سؤال للبنات ومافي مانع مشاركه الشباب؟؟؟

[motaym9]

الســلام عليكم ورحمه اللــّــه وبركـآته

مساء الخيـــر أو صبـآح الخيــر

كيفكم شخبـآركم ؟


هذه موضوع مهم للمناقشة

ارجو من الجميع المشاركة فية

نلاحظ في اماكن الملابس الماركات العالمية والمحلات الشهيرة والمراكز التجارية الكبيرة

يشتغلون فيها شباب من الجنسية اللبنانية والسورية والمصرية طبعا عارفين ليش؟؟


السؤال/ ليش يوم تشتري البنت من هناك او تطلب شي او غرض اول رد بيكون لها

كرمال عيونك

من عيوني

على راسي من فوق

ولا تحملى هم ياقمر

والبنت ممكن تبتسملة وممكن تسكت وتاخذ مقلب في نفسها وتصدق

بس السؤال المهم والمهم جدا جدا جدا

تخيلوا مثلا مثلا مثلا يعني ان الي واقف امامها مواطن بدل الاخ الي يبيع وجات بنت وطلبت شي وقال لها

هلا والله بالقمر

من عيوني يالغالية

انتي تامرين يالشيخة

شو بتكون ردت فعلها؟؟؟؟؟؟؟

1- كف محترم

2- تسبه وتشتمه وتمسح بكرامته الارض

3- نظرة استحقار قوية

4- جميع ما سبق

ارجو من الجميع المشاركة ...،


المتيم

[جعلاني للابد]

والله بالفعل هذا اللي حاصل واذا تبي الجواب من البنات راح يقولن هذا وافد اما المواطن على حسب ما ذكرت كف ومشاكل من كل صوب واخر شي طرد من العمل
بس الله يستر من بنات اليوم وارجوا من البنات ان يتعاملن مع الوافد كانه مواطن ولا يفرقن بينهم في شي ففي النهايه كلهم رجال ولا فرق بينهم الا في الجنسيه

[عطر النسيان]

مدري وش أجولك أخوي المتيم بس فعلا هاي حاصل بس أنا بصراحه بسفه الأثنين العماني والوافد وبعتبر كأني ما سمعت شي لنه برايي هاي شي طبيعي بس مو معناه تاييد مني بس كل شخص يريد يمشي بضاعته والكلام المعسول برأيهم طريقه من الطرق اللي يمشي بيها بضاعته بسفه وكأني ما سمعت بشل حاجتي وبطلع طوالي ليش أدجله رأس

[جعلاني للابد]

كلام منطقي منك اختي عطر بس في بنات غيرك يلينن لهذا الكلام المسول من قبل الاجنبي وانتي شو رايك فيهن لو سمحتي وهذا موضوع للنقاش

[عشق البداوه]

السلام عليكم : اولا مشكور اخوي المتيم علىالموضوع الحلو وهذي اول مشاركه لي وموضوعك
فعلا يحتاج للنقاش لانه هذي الايام اخوانا الوافدينن وايد زايده موضتهم ما اعرف ليش ؟؟لكن بالنسبة للبائع نفسه يمكن اغرأت من قبل البائع او سياسة يتبعها البائع نفسه للبيع السلعه. بس عن نفسي سواء كان المواطن او الوافد بعامله بنفس المعامله لانه في النهايه هو ريال وهذا مكان عمل مش مكان للضحك والسوالف اللي مالها داعي من اساسه . وانشاء الله وجة نظريتعجبكم .
تحيااااااااتي

[جعلاني للابد]

وجهة نظر جميله

[عشق البداوه]

مشكور اخوي جعلاني على وجهة النظر .. بس انت شورأيك بالسياسه هلا ممكن تكون صحيحه أو معقوله؟؟

[القلب الحزين]

هههههههههههههههههههههههههههههه
هالكلام صحيح بس احنه نعرف أن الشعب الشامي عنده أحترام وطيبة في معاملته للجميع
مو بس للبنات مثلا لا
حتى للشباب لكن العمانين لا اذا بنت تلقاه مهتم ويدور ومرتبك وحالته حاله لكن لو شاب عادي ولا كانه شيء ويخليه ساعه يحرص وبعدين يجيه وبعده ما من فواده
وعشان كذا يعني الشعب الشامي معروف بأخلاقه الطيبه وما أعتقد بيكون تفكيرهم بشيء ثاني كما العمانين ههههههههههههههههههههههه
ومشكورين ونتمنى منكم المزيد إن شاء الله

[جعلاني للابد]

مشكور اخوي جعلاني على وجهة النظر .. بس انت شورأيك بالسياسه هلا ممكن تكون صحيحه أو معقوله؟؟
الصراحه سياسه لها نتاج مع اصحابها وانا ما اشجع عليها

[الزعيم]

بدوووووووووووون تعليق ................

اخاف......
وحده من البنات تغلط علي ..................................

[الوافي]

لا يوجد تعليق


مشكور المتيم على الموضوع

[handsum]

السلام عليكم ورحمة الله وبركاته ،،،

[زمرده]

وعليكم السلام ورحمة الله وبركاته

اخوي موضوعك جميل لكن يستاهل النقاش

بالنسبة إلي أنا بطنش الإثنين وإذا واحد تجرأ وقال ها الكلمات ما أسبة ما أسوي شي يكون في علمه أهو الخسران لأني ما راح أشتري منه شي وحسابه عسير يوم القيامه من ربي العالمين 0

(( الإنسانه المحتشمه تكون دائما محترمه))
وعلى فكرة لا مواطن ولا رافد لو شافوا إنسانه محترمه باللبس المحتشم ما يقدرون وما يجرؤون على التلفظ بمثل هذا للبنت أقول قولي هذا واستغفر الله0

[المعتصم علي]

فعلا موضوع جميل لنقاش

ولكني ارى بان للوافد هذه الالفاظ وهذا الكلام المعسول والغرض الاول ترويج سلعته وكذلك ارى بان للعماني الفاظه الخاصه التي تختلف طبعا عن الشاميين مثل انشالله , حاضرين , طيب وكذلك غرضه الاول تريج سلعته ... وتظل وجهة نظر

[نداء الروح]

- كف محترم

2- تسبه وتشتمه وتمسح بكرامته الارض

3- نظرة استحقار قوية

مستحييييل ولا وحده منهم مو عشان شي بس احسها مو حلوه بحق بنت العرب انها تعطي كف او تشتم وتبهدل نفسها جبل لا تبهدله هو.

وانا مع اختي عطر ادخل بسكات واخذ حاجتي واخرج بسكات واطنش اما في حاله لو كان بصوره مزعجه وانا ما ارتحت اخرج واشوف محل غيره بدون شوشره..

انا مع البائع سواء كان عماني او وافد انه يكون بشوش مع بعض الكلمات البسيطه الي تنم عن رحابه صدره عشان يروج لبضاعته بس بالمعقول بدون ما يتجاوز حدود الادب.


.. ودمتم سالمين..

نـــ الروح ـــداء

[احزان الماضي]

بصراحه انا مع اختي عطر ............ وهي السفه للاثنين ........والخروج من المحل على طول.............والرجاء من الاخوه عدم التعميم لو سمحتوا..............ونتمنى مشاركة الزعيم...............لا تخاف الموضوع حلو للنقاش ما راح نغلط عليكم.................بالعكس يهمنا نعرف وجهة نظرك...............وعندي سؤال : من اللي طارح المضوع للنقاش جعلاني للابد؟؟؟؟ ام المتيم؟؟؟؟

[ريم الفلا]

ههههههه
احلى غيره
طيب عندي حل تنكروا واشتغلوا بالمحلات ولا تنسون تصبغون خصلتين من قدام
وقوالو اللي تبونه وعلى راحتكم وقولو انا وافد فيني عرق عماني

[سحـــ :) ــاب]

انا بسيفه الاثنين وبطلع من المحل

او ممكن ابين انه كلامه ضايقني بحركه او فعل من غير ما احتك بالكلام مع البايع

وإذا رد وكررها شليت عمر وطلعت من المحل

[العنود]

انا اقول المفروض البنت ماتسوي ويهه
لللمواطن ولا الوافد تشتري اللي
تباه وتطلع واذا البائع يسوي حركات
منيه ولا منيه تشيل اغراضها وتطلع
والمحلات شكثرهن