سهم الموت
03-14-2006, 01:08 AM
هذه نزاعه بين بعيري وجيبي
دار دولاب الشعر
وأسمعوا يامن حضر
بشرح القصه لكم
وأخذومني الخبر
أسمعوا مابا يصير
مابين الجيب والبعير
أداعموا وامرهم خطير
الكل فصوبه انفطر
يت بطالع وش يكون
قال الجيب:
جيت أمشي بالهون
وأعترضلي هالملعون
يعسى ريله الكسر
ياجماعه من الغلط
هوجدامي أعتكط
هذا دايم لي سلط
خذك الله ماتفتكر
ردالبعير:أبحكيه
وقال الغلط أمنيه
هذا دايم يدعمنيه
كم من بعيرن عثر
وأن لبق فعيني اليت
خذت عمري وأعتزيت
وقحمت من فوق البونيت
من كثرمابي من القهر
وان شفته رمحت القاع
من أمثاله مابا أرتاع
مدرى أني شجاع
وبسمعتي مشتهر
ردله الجيب وحكاله
أثريك ماعندك عداله
لوأعلم هذا مقاله
كان بدوسه تحت الكفر
والله لدعمك فالحال
وأكسر ريولك الطوال
وأخليك بدون حال
وأظهرقيحك والفطر
شوف عمرك كيف محتاس
ريلك عويامثل الداس
وخذالله بطنك والراس
ماتسكت يأبوالبعر
ردالبعيربكلامه
وقال ياهذه ندامه
ليتني رافس الجامه
يوم حمت وأبا أعبر
والجيب كله هوبشي
لن بنجرآزم عري
وجديده كله عوي
كل يوم شي ينكسر
حتى المكينه مخفقه
ومن كل نوع ملفقه
ويدقدقوه دوم مطرقه
راعيه دايم في خسر
وكلمايمشي دعم
وأمشاجاته تعم
لافيه حشيمه ولاكرم
يمشي ولاعنده فكر
قال الجيب أقصرحجيك
أنته اليوم منهو يبغيك
الناس مالهم شغل فيك
وتم دوم مني منقهر
حتى أهلك مابغوك
خذوني عنك وخلوك
وانته بلاشغل أتركوك
اليوم امره ماتسر
أنته ضاري يالخريش
تيب الفطايح والحشيش
وانا أرابع الجيش
ودوم فالحرايب منتصر
الجيب له عزه وجلال
أسدالصحراءوالجبال
مقرب الدروب الطوال
يدعيك لمحن فالبصر
والبعيرمترفع عليه
يقوم يرغي واعليه
والدرب لي ساعه أقضيه
البعيرفيه يأخذشهر
ردالبعيربحرقته
يرغي ونافخ كرشته
وقال مابا أسمع هرجته
جذاب زيد بالخبر
وايدتخربط يالكذوب
قبلك اناوسط الحروب
ومثلي قاضي الدروب
والجيب لاجاءولاحضر
وأسمع يابودقمه ودبل
الفضل للي جاءقبل
والا اذاك تالي أفتعل
يغلبه لي قبل أشتهر
ومثلي قبلك مستوي
والفضل دوم للأولي
ويابوسبيتن معتوي
مالك حشيمه ولاقدر
وأنااذاصار الحرب
أركض بناموس وطرب
ماهومثلك بخترب
ولي يركبونك في خطر
كل يوم واقف على الطريج
قلت وش بلاه قالوا عويج
وراعيك شفته مستضيج
في أيده أسبانه والبكر
ردله الجيب بيوابه
وقال جذب اللي حكابه
كل قوله صدق مابه
ريحته ولالي شكر
البعيرماعنده أحترام
ريحته من ييب الثمام
يحتاج لي يضرب سلام
يوم جدامه أمر
كم مره عجزولا رام
واقفن في درب حام
ويمشونه بالخطام
وهوميطايع يزر
أحسله يلف ثمه
ولاتراني بدعمه
والنذل لوتكرمه
معترف ولك نكر
ولكن الحين براويك
عنك مابضرب بريك
وشوف الدعمه لي بتيك
حتى كرشتك تنفجر
ردالبعير يتحجا
يغمض عيته ويفجا
يقول الجيب يتشجا
كل يوم فعوقن يمر
يوم انك بتدعمني
أنت مبأقوى عني
أول روح أسأل عني
قاتلن كمن نفر
كان ماتدري وتحيد
أسأل فلان ودحميد
يوم رايح صوب العجيد
قصتي عندي والخبر
وأن ردت زيادت يواب
أتخبر أذاك ودشهاب
عنده القصه بالصواب
خليت حالهم في خطر
لاقوني بوسط الطريج
وأنا رايح صوب الفريج
دعموني وصاح الزعيج
واظنتي أسمعت الخبر
ودربحتهم تدربيح
حديزاعج وحديصيح
وجدن يغتلي ويطيح
وانا أسلمت من الخطر
اللي جتاني أجتله
وسويتله كم مشكله
ثاري وخذته فأوله
من قبل ميصيف الامر
ردله الجيب وقال
__________________________________________________ ______________
أقول كني طولت أن شاءالله أكمل لقكم المشاجره بعدماشوف ردودكم
يالله عاد لاتجرمونا ردودكم
دار دولاب الشعر
وأسمعوا يامن حضر
بشرح القصه لكم
وأخذومني الخبر
أسمعوا مابا يصير
مابين الجيب والبعير
أداعموا وامرهم خطير
الكل فصوبه انفطر
يت بطالع وش يكون
قال الجيب:
جيت أمشي بالهون
وأعترضلي هالملعون
يعسى ريله الكسر
ياجماعه من الغلط
هوجدامي أعتكط
هذا دايم لي سلط
خذك الله ماتفتكر
ردالبعير:أبحكيه
وقال الغلط أمنيه
هذا دايم يدعمنيه
كم من بعيرن عثر
وأن لبق فعيني اليت
خذت عمري وأعتزيت
وقحمت من فوق البونيت
من كثرمابي من القهر
وان شفته رمحت القاع
من أمثاله مابا أرتاع
مدرى أني شجاع
وبسمعتي مشتهر
ردله الجيب وحكاله
أثريك ماعندك عداله
لوأعلم هذا مقاله
كان بدوسه تحت الكفر
والله لدعمك فالحال
وأكسر ريولك الطوال
وأخليك بدون حال
وأظهرقيحك والفطر
شوف عمرك كيف محتاس
ريلك عويامثل الداس
وخذالله بطنك والراس
ماتسكت يأبوالبعر
ردالبعيربكلامه
وقال ياهذه ندامه
ليتني رافس الجامه
يوم حمت وأبا أعبر
والجيب كله هوبشي
لن بنجرآزم عري
وجديده كله عوي
كل يوم شي ينكسر
حتى المكينه مخفقه
ومن كل نوع ملفقه
ويدقدقوه دوم مطرقه
راعيه دايم في خسر
وكلمايمشي دعم
وأمشاجاته تعم
لافيه حشيمه ولاكرم
يمشي ولاعنده فكر
قال الجيب أقصرحجيك
أنته اليوم منهو يبغيك
الناس مالهم شغل فيك
وتم دوم مني منقهر
حتى أهلك مابغوك
خذوني عنك وخلوك
وانته بلاشغل أتركوك
اليوم امره ماتسر
أنته ضاري يالخريش
تيب الفطايح والحشيش
وانا أرابع الجيش
ودوم فالحرايب منتصر
الجيب له عزه وجلال
أسدالصحراءوالجبال
مقرب الدروب الطوال
يدعيك لمحن فالبصر
والبعيرمترفع عليه
يقوم يرغي واعليه
والدرب لي ساعه أقضيه
البعيرفيه يأخذشهر
ردالبعيربحرقته
يرغي ونافخ كرشته
وقال مابا أسمع هرجته
جذاب زيد بالخبر
وايدتخربط يالكذوب
قبلك اناوسط الحروب
ومثلي قاضي الدروب
والجيب لاجاءولاحضر
وأسمع يابودقمه ودبل
الفضل للي جاءقبل
والا اذاك تالي أفتعل
يغلبه لي قبل أشتهر
ومثلي قبلك مستوي
والفضل دوم للأولي
ويابوسبيتن معتوي
مالك حشيمه ولاقدر
وأنااذاصار الحرب
أركض بناموس وطرب
ماهومثلك بخترب
ولي يركبونك في خطر
كل يوم واقف على الطريج
قلت وش بلاه قالوا عويج
وراعيك شفته مستضيج
في أيده أسبانه والبكر
ردله الجيب بيوابه
وقال جذب اللي حكابه
كل قوله صدق مابه
ريحته ولالي شكر
البعيرماعنده أحترام
ريحته من ييب الثمام
يحتاج لي يضرب سلام
يوم جدامه أمر
كم مره عجزولا رام
واقفن في درب حام
ويمشونه بالخطام
وهوميطايع يزر
أحسله يلف ثمه
ولاتراني بدعمه
والنذل لوتكرمه
معترف ولك نكر
ولكن الحين براويك
عنك مابضرب بريك
وشوف الدعمه لي بتيك
حتى كرشتك تنفجر
ردالبعير يتحجا
يغمض عيته ويفجا
يقول الجيب يتشجا
كل يوم فعوقن يمر
يوم انك بتدعمني
أنت مبأقوى عني
أول روح أسأل عني
قاتلن كمن نفر
كان ماتدري وتحيد
أسأل فلان ودحميد
يوم رايح صوب العجيد
قصتي عندي والخبر
وأن ردت زيادت يواب
أتخبر أذاك ودشهاب
عنده القصه بالصواب
خليت حالهم في خطر
لاقوني بوسط الطريج
وأنا رايح صوب الفريج
دعموني وصاح الزعيج
واظنتي أسمعت الخبر
ودربحتهم تدربيح
حديزاعج وحديصيح
وجدن يغتلي ويطيح
وانا أسلمت من الخطر
اللي جتاني أجتله
وسويتله كم مشكله
ثاري وخذته فأوله
من قبل ميصيف الامر
ردله الجيب وقال
__________________________________________________ ______________
أقول كني طولت أن شاءالله أكمل لقكم المشاجره بعدماشوف ردودكم
يالله عاد لاتجرمونا ردودكم