هلا فيكم أعضاء أحلى منتدى بجاوب الحين على الاسئلة بس ما اعرف كيف ما وايد اتذكر عن الطفوله
كبرنا وشيبنا ههههههه

هل كنت مشآآآآكس أوكنت على نياتك وهادئ؟؟
لا والله كنت هادية حيل بس ايام المراهقة شوي تشيطنت



2/موقف حصلّك وأنت صغير وللحين مأثر فيك؟؟
اتذكر يوم كنت صغيره وابا اغيب عن المدرسة واسوي عمري مريضة بس هالحركات
ما يمررها اخوي العود كان لازم يضربنا بباكوره علشان ما نغيب ومرات الصفعة اتيك بدون ما تحس
كان شديد وايد معنا بس الحمد لله الحين اشكره لانه ما خلاني على راحتي وكملت دراستي وتفوقت


3/ كم فلقة في رآسك؟؟

ههههههههه

مشي ابد مب لاذيه الدرجة

4/ وش اكثر حلاااوهـ كنت تحبهاا في طفوولتك الرائعه ؟؟
اذاك الحلاوى على شكل قلب أحمر واشياء وايد معرف ايش اسمائها
والبوب لونه ابيض وااايد حلو وصح بعد لولو بالفراوله طعمة ما انساه


ايش ترتيبك بين اخوانك ؟ وهل هذآ الشئ اثر في مسيرتك الطفوليه ؟؟
في الوسط لا عادي ما اثر تراني مع الصغار اخلي عمري صغيرة واكبر مع الكبار فكلهم يحبوني
6/ ايش اكثر مكان كنت تحب تروح له ؟؟
البلاد والنخيل مع االاخوان علشان اللمبا اذا تعرفونه
والبحر وايد نحبه اذيك اليوم عيد يوم نروح الاشخرة
ايش اكثر لعبه كنت تحب تلعب فيهاا ؟؟
ما ادري بس العاب بنات وايد


8/ هل كنت تضرب والا تنضرب؟؟
لا اضرب ولا انضرب مسالمة الحمد لله


9/ هل كنت تبكي كثير ؟؟

وايد ابكي وخصوصا لما يروح الباص اخاف من الضرب



10/ ايش فليم كرتوون كنت تحب تشووفه ؟؟
سالي , ليييدي , سفينة الأصدقاء , سنبل ,


11/ موقف صار لك ولحد الحين اذا ذكرته يضحكك ؟؟
ما اذكر شي للاسف

12/ كنت تحب الحليب والا تشربه بالغصب ؟؟
احب الحليب وايد واشربه كل صباح شطوره كنت

13/كنت شاطر بالمدرسة ولا ؟؟

كنت شاطرة في الإبتدائي وااايد بعدين نزل مستواي شوي بس الحمد لله كملت واسترحت من المعاناة في الدراسة
كيف كانت طفولتك بأيامـ رمضان ؟ كنت تصوم قدام اهلك ومن وراهم تفطر ؟؟
هههههههههه
كنت اصوم بس اشرب شويه عن العطش
بس بعدين من كبرت شوي اصطلبت وصرت اصوم كله صدج

15/استايلك وانت صغير.. كيف كآن؟
عاااادي لا ستايل ولا غيره الي نلجاه نلبسه



16/كلمه دآآيم على لسآنك!!
مشي معين

17/هل هناك شخص كنت دايم تتبلى عليه يعني تسوي المصيبة وهو ينضرب ؟؟
لا والله محد
18/جريمة او مصيبة لـ هذا اليوم تذكرها و مستحيل تنساهاا ؟؟

مشي جريمة
والحمد لله


19/ما هو اقوى عقاب في حياتك ؟؟

كانت معنا استاذه تكتبنا الخطا اذا جاوبنا عشر صفحات علشان نحفظة وما نغلط مره ثانية


20/نشيد كنت تحبه أيام الطفوله ؟؟

طلع البدر


كيف كان اول يوم مدرسه لك بكيت ولا لا ..؟

ما اذكر

23/وشهي اجمل هديهـ خذتها في طفولتك...ومانسيتها ابد...؟!

عرايس كنت احبها وايد واموت في الملابس
24/في انسان معين تحس انك كرهتهـ في طفولتك وذا اي ليهـ...؟!

لا محد كرهت بس كنت اخاف من اخوي العود واااايد


هـل كنت تغلط في نطق الحروف ..؟

لا الحمد لله ما اذكر اني كنت اغلط كان يوم صغيرة وايد يمكن


اتمنى اني جاوبت على كل الاسئلة واسمحو لي على عجالة جاوبت

سلام ,,,,,,