منتديات جعلان - اضغط هنا"

احم احم

بليز عن التعليقات اممممم

مرة كنت تقريبا صف الثاني الاعدادي وكنا اول الصبح نقلد الشباب الكبار نشتري بيبسي على الريق ((طياشة )) عموما ولما يجي الباص نشيل طبعا غرش البيبسي معانا .

اممممممممم قولوا ليييييييييييش ، لانه الشباب الكبار منظمين حالنا يوميا مسااابقات رماية الغرش بالحجارة جدام بوابة المدرسة((خووووووش لعبة ))

طبعا نصف الغرش على مسافتة 8 امتار تقريبا ويبدأ التصقيع ((الرماية)) وتكسير الغرش الزجاجية ((مساكين نتسلى الى وقت الطابور ))

عموما وكنت انا تقريبا في هذاك اليوم يمكن اول مرة اشاركة بهاللعبة لما فيها من حماس

وطبعا عاد انا مبدع في التكسير وما يحتاي مكشخ وفجاة : المفااااجة

احد الوشااااااااايين ((التحريات الطلابية)) ومعه نائب المدير يجي عند مكان المسابقة ويناديني انا و احد من كبري ((مساكين اصغر متسابقين)) وكان نذل ما علشان انه خبر على المسابقة وخبر علينا تعرفو ليش كان نذل

لانه كان يعرف الشباب الكبار الي كانو زعماء اللعبة ولانه خايف من الضرب اختار نا احنا الصغننييين مااااااااااافيه رحمة جبان .

عموما رحنا عند الادارة وجانا المدير ومااااااااااايحتاي اقول ويش سوى ((ظربناا الله يسامحة)) وما انتهت على الضرب صبرنا على الضرب لاكن الماااجئة انه يقول حقي انا وزميلي روحوا لموا الزجااااج ((اطنان من الزجاج)) الحين وجداااام الشباب .

حرااااااااااااااااام تخيلو لو واحد منكم كان مكاني ويش بتسوي ، طبعا الكل في البداية ينظر للك باحتقار وسخرية تقريبا كل المدرسة تشوف عليك .

المهم قمنا انا وزميلي ننظف المكان جدام الشباب لا حول ولا قوة وكااااااان موقف محرج المهم انا كنت حسااااااااااس وسريع التأثر فبكيت فتخيلو الموقف طفل بالاعدادية يلم الزجاج وهو يصيح من الاحراج وعيوني تمطر من الدموع .

والله من تاثير الموقف على الشباب قااااااااااااااااااامو كل الطلاب الموجودين زااااااااااااهم الله خير وقاااامو يلموا الزجاج معنا علشان انهم يبينو لي اني ما وحدي الي غلطت وكانو خجلانين من سبب هذا الموقف ومراااعتن لي متاثرين ببكااائي ((موقف لا احسد عليه)).

الحمد لله انهم ساعدوني ولمينا هذيك الاطنان وانقلبت دموع حزني الى دموع فرح بسبب تعاطف الشباب معي وحساسهم بان الغلط كان منهم وطاح فينا احنا الصغااار .

وهذاك الموقف ما نسيته الى اليوم

والسموحة لاني طولت عليكم