المساعد الشخصي الرقمي

مشاهدة النسخة كاملة : :: للنقاش :: ()...... خروج الفتاة مع رفيـــــــــقاتها....... ()

(وجه المرايا)
03-24-2006, 01:47 PM
السلام عليكم ورحمة الله وبركاته..
كل عائله تختلف عن الأخرى .. وكل عائله عادات بيتهم تختلف عن البيت الآخر..
ولكل عائله رأي مختلف .. إلخ..
المهم ..
هنا فتيات يخرجن مع رفيقاتهن(وليس مع أهلهن) إلى الأماكن العامة ...اممم
مثلاً للذهاب إلى التسوق ..إلخ...
ونحن نود مناقشته هو ...رأي الأخوة والأخوات..
..
سؤال الأخوة ...
مارأيك في منظر الفتيات في الأماكن العامة( يعنـــي شـلــة بـنات ) ؟؟؟

وسؤال للأخوات ..
وين تاخذي راحتك أكثر لما تطلعين مع اهلك ولا رفيقاتك .....؟؟؟
هل تحسين بأمان مع رفيقاتك ؟؟
أتمنى من الجميع المشاركة ومناقشة الأمر __________________
اخوكم شموخ الجرح
اسير الصحراء
03-24-2006, 02:38 PM
لا اؤيد هذا الشيء ابدا لانه سيكون رد منعكس على العائله والبنت دائما تقول ما علي من كلام الناس وانا واثقه من نفسي بس ما فكرة بشيء انا الشخص اللي راح يتزوجها او يتقدم الها راح اهله راح يسالون عن البنت وطبعا كل هذه الامور من السلبيات التي ستؤثر على البنت
وطبعا البنت تعرف باخلاقها ويعتمد على نوع الشله التي تمشيء معهم
بنوته مسقط
03-25-2006, 09:35 AM
أختي..شموخ الجرح
انا احس بالأمان لما اخرج مع اهلي
وبالمتعه ما اطلع مع ربيعاتي..!!
بس مو أي مكان ..
احيانا واحنا بنات نود نجتمع بعد مده طويله من الغياب
فنفضل انه نشوف بعضنا برا البيت...
بس مو اي وحد نطلع معاها
قبل كل شئ
اهلنا يعرفون وين بنروح ومع من..
وما برأيي هذا ما فيها شئ لو طلعنا..واهلنا موافقين
ما رح يأثر علينا شئ
لا كلام الناس الباطل
ولا حتى نظرة الشباب لنا..

وتسلمين
والله لا يحرمنا من مواضيعك.. وبأنتظار المزيد..
إبن الوافي
03-25-2006, 11:23 AM
هههههههههههه

عاد الحين صارت عادي

وين بالاسواق بعد


الحمد لله والشكر

واللي نشوفه كل يوم مغازل بسوق بشله البنات


ترى هو لما تستهينو بالشي تتفاجوا

بعدها

خخخخخخخخخخخ

قالوا ثقه قالوا

البنت نص عقل

وينقص عليها بسرعه

وشله البنات لها دور بصياعه
بنوته مسقط
03-25-2006, 02:38 PM
هههههههههههه

عاد الحين صارت عادي

وين بالاسواق بعد


الحمد لله والشكر

واللي نشوفه كل يوم مغازل بسوق بشله البنات


ترى هو لما تستهينو بالشي تتفاجوا

بعدها

خخخخخخخخخخخ

قالوا ثقه قالوا

البنت نص عقل

وينقص عليها بسرعه

وشله البنات لها دور بصياعه

عفوا ابن الوافي..احترم رأيك بس ابي ابين لك شئ
البنت لما تطلع السوق هذي ما استهانه بالشئ..
من حقها..ما في مانع تطلع
بطبيعتك تحب تغير وتطلع او بمعنى ثاني دوم تطلع..
احنا بعد بشر حالنا حالكم نعيش نتنفس ونطلع ..
والمغازل اللي يبي لنفسه يصير..
((..من اللي اشوفه يصير مغازل ايه .. بس اذ صديتهم هم بعد ما يعطونك وجه..))
وان اللي ماشي بحاله باقي لحاله والدور والباقي عليكم تخلون بنات الناس في حالها..
طبعا مو الكل البعض منهن يبن لنفسهن!!
صدقني بنص العقل ذاك احنا نعرف الصح من الغلط...
وما في عذر يخلينا نغلط ونقول لانا بنص عقل!!
الصياعه مو كل شئ..
مثل ما في هناك جهه صايعه فيهن الشله المؤدبه..
واتمنى انك توازن بين الامور..
واسفه للأطاله..
سهم الموت
03-25-2006, 02:57 PM
لوسمحتولي أعبر عن رأي
طبعا مأيييد انه البنت تتطلع مع ربايعها السوق وشله علشان تتسوق وتروح المجمعات فشله لانه من وجهةنظري مبحلوه
ولكن للظروف أحكام يعني البنات اللي يدرسن برع وممعهن احدمن اهلهن هيش يسون وانتوا عارفين البنات لازم ينزلن السوق ومستلزماتهن وااايد
وفي شئ أنه الشباب اللي يشوفوا الشله محتشمه ميأذوهن

واما اذا كانت فالبيت وعندها اهلها
أبدا ممنوع تطلع الى السوق اذا مبعندأهلها
صمت الاحزان
03-25-2006, 03:48 PM
من وجهة نظري ما احس بالامان لمه اطلع مع شلة بنات ولكن الظرف في بلاد الغربه تجبرنا نطلع والبنت المحترمه نفسها محد يتجرى يذيها باذن الله....
الولد المقرب
03-25-2006, 04:02 PM
صراحة ما لازم البنت تطلع مع شلة علشان تحس بالامان ليش هي وين رايحة اصلا
جعلاني للابد
03-25-2006, 08:47 PM
انا وجهة نظري مع اخي اسير الصحراء والبنت افضل لها مع اهلها
احزان الماضي
03-25-2006, 10:06 PM
بصراحه لا أؤيد اطلاقا خروج البنت مع رفيجاتها والافضل تطلع مع اهلها...............وخصوصا هالايام الدنيا صارت تخوف............الكاميرات بالجوالات والبلوتوث .......الخ وانا شخصيا مستحيل لو شو ما كان اطع مع رفيجاتي..........والانسان في هالدنيا ماله الا سمعته وكرامته
خالصه
03-26-2006, 02:19 PM
موضوع حلو

احيااانا البنت تحس برغبه لتغير جو بس من ترد تكره نفسها وانتوا ادرى ليش
يعني معقوله تحبس نفسها
المفروض انتوا بعد تخفوا عنهن شوي
يعن عن المضايقااااات بلا طعم
العمر كله
03-26-2006, 10:48 PM
وانا اتفق مع اخواني واخواتي لا اويد خروج البنت مع رفيقاتها
تل الورد
02-13-2007, 11:24 PM
طلعنا اسواق ومجمعات
مع اهالينا
مع صاحباتنا
لوحدنا احيان واايد
محد قدر يغلط علينا
للبنت المحترمه هيبتها
والحمدلله ثقة اهلي فيني تاج زينوني به
حريصه عليه كل الحرص
نور الشرقيه
02-14-2007, 10:26 AM
الموضوع رائع وله اهميته


وانا من النوع المؤيد لخروج البنت مع اهلها

لكن اذا كانت في بلاد الغربه لازم تطلع مع ربايعها ولو لمره في الفصل لانها لازم بتحتاج لشي

واذا طلعت وهي محترمه ما احد بيتجرى وبيعاكسها او يقول لها شي
ريم الفلا
02-15-2007, 11:37 AM
امممممممم
بكل صدق
لكل طلعه مميزاتها
بس بصراحة التسوق مع شلة بنات ممتع
حتى لو كانت مع الاهل افضل نكون شله
تتعدد الاراء ويكون للتسوق طعم ثاني


أهم شي قناعة الشخص وأسلوبه فالتعامل مع الامور
ومدى احترامه لنفسه وتقديره للأوضاع لأختلاف الاعراف من مكان لأخر
فما نراه عادي في بعض المناطق يعتبر قمة الاتنهاك في اماكن أخرى
ابن الاشخرة
02-15-2007, 12:32 PM
انا ما ايد انها تطلع السوق مع شلة بنات

حتى لو سمعت البنات من ذهب لانهم بتعرضن لمعاكسات لاكن اذا كانت معاهن حرمة كبيره في السن برضى انها تروح معاهن

بس الزيارات داخل المنطقه وتروح مع مجموعة بنات عادي ارضى بهذا الشي


تسلمي على الموضوع اختي
(وجه المرايا)
02-17-2007, 01:08 AM
تواصل جميل أيها الاحــبة...ونقاش حضاري من الجميع..

أشكركم جميعاً...
الضامي
02-19-2007, 02:04 PM
اولا اشكر شموخ الجرح على هالموضوع.....
لان بالفعل يناقش امور صارت وايد منتشره فهالعصر
ووجهة نظري مع اخوي اسير الصحراء
والبنت مالها الا سمعتها والسموحه
المجروح
02-19-2007, 03:17 PM
طلوع البنت مع صديقاتها يعني شي واحد وهو فاسد تلك البنت
عاشقة لوى
02-19-2007, 05:26 PM
وسؤال للأخوات ..
وين تاخذي راحتك أكثر لما تطلعين مع اهلك ولا رفيقاتك .....؟؟؟
هل تحسين بأمان مع رفيقاتك ؟؟

_________________
اخوكم شموخ الجرح

مرحبا فيك أخوي .. دايما مواضيعك مميزة أهنئك ..
بالنسبة لي .. .. فأنا لم أخرج يوما مع صديقاتي للأماكن العامة .. لذلك لا أستطيع أن أقارن .. و لكن ما أعتقده أن ذهاب البنت مع أهلها أفضل و أستر و أحسن .. لأن لمة الأسرة و التجمع الأسري أحلى من تجمع الصديقات اللي يكون خال تماما من الأمان ..

شكرا لك أخي شموخ
UNBREAKABLE
02-19-2007, 05:30 PM
لي رجعه ان شاء الله....

>>>> رجعه محترمه <<<<
اليقين
02-19-2007, 11:27 PM
بصراااااااااااااااحة الموضوع وايد حلوووووو
وعن نفسي ارتاح فالطلعة مع هلي ولا مرة رحت مع ربيعاتي السوق الا مثلا لما نكون فمسقط وتيي رحلة بعد حوف اطلع بس بعلم هلي
(وجه المرايا)
02-20-2007, 03:18 PM
لي رجعه ان شاء الله....

>>>> رجعه محترمه <<<<

بنتظارك أخــي الذي حتماً سوف يفرض الاحترام...
(وجه المرايا)
02-20-2007, 03:18 PM
بصراااااااااااااااحة الموضوع وايد حلوووووو
وعن نفسي ارتاح فالطلعة مع هلي ولا مرة رحت مع ربيعاتي السوق الا مثلا لما نكون فمسقط وتيي رحلة بعد حوف اطلع بس بعلم هلي

رأيك سديد أخــتي..

أشكر تعقيبك الرائع..