البنت الي تتغشى عن المواطن وما تتغشى عن الهندي

[كيفي_حلوه]

--------------------------------------------------------------------------------


السلام عليكم ورحمة الله وبركاته

مرحبابكم يا اعضاء منتدى جعلان

انا يايبه اليوم لكم موضوع ( للنقاش ) واتمنى الكل يشارك ويتفاعل

اريدكم تعطوني رايكم بالبنت اللي تتغشى عن المواطن وتفر الغشوه عن الهندي؟؟
وشوه الاسباب ؟

وهل البنات ماخذات فكره غير ؟


وانشاءالله اشوف نقاش حظاري

[الوافي]

والله براي انا
هذي ما تصير امكن بالمحلات بس
بس برع ما يالي شفت كذا
وامكن علشان يشوفن الشي اللي يبي يشترنه
زين

وان رحنا لشرع مو حرام عادي اظهار الوجه والكفين
بس من دون زوائد مثل ابداء الزينه

وشو رايك انتى؟

[راعي البوش]

السلام عليكم,,,



أشكرك يا(كيفني-حلوة) على الموضوع ,,,


بس بصراحه هذى الشيء حاصل بس عند نسبه قليله وهوا ناتج عن عدة أسباب:,,,,

1_ الجهل عند بعض البنات .. والاستخفاف بالهندي (بس الهندي بشر وأنسان)وهذا حرام مايسير .

2_أما النوع الثاني وبصراحه وهم من الذين ينقصهم شيء من الشرف والادب بوجهين.


نسال الله أن يهدي الجميع ويستر على جميع بنات ونساء المسلمين.....



وعذروني ,,,,

[دانة جعلان]

اصلا ماااباجي عند هنود اغلبهم راااحو والباجي البطريج رايحين ..

بمااا اني بنت لحد هسع مااااشلت استحااايتي بدكااان او محل ...

برايي انا ....مااامنها من اللي شيلنهااا السوج وماااضبطهااااااااااا...

انا ضد هالشي وارفضه ..ياااامهااا تلبسهااا عطول او تشيلها خير شر ..

ماااعندنا بناات بوضعين .....

[جرناس_العفية]

بــــــــــــــــــــــــسم الله الرحمن الرحيم


اول شي اشكر اختي ( كيفى_ حلوة) على موضوعها المهم ..

واعتقد فى نظري انة البنت لما تشيل الغشاء عن الهندي وفالمحلات .. متشيلة علشان تراوية صورتهي او شي ... بل فى اعتقادي انهي تشيلة علشان تشوف مثلا اذا كانت فالخياط تشوف افضل التطاريز وتشوف الابس اللي تبي تشترية .. زين ولا مب زين .. مناسب ولا مب مناسب ... وكذية ...


فعتقادي انة هية عندهي حق فى شيل الغشاء فالمحلات ..

بس تشيلة بكمية محدودة .. يعني متشيلة كلة .. لا بس تقرب من السلعة او البضاعة او الابس اللي تبي تشترية وتشوفة .. وبعدين ترجع الغشاء ..... او تكون لابسة البرقع ... فهو افضل ....


ومنكم السموحــــــــــــــــــــة ...

[العنود]

انا برايي ان البنت لما تشيل الغشوه جدام الهندي
مو علشان سواد عيونه ولكن عشان تشوف عدل
والاشياء اللي تبي تشتريهن وحتى لو اهي شالت الغشوه
مو حرام ...البنت المحترمه والمتربيه تبقى مثل ماهي
سواء حطت الغشوه او شالتها
باختصار انا رايي من راي الوافي وجرناس العفيه

[سحـــ :) ــاب]

انا برايي انها ما تشيل الغشوه

إذا كانت اتريد اتشوف اللي بالدكان ليش ما تلبس نقاب

[حور]

تسلمين اختي على الموضوع الهام

وهذا يصير في السلطنه

وما ادري ليش يتساهلن عن الهنود
ويش الهنود مو بشر مثلهم مثل المواطنين
يا تلبس الغشاء وما تشيلها سواء امام المواطن او الهندي
او انها ما تحط الغشاء بالمره اذا كانت تشيلها قدام الهندي

هذا رائي

تحياتي لكم

[دموع الشتاء]

ما تستحي على ويها

[ريم السلطنة]

ههههههههه
الحمد الله وجهي مكشوف للعربي وللهندي
بس صح ليش كذااااا

يمكن لانه الهندي عادي
ما يخجلوا منه

[سفيرة الحب]

مشكورة أخيه على الموضوع بس أعتقد ان الإسلام أباح للمرأه أن تكشف عن يديها ووجهها بدليل قول رسول الله لعائشه(( يا عائشة إن المرأه إذا بلغت المحيض لم يصح أن يرى منها إلا هذا وهذا وأشار إلا وجهه وكفيه)).

[المحامي جليد الصحراء]

احم احم
شو بقول اولا اشكر الاخت على طرح الموضوع
وثانيا الغشوه او ان الحرمه تستحي من الاجنبي بمعنى المحرم عليها بان تغطي وجها عنه اعتقد هذا الشي راجع للبنت نفسها الان كلنا نعرف بان الدين حدد الامكان التي الواجب على المراه ان تستر نفسها ... مع انه سمح بوجه والكف او اليدين ... ولكن نجد العادات لا تسمح للمراه ان تظهر وجها امام كل شخص كان بشارع او الدكان مثل ما هو محدد في الموضوع وثانيا انا مع ان المراه ان تغطي وجهها خوفا من الفتنه ... على العموم هذه المسائله بسيطه حلها يرجع للمراه وللرجل اذا كانوا محافظين على دينهم واخلاقهم اعتقد ان مسائله مثل هذه راح تكون عاديه ...

[جعلاني للابد]

اشكرك اختي على موضوعك
وانا عن نفسي شفت البنات بعيني اذا هندي موجود داخل المحل شلن الغشوه اما اذا فيه عماني تغشن واستحن وما اعرف شو سببهن هل هو في اختلاف بين الهندي والعماني عند البنات
او لانه هذا وافد وعادي عندهن اللي يبن يسونه وانا ملاحظ هالحركات مو بس في المحلات بس في اكثر الامكنه اللي يتواجد فيها وافد
تحيتي لكم

[اسير الصحراء]

امممممممممممممممممممممم

موضوع اكثر من رائع

اولا لا تلومون البنت
البنت اذا كشفت وجهها للهندي فهي تعلم بان الهندي جالس لشغله وما يبي يخسره عشان حاجات وتبصبص في وجوه البنات
اما العماني معروف لما تدخل عليه البنيه كانه ما شايف خير يتبصبص فيها علين ما تطلع وتعطيه الفلوس وهو حتى ما داري
المسالة ليست ان الهندي نخلع الغشوه والعماني ما نخلع لا بس بامانه البنت بتعرف ان الهندي حتى ولو شاف صورتها ما راح يركض وراها لحد البيت بس العماني يمكن بيسويها

تحياتي