وتسألني عن شعوري ..؟ واقول الله من قدي ...‎

[أميرة الورد]

تخيَّل تزرع ورودك على الغيمه وتقطفها
وتهديني أنا ورده واخلّيها على خدِّي


وتالي تمسك الغيمه وتقولي يا الله اوصفها
واشبِّهها على قلبي ويطلع لونها وردي


ونسبح في الفضا والأرض نبعد عن مشارفها
ونضحك للنجوم الزاهية وانطير ونعـدي


ويعزفنا الغلا ألحان تطربنا معازفهـا
ويلهمنا الشعر أحلى الحديث الهامس الودِّي


ونهدي للثريا نجوم أحلى عن وصايفها
ونهدي للبدر هاله تفوق الوصف وتعدِّي


وتغمرنا المحبه حب وتلهبنا عواطفها
وتسألني عن شعوري واقول الله من قدِّي


أنا أسعد بشر وانته أعز الناس والْطَفْهَا
وأغلى حب في قلبي عزيز وغالي عندي


وتالي تاخذ الورده تبي تمزح وتحذفها
وتمسك لي يدي واصحى والاقيها على خدي

:vb74:

[همس المساء]

يسلموا ع الكلمااااات الرائعة

[أميرة الورد]

اسعدني مرورك الطيب

[حـ أمي ـيـ روحي ـ أبي ـاتي]

كلمات رائعة الصراحة

[ضحكة أمي تسوى عمري]

كلمااااااااااااااات حلوه يسلموووووووووووو