب يالله جب كله ولا حصوه .. خليفه يقلد عتوقه : كررررررهتج .. هههااي .. غلا : ويا فيسك .. سيف طول الوقت يطالع غلا .. مايد لاحظ عليه .. مايد :سيف سيف عن تطيح عيونك .. سيف يتوعد حق مايد .. خخ بو مايد : بما انه الكل موجود حابه اقولكم شي ام مايد :لأا مب وقته يا بو مايد .. بو مايد : ام مايد اكرمينا بسكووتج .. بو غلا :خير بو مايد عسى ما شر.. .؟ بو مايد : ما شر انشالله .. ولدي مايد كبر ويا يبا يعرس .. ونحن ياين نطلب ايد بنتكم غلا لولدنا مايد .. الكل : هاي الساعه المباركـه .. تغيرت ملامح غاليه .. !! إلـى حزن إلى قهر إلـى ندم طلعت برع وسيده الحمااام (كرمكم الله) .. ~[ طبعاا مكانهـاا المخصص للصيااح ]~ .. بو غلا : تشرفنا .. نحن والله ما بنلاقي ولد شرات مايد .. ومايد ما عليه كلام ريال والنعم فيه . مايد تغيرت ملامحـه الى عصبيه .. وبأس .. جان يقوم ويظهر برع اما من صوب سيف اللي كان بيمووت وهو يسمع خطووبه مايد لغـلا .. !! قـام وطلع برع وركب سيارته ودموعه في عينه ابد ما توقع !! وكان بيخطبها قريب .. بس للأسف ضاعت بومايد : نحن نبا رايي بنتكم واذا ما تباه عادي هذا نصيب .. بو غلا : لا انشالله بنردكلم الـموافقه .. ظبيه كانت وايد فرحـانه لأخـوهاا بس هيه تعرف انه هو يحب غاليه بس يمكن بعد غير رايه .. ]~ ظبيه : واثق عميه بو غلا : افاا عليج انتي .. من صوب غلا اللي حزنت .. وحست انه ابوها بيغصبها .. بس طبعا هيه تبا سيف واكيد بترفظه .. وظبيه و حصه وهيفا مقطعييينها. . حمد : جوف جووف غاديه طماااطه .. حمدان : هيه والله صدق .. منو قدج انخطبتي .. الا انا وحمد لين الحين ما خطبوونا .. الكل يضحك وتمو على هاي السوالف .. ظبيه : الله يخس بليسكم .. خليفه : اجوفكم ما خذين راحتكم .. يالله يالله برع برع الحجره بس حق غلا ما قالو حق الجيش بكبره .. ظبيه : افا تطردنا غلا : لا حراام خلهم يتموون خليفه : ماشي انتي تعباانه .. برع برع. . يالله برع .. بو مايد : يالله عيل نحن نستأذن .. بو غلا : الله ويااكم .. بو سيف : ونحن بعد .. بو غلا : الله ويـاكم .. بو مايد و يا عياله وحرمته سارو جدا عليا يتحمدولها بالسلامه .. حتى بو حصه ويا عياله .. وبو غلا و غاليه وخليفه و ام غلا |
البـارت الـساااابع .. ]~ غاليـه رجعت من الحماام وكان ويها احمر من الصياح سارت سيده حجرة غلا .. << ما كان فيها حد غاليه بقهـر : هااا عيل انخطبتي .. غلا : غاليه بلاج تكلميني بهـذا الاسـلوب .. غاليه :لا ولا شي ع العموم مبروك .. غلا : بس غاليه انا ادري انج تحبين مايد وهو يحبج .. وانا احـب وبعد هـذا الولد يحـبني .. غاليه تصرخ : غلاااااااااااااااااااا .. انا اكرهه .. كرهته .. غلا نقزت : بس يا غاليه انتي ما تدرين يمكن عمي خربط حتى انتي ما جفتي مايد طلع وهو زعلاااان ووده ححتى يظرب عميه .. غاليه : بس بس يا غلا .. الله يوفقج وياه. غلا : بس فديتج انا مـا بـوافق ..!! غاليه : ليش انـشالله . . ؟ حصـه هني كانت واقفه عند البااب بتدخل بس اظطرت انها تسمع .. غلا : تصدقين يا غاليه .. خذا عقلي خذا فكري .. احبه ويحبني .. آه الله يخليناا لبعض .. الله يخلينا الله يخلينا وما يفرقنا .. اكيد الحين هو زعلاان .. اهئ انا خايفه ابويه يغصبني على مايد .. <<وجان تصيح غاليه تحرك حواجبها بضيج : ومنووو هاا فارس احـلام الشيخـه غلا .. غلا : اممم توعديني ما تخبرين حد .. غاليه : وعد .. غلا : سـيف .. حصه انصدمــــت غلا تحب اخوها وسيف يحبهاا .. !! حصه دخلت عليهم .. غلا كانت خايفه .. قالت في خاطرها بعد يمكن كانت تتجسس علينا .. لا انشالله ... حصه : اشحـالهاا العروس .. غلا : جاب انزين انا ما بوافق عليه .. حصه : وليش انشالله ميود ما عليه كلام .. .. غلا : بس انا ما ابغييييه ليش غصب .. انا ما ارتاحله .. حصه : اها .. سوداا طوفي بنسير ناخذ عصير غاليه حمقت : سوداا يدتج .. غاليه من ايام الابتدائية الكل يسميها الـسودا .. وهيه مول ما تحب هالاسم لان كان يذكرهاا في بنت يرانهم .. تبوون تسمعوون هالـٍسالفهـ .. ؟ القـراء : نعم نعم برنـسيسه الطرف الذبوحـي .. الطرف الذبوحي : من عيوني. . الـسالفهـ هيه .. ايـام الابتـدائـيه .. كانت غلا وغاليه وظبيه و حصه في صف 3 ابتدائي .. وكانت وحده في صفهم اسمهاا سـاره .. في يوم الخمـيس تاريخ مادري كم .. خخ في بيت ساره .. ساره : اماايه الحين بيـوون هذيلاك الـبيض .. ابا اخليهم سوود شراتي .. كل يوم يقهرووني ببياااضهم .. وين الالواان .. ؟ الام : خاري في الحجره البرااعـيه .. ساره : اوكيك .. يو غاليه وغلا وحصه وظبيه .. وتمو يسولفون وجيه .. ساره : شرايكم نصبغ ويوووهنا. . غاليه : الله كوول اووك .. الكل : اوكيك .. ساره : اوكيك الحين بنبتدي بـ غاليـه تعالي وياي الحجره .. غاليه سارت وياا سـاره الحجره .. ساره رقدت غاليه ع الكـرفاايه وقالتلها اي لون تبين .. ؟ غاليه : احمر .. ساره : اوك .. طيحي وغمضي عينج .. ساره حطت لـ غاليه لون اسوود .. وخلتهاا شرات الفحم .. وعقب ما خلصتها صورتهاا وطلعتهاا برع تراويهم .. وكانت غاليه لين الحين مغمضه عينها. . الكل تم يضحك عليها .. غاليه : شو اللي يضحك ليش اللون الـاحمر مب حلو .. ؟ غلا : اي احمر هااي محطتلج اسـود.. حصه : خخخخخخخخخخخخخخخخخخخخخخخخ ظبيه :بطني بطني غاليه تظاربت ويا ساره .. << مصارعه مب بالكلام خخخ اليـوم الثـاني في المدرسهـ .. ساره يايبه الصور مال غاليه .. ووزعت ع البنـات وقصت عليهم .. ساره : هاي غاليه هيه بروحها تصبغ عمرها ولا هي اصـلا سوودا .. الـبناات : ابيه يعني هيه سوودا ... البناات تمو يعايروون غاليه .. البنـأت : سوودا سودا سودا .. البنـات كرهوو غاليه فـي هألاسم . . وطبعا قوم غلا وحصه وظبيه ما قًـصرو سارو وانشروا الخـبر في الـبيت .. هعهع وتم الكل يعاايرها.. وخلصـت الـسالفه ـ.. ]~ هع هع.. الطرف الذبوحي : سودا .. غاليه : ججااااب تراا والله بشـووتج .. الطرف الذبووحي : نكـمل ولا لأ. . ؟ غاليه : كمـلي ..^^ غلا : هههههههههههههههههههههههههههههههه اخخخخ بطني .. ههههههههه .. حصه عيونها تدمع من كثر ما تضحك .. غاليه قايمه وهيه معصبه وطلعت برع الغرفهـ .. وتمشي وهي منزلهـ راسها. . جان تدعم .. : شو عميااا ما تجووفين.. غاليه : ماييييييييييييييييييييييييييد .. سوتله طااف طبعاا وروحت عنه .. مايد : غالييييييييييييييييه .. !! غاليه :......... . . مايد لحقها .. لكن ماشي أمل لان غاليه دشت الحماام .. ]~ مايد يأس .. مايد : الحين لازم اروح لأبـويه .. طبعا مايد سار عن ابوه الشركـه .. وسيف ما خلـى شارع في راس الخيمه ما ساره .. سيف محطي اغنيه وربي لادمر حبهم .. سيف : راجع لهم راجع لهم وربي لدمر حبهم مو بس انا قلبي بضيع لازم تضيع قلوبهم اللي على قلبي جنوو وتعاونو واتأمرو جروح قلبي اللي انزف والله ما اخليها لهم .. سيف طلع السيدي من المسجل وبطل الجامه وفره .. سيف تم يتذكر المواقف اللي كانت تصيرله ويا غلا .. ودمـوعهـ لأاول مـره تنزل على خده ... سيف هزتك الـبنت .. اللي كنت تحلف انها ما تهزك .. وتم على هاي الافكـار .. طراااااااااااااااااااااااااااااااااااااااااااااااا اااااااااااااااااااااخ بيب بيب بيب بيب بيب بيب .. كــــــــــت شو تتوقعوون يسـتوي .. غلا بتـوافق . . ؟ غاليه شو بتكـون حياتها .. ؟ مايد بيقنع ابوه ولا لا .. ؟ ابو غلا بيغصب غلا على الزواج .. ؟ كل ها ترقـبووه في الـبارت الـياي . . |
يسلمووووووووو الغااليه ع القصه .. ولي عووده لقراءتهااااااا .. سلمتـ يمناااجـ ودمتي بوووووووووود |
[CO
غلا الروح والدلع فيك يحلى . . تغلى وانا غيرك ما تمنيت . LOR="Yellow"][/COLOR]يسلمو عاشقة ابوية |
البـارت الـ 8.. : ألـوه .. لو سمحـتوو في واحد سواا حادث .. الاسعاف : ويويويويويويويو << الـصووت خخخ والشرطـه وعفسه ... شـلوو سيف وسيده المستشفى .. مستشفى صقر .. مايد في شركـه .. ساير عند ابوه .. مايد : ابويه حاب اكلمك في موضوع .. بو مايد : تفضل .. شوي ولا اتي مكالـمه من الاهل .. بومايد : شوووو سوا حادث .. وكيف ومتى بومايد شل مايد وسارو المستشفى مايد يأس كل ما يبا يقول حق حد ما يعطوونه فرصه الاهل دروو .. وكل حد يتراكض من مكان . . ام سيف طاحت عليهم .. وحصه ميته من الصياح .. والكل على حاـله .. واللي يقرا قرآن واللي يدعي .. واللي متحسف واللي زعلان واللي استغرب من ردة فعل غلا .. اللي طاحت عليـهم .. وهيه الحين في غيبوبـــــه .. طلع الدكـتور .. بو سيف و خليفه وبو خليفه وزايد و مايد و بو مايد وحمدان وحمد عفدوو عليه .. بو سيف : دكتـور شو فيه ولدي .. الدكتور : الحمدالله .. هو الحين بخير بس عنده كسر في ريـله وبيظطر يمشي على عكاز .. بس الحين بيتم عندنا يومين عشان نتأكد من صحـته .. بو سيف يرفع ايده : الحمدالله الحمدالله .. والكل يالس .. واللي رد .. واللي صوب غلا .. واللي واللي انتهت هالاحدااااث بسرعه طلع سيف بصحه وسلامه بس يمشي على عكاز ... و غلا الحمداالله نشت بالسلامهـ .. والكل رد البيت وافتك من ريحة المستشفى الخـايسه هع هع .. في بيت بو غلا .. غاليه : هلا والله بـشمـسووه . . شمـسه : اهلين الـسودا اشحالج .. غاليه حمقت : باي باي .. شمسه : ع راحتج .. باااييين غاليه قفطت : اوك باي .. غاليه : دبه وحده .. افف الامتحانات قربت بروح اذاكر .. من صوب غلا وام غلا .. ام غلا : يا بنتي الحين اسبوعين وما رديناا عليهم الخبر غلا خرطت على امها : اميه انا صليت صلاة استخاره بس.. ام غلا : بس شوو يا بنتي .. ؟ غلا : ما ارتحت .. جان تلوي على امها وتصيح ام غلا : فديتج غلا الزواج قسمه ونصيب وانتي ما ارتحتي .. خلاص ماشي نصيب .. دش عليهم خليفه وبو غلا : السلام عليكم .. غلا وام غلا : وعليكم السلام ورحمة الله وبركـاته .. ام غلا : بو غلا تعال وياي الغرفه ابا اقولك شي .. بو غلا : يالله عيل .. وسارو فوق .. من صوب خليفه وغلا. . خليفه سار وباس راس اخته ... خليفه : انا آسف على اللي صار .. غلا : .............مسويه طاف وتطالع الفون .. خليفه ير الفون من ايدها .. : يو م اكلمج اطالعيني ... غلا قامت وصفعت خليفه هاك الكف .. : مب بس انته اللي بتمد ايدك عليه .. خليفه : سوي اي شي فيني بس المهم ترضين .. غلا : ما تعرف تمثل .. خليفه : غلا بقنع ابووي نـساافر تايلند .. غلا اعفدت على اخوها : والله .. احبك احبك احبك .. يالله عيل بروح ارتب ثيابي .. خليفه : انا بعد احبج اييييه تعالي عن الخبال .. غلا : يالله يالله روح اقنعه .. خليفه : انزين غلا .. غلا : عيونها قلبها روحها .. خليفه : شو الحين موافقه ولا لا .. غلا ركضت في حضن اخوها وتمت اتصيح .. غلا : خلوفي والله مااباه .. انا صليت وما ارتحت له .. بليز لا تغصبوني عليه .. خليفه لوا على اخته : فديتج الزواج قسمه ونصيب ومااشي نصيب خلاص انا بخبر ابويه .. شويه ولا ينزل الابو من فوق .. بو غلا : لاا فديتك غلا بتاخذه يعني بتاخذه . . غلا : بس ااناا ما اباه .. بو غلا : وانا بعد ما ابا ارد اخويه وولده غلا وهيه تصيح : لهدرجـه انا رخـيصه عندك ... !! بو غلا: لا غاليه وحتى اخوي غالي .. شويه ولا يتصـل ابووو مايد .. ابو مـايد : ها اخـويه وافقت .. عسى ما خربت الخطه . . ؟! ابو غلا : افا عليك يا خوي اكيد بنتي موافقهـ .. !! والملجـه انشالله الاسبـوع الـياي قبل ما نـسافر تايلند بـيوم .. ابو مايد : خلاص تم .. ^^ يالله عيل حفظك الله ابو غلا : ويـاك .. يالله عيـل مع الـسلامه .. ابو مايد : مع الـٍسلامـه طبعـا حددو الملجه عقب ما يردون من تايلند .. وحال غلاا مب حال .. حابسه عمرها في الغرفه لا اكل ولا رقاد .. غاديه عظم وتحت عيونهاا لون اسود .. وتعباانه وايد .. ما تفتح ابد لحد .. طبعاا قربت الامتحاانات .. وشويه شوي تمت تذاكر .. والحمدالله امتحنوو وخلصووو وفتكوو من الثانويه .. النتاايج .. غاليه : 92 غلا : 94 حصه: 88 ظبيه : 91 طبعاا الاهل استاانسوو لهم وايد . . همـسه : انا وايد استعيلت في البـارت ولخصته لكـم .. ^^ الاسبوع الياي السفر + الملجه .. سيف طبعا استوا عادي ويا غلا .. حتى غاليه تقبلت مايد بس بعدها حزناانه .. .. في بيت بوحـصه على الغدا حصه : باباتي .. كـتتت ... |
الـبارت 9 .. ]~ بو حـصه : عيون باباتج .. حصه : فديت عيونك ااناا علني افدااهاا .. باباه خل سواف يودينا المول نبا نسير نتشرا لـلسفر + الملجـه .. سيف : احم احم .. مشغوول لاني اليوم ساير اخطب .. بوحـصه : هيه صح فديتج الـسمووحـه سايرين نخطب لولدي سيف العنود : ومنوو هااي السيلانـيه اللي بيااخذها الملبااري سيف : حسني ألفـاظج لو سمحتي حصه : افا سيفووه تحب وما تخبرني .. !! سيف : ولي عني .. المهم اتزهبي انتي وامايه .. عسب نروح بيت عمي بو غلا .. حصه : عمي بو غلا .. !! ليش انـشالله .. ؟ سيف : تراني بخـطب غاليـه .. حصه كانت سايره المطبخ وفي ايدهاا قلاس ماـي .. حصه ظربت برييييييييييييييييييك وجان يطيح القلاص .. حصه : شوووووووووووووووووووووووو ؟ سيف : بـلاج ..!!؟ غاليه غاليه حصه عفدت ع اخـوهاوتمت تبوووسه .. سيف : بلاااااج !!! .. قومي عني خيستيني رووج .. حصه طلعت لسانها وعيبت .. حصه : الله كوول غاليووه بتي بيتناا .. وتمت تنطط وتغني وترقص وما خلت شي في خاطرها الا وسوته طبعا تمت الخـطبه .. ووافقت غاليه لان خلاص مايد ما عاد له مكان في قلبها والكـل سار يجـهز .. ام غلا صممت لبناتهاا احلى الفسااتييييين .. كانت طبعاا تنكـريه فسـتاااان غالـيه . . فـستااان مخـصر لـونـه فـوشي حرير .. وصوب الصدر فيـه كرستالات صفر كبـار ..كان كـت .. و الفـروو فوقـه لانه كت .. فرو لونه اصفر .. ومحطـيه القنـااع اللمااعي اللي يحـطوونه ع الـعيون والفستان كان لين تحت الركـب و اشترت صندل مشربك لين الركـب لونه اسود و فيه كرستالااات فوشيه .. كـان لبسها جناان .. فستاان غلا .. نفس مال غاليه بس كان لونـه اخـضر ويا فوشي طالع جناان .. طبعـأ الكل كان مستاانس لهـم .. بس كانت غلا حزيـنه .. ما كانت متوقعه انه سيف يخـطب ويتخلاا عنها .. مماا كانت متوقعـه .. يوم الاربعا اللي هو قبل الملجه بـيوم.. كانت غلا منسدحـه في غرفتها وتقرا مذكرتهاا من البدايـه احداثها يوم كانت صغيره لين ما استووت كبيره .. كانت لابسه برمـوداا سودا ويا بدي نص كم لونـه سمـاوي و كانت مسويه هذيك الحركـه مال الكمبوووعتين اللي هيه تسريحه اليابانييين .. كان محطيه شدوو سمـاوي ومحطيه جحال اسود وبلشر وردي وقلووس وردي فاتح .. ولابسه اكسسوارات فوشيه .. وبث !! سكرت مذكرتها .. غلا : ليش ما اسير تحـت .. خلاص ما باقي شي عن ملجتي .. بسير بطالع شو التجهيزاات .. غلا كانت تحاول تتدارك او تنساا سيف .. لكن مب قادره .. كانت تحاول تنسي عمرها تطلع عمرها من الجوو اللي عاشته .. بس مب رايمه ابد .. نزلت غلا وكانت محطيه الايبوود الصغيروون في اذنها وتسمع الاغاني .. كانت محطـيه اغنـية avril – girl friend غلا : هي هي هي ايونت تو بي قيرل فريند .. طراااااااااااخ .. غلا : او شييييت ايم سو سوري .. [ رفعت راسها عبالها خليفه ولا غاليه .. لكن الصدمـه انه كان سيف .. غلا تمت تطالعه بحـقاره .. سيف كان يتحسبها غاليه: غاليووتي حياتي باجر ملجتنا الله ونااسه .. غلا تطالعته بنظره حقيره جان تربع حجرتها .. غلا اول ما دشت الحجره .. غلا : حقير حيوان سافل نذل ما احبك ما احبك ..وتمت تصيح .. من صوب سيف اللي هو ناقع من الضحك عليها .. شو السبب مادري .. هعيين . . خخخ انزين .. حصه وظبيه وغاليه سارو غرفـة غلا عسب بيظهرون عسب يجهزون حق السفر .. طبعا غلا لبست عباتها لأنها كانت كاشخه بس رفعت شعرها بتوكـه وسوت بوف حق قصتها . . ولبست سكارف لونـه سمـاوي .. ام غاليه : لابـسه بنطـلون لونـه اسود وفوقه تنوره قصيره خضرا ولابسه بدي اصفر << علم تايلند هع هع ]~ ورافعه شعرها بتوكه حطت قلوز احمر وتجحلت وحطت اي شدو اسود ولبست سكارف احمر وطلعت .. اما ظبيه : لابسه بنطلون احمر ولابسه بدي ابيض نص كم وفيه خطوط بيضا .. ولابسه اكسسوارات بيض .. كانت محطيه اي شدو احمر وجحال اسود وقلوس احمر و لابسه سكارف اسود وفيه بوتيله احمر هع .. اما حصوص : لابسه : برمودا ورديه فاتحه مع بدي رمادي نص كم عليه فصوص ورديه .. وكانت لابسه سكـارف وردي فاتح .. محطيه قولس وردي و اي شدو وردي وجحال اسود وبلشر وومطلعه قصتها .. ركـبو سـيارتهم .. ~[ لند كروزر اليديد ]~ اللي يسووق خليفه وعداليه سيف ورا غلا وغاليه وظبيه وحصه كانو طالعين العصر .. انزين خليفه لابسـ : كندوره دلدووليه ~[ اسمع اخواني يرمسوون بهاي الكندووره ]~ لونها عنابيه وحمدانيه بيضا .. وسيف :شرات الكندووره بس لونها كحلـيه وحمدانيه حمرا .. كانو متوجهين لـ ~[ ستي دبي .. من صوب حمد وحمدان .. حمد : حمدان ما تحس انه اهلنا مول مب مهتمين فينا .. حمدان :صدقت والله انا ايي من المدرسه يوعان تخيل اميه تعددهم كلهم الا انا ما تعدني من بينهم .. مول احس اني مب ولدهم .. حمد : شرايك نشد حيلنا بالدراسه ونيب نسبه ترفع راسنا ونسافر برع .. حمدان :خلاص من السنه اليايهـ .. حمد : خلاص اوكيه .. انزين شرايك اول ما نرد من تايلند ندش معهد الكمبيوتر .. وبندش نادي كره .. حمدان : والله فكره حلوه .. حمد : يالله عيل قوم بنسير عند الربع .. حمدان : منوو ليكوون احمدوو و ذياب .. حمد : لا ياخوي بنودرهم رفقاااء السووء .. حمدان : عيل منو . ؟ حمد : بنسير عند عزوز و عبود .. حمدان : يالله عيل توكلنا .. من صوب عليا وزايد .. عليا : حبيبي زايد انا ابا اسكن بروحي في بيت .. زايد :ليش فديتج .. ؟ عليا : لاني مب مرتاحه يعني لازم شيله في كل مكان . . زايد : ما عليه انا بكلم امـايه .. عليا : خلاص براحتك .. عيل انا بسير اطالع منصووري .. زايد : وانا ظاهر .. عليا: لا تنسى تقول حق عموه زايد : انشالله بقووللها ... عليا : قوول حق عمي .. زايد : انزين عليا : فديتك ابا اسير عند هلي .. زايد : انزين اتزهبي عقب المغرب بمر عليج وبنسير .. عليا : انزين خلاص .. زايد : يالله مع الـٍسلامـه .. من صوب قوم غلا .. غلا : خلووفي .. خليفه: هلا حياتي .. غلا : حط اغنـيه جرحك حربي العامري .. غاليه : لا لا نبا اغنـيه عبيد بن سرحـان يا حمايم .. ظبيه : لا نبا اغنيه تربشنا .. حصه : ممم شاريكم بأغنـيه بتفكر في ايه _ نانسي عجرم .. الكل : هييييه هيييه .. خليفه حطى cd نانسي عجرم .. غلا : بتفكر في ايه حبيبي وساكت بس ليه بكلمه تؤلها بسانيه تاخذ عقلي ... مب حافظه .. غاليه وظبيه وحصه : بتفكر في ايه حبيبي وساكت بس ليه بكلمه تؤلها يسانيه تاخذ ألبي .. خليفه سكر الاغنيه .. ظبيه : ليش .. !؟! خليفه : لانج شيخه الحمير في الجيش .. هع هع ظبيه :حمار واحد .. يالله حط السي دي .. سيف : بس انا ابا احط اغنية ميحد يوم الوداع .. غلا : الله مييييييحد .. يالله يالله حطوو .. خليفه حط اغنيه ميحد .. غلا : لا شفتني ضايق وهل الدمع وابكي باقتناع لا تحزنك عيني ولا تشره على دمعاتها ... سيف : انا فقط حبيت اجربها على يوم الوداع احبابنا قاسين والايام هيه عاداتها .. غلا : مهما جلسنا نضحك وناخذ من الحب المتاع لا بد لحظات المفارق نرتشف كاساتها .. بس مب حافظه .. ظبيه : حطو اغنـية يقولون .. غلا وغاليه نفس الوقت .. : باجر يوم بننزل حطوولنا هاي الاغنيه .. حصه : دقوا لخشب .. غاليه دقته : هههههههههههههههههههههههههههههههههههههههههههههه خليفه حط اغنية يقولون .. غلا : يقولون من تغلى تخلى علينا وانا عنك ما تخليت غلا الروح والدلع فيك يحلى تغلى وانا غيرك ما تمنيت .. حصه : بقلبي حبكم وصت قلبي هويتك وانته لي كل هالكون غاليه : سحرني الحلا في جبينك تخيل ذبت انا وسط عينك فديتك العمر ما كفاني تفضل بس عطني يدينك .. ظبيه : انا لك وانته لي يا حياتي تاكد ما علي من اللي يقولون .. الكل : يقولون من تغلى تخلى علينا وانا عنك ما تخليت غلا الروح و الدلع وفيك يحلى تغلى وانا غيرك ما تمنيت .. |
البـارت 11 وجان وصلو لـ ~[ ستي دبـي ..]~ حصه : أحااااااام من الحين اقولكم كلنا بنطقم .. ظبيه : انزين بس بسرعه لان بنسير نتحنا. . غلا بوزت : لا تطرولي شي اسمه ملجـه .. حصه : ليش حياتي. . ؟ غلا : بس ما ابا املج ولا ابا اعرس ولا ابا اسوي شي ابا اموت وافتك .. ظبيه : حياتي لا تقولين جيه خليفه : اكووه هاا ابويه يتصل .. المكـالمه الهاتفيه جاريـه .. << هع هع ام غلا : خلوووف الحق ابووك طاح علي خلووف : شوووووووووووو ؟ ام غلا : اللي سمعته .. خليفه شل خواته وبنات عمه وسيفووه وطيراان الـبيت .. وصلوو الـبيت ع الـساعه 10 ..كانت ام غلا هيه وزايد وعليا في المستشفى عن الابو .. غلا وغاليه ميتين من الصياح .. غلا طبعا اتعودت علـى هالمـوال كل يوم والثاني تصيح .. بصراحـه سيف ما اتحمل المـوقف .. سار وحضـنها .. بس ما كان حد صوبهـا يعني كلهم في صوب وغلا بروحها منعزله في مكان بعيد .. غلا استغربت :انته شو تبا .. شو تبا مني .. ؟! سيف : انا احبج والله وبتكوونين لي .. وبتجوفين .. غلا: عقب شو ع الاقل انا كنت بتصرف بس انته الله يسامحك خطبت اختي. . خلاص روح عني خلاص .. مات حبك غلـا : مـات حبك وهذا انته اللي تبيه .. سيف حطه اصبوعه ع شفايفها : ولا كـلمه انزين ما اتحمل انا .. غلا :سيف بليز خوز عني انا اتقطع من داخلي ومحد حاس فيني سيرو عني خليفه ياي ركض صوب غلا ... خليفه : غلا حالة ابووي وايد صعبه .. وقال انه يبااا يجووفج بسرعه .. غلا : مابا . . ماباا .. شو بيقوولي بيقوولي باجر زوااجج ولا الحـين ..!؟ خليفه : قوومي يالله بسرعه ... غلا تركض حجره ابـوها .. ابو غلا : غـلا تعالي بابا تعالي في حـضني .. وتم يصصيح .. غلا تمسح دموع ابوهـأ : بابا ليش تصيح .. ؟ ابو غلا : غلا انا وايد عذبتج في دنيااي انا وايد ظلمتج .. سامحيني ابويه سامحيني .. غلا : مسموح .. وخلاص انا الحين من نصيب مايد ...الله يوفقني وياه .. ابو غلا ابتسم في هاي اللحظـه جان يلوي علي بنته .. زادت دقاات قـلب بو غـلا ..والكل على حالتـه .. بس للأسـف .. طلع الدكتـور وهو منزل راسـه .. خليفه : دكتوور شو فيه ابوووي .. ؟ دكتـوور : والله حالته ساءت ودش في غيبـوبه. . خليفه : ليش ليش . ؟ دكتوور: ابوكم فيه مرض القلب .. ما يتحمل شي يستوي جدامه.. خليفه نزلت دمعهـ حاره على خدوده وسار صوب امه وجان يلوي عليها وتم يصيح .. غلا وغاليه : لا تقوووووووووووووول يا خليفه .. لا ابويه ما راااح .. وتموو يصيحوون .. ظبيه : استهدوو بالله شو الـسالفه .. خليفه : رفع راسه .. ابـويه دش في غيبوبـه .. ابوويه في مرض القـلب .. في هاللحظه طاحت غلا ع الارض مغمى عليها .. الكل يتلاحق عمره وشلوهها وودوها سيده ودخلووها الغرفهـ .. طلع الدكتور .. غاليه : دكتور شو فيها اختي .. الدكتور : لا بس تعب وارهااق .. هيه ما بتاكل ولا بتناام .. اتمنى انه تموون مراقبين عليها تخلونها تاكل وتنام .. غاليه : انشالله دكتور .. متى بتطلع .. ؟ الدكتور : انشالله باجر الصبح .. بس بنجوف حالتها تحسنت ولا لأ !! طبعا من صوب خليفه وسيف سيف : كل انسان في هالدنيا لازم بيتعب لازم بيفرح لازم إلخ .. استهدى بالله يا خليفه وادعي انه الله يقومه بالسلامـه ,, خليفه : انـشالله انـشالله .. سيف: انا ومايد بنكنسل الـملجـه بنخليها عقب الـسفر .. خليفه ابتسم : تمام .. سيف يتصل حق ابوه وابوه اتصل حق اخوه .. وكلهم يو المستشفى .. حمد وحمدان .. في منار مول حمد : حمدان حمدان حمدان : هلا.. حمد : جووف هـااييك حلووه وربـي .. حمدان : هييييييه قم نسير وراها .. حمد : وراك وراك لـين ما نلقاج و نقردنج شويه يا بنت الناس .. حمدان : اسمييييييك انته تحـفه .. حمد : الطرف الذبوحي خوزي عنا شو كله نحنا .. الطرف الذبوحي : لا تيلس تتأمر .. حمد : يالله يالله اجلـبي .. من صوب عليا .. عليا متصـله حق اختها اسما .. عليا : اسموووه ما جفتي طافج صراحه .. اسما : شوو بعد شو استوى .. عليا : بو غلا دش في غيبوبه .. اسما : عله ما ينـش منها .. عليا: هيه والله صدقج .. من صوب سيف ومايد وخليفه مايد : hi ..haw are you .. yes im mayed .. what .. ? why .. ? ow ..ok ok bye مايد نزل راسـه .. سيف : خوويه شو فيك .. مايد : عندي دوره عقب شهر في بريطانيا .. سيف : لاه .. شو هاا ما استاانسنا.. مايد : بس يستوي اكنسلها .. لانها بس بيختبروونا . . سيف: كنسل شوت تريا .. مايد : افا عليك انته بس .. خليفه : بطـي ما اتصل بك .. ؟ سيف : لا لا. .ما اتصل .. مايد : انا اتصلبي .. وقالي انه عقب شهر بيرد هو ويا ناصر .. سيف : والله ناصر له وحشه صراحه .. مايد : هيه والله صدقك .. خليفه : هيه والله ولهت ع سوالفه .. يالله ما بقاا شي .. الا هو شهر .. مايد : ما علينا .. عيل وينهاا غلووووي حبيبتي .. ؟ الطرف الذبوحي و سيف و خلوف : احم احم نحن هنا مايد : خير يا طير .. شو ياااعني. . ؟ خليفه : ابد ما يحشم .. عنبوو انا اخوهاا واقف جداامك ... مايد : ولوووو عنييه ااناا ساير .. سيف: ع وين .. ؟ مايد : ع حااااامر عين .. خليفه : صدق بتسير البحر . .تتسبح .. الطرف الذبوحي : الله يسلمكم بيت حمر عين وراه في بحر .. نحن نسميه بحر حمر عين .. هع هع .. ]~ هيه هيه انا ابا اسير وياكم .. مايد : لا ما نودي بناات .. خليفه : قري قري عند اختي وابوي.. الطرف الذبوحي : وانته شو خانتك تسير تم يالس هنه .. خليفه : انشالله .. من ها العين قبل هالعين .. مايد : 050 \ ****** الطرف الذبوحي : احلف انته بس .. سيف : ياا حلاااااوه شو القمر... الطرف الذبوحي : استح ع ويهك .. خاطب وياي تغازلني .. ههههه وتموو ع هاي الحاله ..]~ من صوب غلا .. غلا : اأبــووي وينوه .. ؟ ابا ابوي .. وتمت تصيح .. محد كان يالس عندها .. بس في هاللحظه دش خليفه ويا مايد ..يايبيلها الاكل .. خليفه استغل الفرصه وغمز حق مايد .. خليفه عطا جيس الاكل حق مايد وطلع برع .. مايد دش وهو ميود الكيس وقفل الباب .. مايد :حياتي الحمدالله على الـسلامـه .. غلا منزله راسها : الله يسلمك .. مايد :للأسف كنت باجر بكون وياج وبسولف وياج وببوسج . . غلا استحت : قليل ادب .. مايد .. مايد : هلا فديتج هلا حياتي .. غلا : بس عاد .. ليش ما تزوجت اختي مب انته اللي كنت تحبها وهيه تحبك .. مايد : هه كنت اقص عليها .. غلا : مب حرام عليك .. مب حرام ليش تلعب على بنات الناس .. ليش .. ؟ مايد : كيفي هاي هوايتي شو ا سوي غلا :مايد انا ما اباك ما اباك .. مايد عصب وطلع برع الحجره .. غلا : اويه انا شو سويت .. ياربيييه ..!؟ خليفه دش هو ويا ظبيه و غاليه وحصه على غلا .. البناتات : الحمدالله على السلامه .. غلا : الله يسلمج .. خليفه : غلوي حياتي زهبي عمرج اليوم بنطلع بنسير نتشرى .. غلا : انشالله ..خليفه .. خليفه : هلا .. غلا : ابويه شخباره خليفه : والله لين الحين في الغيبوبه .. ونحن باجر بنسافر اما عمي بو حصه بيتم عنده .. حصه : يالله يالله غلووي ما باجي شي نحن لين الحين ما رتبناا شنطنا .. ظبيه : عادي الطرف الذبوحي بترتبهم .. الطرف الذبوحي : شو قالولج اشتغل عندج وانا مادري .. ؟ ظبيه : حراام الطرف الذبوحي : حرام في الدرام ,, والله انا بعد بسير بجهز ثيابي ظبيه : افففف .. انزين ساعدينا .. الطرف الذبوحي : لا مابا .. يالله سي يو بجووفكم باجر .. طبعا الكـل يالـس في الحجره .. يعني .. حمد حمدان حصه ظبيه غلا غاليه مايد سيف خليفه الطرف الذبوحي سيف : ليش ما بتين ويانا. . غلا : ليش تباها اتي ويانا سيف في خاطره : فديتهاا تغار .. غاليه طول الوقت متضاايجه .. قامت ظهرت برع ويلست ع الكراسي البراعيه .. الطرف الذبوحي : ع العموم يالله سي يو .. ^^~[ جان تطير وتحلق في السمـا متجـهه لبيتها عسب ترتب الثيااب ..]~ طلع مايد لانه عنده شغل .. عسب بيكنسل الـدوره .. جان يجوف وحده محطيه ايدها على ويهـا .. مايد مادري شو اللي خلاه يسير صوبها .. مايد بتردد : اختي فيج شي .. غاليه بطلت ايدها من على ويها .. : انـــــت.. مايد : غالـيه .. مايد : يا غاليه يا حبيبتي افهميني .. غاليه : اششششش ~[ تسكـته .. ]~ قصيت عليه وخليتني اتعلق فيك .. ليش يا مايد ليش .. وتمت تصيح .. مايد ما عرف شوي سوي .. قام وركـب سيارته وشخـطه الـبحـر ~[ حلوه هاي شخـطه صح .. هع هع ]~ غلا: سيف .. سيف وده يقول عيونه بس الكل موجود : هلا .. غلا : روح جووف غاليه .. طلعت برع وهيه زعلانه .. سيف لا حول والله اني احبج يا غلا .. : اوف .. انزين حمد : بلاك تناافخ .. سيف : جب انته حمدان : حمد ما يخصـك .. سيف طلع وساير جدا غاليه . . جافها تصيح .. سيف في خاطره : افففف شو ها انا براضي هاي ولا هاي .. انا احـسلي اكنسل كل شي وافتك .. شويه ولا يقوول .. لا لا شو قص عليه الشيطاان .. ~[ اعوذ بالله من الشيطان الرجيم .. ]~ سيف بكل حنان . . : غاليه شو فيج .. قوليلي يمكن اساعدج .. غاليه : سيف .. ~[ جان تنزل راسها .. ] سيف انا ما اباك .. ما ابا اعيش الحياه مع واحد ما حبيته .. سيف تراني بعيشك في جحيم .. سيف : عيل ليش يا غاليه وافقتي .. غاليه : بصراحه .. يا سيف .. انته اخو عزيز وغالي عليه .. وما حبيت اردك ولا ارد عمي الغالي .. سيف : بس يا غاليه هذا زواج مب سالفه ما برد عميه وولده .. انتي كيف ما فكرتي في هالسالفه .. اففففف انزين .. ليش ما تبيني عندج سبب مقنع .. غاليه : سيف مستحيل اعيش ويا واحد .. ما اعرف اسلوبه ما اعرف حركاته ماعرف عنه شي ... كيف اعيش وياك وانا ما اعرفك من صوب مايد .. مايد يالس ع البحر وكان يغني .. مايد : لا شفتني ضايق واهل الدمع وابكي باقتناع لا تحزنك عيني ولا تشره على دمعـاتهــــــا انا فقط حبيت اجربها على يوم الـــــــــــوداع احبابنا قاسين والايام هيه عاداتهـــــــــــــأ مهما جلسنا نضحك وناخذ من الحب المتاع لابد لحظات المفارق نرتشف كاساتها .. هع هع ادري ملخبطه بس شو نسوي هع هع ]~ من صوب زايد وعليا .. عليا : زايد خبرت امك .. ؟ زايد : لا .. وين اخبرها ونحن في هالظروف.. عليا : ويمكن تتم هالظروف لين بعدين بتم اتريا يعني.. زايد : فال الله ولا فالج .. عليا صدت صوب الجامه .. زايد : يا عليا يا حبيبتي اصبري وصدقيني اللي تامريبه انا حاضر .. انا تحت امرج .. بس اصبـري .. عمي في غيبوبه .. وباجر السفر عليا: انزين نحن بنسافر وياهم .. ؟ زايد : هيه بس نحن بنسير اول شي بكـت .. وشونقوماي بعدين بنسير تايلند .. عليا : خلاص اوكـيه .. ^^ من صوب غلا وظبيه وحصه .. حصه : غلا يا حبيبتي خلاص هذا اللي الله كاتبنه .. كــــــــ ت .. اعتقد انه الـبارت طوويل .. وبلـيز ابا مشاركـأت حلوه . . ~[ مابا ردود سطحيه .. مثل وين البارت تأخرتي عليـنا .. ]~ اللي بترد علي برد سطحي بالملاااس ع راسها .. |
ثانكس على القصة الحلوة
|
| الساعة الآن 03:07 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][