هلا بيكم أخواني واشكرك أخوي جعلاني للأبد على الإستضافه وأنــــــــــــــا من ارض جعــــــلان وااللي معه اي سؤال عن جعلان يتفضل طبعا للعلم جعلان فيها 3 ولايات (الكامل والوافي/ جعلان بني بوحسن/ جعلان بني بو علي )

عطر راح اسالك بعض الاسئله:
ما هي الاثار التي تتميز بها منطقتك?
ما هو شعار ولايتك?


اختي عطر اشكرك لتلبيتك للدعوه وحضورك يشرفنا
ونبيك تكلمينا عن الولايه اللي ساكنه فيها بالضبط

اممممممممممممممممممم


عندي سؤال واحد
بشوووو تشتهر ولايتك ????



وبعدين جعلاني لا تنسى ان الاخت عطر بنت وما يصير تكلمك عن المنطقه الي ساكنه فيها بالضبط وبعدين هذا يرجع لعطر ههههههههههههههههههه

أنا بتكلم عن جعلان بشكل عام


شعار ولاية الكامل والوافي قلعتين
شعار جعلان بني بو حسن رمحين
شعار ولاية جعلان بني بوعلي؟؟؟؟ ما أعرفه بس بدوره :)

أما الأثار اللي تشتهر بيها اكثر شي القلاع والحصون والبيوت القديمه (المباني القديمه )

جعلان فيها كثير مناطق روعه وسياحيه مثل الأشخره وأعتقد غنيه عن التعريف وفيها ايضا سيق وسبت وفيها محمية السليل للغزلان وايضا قلعة آل حموده الشهيره

عطر مشكوره
عطر ممكن تكلمينا عن الافلاج معاكم وما هو اشهر فلج وما يميز كل ولايه عن الاخرى?
تحياتي لك

تحياتي لك عطوره

بالنسبه للأفلاج طبعا بالولايات الثلاث مجموعة الافلاج تشتهر بيها وبعضها طبعا يابسه ماشي فيها خلا وبعضها موجوده للحين


الولايات الثلاث فيها قواسم مشتركه كثيره ونفس العادات ونفس التقاليد

عطر ما هي الخدمات المتوفره في اللايات الثلاث?
وكيف يغضي الناس اوقات فراغهم هل توجد منتزهات او اماكن اخرى?

جميع الخدمات متوفره في جعلان ما عليك غير تجي وتشوف



يوجد منتزه بالأشخره منتزه البلديه الشباب عاد يقضوا أوقات فراغهم بالمقاهي وبالشوارع يتسلوا والبنات بالبيت :)

عطر ممكن اخر سؤال مني لك وهو ما هي انسب الاوقات للرحلات العائليه في قطاع جعلان واي مكان انسب لها?

برايي العصريات احلى وقت

والأماكن ذكرتها مسبقا معك سيق وسبت والأشخره وحوض رمال الشرقيه والسيوح ما ننساها وخاصه قبل المغرب تكون رائعه الكثبان الرمليه والهواء العليل ومنظر الغروب يجنن

عطر ماشي صور تضيفيها لنا وانا من جعلان بالنفس بس عشان الاعضاء الاخرين وعارف مناطق جعلان كلها

وحبيت اساعدك بان جعلان بني بوحسن تشتهر بوابة المنجر وفلج المنجرد والمحيول
وحصن بوحسن الذي اعيد ترميمه من قبل وزارة التراث
ويوجد في جعلان ايضا معهد السلطان قابوس للدراسات الاسلاميه
وتشتهر جعلان ايضا بوجود جبل قهوان وارمال الذهبيه الممتده من بديه مرورا بالكامل والوافي وجعلان بوحسن وبوعلي
واذا عندك معلومات اكثر افيدنا وانا عندي الكثير بس حبيت اتترك الامر لك

تحياتي لك

اللي يريد يعرف عن جعلان يزورها والزياره راح تغنيه عن وصفنا ومعلوماتنا






دعــــــــــــــوه من عطر النسيان لزيارة ((((جعلان)))))

بالفعل اختي عطر وانا اتفق معاك

مشكوره اختي عطر على ردك على الاسئله وقبولك للدعوه
تقبلي تحياتي لك جعلاني للابد

اخواني وراح نستضيف لهذا الاسبوع العضو سالم
وارجوا من الاعضاء التفاعل معنا ومشاركتهم بالاسئله لكل ضيف
تحياتي لكم

يا هلا بسالم وأحنا بإنتظاره

لعدم دخول العضو سالم راح نستضيف عضو اخر وهو اسير العشاق

اشكرك اخي جعلاني وجميع المشرفين والأعضاء على الإستضافه...

انا من ولاية الرستاق.
ولكن حاليا ساكن في مسقط....
ولاية الرستاق تعتبر من اشهر المناطق الموجوده في منطقة "جنوب الباطنه" ويقال اذا كانت صحار هي عاصمة "شمال الباطنه" فان الرستاق هي عاصمة "جنوب الباطنه"
طبعا الرستاق ولاية معروفه واعتقد بانه الكل يعرفها.. وشعارها "قلعة الحزم"
في الرستاق توجد اماكن اثريه وسياحيه جميله
بالنسبه للاماكن الاثريه:
*قلعة الحزم.
*قلعة الرستاق.
*سوق رستاق القديم.
هذا السوق مشهور بصناعة وبيع الادوات الحرفيه التقليديه القديمه كصناعة الخناجر والسيوف والاواني الفخاريه الجميله والبنادق التقليديه القديمه وصواغة الحلي والحلق والبناجري الخاصه للنساء (عجب واغياب السوق من عضوات المنتدى )..
وتشتهر الرستاق بصناعة السعفيات وصناعة الخناجر وصناعة الحلوى العمانيه.
ويوجد في الولايه مصنع للتمور .

اما الاماكن السياحيه الطبيعيه ذات المناظر الخلابه فهناك:
*عين الكسفه المشهوره بالمياه الحاره وماشاء الله في العطلات الرسميه تلقى المكان مليان بالعوائل والسواح.
*الحوقين المشهور بالمناظر الخلابه وبالشلالات والمياه العذبه حيث يقام هناك مشروع سياحي ممتاز للسياح القادمين من داخل وخارج السلطنه. يتضمن المشروع استراحات خاصه للعائلات ومواقف للسيارات ومطاعم راقيه ( عن يفوتكم )

واذا رحنا خارج الولايه شويه فهناك اوديه جميله الواقعه بين الجبال تتسم ببرودة الجو وبالمياه العذبه اشهرها وادي مستل ووادي بني غافر وبلاد سيت الواقعه في اعلى الجبل.....
هذي هي ولايتي..
اذا عندكم اي استفسار او اسئله على الرحب والسعه..


تحياتي :اسير العشاق..

مشكور اسيرالعشاق على هذه النبذه الجميله عن منطقتك
وعندي لك سؤال
ما هي انسب الاوقات للرحلات في منطقتك?
واتمنى من باقي الاعضاء المشاركه في طرح الاسئله

الحوقين المشهور بالمناظر الخلابه وبالشلالات والمياه العذبه حيث يقام هناك مشروع سياحي ممتاز للسياح القادمين من داخل وخارج السلطنه. يتضمن المشروع استراحات خاصه للعائلات ومواقف للسيارات ومطاعم راقيه ( عن يفوتكم )

اشكرك اخوي اسير العشاق على هاي المعلومات الشيقه عن ولاية الرستاق وأنا زرتها كثير وجلست فيها بالأيام وهي فعلاً روعه
وبالنسبه للحوقين أيضا زرتها بس المشروع السياحي كان بعده ما منتهي وأعتقد أنه بيفتتح على عيد الفطر وفعلا راقي جدا والمشروع بدأت به وزارة التجاره والصناعه وتتابعه وزارة السياحه وفعلا موقع رائع جدا جدا


أعتذر أخوي اسير العشاق على المداخله :)

شاكر لك مداخلتك عطر وهذا يدل على متابعتك لكل ضيف يحل علينا
واشكر كل الشكر سيدتي

وقت العصريات هو افضل الاوقات للرحلات هذا بالنسبه في فصل الصيف امافي الشتاء جميع الاوقت يكون فيها الجو منعش وبارد وخاصه في المساء.

اشكرك اختي عطرالنسيان على المداخله وهذا يدل على اهتمامك مثل هذه المواضيع ولما يجهز المشروع نترجى زيارتكم .....
.....الدوعوه عامه لجميع أعضاء المنتدى.....

مشكور اخي اسير العشاق على ردك على الاسئله

مشكور أسير العشاق على هذه المعلومات عن ولاية الرستاق

عذرا بس حبيت أوضح للأعضاء إن شعار ولاية جعلان بني بوعلي قلعة ال حموده

هلا بيكم أخواني
نظرا لإنقطاع جعلاني للأبد لمدة اسبوعين سأتولى أنا الموضوع بإذن الله وأتمنى أني ما أقصر بالموضوع واقلل من شأنه خاصه أنه موضوع ناجح فعلا

راح نستضيف هالمره صاحب السعاده اللي اتمنى يحضر وما يتأخر

وينك صاحب السعادة نتظرك

وينك صاحب السعادة نتظرك

بما انه صاحب السعاده ما وصل أش رايكم نستضيف الأسيره

يالله يالاسيره نتمنى تشاركين ويانا

هم الأسيره ما وصلت للحين

بما أنه توتو الصغيره موجوده معنا نتمنى تتفضل معنا وتخبرنا كل شي عن ولايتها

ونحن في انتظار العضوه توتو الصغيره واشكرك اختي عطر على اهتمامك بالموضوع وارجوا ان تتابعي الموضوع لاني في اجازه

ياالله انا بنتظر الين يي دوري

راح نستضيف هالمره العضوه شجووون وتتكلم عن منطقتها وابي من الاعضاء التفاعل مع الموضوع

بالفعل اخي قطاع جعلان به فنادق وشقق للايجار ونتمنى زيارتك جعلان

يوجد بها أرين الشباب(بيوت الشباب)بالأشخره عباره عن شقق فندقيه مطله على البحر

سلامي للي يستاهل سلامي

ثانكس اخي جعلان وانشاء الله في القريب العاجل عندكم
فديت جعلان احبها ولواني ماشفتها عسى نتلاقى


الشكر لك خيه عطر النسيان

اشكرك على التوضيح وذكر بعض هذه المرافق

تقبلوا تحياتي ولو اني اتعبتكم معاي


الجــــــــــــــحيم

أفا عليك أخوي ولو تبي أماكن سياحيه أخرى بالشرقيه أحنا مستعدين

اخواني شجووون هي ضيفتنا هالمره وراح نبدا بطرح الاسئله
اختي شجووون ما هي المناطق السياحيه في منطقتك?