عن ابوه انا تعبت صار لي يومين اكتب قصه ولما اخلص اشوف نفسي برع المنتدى وتنلغي القصه تعبت

موه يعني؟؟؟

يعني اكتب القصه في هذه المربع ولما اخلص واعمل انتر ما تضهر القصه يضهر اني انا برع المنتدى ولازم اسجل دخول وبعد كذا الموضع اللى كتبته يكون التغى وحتى لمااعمل باك يكون التغي بس بحاول الحين اكتب القصه وبجرب

اكتبها بالوورد وبعدين انقلها للنت
علشان اذا التغت مره
ماترجع تكتب من اول وجديد.....

اليوم بقول لكم قصه المدرس
ايام الدراسه انا كنت شاطر وكنت اطلع الاول من السور ههههههههه كان علينا حصة احياء وهذاك الوقت تاخر المدرس وانا كنت قاعد في الصف الاول طبعا غصبا عني خلوني قدام علشان ما اعمل فوضه تاخر المدرس 10 دقايق عن الحصه وتعرفو لما المردس يتاخر يكون الصف كله سوالف انا كنت اسولف مع زميلي وصضهري على الباب دخل المدرس بدون صوت وشوي شوي صوت الطلبه يخف وانا اسولف مع صديقي وقامو كل الطلبه الا انا زيملي يقول لي قوم المردسه واقف وانا ولا معبر حتى ما اشوف على ورا عصب المدرس وسحبني اانا وطاولتي وكرسيي ودفرته شوي وطردني برع وانا على طول برع المدرسه وانا برع نادوني الشباب وقالو لي مساعد المدير يدور عليك انا دخلت المدرسه وعلى طول عنده اول ما شفاني قال لي وين كتبك قلت له ليش انا مضلوم انت اسمع سالفتي وبعدين احكم قال انتو ما جايين تتعلمو انتو جايين تصارعو قلت له انت كيف تحكم على انسان وما تسمع كلامه طبعا نائب المدير يعرفني زين زين وقال لي برع ما تجي الا وابوك معك طبعا انا خذيت اجازه فصل ثلاث ايام وبعد كذا جبت الوالد لما جا الوالد قال له مساعد المدير هذا ولدك يقول للطلبه الدراسه مو هنا الدراسه في مجمع الحارثي وما يكتب واجباته وما يشارك في الصف انا قاطعته وقلت له انت كيف تعرف هذه الاشياء لا يكون انت طالب معنا وانا ما عندي خبر عصب علي الوالد وقال بس اسكت المهم خذونا الى المدرس ولما وصلنا عنده قام يشلخ قال اني ضربته بوكس ودفرته وشتمته وانا اغلي وبعد كذا قال لاكنه ولد ممتاز(ما اعرف كيف صرت ولد ممتاز مع اني مجنون في كل الحصص) شكل المدرس يتملق المهم لما سمعت انا كذا قلت في بالي اكيد المدرس يبا يسامحني وعلى طول قلت له انا اسف وحقق علي وفرخ المدرس وحط يده على راسي وكلها طباشير هههههههههههه
بعد كذا فكرت انا في بالي قلت هذه المدرس بيرسبني في الماده قلت شو اسوي بجيب له هديه وفعلا جبت له هديه ضفادع وعقرب وحده والحمدللله نجحت في االاحياء بس رسبت اخر السنه
تحياتي لكم راعي الكروزر

يعني كل ذيك الجهود واخرتها رسوووب
الله يستر
زين كان لو عاطنه ثعبان بعد يمكن يرفعك درجتين

هههههه

بس اقول اخوي

ايامك كانت كلها جنون يعني ما في ولا يوم مريح فيه
ومريح الي معك...؟؟!!

للاسف ما كنت اربي ثعابين

فيه فيه ايام وايد حلوه

رااااااااااعي الكروزر ما خبرتنا عن قصة المشاااااااااااااكيك .....

اييييييييييييييييييه حنانوه من زمان ما ناقرتك
فيه سالفت مشاكيد بس لما اكون فاضي بكتبها ولا يهمك