≈{ يُـڳفُيًنـٌي مُـنًـڳ -»بُسًمـٌتَڳ «- ۉۈٱغٌلًـىْ ٱڶهـٌدٱيًـٱٱ ضُحٌڳتك

[SEESAW]

بسم الله الرحمن الرحيم

دار الرأس وما عرفت شو ابى اسوي قلت افتتح مدونتي

حتى العنوان ما عرفت شو اسميه

المهم هذي مدونتي وان شاء الله تكون انعكاس لحياتي الواقعية

:)

شوف اهداف برشلونة بتعليق الشوالي بعدها رجااااد


عاد شو تتوقعوا الفوز برشلوني ولا مدريدي ليلة السبت


اهم الشي الروح الرياضيةtongue.


لا احد يجي يغايضني اذا خسر برشلونة

[SEESAW]

مرحبا بكم من جديد

خلونا نستعرض بطاقتنا الشخصية

الاسم: مستر كونسلتنت

العمر: 22 سنة

الوظيفة: طالب

__________________________________________________ ________

صار لنا معطلين اسبوعين

بس الشغل ما يخلص

ناخذ راحة كبيرة وشغل شوي

مثل السلحفاة

اليوم صبحت فالجامعة عالساعة 11:30biggrin

وتوني راجع البيت يعني 11:00 مساء

بس ما عليكم مثل ما قلت لكم الشغل شويهو اللعب وايد

مشي جديد وخاص في هاليوم

حاله حال غيره

[SEESAW]

اخوي بوظبي داري

تشرفت بردك

ولا عدمناك ان شاء الله

بس الشيخ القوانين ما تسمح تحط مشاركات هنا

سوي لك مدونة وحط المشاركة

وان شاء الله بشوفها وبرد عليك فمدونتي

تسلم الشيخ

[SEESAW]

المنصور شكرا عالفيديو

هالذيب كأنه ما سوى شي وكأنه في كيد على صاحب الحظيرة

قصف له كم رأس وخلاهم لا اكل ولا هم يحزنون!!!!!!

[SEESAW]

يوم حلو الحمدلله

مشمس وصحو ودرجة الحرارة تقريبا 15 سيلزية

قمت 11:30

سبحت كويت ملابسي ورحنا انا وصديقي نصلي الجمعة

طلعنا من الصلاة ولقينا صديقنا من المالديف

رحنا الجامعة على اساس اخلص شغل مهم في المشروع بس للأسف ما لقيت الناس اللي لازم الاقيها


طلعنا من الجامعة الساعة 3:30 رحنا مطعم كردي اخذنا ساندويتشات دجاج وعصائر

ورحنا على River side

والله طبيعة رهيبة اكلنا وصورنا

بحط موضوع ان شاء الله للصور اللي اخذتهم

وحاولت اطلع الشجرة عشان اصور بس ما قدرت تعورت فايدي شوي

رجعنا البيت على قرايب المغرب

صلينا وطبخت العشاء وتوني مخلص الطباخ

ناشف دياي<<<<<< اللي يريد يتذوق

بس يتحمل نفسه اذا بغى المستشفى



وناويين نروح السينما بعد العشاء ان شاء الله


اغلق المحضر بتوقيت 9:30 مساءا

[SEESAW]

مبرووووك لكل مشجعي برشلونة على الفوز على الريال في الكلاسيكو

وهاردلك لمحبي الريال

راعية الطير<<<<<< لازم اهذر عليك انتي بس


لي عودة لتسيطر يومي ان شاء الله

[SEESAW]

مرحباين عودة

سوري ما حطيت يومياتي امس

انشغلت

توني راجع من الجامعة بس ما كنت اشتغل

كنت العب

يعني نضيع الوقت شوي :)

كل ما اشوف مدونات غيري

اقول صدج اني مصخرة شوف الناس وين وانت وين!!

[SEESAW]

السلام عليكم

باكر عندي برزينتيشن للمشروع مال التخرج

مكروفين كرف في هالمشروع

لازم نسوي بوستر عن المشروع وكذلك لازم نطبع البور بوينت

عاد توني راجع من الجامعة وقلت خلينا نتكشخ حق باكر

لبسنا البدلة وجلسنا نلعب في الكرفتة

بدو اللي فالحين فيه وزار ودشداشة ومصر او غترة

لازم نتحضر يعني!!!!!


دشينا اليو تيوب وتعلمنا ربطة العنق

باكر معي البرزنتيشن

دعواتكم لي ربي يسهلها

امين يارب

[SEESAW]

وعليكم السلام

ربي يوفقك الشيخ


عاد تكشخ انته وارسل الصوره لي نريد نشوف البدوي المتكشخ


ههههههه


بالتوفيق ان شاء الله


جميعا يارب

ولا يهمك الصورة بتوصلك ان شاء الله

مشكور ما قصرت مديرنا

[SEESAW]

اللهم صل وسلم على خير عبآده

الاربعآ العصر 4
اليوم برد بوظبي

صح فرحآنه انه برد لكن الله يكون بالعون على اللي بيصير اليوم وبآكر<<الدعآ بليز

سي سو المرآقب العآم المتميز شد حيلك وفآلك العلآمه الكآمله
همسهــ
گـڵ شـפֿـص . . يمَڵگ فيـﮱ פـيآٺـہّ { . . رسْـآڵـہّ / ، !
يآ ٺعٺڵيـﮱ بـہّ ( فـۋق . . . ) / ۋ إڵآ ( ٺۋطيـہّ . . . )

وتمسون على خير اعضآ منتدى جعلآن الكرآمـــ

استغفر الله العظيمـــ


ما تقصرين راعية

الله يوفقنا جميعا امين يارب

[SEESAW]

1\6




المهمة الاولى أنجزت

الحمدلله انتهينا من المهمة الاولى الا وهي البرزنتيشن حق المشروع الشخصي

لسوء حظي كنت أول واحد لازم يقدم العرض

فارتبكت اول بداية لكن الحمدلله انهيتها بايجابية

ما أدري كم بتكون الدرجة بس اهم شي انجزنا المهمة وان شاء الله تكون ناجحة

5 مهمات باقيات قبل الامتحان

برزنتيشن تاريخ 20-4-2010 الاسبوع القادم

بعدها برزنتيشن 4-5-2010

تسليم مشروع جماعي صغير 11,000 كلمة تاريخ 4-5-2010

تسليم مشروع جماعي كبير 20,000 كلمة تاريخ7-5-2010

تسليم المشروع الشخصي 8,000 كلمة تاريخ 11-5-2010


دعواتكم لنا

والله يوفقنا جميعا

[SEESAW]

هذا زمان المســـخره هذا زمان المســـــــــخره

جوال ومشيه بفشخره في وسط السوق متبختره

والكحله في وسط العيون والشفايف زود محمره

هذا زمان المسخره هذا زمان المســـــــــخره

لو يسألها ذاك الفقير وين انتي رايحه يامره

جاه الجواب يبهدله وتقول كلام بيقهره

باروح السوق ابشتري فستان للحفله المزهره

وتروح الصاله كنها عروس مزينه ومعدله ومعطره

وما ترجع الا في الصباح وتشيل الزينه الساحره

هذا زمان المسخره هذا زمان المســـــــــخره

اخر الشهر تقبض الراتب وتروح المجمع وتبعثره

وتعير ذاك الفقير لو اني مثل غيري ما عشت واياك محسره

شوف فلانه وشوف علانه عايشين عيشه ميسره

فله جميله وسياره كشخه ماهو مثلك تركبني سياره مكسره

هذا زمان المسخره هذا زمان المســـــــــخره

لين استلمت ذاك التلفون تبمبع مثل البقره

واتحش في الناس هذا طويل وهذا قصير وحكيها كله مسخره

وفلانه اليوم مطلقه وفلان ماتت له مره

وكلامها أصلا ماله أساس بس هذره فاضيه وبربره

والوقت يسرع والهاتف يحسب أمواله تروح مهدره

هذا زمان المسخره هذا زمان المســـــــــخره

الله يرحم ذاك الزمان الحرمه فيه مستره

كانت تجلس ويا الاذان وتصلي لله وتشكره

وتدعي للناس الطيبين بنفس طيبه وطاهره

هذا زمان المسخره هذا زمان المســـــــــخره

مو مثل بنات هذا الزمن تركب ويه الاجنبي بيدها روج ومنظره

وقصت الشعر أخر موديل كأنها ديك منفوش جناحه وعرعره

والعبايه تحطها على الكتف حتى الشعر ماتستره

ولو تقول لها هذا حرام قالت كلامك كله دندره

!!كلامك كله ما يعني لي شيء أني فتاه متطوره

لا يخدعوك باسم حضارة هالزمن آخرتها تالي المقبره

وآخر كلامي بالصلاة على النبي واياه العترة الطاهره

[SEESAW]

السلام عليكم

اليوم رحنا نلعب بولينج

سبع اشخاص

عادة العب زين وابدع يعني اذا ما كنت زين اجيب الثاني

اما اليوم خرتها العافية ما جبت نتيجة عالية

اعلى نقطة وصلتها 104mad.

اهم شي طلعنا واستانسنا وغيرنا جو

تصبحون على خير

[SEESAW]

عجبني توقيع في منتدى ثاني

وحبيت اشارككم به

Your future depends on your dreams, so go to sleep

Can you do anything that other people can't? Sure, I can read my handwriting..!

[SEESAW]

المحششين عجيبين والله

جاني هالايميل وضحكني كثير فقلت خلينا ننزله هنا ممكن يريحكم شوي

محشش سايق إسعاف في الحرب نقل 35 قتيل ...
سمع في الراديو سقوط 30 قتيل ! وقف وفتح الباب وقال: الخمسه اللي يستهبلون ينزلون ألحين !
----------- --------- --------- -------
محشش إشترى لأمه عصفورين !
واحد يغرد والثاني ساااكت !
سألته أمه : ليش الثاني ساكت ؟!
قالها هذا الملحن
------------ --------- --------- --------- -------
ولد يسأل أبوه المحشش وشو برج ايفل قال أبوه ماادري
قال طيب وشو السيراميك قال أبوه ماادري
قال طيب وشو الايميل قال ما ادري
قال طيب وشي العولمه قال ماأدري
قالت امه لا تزعج ابوك قال ابوه لا خلي الولد يستفيد !
------------ --------- --------- --------- -------
محشش صديقه يتصل عليه ومايبي يرد
أرسل رساله :
"أنا ناسي تلفوني بالبيت"
------------ --------- --------- --------- ------
سعودي وصعيدي محششين مسكتهم الشرطه سالو الصعيدي وش أسمك؟ قال: أنا سبع الليل، قالو للسعودي وإنت؟ قال: انا ثمان الصبح !!
------------ --------- --------- --------- -------
عندماتغردالبعارين
ونسمع نهيق العصافير
ونرى الخيول تمتص رحيق الأزهار
والخرفان تحلق في السماء
نشعروكأننافي حلم...

محشش يكتب خاطره
------------ --------- --------- --------- -------
فيه محشش راح لراعي بقاله قال:عندك عنب
قال:لا
راحت ورجع مره ثانيه
وقال:عندك عنب
قال:ماتفهم ماعندي ترا إذا رجعت بربطك عندالمحل
راح وبعدشوي رجع
وقال:عندك حبل
قال:لا
قال:طيب فيه عنب!
------------ --------- --------- --------- -------
محشش تمدحه خطيبته تقوله:إنت بطل شجاع وفارس الفرسان.قال:تدرين إني كنت شهيد في حرب الخلي

[SEESAW]

راعية الطير

المشاغل في تزايد من كذا مغيبين عن المنتدى>>> اونه


والله سوينا برزنتيشنيين لحد الحين

الحمدلله مشت الامور

بس المشرف مال البرزنتيشن الثاني رفعلي ضغطي وما اعتقد بيعطينا درجة زينة

واحد غبي وعنصري والله ناوي عليه نية شر<<<< استهدى بالله


باجي لنا برزنتيشن غيره و3 مشاريع تسليم

يعني خلصنا 2/6

هيش يذكرنك هالرقمين<<<<<<< ما قصدي شي هههههههه


اما بالنسبة للمشرفة المميزة

المنتدى حب يميزني<<<< امحق تمييز

[SEESAW]

يومياتي للايام الماضية

واللي بتيي كلها يوميات جامعية

من نطلع من البيت الصبح ما نرجع الا تالي الليل

ززحمة شغل

مشاريع ووزحمة

والمشكلة طلبة الجامعة ما عرفوا يخلصوا شغلهم من قبل عشان يفضوا الكمبيوترات والمكتبة لنا نحن

المكتبة زحمة وكلا يغني على ليلاه

والصنين تفوح والركض يصير والبهدلة تصير

عليك تشوف وتبكي مثلهم ولا تضحك عليهم

دعواااتكم

[SEESAW]

بس كذا جات على بالي

وقلت خليني اشوف عدد الردود مقارنة بالمشاهدات

طلع شموخ جعلاني الاول ب13 مشاهدة للمشاركة الوحدة

وبعدها انا ب11 مشاهدة للمشاركة الواحدة

بس كذا مجرد فضول

صراحة شي يشجع معناه يومياي زينة وانا افكرها خرابيط حي اللا

زين زين في تطور فالعملية التعليمية

تصبحون على خير

[SEESAW]

جوم الصبح من رجاد اسبح واتلبس وبدون ريوج الجامعة

الثلاثاء الماضي قمت 20 دقيقة متأخر عن الموعد الاعتيادي وفاتتني المحاضرة

طبعا تفوتك نص ساعة بس انت تقول مالها طعم تدخلها متأخر نباها من الله

وطلعت المحاضرة مب مهمة مراح تدخل الامتحان

اليوم بعد نفس الشي قمت نص ساعة متأخر

ادخل على ابو الشباب في غرفته

اقولك الساعة 8:30 يشوف عليه بنص عين عارف

انزين عيل كدت عمان كان تعرف ترانا متأخرين وهو ناوي كان يقوم نن الصبح يكمل شغل مهم فالمشروع

رحنا الدوام متأخرين 30 دقيقة

اوووه برايه ما يحتاي محاضرة خلينا نجلس عالكمبيوتر

رحت للمشرف اسأله عن درجة البرزنتيشن بعدها ما طلعت


رجعت اشوف من باب المحاضرة واحد من الشباب يقولي ادخل اقول لا ما يحتاي احسنت

من حسن الحظ طلعت الماحضرة معيودة


رجعت الجامعة شغل لحد نص الليل


هذي هي اليوميات كل يوم اطلع الصبح من البيت ارجع تالي الليل


والجامعة 24 ساعة حية

اتاري الشعب كلهم يطبقوا المبدأ

last minute.com

فكرنا طلبة الهندسة مسحبين عالدراسة ويجلطوا الشغل اخر شي


طلعت الجامعة كلها نفس الشي بنات واولاد الا من رحم ربي


اعرف اني هذيت وايد

لكن اسوي تفريغ للشحنات الكهربائية المكتسبة من جراء المرور بالجو الجامعي

عشان لما ارجد ما يتطاير الشرار


تصبحون على خير وسعادة

[SEESAW]

الأربعاء

28 ابريل 2010

اليوم شرفنا بنتين مع مكتب العقار يشوفوا الشقة لاننا بنطلع

عاد الشقة خالية ما فيها اثاث ولما احد يدخل عندنا نقوله خلاص طلعناه الاثاث عشان بننتقل ههههههه

رحت الجامعة اشتغلت فالمشروع لحد الساعة 6 بعدها رحت اكل

ورجعت اشوف مباراة برشلونة عالنت

كنت ناوي ما اشوفها عشان ما تضربني كأبة

عاد اشوفها ومندمج ولما جاء الجوول الاول

ييسسسسسسسسسسس صرخت من قمة رأسي

شلت السماعة واشوف حواليه الناس تشوف عليه

قلت لهم سوري وتم يضحكوا عليه

لما جاء الهدف الثاني قمت من الكرسي اشوف على ربيعي ييس

بس طلع الهدف ملغى

والناس يقولوا فخواطرهم الله بثبات العقل


مباراة حلوة من طرف برشلونة بس للأسف

دوام الحال من المحال

العام الماضي تأهل بعد مساعدة تحكيمية ضد تشلسي

والسنة طلع بسبب ظلم تحكيمي

وهذي هي الحياة

[SEESAW]

30 ابريل 2010

الجمعة

جمعة مباركة عليكم جميعا

اليوم راجع الساعة 5:30 الفجر البيت

صراحة الجو روعة جدا

والله ذكرني لما تكون فالطائرة وتشوف الشروق والسحب والافق

جو روعة جدا

رجدت لحد الساعة 12

رحنا صلينا الجمعة

اكلنا في مطعم كردي

وعلى الجامعة

والحين اكتب لكم من الجامعة

ما قدرت ادخل امس لاني كنت مشغول حتى الثمالة ههههههههه

والحين بنروح نشوف فيلم

Iron man 2

ان شاء الله

ما تسوى لهم المشية بدوني <<<<< عطيني من البااايت

ما احب ادخل السينما بس يجروني جر لها


نشوفكم على خير ان شاء الله

[SEESAW]

5-5- 2010

5 من 6 مهمات راحن

وباقي مهمة واحدة

بسني اليوم ما اريد اروح الجامعة راجع منها الساعة 5

اريد اسوي نقاهة

ونريد نطبخ فالبيت

صار لنا اسبوعين كله من برع البيت

الله يعلم الراتب يكفي ولا يخلص قبل لا ينزل الراتب الثاني


عندنا تسليم المشروع الجماعي يوم الجمعة والشخصي يوم الثلاثاء

وبعدها الاختبارات

بعدنا ما ذاكرنا


امس سوينا برزنتيشن وسلمنا مشروع جماعي مصغر

كنا مجموعة مكونة من 6 طلبة

اول امس كنا فالجامعة نخلص التقرير في غرفة وخلص حجزنا وما لقينا غرف غيرها

اضطرينا نروح بيتنا نكمل الاجتماع


صدج تشوف الجنون في اسمى معانيه>><>> ههههههههه

اللي يغني واللي يعب كرتيه مع نفسه واللي يلعب ملاكمة

ومضارب وغناء خلصنا 3:30

حتى ما راجعنا البرزنتيشن مالنا

صبحنا الصبح عالجامعة وسوينا البرزنتيشن بدون تحضير

ذكريات ما تنتسي خصوصا اذا كانت موثقة

[SEESAW]

الاسبوعين اللي طافوا تقريبا كذا كان الوضع

http://www14.0zz0.com/2010/05/05/16/500476383.jpg (http://www.0zz0.com)

http://www6.0zz0.com/2010/05/05/16/676978794.jpg (http://www.0zz0.com)

http://www.m5zn.com/uploads/2010/5/5/photo/050510090520jwh9odc76bht.jpg (http://www.m5zn.com)

http://www.m5zn.com/uploads/2010/5/5/photo/0505100905443aldhkdjbqmejdbr3x.jpg (http://www.m5zn.com)

الصورة تختصر الف كلمة

[SEESAW]

جمعة مباركة للجميع

تعب في تعب

[SEESAW]

السلام عليكم ورحمة الله وبركاته

اشحالكم جميع؟

حبينا نسلم عليكم

والسموحة على قلة التفاعل

تراه مشغولين وايد

معنا اختبار يوم الاثنين والثلاثاء ان شاء الله

دعوااااااااااااااااااااااااااااااتكم

[SEESAW]

الحمدلله كما ينبغي لجلال وجهك وعظيم سلطانك

الحمدلله رب العالمين

واخيرا خلصنا الدراسة

قولوا امين تكلل السنة بالنجاح واكون خلصت درجة البكالوريس

واخيرا تصبح حر طليق

عقبالكم الدارسين :)

[SEESAW]

عاد الحين ما اهيسكم

بروح السينما ان شاء الله

وانت جلسوا ذاكروا ودحوا ههههههه

[SEESAW]

صراحة شعور مختلف جدا

جدا جدا جدا شعور مختلف

لما تجوم من النوم وتحس ماشي وراك جامعة ولا يحث ولا دراسة

تروح الجامعة وتضحك عالخلق اللي ما خلصت اختباراتها :)

اليوم قمت من النوم

اسمع احد يدق الجرس

رحت المطبخ وقحمت فوق الطاولة وجلست اطاوس (اتشوف) من فوق الطابق الرابع اشوف حرمتين

قلت غيبن اسمني ما افتح الباب

تراهم مأذينا هالايام كل يوم لازم احد يجي الشقة يشوفها يمكن يستأجروها بعد ما نطلع منها

بعدين رحت اتمرن واكل ورجعت لكم :)

والجو تراها عندنا روووعة لا مكيفات ولا هم يحزنون ولا عرق هههه

[SEESAW]

اليوم اجواء روعة عندنا

فقلنا نروح نسوي مشاكيك ودجاج مشوي

رحنا نحن وطلاب الصف 18 واحد سوينا ولعبنا ورقصنا :)

بعدها لعبنا كورة بس تكسير كله

تمتعنا والحين بنروح سينما

تمتعوا بوقتكم :)

[SEESAW]

مرحبا بكل من طل ونور مدونتي المتواضعة

اليوم 23-5-2010

رحنا الهايد بارك الجو شمس مب حار بس الشمس تلسع

لاقيت اثنين من ربعي كانوا معي فالكلية جلسنا معهم لعبنا كورة شوي

وبعدها رحت عنهم

اليوم طالعين عشاء ان شاء الله على شرف السمي (يعني شخص اسمه نفس اسمي)

باكر بيسافر عننا وبيروح بلاده:vb85:

بشتاق له كثير صراحة

هالسنة كله مع بعض

المشروع الجماعي واجماعي المصغر مع بعض

وكل اسبوع لازم نلتقي

بس ان شاء الله احضر عرسه ويحضر عرسيcool.

[SEESAW]

السلام عليكم ورحمة الله وبركاته

اخباركم؟ عساكم بخير ان شاء الله

اولا حمدالله عسلامة المنتدى ومبروكين على رجوعه

ثانيا

ويلكم باك راعية الطير وحمدالله على سلامتك


الله يسلمكم امس جيت اريد اكتب في هالمدونة بس المنتدى كان زعلان

فجينا نكتب لكم اليوم

27-5-2010

كنت رايح الجامعة وانا في طريقي من الخلف شفت مجموعة اولاد ومعهم بنتين

البنت حطت السيجارة في فمها وجلست تشوف عليه نظرة استغراب

من شفتها قلت في نفسي لا يكون حشيش

لما قربت منهم حطت السيجارة على الجدار عشان ريحتها ما طلعت بس انا شميتها وكانت حشيش بالفعل

قلت فخاطري انزين مبروك عليك كان حششتي

رحت الجامعة وبعدها طلعت من البوابة الخلفية

ولجيت الاولاد بعدهم جالسين لما مريت من جنبهم اسمع واحد منهم يقول لشخص ثاني


كيف تحس الحين؟ شكله يقول:vb105::vb72:

روج المنجا.


اليوم

عاد رحت اصلي الجمعة وبعدها رحنا نأكل وخطفنا على بعض المحلات

رحت محل تلفونات اسألهم عن تلفون سوني اريكسون Aino

كنت مقرر اشتريه بس طلع مسحوب من السوق بسبب مشاكل فالسوفت وير

قلت الحمدلله اني ما استعجلت

عاد اليوم معنا عشاء جماعي ان شاء الله

وباكر بروح المطار استقبل اخوي وبن عمي ان شاء الله

جايين معنا زيارة


المهم تراني تكلمت وايد اخليكم الحين

BE GOOD

[SEESAW]

مساء الخير

الحمدلله انه الاعصار تحول الى عاصفة وان شاء الله بيكون منخفض قريب باذن الله

هالفترة مشغول من خاطر نودع بريطانيا من مكان الى مكان تمشية لعب وكل شي حلو

امس رحنا حديقة ملاهي بس ضحك من الخاطر عندنا واحد من الربع شوي ويطيح قلبه

عاد اخذنا دي في دي لي لعبة من الالعاب والله ضحك من جد

اليوم الفجر اتصلت في البيت والحمدلله خبروني الاوضاع مستتبة في جعلان

بس مظلة السيارات وجدار المزرعة طاحوا

الحمدلله انه الضرر مادي لا اكثر

ان شاء الله يمر الاعصار وتكون عمان بخير وعافية

[SEESAW]

Good Bye

Wish me a safe flight

see you soon in sha allah

[SEESAW]

اليوم كان فنان الحمدلله

طلعنا عالساعة 11 رحنا صوب الاشخرة

لكن الدار ما تنطاح المياه موجوده الكهرباء مقطعوة

بعض البيوت متكسرة

هالحال لحد ما وصلنا صور

لعبنا كورة بعد الاشخرة

بعدها طلعنا نبغى نشرب شي بارد ماشي فايدة

تمنيت القى ايسكريم لاني كنت عطشان

شو نسوي الغريق يتمسك بقشة

رحنا صور اشترينا العشاء

ورحنا صوب مكان اسمه الرفصة اعتقد

تعشينا

ورحنا صوب الوادي

واشوف الشعب كلهم يتسبحوا

سبحنا وعملنا مسابقة من اللي يجلس تحت الماء اطول فترة ممكنة

المرة الاولى طلعت الرابع

والمرة الثانية طلعت الاول

يوم عجيب والله بس ناقصنه اغلى انسان الله لا يحرمنا منه

ان شاء الله يرجع قريب وترجع معه الحياة مثل ما كانت


احبك وايد وايد

[SEESAW]

جبت لكم فيديو عمل بواسطة فريق السماوي للمغامرة والاستكشاف وعرض على قناة دبي

الفيديو خلال اعصار فيت

http://www.youtube.com/watch?v=a8ikglJFy0k

[SEESAW]

اليوم دخلت 23 سنة ولحد فيكم بارك لي frown.


جلست اشوف مباراة البرازيل وكوريا الشمالية

وشجعت كوريا الشمالية وطفرت بالبرازيليين تطفير مع اني برازيلي ههه


لا انا اشجع 10 منتخبات في كأس العالم وبعدين بصفي

[SEESAW]

مرحباين عوووووووووووودة بكل مشاهدينا المحترمين خلف شاشات التلفاز والذين

يشاهدون هذا البث الحي المباشر عبر الاقمار الاصطناعية

كل التقدير لكم مشاهدينا

قبل ان نبدأ حلقة اليوم هذا تذكير بأرقام البرنامج

009680097100965

تكلفة الاتصال من الخطوط الثابتة 10 بيسات

اما بالنسبة للهواتف المتنقلة فهذا يعتمد على الشبكة المسجلة بهواتفكم

عموما احبتي الكرام تجنبا لاي بداية مملة حبينا نفتتح حلقتنا بمعزوفة موسيقيةcool.

مبرووووووووووووووووووووووووووووووووووووووووووك لكم فوز المنتخب الجزائري 0-0 على المنتخب الانجليزي


اليوم ياني اتصال على البرنامج بحدود الساعة العاشرة صباحا

وكان من حبيب الشعب بو فيصل يسلم عليه ويستاهل لنا السلامة اهل جعلان

فبادلتعه السلام والسلامة على اهل قريات


فوصاني اسلم عليكم لا تقولوا ما وصيت السلام

اللي ما يعرف بو فيصل هذي صورته

http://www.oman0.net/gal/data/681/medium/image00113.jpg

وبهذه الفقرة نصل الى ختام حلقتنا الليلة متمنيين ان تكون قد نالت على اعجابكم


الكنترول خلاص انزل المايك


ايوه خلاص


مع السلامة

[SEESAW]

كيفكم مع كأس العالم؟؟؟؟

توقعاتي للمجموعة الاولى والثانية كانن صح :)

عاد اليوم المجموعة الثالثة والرابعة

انا متوقع انجلترا وسلوفينيا يتأهلوا بس اتمنى من عماق قلبي الجزائر وانجلترا يتأهلن

المجموعة الرابعة متوقع المانيا مع صربيا

بس حرام تطلع غانا

عسى تفوز استراليا على صربيا ويتعادلن المانيا وغانا ويتأهلوا النجوم السوداء

مبرووووك لكوريا الجنوبية التأهل

وبهذا نبارك لاخواننا في كوريا الجنوبية التأهلbiggrin

وفضحتينا يا بيونج يانجmad.

[SEESAW]

اليوم كان حلو

نت وكوورة وكاس عالم كالعادة

باكر ورايه الكرف الله يعين

بعد صلاة الفجر معنا معسكر مع الوالد

تحويل عزبة وما عزبة وهالشغلات يعني يعطيك:)

بحاول ادور لي عذر اذا لجيت biggrin

وبعد العصرية كذيه معي شغل

طلعت بزنس مان وما عندي خبر :)

[SEESAW]

السلام عليكم ورحمة الله وبركاته

يوم أمس واليوم كانوا معسكر

امس من بعد صلاة الفجر لحد صلاة الظهر شغل حفر وتعديل وتحويل وتركيب

بعد صلاة العصر رحنا نحن وعيال معي وخالي طلعنا مشاكيك

رجعنا عالساعة 10

نوم واليوم من بعد صلاة الفجر

لحد الساعة 11 في المعسكر وكملنا بعد صلاة العصر

الجسم تغطيه حبوب اللدغ من الصامت واشباه

الجلد في بعض الاماكن متفحم كأنه محترق بنار ما كأنه لدغ


بس الحمدلله الامور طيبة

[SEESAW]

قايدة الغيد

راعية الطير

قايدة الريم


من زمان مالهم شوف

عسى المانع خير ان شاء الله.

تعرفولهم علومهم ولا؟

[SEESAW]

كأس عالم مقرف تحكيميا

فرق انحرمت وانظلمت بسبب هالتحكيم السيء

عاد خبرتكم انه كان معنا شغل في العزبة يومي الخميس والجمعة الماضيين

لجيت صورتين خطافيات أثناء العمل

الاولى للعزية

والثانية لاحد العمال اللي كانوا يشتغلوا وفي الريك كان يأكل خبز براتا وعدسredface.

http://www14.0zz0.com/2010/06/27/20/623974810.jpg (http://www.0zz0.com)


http://www14.0zz0.com/2010/06/27/20/678987458.jpg (http://www.0zz0.com)

[SEESAW]

خلص دور الثمانية وطلعت البرازيل وطلعت الارجنتين

يا هاي السبلة ارتاحت من هالمنتخبيين

حاكم المشجعين منفصلين لقسمين ارجنتيني وبرازيلي

والمباراتين ما شفناهم براحة من كثر الازعاج من الجماهير


الارجنتيني يرشق كل ما هو برازيلي

والعكس صحيح

عاد اليوم خسر الارجنتين ويا كثر فرحتك يا مستر

اخذت بالثأر:1265549737:

خلصنا من هالفريقين

لعبت اسبانيا طلعوا لنا بطاري يديد برشلونة ومدريد لما سوا بيكي البلنتي وصدها كاسياس

ولما خسر الونسو البلنتي والسبب بيكي

والهدف من فيا

عدد المشجعين في السبلة خلال مباراة البرتغال واسبانيا اكثر من 25 شخص

في 4متر في 4 متر

حماااااااااااااااااااااااااااااااااس كأس العالم


مشجعين الارجنتين لمارادونا يقولوا:


أه منك منقهر ومابقى عندي صبر أه منك منقهر
لاتبررلي خطاك ماابي اسمع عذر
روح وانساني خلاص
خلاص وقول فرقنا القدر

[SEESAW]

خذلنا هالنت والمودم الله يصلح عمان موبايل


امس فاتح النت ولا ااشوف ابو الشباب فاصل

حاولت فيه يمين يسار ماشي فايدة

عاد جلست اسب في عمان موبايل بدل ما اقوم الليل<<<< الله يستر علينا ويهدينا امين يارب

قمت الصبح لعبنا اونو انا وخواني

عاد سيطرت وهزمتهم وخليتهم ما يسووا

كنت مفلاد بالصدارة

طلع اخوي

بجينا ثلاثة فاللعب

اختي كانت بتنهي اللعب

عطت اخوي 4 زايد و قالت لون اخضر

قلت لها غيري ما طاعت

اخوي عطاني اللوانة بدون ما تشوف

فغيرت اللون للازرق وفالنهاية انا طلعت مع اني المفروض اتأهل

وبسبب الغش

اخوي فاز 4 مرات وانا 3mad.

عاد عصر لعب كورة

لازم دم شي طبيعي في ملاعبنا المعشبة

عاد بعد الصلاة رحنا نتثجل ومشينا شوي تقريبا كيلو انا وولد خالي

وورجعنا

عاد الحين ننتظر لحد ما يفصل هالنت مثل عوادي عمان موبايل

[SEESAW]

:aaa0asmilies[1]:

رجعنا لكم بعد غيبة ما ادري كم يوم

بس اللي ادري به انه وجودي مثل عدمي

سبب انقطاعي كان بسبب رحلة الى الباطنة والداخلية

مرينا صوب الرستاق، نخل، السوادي، العوابي، وادي المعاول، نزوى، بهلاء

الحمراء، مسفاة العبريين

والله رحلة روعة بجد

ان شاء الله بنزل موضوع كامل عن الرحلة وبعض الصور


اشتقنا لكم :)

[SEESAW]

صارلي فترة احاول افتح ايميل الجامعة بس مشي فايدة

بس الحمدلله قبل شوي فتح معي

ولجيت الدكتور راسل لنا درجاتنا مال المشروع الجماعي المصغر

الحمدلله جبت 22 من 30

مع اني كنت اتأمل اكثر بس الحمدلله 22 زوينة

عقبال درجات الاختبارات

[SEESAW]

وانا اتصفح موقع كووورة لقيت فيديو في اليو تيوب لطفلة كانت من ضمن المرحبين

بمنتخب اسبانيا الفائز موخرا بكأس العالم

وكانت تنادي باسم تشافي لاعب منتخب اسبانيا اثناء مرور الباص

بس ما شافته وجلست تسأل وين تشافي وبكت؟

فأبوها يكلمها كل الاطفال يريدوا يشوفوا تشافي قالت انزين خلينا نسير نشوفه نحن بعد وتبكي


براءءءءءة حبيت تشاركوني أياها

http://www.youtube.com/watch?v=l3LK5yQS3A8&feature=player_embedded

مشاهدة طيبة

وشوفا تعليقات السعوديين تحت :)

[SEESAW]

مرحباين عووووودة بكم

اليوم رحنا صوب قرون

قرية ساحلية بعد الاشخرة باتجاه محوت

عشان ندور قرون عتر

قرون عتر نبتة برية لذيذة بنزل لكم الصورة لاحقا للي ما يعرف شو هو العتر

بعدها قالوت بنروح صوب خويمة

رحنا هناك وشربنا شاي

وصنفوا يروحوا على شاطي شنة ورحنا شنة صوب المرفى مال السفن اللي تروح لمصيرة

المهم من هالتصنيفات انتهينا في محوت تعشينا ورجعنا البيت

رحلة جدا روعة :)

تصبحون على خير

[SEESAW]

اليوم دخلت المنتدى ولقيت رسالة من قايدة الغيد

عنوانها تحرير مشاركةbiggrin

اشوف تحرير مشاركة في مدونتي

رحت مباشرة اشيك عالمدونة وين التحرير لا يكون كاتب رد غلط او شي

ما حصلت شي


رسلت لقايدة بنتاااااه هيش مستوي

قالت هايتك عصبتك اني زخرفت مدونتك بدون اذن


وانا لا حس ولا خبر انه تغيرbiggrin

متعود على البساطة


المهم لا بد من شكر قايدة الغيد على لفتتها الطيبة بتجميل العنوان

[SEESAW]

ما ادري شو سالفتي هالايامbiggrin

طلعت مطلوب جدا جدا

الحين يبوني اروح الاشخرة مع الاهل

قالوا بنزعل اذا ما طلعت عندنا

اتراني طلعت مب سهل وما لهم غنى عنيbiggrin

المهم تراني بس حبيت ادخل واغايركم اني بروح الاشخرة tongue.


نشوفكم على خير ان شاء الله

[SEESAW]

مساء الخير للجميع

امس رحنا الاشخرة على الساعة 2

بس انتظرنا اخوي لحد ما يوصل جلسنا بعد الاشخرة بشوي

والموج كان تقريبا هائج اذن العصر ورحت اتوضأ

الا الموجة جايبة عندها صخرة تقريبا كبر رأسيbiggrin وتضربني في قدمي

عاد نزفت شوي واليوم شفتها متورمة شوي بس عادي العوق خفيف

وصلتا لحد خويمة واخذنا خبز براتا ورجعنا

وقفنا الاشخرة اخذنا العشاء

الجماعة كلهم ما اكلوا انا واخوي خلصنلا العشاء خلال 10 دقائق

وقفنا بعد الاشخرة في عروق (طعوس) تجلسنا 20 دقيقة ورجعنا البيت

وسيده عالفراش

عاد الصبح وغوني من الساعو 9 عشان اسلم على اختي وعيالها جايين من الاردن متمشين

وبس

[SEESAW]

انا من الناس اللي ما تتعامل بالرسائل مال الجمعة والاشعار كثير

لما استخدم الرسائل يعني اسأل واتريا اجابة

وتجيني رسائل كثيرة بس ما ادير لها بال

عاد امس قلت لا يقولوا عني بطران وما اذكرهم او شي

فعبيت رصيد ريال في رقمي النورس وسويت حزمة الرسائل ورسلت ل70 شخص تقريبا

خلص الرصيد وعبيت مرة ثانية


الغاية وايدين ردوا عليه يزاك الله خير من معي؟؟؟؟


لانه رقمي النورس ما يعرفوه الاغلبية هععععععع

اخوي رسل لي من معي

قلت له: جميل الهاشمي؟

قال من؟ جميل مجمل

قلت هووو اذا بغيت ديو تعال البيت

وبس هذا شي استثنائي حصل معي امس وحبيت اشارككم فيهbiggrin

[SEESAW]

صباح الخير للجميع

اشكر كل من مر على مدونتي وشاهدها

اليوم مسكت الحاسبة وحسبت معدل رؤية مشاركات مدونتي

وحصلتا 16 مشاهدة لكل مشاركة

يسلموا لي على تشريفكم لمدونتي المتواضعة

لا عدمناكم

[SEESAW]

السلام عليكم ورحمة الله وبركاته

رجعنا لكم بعد غيبة

الغيبة كان سببها كنت طالع كشتة مع عيال عمي وخالي

رحنا بندر الصقلة

الجو كان روعة وصلنا الثلاثاء نصبنا خيامنا وعدلنا مطبخنا واطبخوا لنا الشباب

انا جلست اعدل خيمتي الخاصة ماخذ خيمة الوالد:vb14:

نبي ننام على راحتنا

الساعة 12 الليل هبت ريح قوية وبدت الخيمة تتمايل واخوي نايم عندي

اقوله الخيمة بتطيح يقول مشي بأس

هو نام وانا بعد ما نمت وتطيح الخيمةbiggrin

قالي طاحت الخيمة وانا اقول ماشي بأس تراها مغطتنا هع

قمنا وكان في مطر خفيف هو راح على الخيمة الكبيرة

وانا جلست ارتب الخيمة بسرعة اذا ما حافظت عليها الوالد بيعصب عليه

رحنا الخيمة الكبيرة وكانت الريح قوية قلنا بعد بتطيح الخيمة بس الحمدلله خفت الريح ونمنا

عاد اليوم الثاني نصبت خيمتي مرة ثانية ودامت لحد أمس اللي هو موعد رجعتنا

الجو كان جدا رهيب الطباخ روعة والتسلية روعة

لعبنا كرة يعجبك لما تشوت الحصى بدل الكورةeek.

عاد باكر ورانا رحلة غيرها ان شاء الله مع العائلة الى جزيرة مصيرة

الصيف ما شاء الله عامر بالرحلات


تحيتي لكل من يقرأ مدونتي

[SEESAW]

مرحباين عووودة لكم جميع

اولا مبرووووك عليكم شهر رمضان

الله يرزقنه اتمامه بالوجه اللي يرضيه امين يارب

ويعيده علينا ونحن في ثوب الصحة والعافية

اسمحولي عالغيبة والقطاعة

كنت في جزيرة مصيرة لحد يوم الخميس

بصراحة الجو رهيب درجة الحرارة 24 والهواء شوي ويشلك من مقعدك من شدته

اجواء خريفية ضبابية ولا اروع

رجعنا الخميس والسبت رحت الامارات وبعدها قطر ومسقط واليوم راجع

اللهم سلمنا لرمضان وسلم رمضان لنا وتسلمه منا متقبلا ياذا الجلال والاكرام

[SEESAW]

مرحباين عودة

شفت المنتدى هادي قلت بستغل الفرصة عشان امسح الغبار من على مدونتيbiggrin

عشان ما تشوفوها مغبرة

دخل رمضان علينا وانشغلنا معه

ما في اي شي استثنائي سويته يستحق الذكر

عادي صوم افطار صلاة تراويح باب الحارة ورجاد

وهكذا دواليك :)

ان شاء الله من يطرأ جديد بتشوفوه في مدونتي

يسلموا جميع من يتابع المدونة :)

[SEESAW]

مساء رمضاني مبارك

امس صليت الفجر وجالس فالسبلة ابا اقراء قران

ياني الوالد وقالي خلا بتروح معنا انا واخوك نجيب الغنم

لانه غنمنا صار فضيك السيوح وضيع درب العزبة ولقيناه واصل الجوابي

عاد رحنا عالفجر وسقنا الغنم ابويه قالي انت هات السيارة وانا اخوك بنلايم الغنم لحد ما نوصل الشارعtongue.

عاد انا قلت اوكي بعدها نزلت عنه وخليت هو يسوق وانا واخوي جلسنا نسوق الغنم لحد ما وصلنا العزبة

بس انا الاقل مسيرا منهم

ما ادري المسافة كم بس اكثر من 5 كيلو

طالعين 5:20 من البيت رجعنا الساعة 8

عاد انا دايخ ما نايم الليل سيده على فراشي لحد صلاة الظهر

وبعدها نوم للعصر

وبس :)

[SEESAW]

مساء الخيرات

عيدكم مبارك مقدما

اليومين الماضيين كنت في مسقط وبالتحديد في المعبيلة

طبعا رحت اشوف اصدقائي في الغربة من زمان ما شايفنهم

اللي من 3 سنوات واللي من 8 اشهر واللي من 3 اشهر

عاد رحنا عندهم وجلسنا هاليومين ونشوف اوضاع عملهم وكذا

وكنت رايح اخلص امور العيد بس ما طلعت الا بعطر

لانه الشباب مشغولين بعملهم شوي

رحت مركز البهجة وحصلت طاقيه انما اييييييه

نفس لون الثوب اللي مفصلنه للعيد بس ما طاع ينزلها عن 15 ريالmad.

فما اخذتها ننتظر لبعد العيد بينزل سوقها يمكن

عاد امس راجع من مسقط

وهذي قصاة حياتي اليومين اللي طافوا

[SEESAW]

السلام عليكم ورحمة الله وبركاته

اخباركم؟؟؟

اشتقت للوجوه الطيبة وما بغيت أقطعكم

بس الظروف ما سمحت لي أدش

واللي سأل عني فيه الخير واللي ذكرني فيه الخير

واللي ما لاحظ غيابي فيه الخير

الحمدلله العيد كان حلوووووو بدرجة

يوم الاربعاء الماضي قبل العيد رحت الخميس للأحذية في صور عشان اخذ نعال

درنا المحل كامل انا وولد خالي ما لقينا قياس على رجولنا

ما شاء الله انا مقاسي 45 وهو 46eek.

وايد اشكال عجبني من نوع غزال بس للأسف كل ما تطيح عيننا على نعال نلقى المقاس اقل عن

مقاساتنا، لقيت نعال VANNI ايطالية ب44,5 ريال عجبتني واسرتني وهمت في عشقها

بس للأسف الجيب خااااويbiggrin

واللي عندي ما شجعوني اشتريها

بعدين قلت لهم زوجة المستقبل اتصلت فيه وقالت ما مشكلة بهديك ياها في يوم زواجنا

طبعا انا عملت الاتصال عن طريق الة الزمن اللي شلتني المستقبلconfused.

اخر شي اخذت غزال بس مب النوع اللي بغيته بس غمضت عليها

جاء العيد ودقينا من ذاك العرسي اللذيد الحمدلله


اول يوم عيد سوينا دوري بلاي ستيشن بس للأسف طلعت من أول دورfrown.

اليوم اللي بعده رحنا عالسواحل وانتهينا في صور تغدينا وردينا

عاد ردينا للعب الكورة والاهداف الخرافية هع

الحين طلع شي يديد اسمه خشونة احترافية

بن خالي عرقلني امس تعورت فالركبتين وفكتفي وفايدي

اعرفكم بتقولوا شو هالعشب اللي يعورbiggrin

بسسسسسسس هذا ملخصة يومياتي للأيام اللي راحت

[SEESAW]

مرااااااحب
أمس رحت مسقط لحضور عرس صديقي لكن للأسف حصلت معي بعض الظروف

أجبرتني ارجع البلد

بعدها رحت مع بن خالي كان مطلع سيارتهم من الجراج مركبين مكينة جديدة

فرحنا نجربها

تبعناه من أصيلة السواحل الرويس ودخلنا الوديان

بندت علينا السيارة في وداي الشكلة

حاولنا فيها مشي فايدة اتصلنا في باكستاني كهربائي قال يمكن شي من الوايرات منقطع

حاولنا وحاولنا ماكو فايدة

اخر شي اتصلنا فواحد من الربع عشان يجي ويقلص السيارة

كان معنا بعض الشباب من وادي الشكلة حاولوا يساعدونا في تصليح السيارة يزاهم الله خير

وما راحوا الا من اشتغلت السيارة

بعد ما يئسنا نحن وياهم في المحاولات

قالوا نعرف شخص وهو عماني يعرف يصلح السيارات قلنا هاتوه

فراحوا يجيبوه

وما شاء الله عليه 5 دقائق وعرف المشكلة وصلح السيارة

كان في واير منقطع فركبناه واشتغلت السيارة

بصراحة تفتخر لما يكون شخص من بلدك ماهر في تصليح السيارات

والخبرة المكتسبة لا تتعدى سيارة البيت بلا شهادة

الله يزيد من امثاله

[SEESAW]

عودة من بعيد

بخبركم لما رحنا مصيرة قبل رمضان بأسبوع تقريبا

رحنا على الشاطي والغداء معنا تغدينا واغلب الشباب ناموا على الساحل

انا جلست ومعي الكاميرا قلت بجلس اصور

الجو كان روعة جدا والشاطي فيه مسيلة (الحصا الصغير)

لونهن عجيب جدا عجبني اللون الاسود فجلست اجمع الحصى

اشوي وجات بنت اختي وقالت خالي شو تسوي قلت لها اجمع حصى

قالت بجمع عندك قلت لها تعالي

وجلسنا نجمع وندقها سوالف تقولي شو بنسوي بهذا الحصى قلت بنسوي مشروع

عاد هذا هو الحصى اللي جمعناه والسموحة على رداءة الصورة

http://www.m5zn.com/uploads/2010/10/1/photo/100110031013ihwtu2yu4ua1.jpg (http://games.m5zn.com/*****ng_games.html)

خلص رمضان والحصى في الكبت محد حركه ومسكينة بنت اختي خالي متى بنسوي مشروعنا

عاد المشروع اذا بغيتوا تعرفوه قلنا بنسوي حفرة صغيرة فالحصى وبنسوي منه قلادات واساور

فقلت لازم نروج للمشروع فخبرت الاهل وكلهم استمصخوني على هالفكرة وبنت اختي متحمسة

خبرت زميلاتها فالمدرسة والبنات صغار عجبتهن الفكرة وقالن بناخذهن

عاد انا قلت للاهل اللي بيطلب من الحين بنعطيه بنص ريال واللي بيطلب تالي بريالينbiggrin

المهم جبنا المعدات التالية

http://www.m5zn.com/uploads/2010/10/1/photo/1001100310137dh8s05trwu52aryrmq.jpg (http://games.m5zn.com/*****ng_games.html)
Drilling Machine

http://www.m5zn.com/uploads/2010/10/1/photo/100110031017t94l2wfhs5ie.jpg (http://games.m5zn.com/*****ng_games.html)

Drill Bits

قطرهن 2 ميليمتر لحفر الحصى

http://www.m5zn.com/uploads/2010/10/1/photo/100110031013jrxfvhs9s3.jpg (http://games.m5zn.com/*****ng_games.html)

هذي الصورة لاحدى الحصوات صورتها مع الفلاش واستغربت من لونها

الحصى جدا خفيف وأملس<<<<<<< ياقوت على غفلة

المهم حفرت تقريبا 12 حصاة لحد الحين و5 انكسرن عليه

ان شاء الله يتكلل المشروع بالنجاح عالاقل قلادة وحدة لبنت اختي

لانها متأملة خير من هالمشروع

وبس

[SEESAW]

مدونتي مب عاجبنها الوضع وايد اخليها وحيدة

ومستوحشة مسيكينة

بس عاد روتيني هالفترة نفس الشي يعني ما في شي يديد اطرحه في مدونتي

واخوكم ما يحب الاشعار وكذا مدونتي لسوالفي

وطالما سوالفي عادية اذن المدونة خالية

علاقة طردية للي يحبوا الفيزياء :)

[SEESAW]

رجعة من بعيد للمدونة

أولا عذرا على غيابنا الطويل بس الظروف حدتنا

الحالة اخر الايام كانت جدا تعب في تعب

بس الحمدلله الحين الحال أحسن بكثير

ما أدري شو أقول بس احسني وايد مقصر فالمنتدى

والسموحة منكم

[SEESAW]

السلام عليكم ورحمة الله وبركاته

اليوم 10-11-2010

رحت أصلي الفجر ولما رجعت شفت ابويه واخواني يتريقوا

اللي معه شغل واللي بيروح يقضي حاجة وانا لا شغل ولا مشغلة فقلت بتريق عندهم

تريقنا كباتي (تشباتي) مع جبن وشاي حليب شي اكيد

رحت على فراشي

جاني اخوي الكبير

بنته البكر (7سنوات) مطلوب منها عمل بطاقة تهنئة بمناسبة العيد الوطني الاربعين

قالي سويها لها بسرعة

قلت مشي عندي انترنت<<<<<< شرير

خليته هو يعبي ودورت فالنت خلفيات لقابوس مع علم السلطنة

ولقيت كذا بطاقات هنئة جاهزة

عاد ما لحقت عالبنت قبل لا تروح دوامها

فهو قالي شلها لها المدرسة

بس لا تروح بالسيارة فالشارع العام تعال من وراء البيوت لانه ما عندي رخصة

المهم اختي بعد خبرتني اسوي لبنتها

الشعب كلهم ما يتكلموا من قبل اذا محتاجين شي

ماشين على مبدأ last minute dot com

خليت البطاقات في فلاض رحت بيت اختي طبعتهن

رجعت البيت غيرت ملابسي ورحت المدرسة

مع انه الدكتور قايل لي لا اسوق لاني مسوي عملية في الظهر (بسيطة الحمدلله)

رحت المدرسة وعطيتهم البطاقات ورجعت البيت

قلت بنام لاني كنت تعبان

ياني ولد اختي

خالي تبى سمبوس؟ قلت ايوه قال هات فلوس بمشي اشتري

راح يشتري ما لقى شي

ضيع عليه نومة

بس نمت من 9-11

عاد الظهرية يابولي بنت اخويه نايمة<<<< الاخ مستوي حضانةbiggrin

حطيتها فحضني ونامت

المهم انا كنت شارب ديو وحطيت القوطي على صوب

قامت هي شافت القوطي راحت تاخذه حصلته خفيف

جلست تهزه وبغت تشرب بس ماكو فايدة

فرت القوطي ورجعت تنام

قبل اذان العصر طلعت عنها شوي اسمعها تبكي طلعت برع الغرفة

وشافت ابويه وراحت تركض صوبه تحضنه

وبس هذا يومي

اعرف وايد سولفت بس تحملوني

:)

[SEESAW]

عيدكم مبارك وكل عام وانتم بخير وعساكم من عوداه

وكذلك مبارك عليكم العيد الاربعين لعمان

ومبروك عليكم منتخبنا الاولمبي

وان شاء الله نقول مبروك علينا كأس الخايج

اولا احب اعتذر لمنتديات جعلان لغيابي المستمر عنها

والسبب ظروف شخصية تمنعني من التواجد مثل السابق وان شاء الله تنفرج قريبا


طبعا العيد راح بس ما كان مثل أعياد قبل

افتقدنا اخويه (ابتسم واضحك وفرفش دوما) وولداتي كانوا رايحين الحج

اول يوم عرسية وسيده ذباح

اول يوم ذبحنا 8 رؤؤوس غنم وعاد لازم تجرحك السكين

لما كنا ناكل عرسية جاء اتصال لابويه يخبروه انهم حصلوا غنم في مكان قرب صور يمكن يكونن غنمنا اللي ضايعات

بعد ما ذبحنا وخلصنا اللحم

رحت مع الوالد بعد صلاة العصر للمكان الموصوف بس حصلنا الهوش مب لنا (15 رأس غايبات علينا)

رجعنا البيت عالساعة 8 الليل اصبحنا واكلنا لحمنا

وبعدها ذبحنا بقرة وشرحنا اللحم ومر اليوم الثاني

اليوم الثالث رحنا الخبة جلسنا عالبحر شوي ورجعنا

هالعيد ما كان فيه شي استثنائي

غير 3 يوم عيد ابويه اتصل فيه شخص يخبره عن الهوش

فلما راح حصلهن الحمدلله وحصلناهن زايدات مولودين

وعمت الفرحة العائلة بعد غياب الهوش لمدة تزيد عن اسبوعين

خبرنا ايويه انه الهوش زعلانات لما امي سافرت عنهن ولما رجعت رجعن


عسى ايامكم كلها اعياد ان شاء الله

[SEESAW]

السلام عليكم ورحمة الله وبركاته

اخباركم وعلومكم؟

اسفين جدا على طول الغياب

كنت مشترك في التعداد كعداد وما صار عندي وقت ادخل

من نطلع من البيت الساعة 7 ما نرجع الا الساعة 11 الليل

اليوم خلصنا وسوينا حفلة بسيطة

بس عن جد كانت ايام جدا روعة وذكرى ما تنتسي

تعرفنا على ناس والنعم فيهم يدخلوا القلب من دون اذن

عاد الحين يات الاجازة والناس ناوية تطلع كشتات

ادعولنا بالتوفيق اخواني

واسمحولنا عالقصور

[SEESAW]

السلام عليكم ورحمة الله وبركاته

أخباركم؟

عساكم طياب ان شاء الله

ما اشتقتوا لناcool.

اسمحوا لنا عالغياب الطويل بس ما في فرص ندخل مثل قبل

عموما أخوكم راح اليمن سياحة مع عيالي خالي وأهلي

3 سيارات بيكب اب

اليمن جنان وروعة من حيث الطبيعة

وكذلك شعب مناضل جدا جدا ويارب نشوف اليمن مزدهرة أكثر فمقبل السنين

ان شاء الله بنزل لكم صور الرحلة بس من اكون فاضي

هذي صورتين من الرحلة الالى بعد ما دخلنا حدود اليمن في مدينة نشطون

والثانية في ساحل الصقلة بجعلان لما ردينا من اليمن سوينا عرسية

http://www9.0zz0.com/2011/01/30/06/358743748.jpg (http://www.0zz0.com)

http://www5.0zz0.com/2011/01/30/06/696258918.jpg (http://www.0zz0.com)

ولي عودة بأذن الله متى ما توافرت الفرصة

[SEESAW]

Miss U Baby :(

[SEESAW]

eek.eek.eek.eek.eek.eek.eek.eek.eek.eek.

i will tell u laterconfused.

[SEESAW]

اليوم بحكيكم بشد الكاف على قول اخواننا اليمنيين
معنا كورس مواد مشعة يومين اليوم وباكر
والكورس يبث عن طريق الكاميرا لعشر دول تقريبا
البرازيل~امريكا~النرويج~اندونيسيا~عمان~السعودية وما اذكر من بعد
ونحن فالامارات مع المحاضر
تخيلوا فارق التوقيت بين الدول
الكورس تأخر ساعة ونص لحد ما ضبطوا الكاميرا
واول ما بدينا رن جرس الانذار فاضطرينا نخلي البناية
وتاخرنا نص ساعة زيادة
بس الحمدلله ما طول خلص الساعة ١
ورحت انام لانه الليلة الماضية راجعين من المارينا الساعة ١٢ وصار
لنا حادث بسيط واضطرينا ننتظر الشرطة ووصلنا الساعة ٢
فكنت تعبان
عاد توني راجع من الكورة وبنزل اتعشى شغل بلاش

[خَ'ـفـآيآ آلـ ـرُّـوـح]

سلامااااااااااات

موفقين

[SEESAW]

المغتربه يسلموا والله يسلمك

شكرا عالمتابعة

توه الاستاذ يخبرني اني مطلوب للتحقيق فالحادث اللي صار علينا الخميس الماضي خخخخخخ

[جنوني رائق]

يا ربي حاااااااااااادث

ليه ما تنتبهوا حق انفسكم...

سلامات سلامااااااااات ما تشوفو شر

أنتبهو حق انفسكم

[SEESAW]

امس عملنا برزنتيشن واختبار وطلعنا ١٢ تغدينا لعبنا تنس طاولة وبليارد لحد 2:30 وبعدها رحنا لمسجد الشيخ زايد الله يرحمه
جلسنا ساعتين صورنا وبعدها رحنا سوق الذهب
بعدها مارينا مول تعشينا وسينما
حضرنا فيلم جوني انجلش
فيلم روعة صراحة
اليوم رحنا فيراري وورلد
بعدها رجعنا السكن بيتزا هت وورقة لحد 2:30 الفجر
وبعدها شوية بليارد
بنزل بعض الصور من افضى باذن الله

[SEESAW]

غرور حادث بسيط جدا الحمدلله

[خَ'ـفـآيآ آلـ ـرُّـوـح]

المهم
الحمدلله على سلامتكم
وان شاء الله التحقيق عدى بسلام

ونتريا الصور بشوق

اشتقت لبوظبي حيل
هع

سلااااااااااامي

[SEESAW]

اقتباس:
المشاركة الأصلية كتبت بواسطة المغتربة http://www.jalaan.com/forum/newstyle-200/buttons/viewpost.gif (http://www.jalaan.com/forum/showthread.php?p=937066#post937066)
المهم
الحمدلله على سلامتكم
وان شاء الله التحقيق عدى بسلام

ونتريا الصور بشوق

اشتقت لبوظبي حيل
هع

سلااااااااااامي



المغتربه ما صار التحقيق تأخرت عليهم وكنسلوه

[SEESAW]

بسم الله الرحمن الرحيم
امس كان معنا بطولة البولينج في المعهد
تأهلت للدور الثاني واليوم نلعبه
نحن 4 لاعبين من نفس الصف ونفس البدلة
2 تأهلنا و2 طلعوا
انا لعبي خرطي بس اللي لعبت ضده خرطي بعد
عاد اليوم بيطلعوا مني

http://www7.0zz0.com/2011/10/17/07/800603028.jpg (http://www.0zz0.com)



http://www6.0zz0.com/2011/10/17/07/167502694.jpg (http://www.0zz0.com)

[خَ'ـفـآيآ آلـ ـرُّـوـح]

بعدين القواطي عقوهن فالزباله فاهمين؟؟؟؟؟؟؟؟

تعبنا من التلمليم اني ونوروه

هههههههههه


مبروكين وموفقين مستر

[بنت المضيبي]

دخلت مدونتك عشان افهم موضوع فراري هع هع هع هع


^_^

[SEESAW]

حي الله بالجيران
امس رجعت من الصف بدلت ملابسي ورحت العب كورة
بس ما عجبني اللعب ورديت الغرفة
لما دخلتها
اسمع ازعاج قلت شيت من داخل الغرفة
الصوت ياي من الحمام لما ولعت الليت
اشوف فيضانات فالغرفة
الهوز كان يسرب ماي وبريشرعالي
الغرفة ممتلية ماي تحت السرير وواصل عند الدريشة
بندت الماي واتصلت فالرسيبشن وعاد ين عاملات التنظيف
انا اسفة قلت لهم عادي خذوا راحتكم فالغرفة انا بروح المارينا
رحت المارينا حضرت فيلم ورجعت
اليوم رحنا نشوف مباراة العين والوحدة صراحة اجواء روعة

[SEESAW]

حماس لما تجلس عالبلكون في هالمطر
وشوية مطر وشوي شاي احمر وشوية نت
وتستمتع بالخضرة اللي فالبيت<<<<<<<<عايش الجو ههههه
حلو تتخيل في هالاجواء

[SEESAW]

تصدجوا باكر بحول الله بيكون اول ريوق لي فالبيت من تاريخ 1-7-2011
يعني 4شهور صارلي ما تريقت فبيتنا
سجلوه في موسوعة جينيس

[SEESAW]

حي الله بالشوووووخ

من زمان ما كتبنا فالمدونة والسبب الكيبورد معي ما يكتب عربي

فاتكاسل اكتب فالكيبورد الافتراضي

المهم الحين فالدوام والانترنت بطي جدا

حوالينا جبال من كثبان رملية

فمشي لا نت ,الا بالغصب, ولا هم يحزنون

فانا وزميلي باكستاني نروح نسوي رياضة الصباح فالعروووج

اليوم من رجعنا من الرياضة قلت بروح استكشف اذا في نت في الجبل قصدي العرجcool.

شليت العدة حصير واللاب توب والمودم وستاند للاب توب

وحصلت تغطية بسيطة دخلنا النت وبعدها رحت انام

الحين فالدوام وحصلت تغطية تطفر بك لحد ما تشبكmad.

بس شي احسن من لا شي

عندي صور بس اعتقد يبالهن يومين لحد ما ينرفعن

[UNBREAKABLE]

اقتباس:
المشاركة الأصلية كتبت بواسطة Mr. Consultant http://jalaan.com/forum/omanvb41/buttons/viewpost.gif (http://jalaan.com/forum/showthread.php?p=946658#post946658)
حي الله بالشوووووخ

من زمان ما كتبنا فالمدونة والسبب الكيبورد معي ما يكتب عربي

فاتكاسل اكتب فالكيبورد الافتراضي

المهم الحين فالدوام والانترنت بطي جدا

حوالينا جبال من كثبان رملية

فمشي لا نت ,الا بالغصب, ولا هم يحزنون



ياااخي بوصيك
اباك تجيب لي ضب محترم
صدج
كم مره اوصي الشباب اللي يشتغلوا عند الضبان وينسوا
واحد من الربع مسك لي واحد بس قالي ما طاعوه الشباب يدخله الباص هههههههههههه

[SEESAW]

اقتباس:
المشاركة الأصلية كتبت بواسطة UNBREAKABLE http://www.jalaan.com/forum/newstyle-200/buttons/viewpost.gif (http://www.jalaan.com/forum/showthread.php?p=947165#post947165)
اقتباس:
المشاركة الأصلية كتبت بواسطة Mr. Consultant http://jalaan.com/forum/omanvb41/buttons/viewpost.gif (http://jalaan.com/forum/showthread.php?p=946658#post946658)

حي الله بالشوووووخ


من زمان ما كتبنا فالمدونة والسبب الكيبورد معي ما يكتب عربي

فاتكاسل اكتب فالكيبورد الافتراضي

المهم الحين فالدوام والانترنت بطي جدا

حوالينا جبال من كثبان رملية

فمشي لا نت ,الا بالغصب, ولا هم يحزنون



ياااخي بوصيك
اباك تجيب لي ضب محترم
صدج
كم مره اوصي الشباب اللي يشتغلوا عند الضبان وينسوا
واحد من الربع مسك لي واحد بس قالي ما طاعوه الشباب يدخله الباص هههههههههههه




how much will you pay for this?

[UNBREAKABLE]

هههههه

يعتمد على حجمه وجماله
وايضا ما ننسى اذا كان ضب دلووع او نذل

اهم شي اباك تجيب واحد وبعدين بنتفاهم

هههههههههه

[SEESAW]

اقتباس:
المشاركة الأصلية كتبت بواسطة UNBREAKABLE http://www.jalaan.com/forum/newstyle-200/buttons/viewpost.gif (http://www.jalaan.com/forum/showthread.php?p=948606#post948606)
هههههه

يعتمد على حجمه وجماله
وايضا ما ننسى اذا كان ضب دلووع او نذل

اهم شي اباك تجيب واحد وبعدين بنتفاهم

هههههههههه



حبيبي الحياة تجارةcool.

وبعدين الضب مب شي سهل

قيمة الضب تتأثر بعدة عوامل:

1-كم المدة اللي بركضها وراه.

2-عامل الخطر: لو الضب وحده موجود كنا بنرخص بس انت عارف المكان كله متروس افاعي عقارب حصيني.

3-السيفتي مان مستحيل يفلتني اركض على راحتي يعني لازم ترتيب

4-حجم ونوع الضب

5-لون الضب ومكان تواجده

6-التكييس كيف تباه

7-الشحن والنقل

من نتفق على سعر بوافيك بكل تفاصيل البيع

يعني من الحسابات الاولية واخر شي بدون تنزيلات 200 ريالtongue.

كم تدفع عربون??

[لمسات الحنين]

هههههههههههههههه وااايد عاد عطيه ديسكاونت..عشان عيد الوطني بعدك

[UNBREAKABLE]

هههههههههه

اقولك انا طالب غزال؟؟!! هههههههه


انزين 200 واااايد ما يستاهل على ضب

سيفتي وركض!! انت ما تعرف ان الضب شجاع.. ما يهرب مرات يتيبس جدامك ويضحك

انت شكلك تخاف منه عشان جيه مغلي ههههههههه

تعرف لو اقول لاخويه الصغير بيروح يمسك لي 10

ههههههههه خااااصه اخويه الصغير.. ما مسمينه صدام على الفاضيbiggrin

بيخلص الضبان اللي عندكم كلهم هههههههههه

المهم خلاص ما ارييد شي .. طلعت خوااافbiggrin

انت الحين خسرت زبون مهم.. كنا بننشأ شركة حمدان للضبان بس خربتها علينا ههههههههه

biggrinValuable costumer

[لمسات الحنين]

وووووووووووووويييكك ويك ويك خخخخخ خسرت التجارة هههههههههههه..مسيكين

[SEESAW]

هالصوره عشان بس تعرف ان قيمة الضب مضاعفة 10 مرات هنيه

بس نفس الشي تحس نفسك تاكل لحم انما ايييييه

يعني كأنك ماخذ عطر من امواج او تشنيل وغيرك ماخذ من اي بسطة.

او ماخذ جينز من NEXT وغيرك ياخذ من بشرى الخير


http://www13.0zz0.com/2011/11/25/20/327444430.jpg (http://www.0zz0.com)

تخيل الجهد المطلوب في هالبيئة

على فكرة الغزال عندنا ب2000

[SEESAW]

الصورة تختصر الف كلمةtongue.


http://www12.0zz0.com/2011/11/27/19/198134039.jpg (http://www.0zz0.com)

http://www5.0zz0.com/2011/11/27/19/168472755.jpg (http://www.0zz0.com)

http://www11.0zz0.com/2011/11/27/20/595559503.jpg (http://www.0zz0.com)

http://www2.0zz0.com/2011/11/27/20/617799420.jpg (http://www.0zz0.com)

[SEESAW]

:vb44:I feel so sleeeeeeeeeeeeeeeeeeeeeeeeeeeeeeeepy

:vb10:I want to sleeeeeeeeeeeeeeeeeeeeeeeep but I cannot dare it

mad.time for coffee

[SEESAW]

Look into my eyes, you will see
What you mean to me
Search your heart, search your soul
And when you find me there you'll search no more

Don't tell me it's not worth tryin' for
You can't tell me it's not worth dyin' for
You know it's true
Everything I do, I do it for you

Look into your heart, you will find
There's nothin' there to hide
Take me as I am, take my life
I would give it all, I would sacrifice

Don't tell me it's not worth fightin' for
I can't help it, there's nothin' I want more
You know it's true
Everything I do, I do it for you
Oh yeah

There's no love, like your love
And no other, could give more love
There's nowhere, unless you're there
All the time, all the way, yeah

Look into your heart, baby

Oh, you can't tell me it's not worth tryin' for
I can't help it, there's nothin' I want more
Yeah, I would fight for you, I'd lie for you
Walk the wire for you, yeah I'd die for you

You know it's true
Everything I do, oh, I do it for you

Everything I do, darling
And we'll see it through
Oh we'll see it through
Oh yeah

Yeah!

Look into your heart
You can't tell me it ain't worth dying for
Oh yeah

I'll be there, yeah
I'll walk the wire
Oh, yeah

I'm going all the way, all they way, yeah

[SEESAW]

صراحة الجو كان معنا رهيب
كأنه خريف صلالة ضباب كثيف

[SEESAW]

الى مدونتي العزيزة

الى من تركتها وحيدة لفترة طويلة

للتي كانت ملجأي الوحيد للتعبير والتشفير

اجد نفسي مقصرا في عدم الاهتمام بك

وتركك مهجورة

فلتعلمي مدونتي انقطاعي لم يكن بسبب اهمالي

فانتي تعلمي كم انتي قريبة الى قلبي

وانتي الوحيدة اللي تشاركيني اسراري<<<<<<<<على اساس انه الاعضاء ما يشوفوا ردودي فيكbiggrin


المهم يكفي مقدمة باردة

انقطعت عنكم وقل تفاعلي لكثرة الشغل والانشغال وزاد الطين بلة الكمبيوتر ما يكتب عربي

فادخل اشوف من بعيد لبعيد واللي يشوف اسمي مسجل يعصب يقول ليش يدخل بدون فايدةeek.


واخيرا رجعت البيت بعد غيبة طويلة وبتكون عندي اجازة محترمة ان شاء الله

عاد مشي رجاد بعد صلاة الصبح اروح صور ارجع الظهر


اخذلي قيلولة وعصر العب كووورة

غير البق والصامت كرهني حياتي مدري وش يجذبه لوجهي

عاد بارحه مشيت افصل 4 ثياب

كل ما فصلت ثياب رحت فترة بعيد عن البيت ورجعت تختفي ثياب

ثيابي كلها جديمة وناقعة

الحين لازم افكر في طريقة انه ثيابي ما تختفي

المشكلة انا وخوتي نتلابس

وعاد تعالوا دوروا الثياب البيض اذا ما فيهن علامة مستحيل تفند ثوبك

اليوم زادت عندنا مولودة لأخوي

وعاد مشيت عنده اتعشى<<<<< يعجبني مال بلاش


احس العشاء واصل الحد مني ما قادر اتحرك


المهم اوصيكم في اخر هواتي انكم تشربوا كوبا من الحليب قبل النوم


يقولوا انه ينظف مجاري التنفس من ذرات الغبار

المهم نتلاقى على الف خير ان شاء الله

[SEESAW]

قررت اسوي احصائية لاحسن مدونة في القسم

خلوني احسبها وبنزل لكم النتائج

من تتوقعوا في المراكز ال3 الاولى؟

[لمسات الحنين]

على اي اساس تختار ههههه؟

[SEESAW]

اقتباس:
المشاركة الأصلية كتبت بواسطة لمسات الحنين http://www.jalaan.com/forum/newstyle-200/buttons/viewpost.gif (http://www.jalaan.com/forum/showthread.php?p=958809#post958809)
على اي اساس تختار ههههه؟


حسبة رياضية بس تعطي مؤشر مش دقيقة

بس احس نفسي متعايزنها biggrin

ما خصها فرأي الاعضاء مجرد ارقام وبس

[لمسات الحنين]

عيل احسن لا تسويها بتسبب حزازيات ههههه

[SEESAW]

اقتباس:
المشاركة الأصلية كتبت بواسطة لمسات الحنين http://www.jalaan.com/forum/newstyle-200/buttons/viewpost.gif (http://www.jalaan.com/forum/showthread.php?p=958828#post958828)
عيل احسن لا تسويها بتسبب حزازيات ههههه


لا لا ما فيها حزازيات الجميع هنا يشاهد المدونات

وجميع المدونات لها معجبين اذيه بس نسوي نكهة

ولا بسحب عليهم مراح اسويها لانها يبالها فاجه واللاب اليوم عندي بس هع

اقولك تعالي بقولك سر<<<<< لا تكتبي فمدونتي ولا بعصب ههههه

[لمسات الحنين]

واو احسن شي .احب اخلي حد يعصب وايد هههههههههه
فالك طيب

بس بخخربش شويات تكون ذكرى

[SEESAW]

تصبحون على خير

انا يبا يرجد بعد ما اشوف المباراة

مع السلامة

سبحانك اللهم وبحمدك اشهد ان لا اله الا انت استغفرك واتوب اليك

[SEESAW]

قبل ما اروح

اليوم في صور

التقيت بناس من البندر والسويح

اييييييييه يالوييييه وافجررررررر اميه هيش جالس تسوي دسرااااانه

يسالوني انت من هين

اقولهم من بلاد وما طاعوا يصدجوا

ما ادري من لهجتي ولا لاني لابس طاقيه

هيش من القبائل قلت لهم هاشمي

محد هاشمي فجعلان غير فسيح سنده

عيل الحلال انا من بلاد

يقولوا بنياحد عنك انك من مسقط

بعدين سألوني من جيرانكم وتحقيق لحد ما قل شكهم

وبعدهم ما صدجوا اني من بلاد

[SEESAW]

قلة الشغل خلتني اسوي احصائيه
من المدونه اللي عليها اقبال
عشان نكون قريبين للدقه
قسمنا عدد المشاهدات على الردود وعدد الايام
والنتائج كالاتي

unbreakable 6.5%


لمسات وseesaw 5%

جعلانيه كول 4.2%

Orkid 3%

[SEESAW]

كاميرتي من زمان ما استعملتها
فتحت كبتي وشغلت الكاميرا
حصلتها مدونه يعني ما في بطاريه
شرشتها وصورت صورتين


http://im18.gulfup.com/2012-01-14/1326525293131.jpg (http://www.gulfup.com/show/X34hhr0k3ie7s)

http://im18.gulfup.com/2012-01-14/1326525293972.jpg (http://www.gulfup.com/show/X34hii35pco1n)


الربع سوولي رساله انهم يبوا يطلعوا رحله
وقلنالهم على جداكم
لمسات طلبت مني اصور
فخذيت الكاميرا وصورت بس صورتين


http://im18.gulfup.com/2012-01-14/1326525293783.jpg (http://www.gulfup.com/show/X34hitubpgagh)


http://im18.gulfup.com/2012-01-14/1326525293184.jpg (http://www.gulfup.com/show/Xb8y7e1z6m09)

[لمسات الحنين]

يسلموووووووووووووووو سي سو...صور حلووة خاصة الثانية روووعه وكان فيها تأثير

[SEESAW]

اقتباس:
المشاركة الأصلية كتبت بواسطة لمسات الحنين http://www.jalaan.com/forum/newstyle-200/buttons/viewpost.gif (http://www.jalaan.com/forum/showthread.php?p=961581#post961581)
يسلموووووووووووووووو سي سو...صور حلووة خاصة الثانية روووعه وكان فيها تأثير


it is pure photography

no photoshop no paintbrushbiggrin

thanx for the compliment

[لمسات الحنين]

ههه اعرف انه ما فيها تاثير من برنامج..يمكن بسسبة لفحه النار عامل تاثير

[SEESAW]

لا اله الا انت سبحانك انى كنت من الظالمين لا اله الا انت سبحانك انى كنت من الظالمين.‎
لا اله الا انت سبحانك انى كنت من الظالمين لا اله الا انت سبحانك انى كنت من الظالمين.‎
لا اله الا انت سبحانك انى كنت من الظالمين لا اله الا انت سبحانك انى كنت من الظالمين.‎
لا اله الا انت سبحانك انى كنت من الظالمين لا اله الا انت سبحانك انى كنت من الظالمين.‎

[SEESAW]

اللهم لك الحمد والشكر كما ينبغي لكريم وجهك وعظيم سلطانك

اللهم لك الحمد والشكر كما ينبغي لكريم وجهك وعظيم سلطانك

اللهم لك الحمد والشكر كما ينبغي لكريم وجهك وعظيم سلطانك

[SEESAW]

السلام عليكم

اخباركم?

اليوم كان ملي بالنشاط والحيوية.eek.

رحت صور الصباح علشان اقدم تراي لليسن

والحمدلله توفقت فيه.

رجعت البيت وفتحت النت

وكان فيه اتصالات منيه مناك عشان نرتب للمباراه

كان معنا مباراه في ملعبنا بس للاسف لانه داخل في تخطيط الصناعيه

اليوم صاحب قطعة الارض قرر يبدا العمل فيها

يعني ما حبكت الا لما تكون معنا مباراه!frown.

بعدين نقلناها نادي الوحدة

وانهزمنا بعد ما كنا متقدمينrolleyes.

باكر نسافر ان شاء الله للدوام

ووووووووبس

[لمسات الحنين]

هههههههههههههههههههه مسااااااااكين وااااااااه ههههه يا حرام......بس لا تبكي بعطيك حلاوة نزين ههههه...

[SEESAW]

بسم الله الرحمن الرحيم
صبحكم الله بالخير قماعة الخير
جمعه مباركه علينا وعليكم
كنا فالدوام وما زلنا فالدوام وسنظل فالدوام الى اجل غير مؤكد المدى
الحمدلله انه الموقع هالمره قريب من ولاية ادم
يعني توصل الولايه تتسوق تغير جو
تاخذلك شوارما شاي وترجع السكن تنخمد
تقوم الفجر تصلي وتروح الدوام وترجع المغرب
واحيانا متأخر تشوف التلفاز شوي وانخمد

وهو الروتين
عاد هالموقع في احتمالية خطر غاز كبريتيد الهيدروجين
وهو غاز سام جدا ويقتل فلحظات
فعاد تقرتبا كل اسبوع يسووا انذار عشان يشوفوا ردة فعل العمال
ولازم تحلق لحيتك ولا ما يدخلوك الموقع
عشان اللحيه بتخلي الماسك مال الاكسجين ما يلزج فالوجه كامل
فاحتمال يدخل الغاز من المسامات
عاد اللحيه كل يومين تكبر بس نتأخر لحد ما يكلمونا
وعاد السيفتي هنيه متشددين لازم تصاريح في كل شغله
حتى لما بتطلع ارتفاع بسيط لازم تربط حزام وشغلات
الحمدلله فالموقع كل شفت فيه حد من بلاد
فما تحس انك متغرب وحتى الشباب الثانين سوالف وضحك.

[SEESAW]

تعبت من كثر ما اشرب الشاي واضحك على الوقت اني ما ابالي

عيا يمشي معي ويقول لي لو تتبع الشاي بنسكافيه ما تزيد في سرعة عقاربي شي

ارجع واقوله يرحم امك زهقت ولشوفة هلي جنيت

يرحم امك يا وقت بسك مخفه واثقل شوي

وبس نيحت بطاريتيeek.

[SEESAW]

محشش زعل على امه
راح اشترى كرتونين حليب
وعطاها اياهم وقال لها اللي بيننا انتهى

[SEESAW]

هذي شغلة سي سو
اغلب الوقت اقابل هالكمبيوترات
عينك اكثر شي يتعب فيك


http://im13.gulfup.com/2012-02-20/1329742404141.jpg (http://www.gulfup.com/show/Xc3mmxi9s5ly)


http://im19.gulfup.com/2012-02-20/1329742832241.jpg (http://www.gulfup.com/show/Xc3mu6shhhe2)

[ونة غلا]

واتا اقول هيش اذيه الشغلة الفنتك عنده
24 ساعة فالمنتدىbiggrin

[SEESAW]

لا تحسدينا عليها:)

[ونة غلا]

نعاك عمري داومنا يومين وكعاد حلجي يعورني:b76deb04d1:

[لمسات الحنين]

يا عيني..هذي الوظيفة الزينة..جلسة كرسي ومقابل كمبيوتر احلى شي

[SEESAW]

لمسات هذي جزئيه بسيطه من الشغل
فيها اشغال بدنيه بداية وأثناء وبعد كل وظيفه
من غير التقارير اللي تعديها يوميا وتقرير نهائي في النهايه.
والجلسه قدام الكمبيوتر تراقبي قياسات واشارات واشياء
يعني فيه تعب بعد

[لمسات الحنين]

اهاااااااا....الله يعينكم عيل

تعب عيووون اصعب شي

[SEESAW]

ايه والله تعب عيووون صعب
صداع وقلة تركيز

[SEESAW]

http://www.youtube.com/watch?v=PSMCKNkKyFA






هذي مجموعه تغني بدون ادوات موسيقيه
صراحة روعه وحبينا نشارككم فيها

[لمسات الحنين]

مشي ظاهر سي سو..وينه

[SEESAW]

فضحتينا
خلينا نحمله
ما طاع يظهر

[لمسات الحنين]

ااهااااااااااااااااااااااا...شايفتنه هذا حلو وايد..



دوم على اليوتيوب انا هههه مشي معرفه

[SEESAW]

خبر لتتعلم منه حماية المستهلك اللي عندنا
الامارات سحبت الكولا والبيبسي من الاسواق
على كبر اسم هالشركتين بس وقفوا هالمشروبين
بسبب انهم انقصوا حجم العبوات من355ml الى300ml
بدون اذن مسبق


http://www.khaleejtimes.com/DisplayArticle09.asp?xfile=data/theuae/2012/February/theuae_February573.xml&section=theuae (http://www.khaleejtimes.com/DisplayArticle09.asp?xfile=data/theuae/2012/February/theuae_February573.xml&section=theuae)

[SEESAW]

شباب وشابات
صبحكم الله بالخير
اليوم احس نفسي ابا اعزمكم على كوب شاي
شو رايكم?
تراه اليووووووود بالفوسفور قصدي بالمايوووود
وانا انسان ما عندي الا ابريق كهربائي للماء بس
بس عندنا خفايف تاكلوها على الشاي
اهم شي الشباب ماشي لحيه والبنات ماشي عضاضات هههههه

[ونة غلا]

انا ابا شاهي بس عصر
الحين بتغدي biggrin
وبلبس عضاضة سويلنا استثناء tongue.

[SEESAW]

هلااااااااااااااوي
كل ما اذكر الماضي اجلس اضحك واللي يشوفني يقول اكيد فيه شي.
بخبركم عن جنوني من زمان.
لما كنت فنيوزلاند بعد ما تمينا تسع شهور متواصله فيها
وكانت لي اول سنه برع عمان
كان موعد رجوعنا لعمان تاريخ ٦/٦/٢٠٠٦
وعاد انا ابا اطلع فيها.
قلت لربيعي الرحله طويله اكثر من ٢٤ ساعه
فليش ما نظل سهرانين اليوم اللي قبل عشان نرجد فالطائره
وتمر الرحله ونحصل نفسنا في عمان
هو وافق سواء بغى او لا.
وتمينا سهرانين اذاك اليوم فالكمبيوتر لاب
وقريب الفجر كل واحد يتثاوب من صوب.
المهم رحنا المطار وطلعنا من نيوزلاند صوب سنغافوره
ولا رجدنا البر الرحله تمت ١١ ساعه
ترانزيت ٣ ساعات وبعدها دبي ٦ ساعات وترانزيت ٦ ساعات
وبعدها عمان والاهل فالمطار ورحت البيت ونمت الساعه ١٠ الليل
يعني اكثر من 48 ساعه بدون نوم
وربيعي يقول اللي يسمع شورك مره ثانيه
هههههههه
لما رحت ابا ارجد حتى ما اشوف طريقي من التعب
وقوموني من نومي الساعه ٥ يعني من بعد الفجر ما في نوم
وايد مواقف عندي كل ما اشوف نفسي ملان بنفصح عنهن

ارجو ان تكونوا قد استمتعتم مع امل اللقاء بكم في مواعيد قادمه
والسلام عليكم ورحمه الله وبركاته
مقدم البرنامج سي سو الهاشمي

[لمسات الحنين]

عاش عاش دريولنا عاش عاش اقصد الهاشمي عاش عاش ههههههه..

نتريا مفاجأآت اكثر

[SEESAW]

حياكم الله وبياكم زوار مدونتي المتواضعه.
المعذره منكم تراه ما عندي كنبات وتلفزيون ال سي دي
على حيل هالحصير والراديو.
احب اتفاعل مع ضيوفي ما ابا التلفزيون والاشياء الثانيه تشغلهم عني.
بسني خرده
ما اذكر التاريخ بالضبط
بس من ضمن ايام نيوزلاند.
انا كنت ساكن مع عيوز وعندها ولدين واحد عمره ٢١ والثاني ١٦
وكانوا ساكنين معنا سعوديين.
المهم يوم من الايام كانت عندي طاقه ما عرفت كيف احولها
الى طاقه كهربائيه فقلت احسن نتخلص منها وبنسوق سيكل.
شليت سيكل الولد الاصغر بود ما استئذنت طبعا.
وقمت اسوق فالحي.
عاد ربيعي السعودي كان برع البيت يغير جو وكان مقابل البيت
فقلت بسوي حركه بجي بسرعه وبصرخ بقول محمد وقبل لا ادعمه بضرب بريك
وجيت مسرع ٢٢٠ وقلت محمدbiggrin
توقعوا ويش صار?????????????





ضربت البريك اللي قدام عن الخلف وضربت الرصيف
وانقلبت رأسا على عقب
طبعا اياديه تعورت فيهن والدم غطاهن.
وربيعي السعودي منذهل
اللي صار بعدين في عائله اجنبيه كانت ماره بالقرب وشافوا اللي صار
فانا قلت مب زين اخلي نفسي متعور وجلست اضحك والسعودي
منهبل يقول كيف يضحك وكذا صايره حالتي
بعدين شلتني العيوز داخل وسوتلي بلاستر
بس عانيت اسبوع لما اسبح والبس وجلس على ايدي
جنون سي سو كان هنا :)

[SEESAW]

http://29.media.tumblr.com/tumblr_lc41lwXdVB1qb8j7oo1_500.jpg

[SEESAW]

كم اكررررررررررهك ايتها المتعجرفه
كم اكرهك ايتها..........................ما اريد اوسخ لساني
كم اكرهك يا عمان موبايل
كل يوم تجيني رسائلهم بعروضهم البايخه
كل ما اسمع التلفون يرن افرح اقول حد راسل لي واخر شي تطلع عمان موبايل
اليوم رسلت نكته لكمين نفر من العائله بعدها بشوي رن الفون
قلت اكيد حد يعلق على النكته
طلعت عمان موبايل
اكرررررهك حد الثماله يا عمان موبايل

[SEESAW]

امس طول اليوم كنت عايش بعدسه وحده
مشيت اصلي الفجر وحاط نظاراتي على صوب
بعد ما خلصنا واحد قام واقول فخاطري لا يكون داس النطارات.
بس ما عطيته انتباه
طلعت من المسجد ونسيت النظاره
من وصلت الدوام ذكرتها.
فاتصلت فربيعي قلت وانت جاي هات النظاره معك بتحصلها في المسجد
المهم جابها الما جيت انظف النظارات اشوف العدسه اليمين مب موجوده
قلت له كيف كذيه تأكس من مخباه ما حصلنا العدسه
اتصلت فربيعي قلت شوف بتلقى شي عدسه في المسجد قالي ما حصلت
المهم كملت يومي وانا لابس النظاره بعدسه وحده
لانه عيني اليسار اضعف وايد من اليمين.
لما رجعت السكن حصلناها في المسجد
وركبتها والحين عندي عدوستين :)

[SEESAW]

يا اخي خلينا نقتل عمارتنا.
هذا اللي عندي في الشغل
لما نريد نشرب مشروبات غازيه
يقول يا اخي من زمان ما قتلنا انفسنا
خلينا نقتلها

[SEESAW]

احس اثار تأهل المنتخب للتصفيات النهائيه لكأس العالم
حلمت عمان كانت تلعب مع اسبانيا
الشوط الاول انتهى بالتعادل السلبي
فوزي بشير خسر انفراد
عاد الشوط الثاني عمان كانت متقدمه واحد
من جابه لا تسألوني
لاني ما شفته
ههههههه

[SEESAW]

مضبي تااااااايم يمي يمي

[SEESAW]

حي الله بالجماعه الطيبه.
من زمان ما دخلنا المنتدى.
كنت ادش من الفون شغل جلدي ملدي.
بس الحين من لاب توبي.
هالاسبوع كان مليان شوي.
يوم السبت رحت مسقط مع اخوي.
رحت الشركه سلمنا عالربع
وكلمت المدير شوي موضوع مهم ما اخذ دقيقتين هههه.
هناك يوم بتواحي عق كلامك وطش ولا بيرسلوك الدوام,
ما يحبوا يشوفونا في المكتب.
نزلت عند الايتي عطيتهم لابي سووله ابجراد لويندوز سفن.
طلعت عنهم رحت الشقه ريحت وعصر طلعت مع اخوي نغير جو
ونتشرى اغراض.
يوم الاحد رحت مفكز مسقط لعلاج العيون بالليزر
وفحصت عنوناتي عشان ابا اسوي عملية ليزر.
حطولي قطرات ما تخليك تشوف دربك رتأثيرها يتم يوم كامل.
عاد كل ما جاتني رساله او اتصال اخلي اخويه يقرالي.
يوم الاثنين اتصل فيه الدكتور وقال ابا اكلمك في موضوع
قلت قول اللي فخاطرك كله امبونك لا تخيل وسرك كبير.
قالي ليش تبى تسوت عمليه نطرك مب ضعيف وايد.
قلت والله هايته ضعيف وراوني الفرق في النظر قبل وبعد العمليه
وقال ما بالك عمليه خليك على نظارات اصلا عينك ما تبذل جهد وايد عشان تشوف وانته تفتكر انه ضعيف
وتفركشت العمليه الحمدلله عاد رجعت لهم بالاربعاء وخذت قياسات النظارات.
يوم الاتنين لعبنا بولينج بس خبصناها خبص انا العب لود خالي وهو يجمع نقط عالفاضي.
يوم الاربعاء رحت المكتب شليت لابي وحصلت ربيعي الباكستاني.
راسل عنده تلفوني موتورلا يصلحه لي من باكسكان على قول بنت اخوي.

هالتلفون وايد عزيز عليه مع انه ما يسوى عشرين ريال بس احبه.
المهم بالاربعاء ظهر طلعنا من مسقط نكنا نتابع مباراة عمان عالراديو.
وصلت ورحت السوق نظارات نعيم عشان النظارات.
ومشيت سوق التلفونات ادور على واير شرش للموتورلا ما حصلت الا في اخر دكان.
لما شرشت الفون وشغلته لوحة المفاتيح ما تشتغل :(
منحووووووووس.
الحين لازم ارسله مكان ثاني عشان لوحة المفاتيح اهي اهي.

[SEESAW]

امس الصبح بنت اختي يمكن عمرها اربع سنوات
خالي خالي انت تشجع برتلونه ولا ريال مدريد.
قلت لها برشلونه وفرحت قالت نابه اني اشجع برشلونه
برشلونه فوق المروحه وريال مدريد تحت الزوليه هههههه
فديتها والله.
واليوم خلينا بنات اخواني سنتين ونص عمرهن خليناهن يتضاربن
وصورتهن بالكاميره هههههه

[SEESAW]

يقولك محشش احكموا عليه بابلاعدام قالوا له تبى شي قبل لا نعدمك
قال عطوني البلاك بيري.
كتب برب اعداااااام تااايم.

واحد امسكته الشرطه بتهمه سرقة منزل
وجلسوا اسبوعين يحققوا معه ومشي فايده.
قال له المحقق ناس شافوك في الجدار
قال اااااوه كاك انا لديك
وقاله بصمات ايدك في المندوس
قال اووووه كاك انا لفاااار
وقال له ناس شافوك في السكه ليلة السرقه
قال اااوووووه كاك انا لحمار

اسمنه بيستسلم المحقق ههههههه

[SEESAW]

اليوم رحت الاشخره خذتلي غداء ومشيت اتغدى على البحر.
بس كيه تصنيفه بغيت استوي رومانسي بس مشي فايده
جلطت غدايه ورجعت بسرعه ههههههههه

[SEESAW]

تحشيش تاااايم

محشش رمى حرمته من الطابق العاشر نزل لها حصلها ميته قال دلووعه ما تتحمل مزاح

محشش طفرتبه سنوره شلها وعقها برع جعلان لما رد البيت حصلها

راح وشلها الربع الخالي وعقها بعدين اتصل فحرمته قال لها كيف وصلت السنوره قالت ايوه قال الشيمه خليها تجي تدليني الدرب

سلااااااامن عليكم

[SEESAW]

سبحانك اللهم اشهد ان لا اله الا انت استغفرك واتوب اليك

[SEESAW]

السلام عليكم اخباركم?
ما عندنا ارسال في الموقع
مع السلامه

[خَ'ـفـآيآ آلـ ـرُّـوـح]

وعليكم السلام


احسن بنرتاح منك
خخخخخخخخخخ
امزح
ربي يعينكم



الله يحفظك ^^

[SEESAW]

Still in the location :(

Juma3ah Mubarakah to all of you.

[SEESAW]

واخيراااااااااا

الحمدلله خلصنا الوظيفه وطلعنا من المعتقل.

كيفكم؟

عساكم بخير ان شاء الله

[SEESAW]

بسم الله الرحمن الرحيم

اخباركم قماعه الخير؟؟؟

شو معدلين؟؟؟

من زمان ما دشينا المنتدى

ودونا مكان ما فيه تغطيه البر.

ونضربلك وسط اذيك الرمول 4 اسابيع كامله مكمله.

الافاعي والعقارب ببيسه.

على قول زميلي السوداني لما الشباب حصلوا افعى جلسوا يصارخوا ويلحقوها لحد ما قتلوهاز

هو كان نايم ويسمع صراخ قال حشى شايفين اسد مب افعى.

عاد ونحن راجعين بالاحد الصباح صار عندنا بنشر وجلس غير التاير بس اهم شي نوصل.

باتيت في مسقط خلصت بعض الامور

رجعت البيت بالاثنين امس رحت صور

وباكر نزوى ان شاء الله.

والحياه مستمره

[SEESAW]

نتغدى ونرجع لكم :)

ما نعزم

[SEESAW]

يوم الثلاثاء الماضي رحت صور عشان نشوف ترتيب لجوازي الغايب.

كنت محتاج جواز ضروري وقالوا لي لازم تقدم بلاغ وتنتظر ثلاث شهور.

يا جماعة الخير ما اقدر انتظر قالوا ما نقدر نسوي شي لك.

رجعت البيت وجلست ادور مره ثانيه ودورنا فالسيارات وماشي فايده.

فصرت بدووون :(

بعدين قررت اسوي مكافأه للي بيلجاه

وبعد ما اقريت المكافأه حصلته.

الدنيا ما تمشي الا بمكافأت بس الحمدلله اهم شي حصلته وما اضظريت انتظر ثلاث شهور.

بالخميس رحت نزوى حضرت عرس صديقي وبعدها مسقط نمت هناك والجمعه جوله في مسقط.

وخلصت بعض البزنس بالسبت ورجعت.

والحين في بيتنا :)

بس صدج انه الشبكه مصخره معانا في جعلان

[SEESAW]

Failing to Plan Is Planning to Fail

[SEESAW]

أمس ونحن راجعين البيت كانت في امطار وبرق ورعود في نزوى ومصرون.

اجواء كانت جدا روعه

واحتوانا السيل وتأخرنا شوي

واصلين البيت الساعة 8

لما كنا ننتظر السيل لحد ما يخف

كان في شايب معه تيرسل

يقول كيف اقدر اخوض

قلنا له لا خالي استريح مكانك ما تقدر عليه.

حتى شعبه بسيطه سيارتك ما تقدر عليه.

[SEESAW]

باكر دوام من الساعه 7 ولسه مب نايمين

كهربه ماكووووو في نزوى:(


شي واوصل لدرجة التبخر!!!!

الكهرباء ارق

[SEESAW]

اللهم لك الحمد كما ينبغي لكريم وجهك وعظيم سلطانك

[بنت جعلانية]

مرة أشكر الوقت
يوم الوقت لي جابك
ومره أكره الوقت
لا شعرت بكثرة غيابك













y

[SEESAW]

عندما يستغرب الانسان شيئاا. فإن اقل ما يقوله غريبه!!!!!

[خَ'ـفـآيآ آلـ ـرُّـوـح]

غريييييبه!!!

[بنت جعلانية]

ان رفعت الصوت صحت يا بعدك
وان قويت اسكوت آه يا بعدك
انت والا الموت و ما حدٍ بعدك
ولو سنين تغيب جيّتك عذرك
كيف اببكي عيب كود في صدرك














y

[SEESAW]

اللهم لك الحمد والشكر كما ينبغي لجلال وجهك وعظيم سلطانك

الحمدلله توفقت في وظيفه في تخصصي

اللهم وفقني فيها وييسر لي الخير فيها

اللهم وفقني اللهم وفقني اللهم وفقني

[جعلانية كول]

عندما يستغرب الانسان شيئاا. فإن اقل ما يقوله غريبه!!!!!

هههههههههههههه

صح والله ...

غرييييييييييبـــــــــه

[SEESAW]

دخول سريع من مطار عمان الدولي

رحله قصيره لعياب العم في الاردن

[لمسات الحنين]

ترجع بالسلاااااااااااامه...

[ونة غلا]

رووووووح الاردن روح

هاتلنا مناك يونيه براد ههههههه

[SEESAW]

واخيرا تحس نفسك تعرف تسبح هههههههههه

في البحر الميت وفلسطين المحتله تبعد عنك سباحة 5 دقائق

جو رهيب جدا

[SEESAW]

Back to Oman

[لمسات الحنين]

welcome back to your country......

i want my gift

[خَ'ـفـآيآ آلـ ـرُّـوـح]

welcome back brother

[SEESAW]

لمسات الحنين وخفايا الروح يسلموا على روحكم الطيبه

ما لحقت اشري هدايا حتى للاهل هههههه

[ونة غلا]

تستاهل سلامه الوصول خيوو
لا تتعذر بالشطه " ما واحيت"،، قول الجيب فاضي ^_^

[الغلاا]

الحمد الله ع سلامتك خيووو....
""نورت""

[SEESAW]

ونوووه والغلا مشكورين على الروح الطيبه

ونوووه ياختي فاهمتني انتي ههههههه

[SEESAW]

انعمتم بركات الشهر وكل عام والجميع بخير ان شاء الله

اللهم تقبل منا الصيام والقيام

اللهم اعنا في هذا الشهر الفضيل على الطاعات وترك المنكرات

اللهم سلمنا لرمضان وسلم رمضان لنا وتسلمه منا متقبلا

[جعلانية كول]

آآآآمييييييييييييين

تقبل الله مـــنا ومنكم خيوؤوؤؤ

[SEESAW]

البنات اللي تحت

لو سمحتن عالمطبخ^_^

[جعلانية كول]

تباهن يروحن المطبخ..؟؟

اذيه هديتك الرمضانية


http://t1.gstatic.com/images?q=tbn:ANd9GcSTP2YcRCLNZ7uuSwEgFS9q4rfnSBrmx xI-t8VttBMKYdr1pZoy6Ke-YAgBIQ

كيف طعمها ؟؟

هههههههههه نذاااااااااله تااايم
تشوفها ..لكن تلوفها ..لا لا م اعتقد
عساها عجبتك الهدية المفاجئة

[SEESAW]

جعلانيه كووول ذوق الاختيار

يسلموا هالايادي

بس اموت واعرف ليش الجيل اليديد مب فالح غير فالحلويات هههههههخخ

[SEESAW]

اليوم فطرنا في مطعم فطووور جماعي

مع زملائنا اللي كانوا يدرسوا معنا في نيوزلاند

كانت جمعه حلوه

[SEESAW]

صمت شهرا باختياري

صام دهرا باضطراري

عندما كنت صغيرا

اخبروني ان اصوم

كي ارى في الجوع صبر الفقراء

ليتهم قد اخبروني ان لماذا لماذاا قد يصوم الفقراء

علموني عندما كنت صغيرا

ان للدرهم والدينار حق الادخار


ليتهم قد اخبروني ان لي اهلا بتلك الارض تحت الاحتضار

[SEESAW]

عن اخسر رصيد ارسل لكم تهنئة العيد

ها هنا انا اهنيكم بقدم عيد الفطر المبارك وكل عام وانتم بخير

تقبل الله منا صيامنا ووفقنا الله في حياتنا

تقبلوا تحيات

شركة سي سو القعلانيه

[جعلانية كول]

ههههههههههه

الريال عنده سياسه ها؟

عجبتني عن أخسر رصيد ههههه
شركة سي سو بعدها القعلانية

خف علينا ي النورس ي عمان موبايل
ههههههههههه

[آنفـآس آلـورد]

http://a2.sphotos.ak.fbcdn.net/hphotos-ak-snc7/s480x480/417246_349875791767656_1747840159_n.jpg

[SEESAW]

صباحكم أمريكي:)

قطعنا المنتدى والمدونه من فتره بسبب الالتزامات

المعذره من الجميع عالقصووور

[SEESAW]

التاريخ : 22/9/2012

المكان: الولايات المتحده الامريكيه

المدينه: سافانا

صارلي اسبوع في هذي الدار عندي كورس شهر وراجع باذن الله

الجو رائع الطبيعه روعه والمدينه مرتبه مع انها مب من المدن الكبيره

شوارع مزدوجه 3 خطوط داخل المدينه

مجمعات تجاريه كل 2 كيلو تقريبا مع سعه كبيره جدا للمواقف

ما في اختناق وكثافه سكانيه

البيوت متباعده عن بعضها مب نفس عمان

وناس حبوبين

هذي الاشياء اللي لاحظتها للحين هنا

بوافيكم بصور حين توفرها ان شاء الله

دعواتكم.

[لمسات الحنين]

وانا اقول وووينه هذا غايب هع...هالله هالله فالصور الحلوة

[SEESAW]

مشي صور هع

صور حصريه بس هههه

بنشوف على حسب الوضع ولا يهمكم :)

[جعلانية كول]

اها ،،
راعي أمريكآ!!
نابه م قلت تشلنا معك
ماعليك هههههه

[الغلاا]

smile.
بالتوفيق...

[SEESAW]

جعلانيه كووول

قلت بشوف الجو والوضع وبعدين يحلها الف حلال هههههه


الغلا

تشكري فتذكري:)

[SEESAW]

I miss you baby:)

لا يروح فكركم بعيد

My baby is Oman

:)

[لمسات الحنين]

ههههههههههههه....ترجع بالسلامه سي سو

لك وحشه فالمنتدى

[SEESAW]

الحمدلله وصلت عمان بالاحد الليل

بس الوقت لحد الحين منجلب عليه

ارجد 12 الليل واقوم الساعه 3 وبعدها مشي رجاد

لهذا اكره امريكا واستراليا<<<<<< معصب


مشكوره لميس من طيبك :)

[بنت المضيبي]

يحاااافظ انته شمت


ع الاقل وادعنا قول شي توصووون من امريكا كان بنوصيك بحاية


^^_^^

[SEESAW]

جدولي

اتمرن كاراتيه لحد صلاة العشاء

بعدها صلاه سبوح عشى ونوم

قوم الساعه 5 صلي الفجر

5:30 الى 6:30 اتمرن يوجا

بعدها سبوح ودوام

هذي حالتك اذا رجدت العصر وثرت دهمان كأنه حد كافخنك كف

[SEESAW]

يقال ان العمانيين هم الشعب الوحيد

اللي ياخذ اجازه عشان يستعد للاجازه وياخذ اجازه عشان يستريح من الاجازه

شو خطتكم للأجازات المقبله؟

ننتظر اجاباتكم على صفحة البرنامج في الفيس بوك او تويتر

او يمكنك التواصل معنا على الارقام المبينه اسفل الشاشه

[خَ'ـفـآيآ آلـ ـرُّـوـح]

http://im18.gulfup.com/n9PD1.png (http://www.gulfup.com/?LJkXR3)


كـل عـــآم وانتـوا طيبيـن ^^


http://im18.gulfup.com/jUKX2.png (http://www.gulfup.com/?QWkrNQ)

[SEESAW]

السلام عليكم ورحمة الله وبركاته

اخباركم؟

بغيت منكم الحل والبريان والسموحه اذا غلطنا عليكم

قد يكون اخر رد لي وبغيت استودعكم واخذ الحل والبريان منكم

في اماااااااان الله جميعا

[خَ'ـفـآيآ آلـ ـرُّـوـح]

بالحـــــــــــــــــــــــــــــــــل..

[الغلاا]

الله يحلك ويبريك ي رب ...ويوفقك

[ونة غلا]

الله يحلك ويبريك... نباه منك الحل
بس ليش تقطعنا؟ ؟

[جعلانية كول]

خطفت هنيــــــه ...غبـــــــآآآآآآآآر ...‘

الله يحلك ويبريك مع انها متأخرة