أحس كني بين الأموات ميتُُُُ

[الخواطر]

كلـّه في كـوم .. ودخـلتي للمقـبرة
......... أحـس كنـّي بين الامـوات مـيْـت


واقول في نفـسي وحـزني ماْكـبره :
......... وش خانة الدنيا .. ومنها وش خـذيت


قـبرٍ يضيـق بصاحـبه .. يا مـغبَرَه
......... وقـبر ٍ توسـّع واصبـح لراعيه بـيت


كـلٍ يحـاسب في طـريق ٍ يعـبـره
......... والموت لا من حان ما تنفع [ يـ ليت]


وما ينفَعَك شعر انكتب أو مـحـبرة
......... و لا تنفَعَك صورة ولا شهرة وصـيت


مَـحـْـدٍ يفيد اسمـك ولَحـْد يْعـَبّره
......... لا دقّت السـاعة ونادوا لك .. وجيت :


وش جبت ياْبن آدم .. وكسرك نجبره؟
......... شاللي زرعته من عمل؟ خذ ما جنيت!


دوّر في ذاك الوقـت خـيـرٍ تخـْبره
......... ماتلقا غير الذنب يوم انـّك عصـيت


وآقـف وقـوف اللي حيـاته مُدبـرة
......... بين القـبـور بلحظـةٍ فيـها دريـت


إن الزمـن عابـر و حملـه باْصبره
......... ولابد اسامح .. واعتذر كانـي خطيت


ما يَعْرف [ الرّقـّة ] مجافـي مقبرة !!
......... ومايصحى قلبٍ ميّت الا قـرب ميْت !!


/
/
/

مما لامس وجدانــــي،،،

[الشاعرة : احلاهم واتحداهم]

كلماااااات جدااااا روووووووووعه

صح الله منطووقج الغلا

ونترقب الزوووووووود منج

[الخواطر]

مشكوره اختي ع المرور العطر،،،

[الخـــــارج عن القانـــون]

تسلمـ يمينكـ خواطـــر

كلماـ ـ تـ حلووووووهـ مرهـ رهـ رهـ

[الاسيف]

نسئل الله حسن الخاتمة

تسلم ايداك علي النصائح والابيات المفيدة

[الخواطر]

تسلمو ع المرور العطر أخواني‘‘‘‘