الى كل أم

[زمان_الصمت]

يمه كتبتك فوق صفحات الأوراق=وانتي بقلبي لو كتبتك بالغيوم

يمه أحبك دام بي قلب خفاق=ومحتاج لك أكثر من أيام مفطوم

يمه حنيني يزيد وتزيد الأشواق=واحتاج لك في فرحتي وكل الهموم

يمه إذا الخلق اعرفت مين ( عشّاق )=فانتي عرفتي ( محمد ) اللي معك دوم

يمه يعذب خاطري حيل الفراق=لا ذوق زادي ولا اهتني لذة النوم

يمه في قربك كل لحظه بها اشتاق=وش عاد بعدك والرضا منه محروم

يمه السموحه 00 لك جميلٍ بالأعناق=ولا عرفت أرضي ضميري من اللوم

يمه أبي أرسم وصوفك بالأحداق=وفي غربتي برسل لك أخبار وعلوم

يمه السفر بدري قبل وقت الإشراق=وحضنك الدافي غصب منه باقوم

يمه 00 فمان الله والدمع دفاق=دمعي سبقني قبل ما سافر اليوم

[الهاجس]

يمه أحبك دام بي قلب خفاق=ومحتاج لك أكثر من أيام مفطوم
صح لسانك زمان الصمت
يعطيك العافيه

[جعلاني للابد]

يمه يعذب خاطري حيل الفراق=لا ذوق زادي ولا اهتني لذة النوم

تسلم اخوي على هالكلمات ومهما تكلمنا وكتبنا في الام فلن ولن نوفيها جزء مما اعطتنا من حنانها
تحيتي لك اخوي