البارحة ربي كتب لي ومريت

[دمي الدرعي]

البارحة ربي كتب لي ومريت
درب عليه بروق الأحباب لاحت

جيت المكان اللي جمعنا وخفيت
وقامت جروحي للجوارح وصاحت

ياليتني في لفة الدرب زليت
كان العيون من الدموع استباحت

وضحكت ماأبغي الناس تدري يبالفيت
لكنها غصب على العين ساحت

حارت دموعي في عيوني وصديت
وأرمشت مابيها تبين وطاحت

وعقبه برق في العين براق واسقيت
خدي ووناتي بصدري تلاحت

وأنا أحسب إني في فراقه تشافيت
وان عبرتي من مدخل الزاد زاحت

اللي يحسب إني على البعد سجيت
والا ان عيوني للرقاد استباحت

ياليتني من قبل لا أحبه اقفيت
والا ان دروبي عن دروبه تناحت

أهون علي من البكا والتناهيت
وأشلا من سدود على الناس باحت

عرفت كيف الحي يفرق عن الميت
وعرفت قيمة نعمتي يوم راحت

قولوله اني عقب بعده تدانيت
ورجلي عن دروب المعافين شاحت

البعد نار وطاعة العذل كبريت
يقصر على بعده ترى الكبد فاحت

منقول لشاعر بن فطيس

[الاسيف]

يسلم ناقل الموضوع واختيار جميل

تحياتي

[جمانة]

صح لسانه ويسلم ذوقك خيووو ^.^

[لولو جعلان]

اسمح لي ابدي اعجابي بقلمك وتميزك واسلوبك الراقي وتالقك

[النشميه]

حارت دموعي في عيوني وصديت
وأرمشت مابيها تبين وطاحت



الدرعي يسلموووو على ما تنثر في منتدى جعلان

واصل ابداعك ونتظر الجديد
دمت بود

[حساسة ودمعتي الماسة]

سلمت يداك وصح لسان قايلها اخي الدرعي

تقبل مروري ف صفحاتك المتواضعة