من غشنا فليس منا

انا عن نفسي مريت بها الموقف بس شو نسويبهن الله يهديهن المفروض الواحد يساعد زميله اوزميلته سوا كان ف العمل او ف الدراسه يعني المفروض ربيعاتج يعطنج فكره عن الموضوع او يفهملج نقطه اللي يباها الاستاذ بالظبط بس الله يعين اختي مامنقدر نقول شي الحين
والله يعينج ويسهل عليج الدراسه ان شالله وبالتوفيج ..

لا تعليييييييييييييق

اختي لا غلطانة ولا شي .. بس سبحان الله مرات تحصل الواحد لم تريد منه استفسار يقواك ما اعرف شي وتعالي وشوفي كيف يجاوب عند الدكتور .. انا ما احسد حد .. بس والله التعاون حلو .. والانانية وحب الذات قهر ..!!

كأنه بنات دارنا حن مرفوع عنهن القلم

هالنوع موجود سواء فالحضريات ولا بنات دارنا حن

ياما وياما موجودة مثل هالنوعية ما يحتاج نحصرها حال فئة معينة

فديتك يالغلا والله وذكرتينا بأيام المدارس مو الجامعات
هالحركات اعتقد اكثر شي تحصل بالمدارس لانة تكون فيها البنات اكثر شي يتسابقن للحصول على المراتب الاولى ويتسابقن على الحصول اكثر من الهدايا المشجعة .اما خلص البنت من توصل الجامعة تكون كبرت شوي وعقلت وتحاول بقد ماتقدر تكون مع صديقاتها طيوبة ويتساعدن لانهن بغربة وكل وحدة محتاجة لصديقتها اكثر سوى كان في امور الدراسة او غيرها.

هذا من وجهة نظري لانة اكثر من موقف صراحة حصلي ايام الدراسة
في موقف صارلي مع صديقتي كنا انا وياها من صف الثالث لحد اول ثانوي ويا بعض وع نفس الطاولة
يعني جالسين جنب بعض وكان يوم في عندنا اختبار انجليزي صف ثالث اعدادي وطبعا انتو عارفين ايام الاختبارات يسوو مسافات بين كل طالبة وطالبة الحمدالله عمري ماقلت لاي بنت غششيني سؤال كان طبعي اذا عرفت احل كان بها واذا ماعرفت اخلية فاضي. خلص وقت الامتحان وقالت المعلمة لزميلتي قومي جمعي الاوراق من عند البنات لما وصلت جنبي قالت: كيف خلصتي ؟؟ قلت ايوة بس كم سؤال مو متأكدة من حلهم طالعت ورقتي وقالت لا صح معك لا تغيري اجابتج وشلت الورقة ومرت فترة وزعو علينا الاوراق وطالعت ورقتي حصلت الاجابات خطا معي وتشوفت ورقتها هي وحصلتها حلتهن صح.وعطيتها في وجها قلت ليش سويتي معي جي؟اصلا ماطلبت منج تأكديلي اجابتي؟ قالت كنت مستعجلة ابا اخلص اجمع الاوراق .وراحت عني.من بعدها ماتكلمن انا وياها ابدا مع انا جنب بعض .بعدين تفارقنا ع ثاني ثانوي هي اختارت ادبي وانا علمي.والسنة الاخيرة انتقلت من المدرسة بكبرها تعقدت هههههههه من مواقف البنات واسلوبهن كل وحدة نفسي نفسي ف درجات خخخخخخ

الحمدالله بس من رحنا الجامعات مالاحظت هالشي وايد وعدينا هالمرحلة وتوظفنا بفضل الله.



لا تعصبي يالغلا مشي حالج وطنشي وكوني قوية دايم لا تضعفي قدام هالمواقف لانة الارزاق بيد ربي عزيزتي مو في الدرجات
تقلبي مروري