كلن يموت وينتهي والوقت يمضي هات هـات
ولا عاد يبقى الا الذكر ان كان شر او كان خير
والشاعر ابقى بعد موتـه بالعلـوم الطيبـات
او عكسها والوقت ياخـذ والقصايـد تستخيـر
اقرب دليل الي لهـم فالبيـت سبـع معلقـات
راحو ولا زالت قصايدهم كمـا البـدر المنيـر
الاعشا وعمر وطرفه بن العبد والعبسي ثبـات
والنابغه وابن ربيعه وابن ابي سلمـى زهيـر
والشعر فضل شاعره عن من سواه وله سمات
فضل ابو الطيب وهو سقى وابي فراس اميـر
والشعر مهما فضل الشاعر مقـام ودرجـات
ما فضله بالفعل فاليـوم العبـوس القنطريـر
لقولها وانا اعرف انها مـا تلحفنـي العبـات
الي طرفها في يدي واكمامها في ايـد الوزيـر
لكن على الله يا متم الصوم ومقيـم الصـلات
تدفا الكفوف الباردات ويجبر العظـم الكسيـر

تحسب اني جاهل ُ بعض الامـور الخافيـات
الي تحدك وانت مالك عن مدى قلبـي مطيـر
ادري واقـدر واتحمـل واتحاشـا الانـفـلات
ولا تراني في بعض الاحيان ما اطيع الشويـر
والصبر مفتاح الفـرج والقـل جـراح اللهات
وسهيل يبدي فالسما ويهيـج فالقـاع البعيـر
وانا من الي مجدهم على ظهـور المسرجـات
قومً ماهي بتشد لا جاها مـن القـوم النذيـر