منتديات جعلان - قصص من التراث الجعلاني

بعلمكم علي سالفة الحصيني المكار.الحصيني كان مره يسير فصحراء فشاف قافلة محملة بضائع، سار صوبهم وطلب منهم يشلوه معهم. المهم وافقوا هل الجافلة (القافله):vb28: وركب الحصيني فناقة، وقالهم أبا مقص أبا أقص شواربي :vb66:، ماقصروا عطوه مقص، وتم الحصيني يقص شواربه واذا شافهم التهوا عنه يقص يواني (جواني) العيش، والعيش يندحق. وتم علي أذيه الحالة علين خلصن يواني العيش.

قحم الحصيني من ظهر الناقة وشافوه هل الجافله وشافوا هيش سوي. لحقوه وراه ومقدروا يلوفوه وكملوا طريجهم وهم يدعوا عليه(تشعبيتك يا الحصيني كان دحقت العيش)> يخرب بيتك باللهجة المصريه.smile.

الحصيني شاف ثلاث بنات يسيرن فالطريج، ياهن ويوب شافنه ارتاعن، قالهن عشان ما أكلكن تعالن معي بتلقطن العيش، وافقن البنات وسارن عنده علين وصلوا للعيش المندحق، قالهن الحصيني:ألحين لمنه حبه حبه، ومابا ألجى ولا حبه فالدعنه(الأرض) واللي بتأخذ قحفة حبه ياويلها مني. أني بروح بنبطح فظلة السمرة وأنتن أبدن.

قعدن مسيكينات البنات يلمن العيش حبه حبه. أصغر وحده خذت قحفة حبه وضمتها فعجفتها(شعرها المربوط) وقالت فخاطرها برايه الحصيني مب شايفنها. وعقب ما خلصن البنات ياهن الحصيني ولجاهن لامات كل العيش، وقالهن ألحين بفتشكن عن تكونن سارجات شي منه. المهم تم يفتشهن بالدور من الأكبر علين الأصغر، ما لجي شي عند العودة والمتوسطة،وصل دور أصغر وحده، قعد يفتشها كلها، علين لجي قحفة الحبة فشعرها.

قالها: أني مب قائل ياويلها اللي بتأخذ قحفة حبه؟ خذاها وكسرلها عصقولها( رجلها) وشلن البنات أختهن الصغيرة وروحن بيتهن وهن يصيحن: وعلمتج يا أماه... الحصيني كسر عصقول ختنا
وعلمتج يا أماه... الحصيني كسر عصقول ختنا

سمعتهن أمهن وعصبت علي الحصيني:874074e272: وروحت تدوره وتدوره( تبحث عنه) علين لجته:vb101: (هبة ريح).
:fighgcedter: :3330d3b9a3:
خذته وضربته ودقته وعقته بعيد عن دار الأياويد(الأجاويد):23_asmilies-com[1]:
وبعدها مشت له (ذهبت إليه) وقالتله: هيش تشوف من الدني (الدنيا)؟> (قصدها كم تحس عمرك بتعيش؟)
قاللها: كبر سمة( يعني سأعيش بقدر الحصير):vb24:
وبعدها دقته وضربته وطحنته وعقته بعييييد عن دار الأياويد.
ومشتله مرة وقالتله: هيش تشوف من الدني؟ قاللها: كبر عين البرة (الإبرة):4914f86fe0:

وبعدها مرة ثانيه ضربته ودقته وطحنته وعقته بعيد عن دار الأياويد. ومشتله ولجته ميت وما باجتله من حياته حتي كثر قحفة حبه.

ورجعت الأم لبناتها :vb17:

ان شاءالله تعجبكم[/LIST][/COLOR]