|
أبو جاسر ما تستاهل اللي صار لك
صراحه موقف يكسر الخاطر ولا عاد الشطاره يستقوون على الصغار لك كل الشكر أخي على مشاركتك موقف لا تحسد عليه |
اقتباس:
والمصيبه الأكبر انه معي طالبات من الصف السابع والمواقف كثيره خاصه مع الأطفال |
تعيش وتاكلي غيرها سحاب
لك كل الشكر أختي على المشاركه |
هذا موقف صار لوحده كانت تدرس في منطقه غير منطقتنا بمنطقة نائية جدا مو شوي
هي مدرسة لغة عربيه وتقول دخلت على صف الاول في المدرسه في حصة احتياطي قمت ورسمت على السبوره مثلث وسألت من يقولي أسم هذا الشكل الاخت طالعه فيها تبي تسأل في الرياضيات إلا وتجاوب كل البنات بصوت عالي ومع بعض هذي صوره سنبوسه والتعليق للأخت قالت والله انصدمت إجابة ولا تجي على البال ولا الخاطر وراح اخبركم عن موقف صار لي في أيام امتحانات الثانوية العامه شوفوا البرود وهدوء الاعصاب دخلت اللجنه وزعت أوراق الاسئله وبدأنا الحل وبعد انقضاء 45 تقريبا أو أكثر بشوي خلصت الاجابه راجعت الحل مره ومرتين وثلاث الوقت طويل وما عندي شي أسويه والحركه والالتفات يثير الريبة والشك يا ربي أيش أسوي ومستحيل تسمح المراقبات بخروجي جلست أفكر في حل ما جا على بالي غير شي واحد تتخيلوا أيش هو ؟؟؟؟1 النوم قلت اريح شوي سكرت ورقة الاجابة وحطيت راسي بالطاوله ونمت نومه طويله وما حسيت بنفسي الا ولجنة من المديرية وكان واحد منهم واقف جنبي موقف لا أحسد عليه الأخ واقف ومستغرب علامها ما تحل استحيت من نفسي المهم قولوا اللهم لا حسد حصلت 99 في الماده يعني النوم في اللجنه يجيب نتيجه هههههه لا تجربوها بعدين تدعون علي وبس يالله وين الباقي يشاركونا |
هههههههههههههههههههههههه ما كنا نعرف انه النوم له فائده ولا كان تجنبنا البراشيم ايام الثانوية والمواقف التابعه الها ذكرتيني بموقف البراشيم مضحك شوي مع اني ذكرته في احدى المواضيع لاكني بعيده هنية للاختصاص الموضوع الموقف : ذكرتني بموقف كنت اغش ايا الثانوية العام من براشيم ، وكانت اللجنه شديدة وكنت انا بجن الجدار وحاط البرشومة تحت ايدي اليسار ، والا مدير عام مديرية التربية بصور كان في جولة تفقدية للجان ودخل علينا بشكل مفاجي ، ارتبكت بقيت عادي كاني ما مسوي شي ، ومن سوء حظي اجا المدير العام بجنبي وطلب من اني اقوم واقدم الطاولة للامام شوي ، عاد انا قلت غبت فييييييييييييييييييها وطي اذا وقفت بيشوف البرشومة تحت ايدي لانه كان جالس فوق راسي ، المهم انا تاخرت شوي خليت نفسي ارتب الاوراق علشان اقوم اغير مكاني ، وفي نفس الوقت افكر ويش الحل ؟؟؟؟؟؟؟؟؟؟؟؟؟؟؟؟ بسرعة خاطفة فكرت في حل سهل وصب وخطير شبه مجاااااااااااااااازفة تعرفوا ويش سويت قلت يا اني اروح فيها وطي بروحي وما حد بيخلصني او اني استعين بحد واذا انكشفت يروح هو معاااااااااااااي فيها . تعرفوا ويش سويت جلس اشوف على المدرس الشديد المراقبة كان ساك علينا على الاخر مسكين وما كان شاك فيه ابدا ، فمسكين شافني اشوف عليه فتبسم على نيااااااااااااااااااااته ينتظر مني اني اغير مكاني والمدير العام موجود ، فبينما المدرس كان ينظر لي ببتسامة بريئة غمزة له وريميت البرشومة وراي وانا اشوف عليه ، هههههههه مسكين اجلب ويه احمر واسود خاف انه المدير العام يشوفها ويتورط هو معاي فلما انا قدمت الطاولة انقض المدرس مثل الصقر الجارح على الفريسة ((البرشااااااامة )) بحركة سريعه وكانه يشيل حاجة من الاوساخ بالارض ورماها من الشباك من دون ما ينتبه المدير العام ، وبهذه الطريقة والحيلة جدرة انقذ نفسي من هذاك الموقف ولا كنت بنفصل فصل نهائي ، ومسكين المدير العام طلع وكاننا احنا اللجنة المثالية ههههههههههههههههه ، على نياته . وعاد من راح المدير العام جاني المدرس كانه يبي ياكلني يقولي انا كنت افتكرك بريء طلعت داهية وبغيت تورطنا معاك ، لاكن زين سويت ولا كان بنروح فيها، قلت له ما كان جدامي غير هذا الطريقة فضحك مسكين ((ما منه من الفوله)) وقالي هات باقي البراشيم الي عندك عن تورطنا مره ثانيه واعطيته البقية . وانتهت المشكله هذه كانت سنت 1998م . وبس :) |
أبو جاسر شكلك مو هين
الله يستر منك بس كنت بتوهج المدرس المسكين مشكووووووووور أخوي على تفاعلك الطيب |
هههههههههههههههه
الواحد لازم يتصرف صح ونا انقذت نفسي وانقذته هم اهو كان بيتورط بيفتكروه فاتح للجنة فانا خفت عليه مسكين ههههههه |
صدجتي ريم الفلا
هذا موقف أستوى لي بعد مع الصف الاول العام الماضي كنت في الصف وفجأه واحد من الطلاب يناديني فقلت له نعم قال ابله أنتي اتشبهي أبويه وايد والله ضحكت في خاطري وسبحان الله الاب زار المدرسة يمكن بعد يومين ولما نادوني قلت اروح أشوف هالرجال اللي يشبهني والنتيجه ما اي شبه بينا لكن بعدن أكتشف وجه الشبه شكل الولد يحب أبوه وايد والحمدلله كان وايد متعلق فية وهنا تكون عنده الرابط بيني وبين أبوه |
سبحان الله افكارهم هذولا الاطفال غريبة وطريقة تعاملهم مع الامور اغرب
هالموقف غريب فعلا كان عندي طالب في صف الرابع كان ممتاز جدا في الرياضيات الله يحفظه كنت وين ما أروح القاه قدامي وكان يقول أنا اعرف كل الاماكن اللي تروحي لها وحتى لما تكون عندي حصص في صف الثالث يجي عند الدريشه يشوف ويروح وفي يوم من أيام الثلاثاء كنت مريضه فتغيبت عن المدرسه المسكين ظل طول النهار زعلان حتى أحدى الاخوات قالت له أيش فيك قال مافيني شي حتى اقتربت منه وقالت زعلان لأن ابله فلانه غايبه قال أيوا اقصد لالالالا حينها قالت له اطرش لها مسج واقول لها أنك تسأل عنها واستانس يوم الاربعاء كانت تعلق علي وتقول خليه يشوفك تراه يدور عليك وبالفعل لقيته ينتظرني والله كسر خاطري لا وبعد يوصيني لا تنتقلي السنه القادمه بجي ازورك الله يوفقه ويحفظه ويخليه لأهله |
آمين يارب
سبحان الله أختي وهذا دليل حسن تعاملك مع طلابك |
| الساعة الآن 05:54 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
][ ملاحظة: جميع المشاركات تعبر عن رأي الكاتب فقط ولا تمثل راي ادارة المنتدى بالضرورة، نأمل من الجميع الالتزام بقوانين الحوار المحترم ][