راكب الجيــتي

[نسناس]

راكبجيتي
راكب اللي لامشى الخط الطويل *** لومشى يومين ما جاب المــــــــلل
اسمحوا لي باصفه وصف قليـــــل *** عقب وصفي يا عسى دربه سهـل
اقصد GX-Rما غيره بديـــــــــــل *** لعنبوا من صممه لين اكتمــــــــل
امدحه وان ما مدحت آخر مود يل *** وايش بابمدح موتر غيره اجـــــل
وارد اليابان ماجا له مثيـــــــــــــــل *** اقطم في السوق ما مثله نــــــــزل
كحلي لونه مثل زبده صميـــــــــل *** وارثم خشمه مثل خشم الفحـــــــــــل
لون زيكه لمعة السيف الصقيل *** لمع برق في خيال منهمـــــــــــــــــــل
والعلامة لاسرى مثناه ليــــــــــــل *** في جبينه كنها كوكب زحــــــــــل
والإشارة لونها جمر كليــــــــل *** يتلالا مثل منتوج النحــــــــــــــــــــــل
والخطوط بشاشة صفة فصيل *** تزهر أرقامه مثل ورد النفــــــــــــــــــل
والازره داخل الكشنل الجميل *** دائرية حجمها كبر الهلـــــــــــــــــــــل
ويتهزأ مثل نقاض الجديـــــــــــل *** منوته مثناه خط لنسحــــــــــــــــــــل
ويتنهض لبرمه في القاع ويـــــــل *** وان بغيته يعتلي راس الجبـــــــــــل
كن تشيله عن عزاز الأرض شيل *** فيه من قدام دفرنس الدبــــــــــــل
اسود كنه حصاه من حجيـــــــل *** للنفوذ مصممينة والوحــــــــــــــــــــل
ما ورد مثله مواتر مستحيـــــل *** أن رضي راعي السفا ري وان زعــل
الجيوب أوصافها في الرأس خيل *** من خويه جيب ماجاه زمــــــــــــــــل
افترد عبد اللطيف ألهن وكيل *** وعامل اليابان وانصح في العمـــــــل
فوقها اللي لامشى الغد راء دليل *** ويتحمل للشقا مثل الجمـــــــــــــــل
في لزومي عن طريقه ما يميـــل *** ولانخيته ما تمشى بالمهـــــــــــــــل
حوله مع حافة الضلع المهيل *** لين عنه طويق قدام انعـــــــــــــــــــــــزل
باسمح له يا عسى جاله يسيل *** لاسمح له زيد سواقه وصـــــــــــــــــــــل
ولاتساوى مر مرات يعيـــــــــل *** ولاتعدى من وراء شقراء عــــــــــــدل
ثم تنهض مابقي لوكان ميل *** داخل الطبلون والخط النحـــــــــــــــــــــل
وشد حيله مابقى في الحال حيل *** لين ضاق الكون جا كبر الدحــــــــــل
والهواء عن رفرفه جاله شخيل *** راسي ومرسيه عرض العجـــــــــل
المراكز ما تعرض له سبيــــل *** خابرينه عن هدفهم مستقـــــــــــــــــــل
ثم تنصى الأصيل ابن الأصيل *** لاوصفته فاصفطه قدم المحــــــــــــــــل
تاجد اللي داخل المجلس ثقيل *** ولاتكلم ما تلفظ بالزلــــــــــــــــــــــــــل
الكرم تلقى أوله بن وهيــل *** والسوالف والحجاج المسفهـــــــــــــــــــــل
والشبب ومعز بك ذباح حيل *** تفعله يمناه لاجاها شلـــــــــــــــــــــــــــــل
قل لبو فهد كساب الجميل *** وايش رأيك ندرج اسمك في السجــــــــــــل
غنوا الشعار ومرير الحبيل *** تيحت الفرصة لرجال يحــــــــــــــــــــــــل
واستلم ما قيل واجني بالحصيل *** واركب المبروك وارجع لي عجــــــل


للشاعر/سعد بن مرعي بن سعود القحطان

[المنجرد الاخضر]

تراها احلى قصيده عن الموتر ومشكووووووووورين على المشاركه الحلوة

[نسناس]

تسلم بوصاحب

[ريم السلطنة]

يا سلااااااااااااام عاد ما وصف

كذا التعابير اما بلاش


وتستاهل الجيتي كل التواصيف

[عطر النسيان]

ياعيني كل هاي للجيتي

[admin]

لاسم الله على الجيتي

.........................في قوماته وويلاته

وسلامي لراعي الجيتي

.......................تراها تزيد خبراته

[الرباش222]

يستاهل بو طابوقه لا تقصروا فيه

[الكـــووس]

مشي قصايد عن الكرز :cool:

تسلم أخوي ع القصيدة الجميلة عن الجي تي ;)