منتديات جعلان - ((الجزء الخامس)).......ماســـــــــــــــــنجر المنتدى

ياحبيب القلـب يابـدر التمامـي
ياعبير الورد يالطـرف الكحيـل
مع دلعها في غنجهـا ياسلامـي
ضامر السرجوف والقـد النحيـل
الشعر لاهبـت النسمـه وقامـي
قام يلعبه هـوا الشـرق العليـل
لاتثنى فـوق ردفـه واستقامـي
بين شعره والظهر عشرين ميـل
الخـدود ورود غطاهـا اللثامـي
والشفايف كنهـا جمـر الغليـل
والنحر برق ٍ سطع وسط الغمامي
والصدر كله على بعظـه جميـل
املكة قلبي باحاسيـس الغرامـي
وردة ٍ غصنه على قلبـي يميـل
جيتها في ليل حالـك بالظلامـي
وابتدينا بين حـط وبيـن شيـل
بين همس وبين غمزه وابتسامي
لين صارت كنها الغصن الهزيـل
كني اللي بالخلا ميـت وضامـي
ارتِوي من ريق كنـه سلسبيـل
راح همي وابتدت لحظة هيامـي
لين كـل ٍ صـار للثانـي ذليـل

ان هذا كان طيفا ً فـي منامـي
بس خوذو علم ماهو حلـم ليـل

ياحبيبي لك سلامـي واحترامـي
ياشموخ العـز ياهـام النخيـل
اشهد انه عاليـة قـدر ومقامـي
بنـت عـز ٍ مالهـا والله مثيـل
بنت حر ٍ ذرب زيـزوم ٍقطامـي
اخت منهو لانتخا عـز الدخيـل
بالشرف حطوا على راسه وسامي
مهرة ٍ من مربط حصان ٍ اصيـل
دارهـا دار الرجاجيـل الكرامـي
دار ابو متعب عسا عمره طويـل
حظ منهو بادله حلـو الكلامـي
سِعد منهو صارله اقـرب خليـل
برفع ايديني وابدعي فـالختامـي
واطلب اللي ياعطا ماهو بخيـل
ياعسى عمره يعدي الف عامـي
ماعلى الرحمان شي ٍ مستحيـل

للشاعر نواف البندر