تعاااالوا ساعدوني~

[عذوبة]

السلااام عليكم ورحمة الله وبركاته


حياكمـ الله اخواني وخواتي..

ابا منكم الفزعة..الله لا يهينكم

الاسبوع الياي بيكون معانا انماء مهني ف المدرسة..

وهو الايام اللي يكون مفتوح لاوراق عمل ومشاريع ووو..للمعلمات..
::



عندي مشروع تهادوا تحابوا..

فكرة المشروع ان كل معلمة اتييب معها هدية..

وكل هدية احط عليها رقم..

بحيث ان المعلمة صاحبة الهدية هي الوحيدة اللي تعرف رقم هديتها..

واتكون معاي سلة صغيرة فيها ارقام للقرعة بنفس ارقام الاستيكرات اللي محطوطة ع الهدايا..

ذا سيم في سلة حلويات ..

انزين..

الهدف منها نبث روح المرح ووقت لتصفية القلوب..

ويكون الجو عجيييييب كله ضحك..

يعني انرد..ونصير شرات الصغار..biggrin

فديتنا مب من كبرنا..احم

المهم..كل وحدة اتقول خاطري ف ايج الهدية العودهbiggrin..يا ترى شو داخلها..tongue.

وغيره وغيره..

ولما ايي وقت اجراء القرعة..

ادور على كل معلمة وتسحب حلاوة ورقم..

اذا طلع الرقم نفس الاستكر اللي على هديتها اللي يابتها اترجعه..

وتسحب رقم بداله..

وهكذا الين يخلصن كلهن وبعدين انا اخذ الرقم المتبقي ويكون من نصيبي..


ادري ثرثرت وااااايد هع..biggrin

وما قلت شو بغيت منكم..


:23_asmilies-com[1]:


الله يسلمكم ويسلم حالكم واحوالكم..

بغيتكم تزيدوني افكار شو ممكن اضيف فهالمشروع..

عسب ما ينمل..

يعني شو ازيد عليه؟؟


اتريا شوركم بفارغ الصبر..

ارق الامنيات..~

[الخـــــارج عن القانـــون]

واااااااو مشروعـ حمااااسيـ

انا من رأي تضيفي للمشروعـ النية أنه يكون لوجه الله وتثابي عليه

فقط هذا يكفيكـ أختيـ

وشكراً

[ٱڅٱښۑښ ݥڎڤۈڹھَہّ]

فديتج بقرا الموضوع بتمعن وان شاء الله احصل لج افكاااار

[رأإأحة البـأإأل]

مااشاءاالله مدرسسسه شيء طيب وجمييل وبعديين ليشش للحين المدارسس مفتوحه؟

شيء دواامات عندكم اللحيين في ارمضضان..


اممم بيكون اجمل لو اتحطون اسئله متنوعه ثقافيه تراثيه ومن هالقبيل وعليها جوايز بسييط حلو بيكون حماس

يعني اتسون جمعيه كل مدرسه تدفع شيء وخلاف وحده تتشرى هدايا واتغفلها وعقب تبدون هالسوالف ..

وان شاءاالله انحصل لج افكار حلوه اختاه

[الشاعرة : احلاهم واتحداهم]

مممممم صراااحه ماعندي افكااار الحين الرااس متصكر هع

بس بنحاوول اندورلج ع فكرة سنعه

خيتووو السموووحه منج ^^

[ملامح يوسفيه]

يــــاقلبيهـ بروحهـ مخيـ فاااااضيـ صايمهـ خخ>>> امزحـ
قصديـ ماعنديـ افكاأإاار فديتج

والسموحهـ منجـ ..
تقبليـ مروريهـ

[عذوبة]

هلا وغلا~

تسلمون اخواني وخواتي..

واتريا الباجين..

راحة البال ترى في فقرات ثاتية تتضمن مسابقات..

وفكرتج حلوة..

وبشوف..

وبيتينق اذرز~*

[ღروعة الإحساسღ]

[عذوبه]
..
ان شااءالله بنشوفلج فد
..
اذا حصلنا بنخبرج
..
كل الود..||

[عذوبة]

روعة~
تسلمين خيتو..
بانتظار افكارج ..
وبانتظار الباجين..
أفا..وينهمـ هل جعـلان؟

[Amri Cool]

مرحبا اختي
اممممم ممكن اكون متأخر شوي بس فكرتك كثير رائعة والله معك
احنا ممكن استفدنا منك بهاي الفكرة كثير و ممكن تطبق في زمان و في أي مكان
حصلت فكرة في احد المنتديات ممكن تعجبك هذا اذا مو كنت متأخر
التعليم الصامت :
هو تعليم الطلاب عن طريق الصمت ومحاكاتهم بالإشارات وسؤالهم عن قراءة كلمات بالإشارة إليها وطلب قراءتها ..
هدفها :
1- لفت انتباه الطلاب .
2- تعويد الطلاب على دقة الملاحظة
3- حب المشاركة
4- تشويق الطلاب
5- استثارة الطلاب .
6- تغيير الجو الدراسي للصف

تقبلي مروري

[Amri Cool]

هذي فكرة ثانية
مذكرة للمعلم والمعلمة:
مذكرة يدون فيها كلما يحصل من مواقف داخل غرفة الصف وخارجة للاستفادة منها لاحقا وحل المشكلات كذلك إذا وجدت وتدوين الحلول .
هدفها :
1- استذكار المواقف والاستفادة منها.
2- حل المشكلات وإيجادالحلول.
3- نقل الخبرات وحفظها .

[Amri Cool]

هذولا بعد حلوين
تغيير نبرات الصوت:
عبارة عن تغييرنبرات الصوت أثناء عرض الدرس من تمثيل للحرف أنه يتكلم مثلا وعند نطق
كلمة معينة ومميزة .
هدفها :
1- شد انتباه الطالب.
2- طرد الملل والسآمة.
3- إضفاء جو من المرح
===========================================
التعليم بالموقف :
هو استغلال أي موقف يحصل داخل غرفة الصف أو خارجه في تعليم الطلاب كما كان
الرسول صلى الله عليه وسلم يفعله عندما رأى هو والصحابة المرأة اليهودية التي بين السبي
تبحث عن ولدها فقال عليه الصلاة والسلام : هل ستلقي هذه المرأة ولدها في النار . فقال
الصحابة :لا يارسول الله فقال بأبي هو وأمي : لله لله أرحم من هذه بولدها . اللهم تغمدنا برحمتك .
هدفها :
1. تعليم الطلاب .
2. تثبيت المعلومة.
3. شد الانتباه.
4. تطبيق السنة النبوية

أتمنى بس تتناسب مع مستويات الطلبة