لو سمحتوا ممكن مكبوس دجاج بالطريقه العمانيه

[ابوهاجر الجعفري]

السلام عليكم
خدمه الله يخليكم اريد اعرف اسوي مكبوس دجاج بالطريقه العمانيه
بحثت في النت بس حصلت طرق معقده بصراحه .
ياليت تساعدوا اخوكم ابوهاجر.
سلالالالالامي

[عطر النسيان]

ولا يهمك أخوي أبو هاجر

أول شي تجيب الدجاج وتغليه بماي وطبعا مو وايد الماي حسب الكميه اللي تريد تسويها وتحطله ملح وبهارات (بزار) وكركم
تنجع العيش بماي وتخليه
تجيب بصل وتقطعه مكعبات صغيره وتجيب الثوم وتدجه طبعا وفلفل حلو نفس الشي تقطعه وإذا تحب تحطله خضار ما يمنع بس طبعا تقطع البطاطا والجزر وطماطم قطع صغيره
تجيب صفريه تحط فيها زيت مو وايد وتحط البصل و من يحمر تحطله الثوم وبعدها تحطله الخضار الباقيه وتحط بنار هاديه جدا علشان ينضج وما يحترق المهم بعدين من يخلص الدجاج ينضج كامل تطلعه من الماي وتقليه والماي خليه على جنب المهم من تنضج الخضار حط الرز فيه وقلبه برقه مو وايد علشان عن يتفتفت وبعدين حط الماي مال الدجاج بس وأنت تحط الماي ما تحط وايد لا بمقدار يعني بعد ما تفرش الرز بالصفريه صب الماي بحيث يغطي العيش كامل وغطي عليه بعدين إذا حسيت أنه يحتاج لزيادة ماي زيده شوش شوي وطبعا من تحط الماي ما تفتح عليه كل شوي لا


وبالهناء والشفاء وعاد بعدين عطنا النتيجه

[ابوهاجر الجعفري]

مشكوره عطر وماقصرتي وانشاء الله اخبرك بالنتيجه

[ابوهاجر الجعفري]

عطر اتبعت طريجتك بالضبط
بس كثرت ماي والتبكت عليه
زدت عليها النار شوي عشان تشرب الماي
في النهايه احترجت من تحت.
يعني صارت عرسيمكبوس