سطاب بورش

[الاسيف]

طايش الشوق مسرع عليه مر عجل مرش
وأنا على حدود القلب لاغي كل تفتيش

وبطيش رغته بعد ما لمحت سطاب بورش
وحديت له بإشاره يمين اصفط يا نافش الريش

وإذا هنوفن رمشها يرش قلب الهواوي رش
من نظرات عينن تجعل الصاحي خريش

وحولت، وإذا الردف راهي والبطن من دون كرش
ومنحرن قتال وخصرن تقل هجرة قريش

خرشني زينها وخرش فؤادي الترف خرش
وصرت أهذي بليا شعور وقلت ماشاالله عليش

انتي من ملوك بغداد ولا من محاسن جرش
قالت أنا من تراب الخليج وها هنا أعيش

مثل أميرت قوم ، لكنني من دون عرش
وصخت وناضرتني بغيض وقالت يا شاويش

علامك تهذي وهديرك تقل هدير هرش
وتروغني روغ القطا وتروغني روغ الكديش

اقصر خطاك وعود وراك تراي عند طرش
ومادام فيك الروح خذ ( فلوس ) تسلا وعيش

قلت أنا نفسي غنيه وعزتي بمليون قرش
ولا سكنت القصور الفاخره إلا سكنت العريش

واندهيني لا ضاقت فجوجش تراي قوي حرش
وازهميني لا جفت بيوتش ولا عليش

واسكني بين الضلوع وافرشي هالقلب فرش
واسرجي عقلي الجزوع عسالله يهديش

بس يا الطايش لا مريت حدود الشوق عجل مرش
لعيونش جنود الجيش بتلغي كل تفتيش

تــــــحياتي : الاسيف

[روووح ضميانه]

انتي من ملوك بغداد ولا من محاسن جرش
قالت أنا من تراب الخليج وها هنا أعيش

يعطيك العافيه اخوي الاسيف ع الابيات الحلووووووه
تقبل مرووري
روووح ضميانه

[الاسيف]

مرور مميز اختي روووووح ضميانة

[العيون الكحيله]

بس يا الطايش لا مريت حدود الشوق عجل مرش
لعيونش جنود الجيش بتلغي كل تفتيش

شكلك داخل حرب...ههه
كلمات حلوه
صح لسانك

[الاسيف]

تسلمي العيون الكحيلة علي المرور الرائع

[الوهــــــــم]

اقصر خطاك وعود وراك تراي عند طرش
ومادام فيك الروح خذ ( فلوس ) تسلا وعيش

قلت أنا نفسي غنيه وعزتي بمليون قرش
ولا سكنت القصور الفاخره إلا سكنت العريش



.....

بيـــض الله ويهـــــك على هالقصيد ~

كلمـــــاات تـــوـوب الصراحـــــه @

صح لســانك وإعتـلى شانك ~

وكل التوفيــــق @

[الاسيف]

ويهك ابيض وما عليك جصووووور

ومشكوووووووو ر علي المرور