ايهما اكثر ادب البنت اللي تدخل الجامعه اوالبنت اللي تجلس بالبيت بعد الثانويه [الأرشيف]

الاسيف

03-22-2010, 06:39 PM

السلام علكيم ورحمة الله وبركاته

حااااااااااااااااااااااااابب نجادل في موضوع مهم والذي نرى في عالمنا

بصراحه

ايهما اكثر احترام البنت الذي تكمل تعليمها في الجامعه او الذي تجلس بالبيت بعد ثانويه

انا حبدا بصراحه بالاجابه

انا اشوف البنت اللي تجلس بالبيت اكتر احترام من البنت الذي تكمل بالجامعه من ناحيه اخلاقيه وليسه علميه ركزوا على هذي النقطه

بصراحه وبهذا الزمن صارت البنت تدخل الجامعه لأهدافها الخاصه من حريه وكمان فيه اشياء بصراحه تسير داخل جامعه وايضا في دوام الجامعه من الخروج من الجامعات من دون علم الاهل لكي

تروح كوفي تشرب معسل وتانيه تقابل حبيبها بصراحه الوضع صار مزري للغايه

وعلشان كده بصررررررررررراحه بهذا الزمن احس انو الجامعه ليس مكان تعليم للبنت بل فساد

لما راينا من عدم وجود الاهميه الكافيه من عناصر الجامعه حيثوا يجعلوا ابواب الجامعه مفتوحه واللي تخرج واللي تدخل على كيفها ولايحاسبوا على غياب ولايتصلوا بالاهل عندما البنت تغيب

ولما يحصل من مصالح شخصيه بين الدكاتره وتلميذات

وماانتشر حديثا بصراحه لزبي بشكل كبير في الكليات والجامعات بصراحه

احس انو البنت احسلها تجلس في البيت لان بصراحه الوضع صار مره لارقيب ولاحسيب اكتر بنات الجامعه تلاقيهم في الكوفيات والمراكز في الصباح

انا بتكلم من واقع الحياه

ماهي فلسفه مني او شي

بس انا بصراحه جالس اشوف الموضوع من هذا المنظور

واتمنى مشاركاتكم واخد اراء بعض

لما فيه مصلحه للمجتمع

وشكرررررا

بنت المضيبي

03-22-2010, 06:48 PM

اخووووي انته عماااااااني او بمعنى اخر انته تتكلم عن بنااات عماااان !!

ما انكر انه فيه بنااات مثل مااا قلت لكن ماااا كل البنااات مثل ما قلت فيه الشين وفيه الزين

فئة قليله اللي تتكلم عليها

والبنت المؤدبه وين ما تروح تروح بأدبها سواء بالجامعه او غيرهااا

يعني بدووون رقااابه ولا شي نفسهي تردهي عن الشي اللي ما يرضي الله ولا يرضي اهلهي مب حد ثاااني

والبنت الغير المؤدبه حتى لو كانت ف البيت و وراهااا الف رقيب يراقبها بتسوووي اللي فراسهااا

يعني قووول بعض البنااااات لااا تعمم ع بناااات الناااس

وتسلم ع الطرح

يعطيك العااافيه

YAYA

03-22-2010, 08:51 PM

شووووف يأخوووي الكل منااا يعرف الكل الزين والشين فكل مكاااان سواااء
وهالشئ ينطبق على البنت سواء الللي كملت دراسه ولا جاااعده بالبيت
المحترم محترم ماااا يبيله جعده فالبيت ولا حكره واللي يبا يقل ادبه بكون قليل الادب ولو حافظت عليه وسويت اللي سويته

اعتقد هالشيئيعتمد على الشخص نفسه اذا يبي يكون محترم ولا مافيه ادب
وعن نفسي درست بكليتين وغير المعاااهد وحصلت بنات ينضرب فيهن المثل فالادب والاحترام وحصل فئه الله يستر عليهااا

فالنهااايه الادب ما له دخل في انه البنت تكمل دراستهااا ولا تجعد فالبيت

وجه نظر وارجوا تقبلهاااا

ويعطيك الله العافيه

الزعيم

03-22-2010, 10:31 PM

علكيم ورحمة الله وبركاته

عليكمـ السلام والرحمه

مرحبا فيك اخوي وف موضوعك الطيب

حااااااااااااااااااااااااابب نجادل في موضوع مهم والذي نرى في عالمنا

بصراحه

ايهما اكثر احترام البنت الذي تكمل تعليمها في الجامعه او الذي تجلس بالبيت بعد ثانويه
البنت تظل بنت عزززز وبنت اصووووول سواء كملت دراستهااا ولا ماكملت دراستهااا

انا حبدا بصراحه بالاجابه

انا اشوف البنت اللي تجلس بالبيت اكتر احترام من البنت الذي تكمل بالجامعه من ناحيه اخلاقيه وليسه علميه ركزوا على هذي النقطه
يامـــا بنات اخوي الاسيف مب مكملات دراستهن ومب داشات ع قولتك الجامعات والكليات
بس اخلاقيات زفته وطلعااااااات
يعني مب كل البنات مثل بعض اخوي

بصراحه وبهذا الزمن صارت البنت تدخل الجامعه لأهدافها الخاصه من حريه وكمان فيه اشياء بصراحه تسير داخل جامعه وايضا في دوام الجامعه من الخروج من الجامعات من دون علم الاهل لكي

تروح كوفي تشرب معسل وتانيه تقابل حبيبها بصراحه الوضع صار مزري للغايه

وعلشان كده بصررررررررررراحه بهذا الزمن احس انو الجامعه ليس مكان تعليم للبنت بل فساد

لما راينا من عدم وجود الاهميه الكافيه من عناصر الجامعه حيثوا يجعلوا ابواب الجامعه مفتوحه واللي تخرج واللي تدخل على كيفها ولايحاسبوا على غياب ولايتصلوا بالاهل عندما البنت تغيب

ولما يحصل من مصالح شخصيه بين الدكاتره وتلميذات
اخوي شو هالكلام اللي تقوووولبه مب زززين تقووول كذه
ليش انت معندك خوات او بنات عم او خال او قرايبك داشات الجامعات والكليات
لو تبي ع الحريه البنت قادره تسوووي اي شي ف بيت اهله بدون ماتروووح مكان

واعيد واقوووولك مب كل البنات مثل تفكيررررك اللي كاتبنه
ياما بنات تغربن ودرسن خارج عمان بس اخلاقهن واحترامهن فووووق كل شي

التربيه الصالحه اخوووووي والايمان القووووي
انا لاانكررر انه ف فئه من البنااااااااااااات يلعبن ويخربطن
بس لاننسى انه ف فئه كبيرررره من البنات ولله الحمد محافظات ع قيمهن وعاداتهن وتقاليدهن اللي تربن عليييييييه
اقرب مثال جامعه السلطان قابووووس فيهاا رقابه عندك جامعه نزوووووى مب مسكوووح للبنت تخررررج عندك الكليات التطبيقيييييييه الببنت تركب الباص واهي داخل الكليه مبب خارررررررجه

لاتنظر الى بعض الكليات الخاصه لانهاااا خليط من المجتمع اخوووي
وانت ملاحظ ف عمان اكثرررر من خليط وخصوصا ف مسقط

وماانتشر حديثا بصراحه لزبي بشكل كبير في الكليات والجامعات بصراحه

احس انو البنت احسلها تجلس في البيت لان بصراحه الوضع صار مره لارقيب ولاحسيب اكتر بنات الجامعه تلاقيهم في الكوفيات والمراكز في الصباح
ماراح اعيد واكرر اخوووي
مب زززين تعمم ع كل البناااااااات اذا انت ملاحظ هالشي

ف خواتنااااا واهلنــــا او اي بنت تعبت وسهررررررت تظل بنت عزززز وبنت اصوووووول بقوووه ايمانهاااا ونظرتهااا الى مستقبلهاا واهلهاااا عمرهااا ماراح تمشي ف الطريق اللي تتقوووول عنه انت

فكان المفرووووض منك اخوووي انك تشجعهن ع الدراااسه والاجتهاااااد والابتعاااااد عن هذه الطرررق((الله يحفظهن ياررررب))

انا بتكلم من واقع الحياه

ماهي فلسفه مني او شي

بس انا بصراحه جالس اشوف الموضوع من هذا المنظور

لكل شخص ونظرته اخوووي
ف الظاهر انتي نظرررت الى الجانب السلبي البسيط لدراااسه البنت ف الجامعات

ونسيت الجانب الايجااااااااااااااابي

الهااشمي

03-22-2010, 10:49 PM

السلام عليكم ورحمة الله وبركاتة

قبل كل شي ... بس حبيت أوضح حاجة وحدة الحظها بهذا القسم من المنتدى .. ان أغلب المواضيع تخص البنات .. يعني كل موضوع يتحدث عن البنت وعن أخلاقها وعن تصرفاتها وعن وعن وعن .... !!

بسألكم بالله ليش هذا إلي جالس يصير ... يعني ما حصلنا غير جنس البنات نطلع عليه عيوب ... يعني نلف ونلف ونلف ونرجع على البنت واخلاقها ..!!

بالنسبة لموضوعك اخي الكريم ... قبل لا تطرحه ... حط فبالك شي واحد { ان أصابع اليد مش وحدة } ... وأنا أشوف ما صارت جلسة البيت معيار للأدب والاخلاق ... تلاقي البنت تطلع من بيتهم وبدون علم أهله ... يعني بالمختصر إلي مدخله فبالها هذا الشي بتسويه سواء كان فالجامعة ولا فالبيت ... !!

لا تحكم على بنات الناس واخلاقهم من ناحية الدراسة فالجامعة او الجلسة فالبيت ... ياما شفنا بنات ناس وهن من جالسات البيوت ويسون أكثر عن إلي يسونه بنات الجامعة ... !!

بالعكس في بنات ينرفع الراس فيهن وهن يدرسن بالجامعة ... !!

أسمحلي اقولك أخي الفاضل الدراسة فالجامعة عمرها ما تصير معيار لقياس أخلاق البنت ... وأرجع أقولك اكثر بنات الجامعة جايات يدرسن مش يلعبن ... !!

وإذا شفت بنت ولا أكثر طالعات ولا جالسات فالكافيات ... ما يخليك تحكم ع الكل بهذا الشي .!.!

الهااشمي

03-22-2010, 10:52 PM

نسيت أضيف حاجة ... ليش ما نقول عنا نحن الشباب إلي نقوله عن البنات .. يعني العيب صار من صوب البنت والولد لا ..؟؟؟؟؟؟؟؟؟

قبل عن نراجع أخلاق البنات لازم نراجع أخلاقنا نحن الشباب ما اخصص حد أعمم ع الكل .. نحن الشباب بحاجة إلى من يدرس عيوبنا .. قبل كل شي

في غربتي

03-22-2010, 11:17 PM

السلاام عليكم والرحمة

تسلم اخوي ع إجتهادك في طرح الموضوع

اللي بغيت أقولك يااه انه اصابعك الخمس مب كلهاا وااحد

والدنياا فيهاا الشين والزين يعني الحين الدراسه اللي بتخرب البنت الحمدلله الدنيا بعدهاا بخير

فيها الصالح وفيها الطالح واللي حاشم نفسه وعاز نفسه عن السوالف الشينه تراه لا بتعرقله لا دراسه ولا جلسة البيت

والشخص اللي بينحرف حتى ولو هو فالبيت ومايطلع أبد

ع العمووم اخوي أسمحلي أعزيك ع تفكيرك الراقي ونظرتك للبنات

وإذا عندك خواات ناقشهن فالموضوع وشوف ردهن عن المووضوع

واللي بغيت أقولكم يااه يميع لا تحددوا أخلاااق غيركم ع مقياس أنتوا أستنتجتوه

وتقبل مروري المتواضع

ونة غلا

03-22-2010, 11:26 PM

انا صراحة اييد كلام اخوي الهاشمي

ليييييييش دائما مواضيع المناقشة عن البنات؟؟!!!
لا وبعد مشي غير هل البنت اللي تسوي جيه تعجبك او هل البنت اللي تسوي جيه مؤدبة؟؟!!!

ما بقى شي نتناقش فيه غير مواضيع عن البنات؟؟؟ !!!!!

واللي كلها فالنهاية تصب في خانة انه اصابع اليد مب كلها سوى
واللي يبا يضيع بيضيع حتى لو مسكر عليه ف برج

وبالعكس تفكير جاهل اللي بيفكر انه كل البنات نفس الطبع وانه البنت المفروس يتسكر عليها باب البيت لا طلعة ولا درسة ولا غيره

والواحد دامه يفكر فاخلاق البنات اليي يدرسن وغيره يفكر قبل البنت اذا طلعت او حد ضحك عليها من غيره الشاب اللي يساعدها على هالشي؟؟!!

يعني المفروض قبل لا تنقد الناس انقد نفسك يالشاب

وبعدييييييييين تعال تكلم عن البنات

على العموم وجة نظر وعلينا احترامها

بس صدجني الوحدة اللي ناوية الدراسة ما بيعيقها شي وحن بنات ناس ما عابنا اننا ندرس فجامعات او كليات

وكل انسان مسؤول عن نفسه (ولا تزر وازرة ورز اخرى )

تقبل مروري

الغلاا

03-22-2010, 11:53 PM

وكل انسان مسؤول عن نفسه (ولا تزر وازرة ورز اخرى )

ماقدر ازيد على كلام ونة لأنه كفى وفى

سحاب الجبل

03-23-2010, 12:47 AM

أخي الاسيف البنات كالشباب لسن سواء ودخول الجامعة من عدمه ليس مقياسا لأدب البنت فالمؤدبة تظل كذلك اين ما ذهبت والعكس صحيح وان كان هناك مصائب وما أكثرها اليوم فلا يعني ذلك ان البنات الاتي في الجامعات والكليات لسن مؤدبات فالناس ليسوا سواءا وكلام الاخوان قبلي كفى ووفى ،،،،،،،،،،،،،،تحياتي

دموع فرح

03-23-2010, 01:12 AM

زعليكم السلام ورحمة الله وبركاته
تسلم اخوي الزعيم على الطرح ارائع
بصرااااااااااااااااااحة كلامك عجبني كثييييييييييييييير
صحيح كل الي قلته وواقع بالفعل بشكل ملاحظ من الجميع
يا جمااااااااااااااااااااااااااااااعة لاتفهموا الموضوووووووووع غلط
بس
والكل عاااااااااارف القاعدة الي تقول السبئة تعم والحسنة تخص
لكن البنت المحترمة تعرف وتمييز عن البقية بتصرفاتها واخلاقياتها وهي الماشية ف طريق الصواب
الله يهدي الجميع
والله يستر علينا وعلى بنات المسلمين
وفقك الله اخوي
وتقبل مروري

pc_point

03-23-2010, 08:19 AM

لاااااا للتعليـــــــــــــــــــــــق

بنت الأجاويد

03-23-2010, 08:34 AM

ما كل البنات نفس الشي
انا (واعوذ بالله من كلمة انا)احد البنات الي يدرسن فالجامعة اهلي لما درسوني فالجامعة لثقتهم في لو عندهم مجرد شك مستحيل يخلوني ادرس بالعكس يشجعوا اكثر فمستحيل اخون ثقتهم لاسباب تافهة او لمذات الدنيا وكل وحدة وضميرها بصراحة

التفاحة

03-23-2010, 08:34 AM

الجامعه مالها خص ف خراب الاخلاق!!

البنت المحترمه.. محترمه ف اي مكان.. وف اي زمان

ومب شرط ان عشان البنت يالسه فالبيت.. وماتروح مكان انها مخترمه!!
عاد لاتنسون الكمبيوتر!! وطرق استخدامه!! وسلبياته

سلبياته اكثر من ايجابياته الكمبيوتر!!
اتحصل البنت ولا الشاب جدام جهازه 24 ساعه!!

والشات.. والمسنجر ومدري شو..

الله يعين.. والله يستر ع اليميع

وصراحه تفكير غريب واايد انك تربط بين الاخلاق والجامعه..

متأثر بالافلام العربيه!!

انهم دووم يظهرون البنت الجامعيه انها ......... ولها علاقات مع الشباب
وتكلم هذا وذاك.. ويتنهى المطاف بزواج ف السر!!

هذي نظره الاعلام الفاسد المتخلف!!
يظنون انهم يعالجون المشاكل ووهم يزيدونها وماينشرون الا الانطباعات السيئه
السلبيه عن اي شي يعرضونه

الجامعه والدراسه هذا اهم شي ف الحياه..

وسوال لك: هل انتا بتحرم بناتك ف المستقبل من دخول الجامعه؟؟

اترياا اجابتك..
وشو بيكون شعورك.. يوم بنتك اتكون مب متعلمه!!

التفاحة

03-23-2010, 08:50 AM

شخص لن انساه ابداً.......... صديق الغربة

بنات هالايام تغيرن مشي مثل اول
يعني مشي غيرة عندها ....البنت يمكن مع اهلها
تتحجب وتعمل نفسها ملتزمة....
ولن راحت السوق الحجاب خلوة في المخبا او اي مكان غير
يعني مثل الجامعة او الكلية ... الله يستر عليهن ويحميهن

اتوقع السبب انك تدرس خارج.. وشفت عينه من البنات
مب محترمات!!

اكيد اكثر من وحده.. وهذا هو السبب اللي خلاك تحط قاعده
هي" اي بنت تكمل دراسه جامعيه الجامعه تخرب اخلاقها وان الي يالسه ف البيت اكثر ادب"

بس شو السبب؟؟ الي خلى هالبنات يتصرفون تصرفات الكل ينقدها؟؟!!

- قله الايمان والابتعاد عن الله!!
- عدم الاحساس بالمسؤليه!! مب حاطه ف بالها ان اهلها خلوها تدرس وتكمل جامعه عشان تاخذ شهاده
وترفع راسهم..

-التقليد وحب التغير.."التغيير المفروض يكون للافضل والاحسن لكن في ناس تتغير للاسوأ
وتحب تقلد اي شي!!

وف النهايه الله يستر ع اليميع..

الشاهين الحر

03-23-2010, 08:58 AM

dama alail

03-23-2010, 12:26 PM

كل واحد ف هالدنيا مسؤل عن تصرفاته وانا معك ي اخوي لان اغلب البنات واشباب
يفقدوا الرقيب

ويطلعون كيف ما يبوا

ومن دون مشورة الاهل

وانا ما عمم ع الكل
بس الغلالبة

والبنات الي يالسات ف البيت لاتقول عفيفات فيهم شين وزين

الزعيم

03-23-2010, 12:57 PM

تسلم اخوي الزعيم على الطرح ارائع

اختي دموع فرح مب انا طارح الموضوع

اخوي الاسيف هو اللي طرحه

بارك الله فيك

الاسيف

03-23-2010, 06:37 PM

البداية مشكورين علي النقاش

الصراحة كانت مفاجاة بنسبة لي علي بعض الردود التي لم ترتقي لرقي المنتدي
وقصة الموضوع نقاش لا يوجد فيه تحديد لي اي جنسية من الدول او اي فئة
من الناس موضوع عجبني وحبيت افيدي واستفدي ما كنت اعتقد انة بعض
الناس تعتبرة امر شخصي او انة موجة لاها

وعلي العموم تراة مجرد موضوع نفس اي موضوع انطرح في المنتدي
اما اذا كان لي بعض الاعضاء راي اخر

أما الوفا اللي يستر الرجال من كل العيوب
والا الجفى اللي يستر اعيوب العرب في رجالها

mr_bigwig

03-23-2010, 06:41 PM

هذا يرجع لشخصية البنت

وتربية الاهل.......

بنت الباطنة

03-23-2010, 09:26 PM

تشكككككككككككر خيو ع الموضوووع
أنا مابزيد واعيد فالكلااام اخواااني الاعضااء اردووودهم كانت موفية ومكفية
بس اني اجوووول ياما بنات فالبيوووت ووراااهم بلااااوي يعني مب الشرط البنت اللي فالبيت اووووك والبنت الجامعية مب اووووك لكن فالحااالتين نحصل الشي تاشين والزين

نظام

03-23-2010, 09:55 PM

السلام عليكم ورحمة الله وبركاته

شكرا لإستضافتكم لي في منتداكم الجميل
مساهمة مني فالموضوع أعتقد ان احدا لم يفهم صاحب الموضوع يعني ماهو قصده من الطرح
انه لم يتهم البنات بالجامعات بسوء الاخلاق لكنه يرى انها اقرب الى الخطاء بسبب الوسط الموجودة فيه وهذا صحيح فالاعراف والعادات اليوم قل من يتقيد بها فالجامعات والكليات ونحن لسنا بصدد التعميم ولكنه ظاهر وبصورة واضحة جدا جدا لا اظن اننا بحاجة للتلميح الى التربية في ظل مانشاهده من تفاهات ولا داعي هناك للمماراة.

العيون الناعسه

03-23-2010, 10:53 PM

أخوي يا ما بنات سافرن الهند والسند جن ورافعات روؤس هلهن وبلدهن وياما بنات جالسات فبيوت هلهن ويابن العار الي تبي تلعب وغيره حتى لو كانت ف بيت اهلها ومحبوسه بتسوي الي فراسها أما الدراسه تشغل الوحده وتعلمها كيف الدنيا وكيف التعامل مع الناس وكيف الدافع عن نفسها عن تكون غافله ويلعبوا عليها أو يستغلوها ومانكر أنه في بنات الله يهديهن بس مافي فررررق بين بنت البيت والجاامعه الفرق كيف تحافظ ع نفسها وكيف تأدب نفسها

والله يستر علينا من بنات وشباب الحراااام الي مايخافوا الله

حور

03-24-2010, 12:43 AM

اولااا تسلم على طرح الموضوع

وانا ما راح اقول شئ لان الاعضاء ما قصروا
الادب في البنت المحترمه بيكون مهعااا سواء دخلت الجامعه ولاا شئ ثاني

دلوعة نفسي

03-24-2010, 01:24 PM

صراحة صدق والله العمانيات فشلنا في جامعة مؤتة فضايح والله لو تشوفهن بتنزلوا راسكم الحمدالله اني ادرس في الجامعة الاردنية ولا رحت جامعة مؤتة حتى في واحد دكتور اردني يقول ما نريد عمانيات في الجامعات الاردنية خاصة جامعة مؤتة

الاسيف

03-24-2010, 06:31 PM

تراة الا قراء الموضوع فهم شو السالفة وكان نقاشة جميل ورائع
اما بعض الاعضاء لم يقرؤ الموضوع شافو بعض الردود وقلدوها
يعني مثل البغبغاء يسمع ويردد ما يسمعه من الناس.........

تراة الغاية من المنتدي الاستفادة والاستمتاع بالمواضيع
واخذ الافكار المفيدة .............

واعيد لو كان الموضوع يقصد اي حد ما كان وافقت علية ادارة الموقع
وللذكري اقرؤ المواضيع قبل تبدو ارائكم ولكي لا تتعمدو الاذاء للناس
في كل المواقف.......

ودمتو بالف عافية ........

جواهر عمان

03-25-2010, 02:14 AM

بما

انك ذكرت الجامعه انا اذكر في هذا المكان ان مافيه مسمى اسمه بنت الجامعه انما مسمى ((طالبه جامعيه))

وانظر الفرق بالمسمى يجب بالبدايه ان لانطلق على طالبة العلم مسمى بنت جامعه ...

ولااعتقد ان بالجامعه مسمى يقال عنه ((بنت جامعه)) هنا الفرق ...

ولانك ذكرت في سياق كلامك اشياء خارجه عن نطاق الحرم الجامعي فانا لن اخرج من نفس المخرج انما اعود

الى اساس الموضوع وهو الحرم الجامعي ...

انت ماسالت نفسك سوال في البدايه ليش البنت اللي جالسه بالبيت ماحصلت على نسبه والبنت الثانيه راحت

الجامعه ؟؟؟الجواب ياعزيزي ان البنت اللي قبلت بالجامعه ماكانت وقت الدراسه تلعب وتروح يمين ويسار انما كانت

مجتهده ولذلك تحصلت على نسبه عاليه ولكل مجتهد نصيب ...اما البنت اللي جلست بالبيت صدقني ماودها

ماتكون مثل اللي راحت الجامعه ويمكن تحسدها انها ماصارت زيها ...

واغلب البنات اللي مايروحوا الجامعه في النهايه تحتاج للعمل وتندم انها ماذاكرت ودرست وتفوقت واذا احتاجت

للعمل تنجبر انها تشتغل اي عمل بشهادة الثانويه فمصيرها انها تشتغل اي شغله ولو كانت وسط الرجال

ولكن طالبة الجامعه اما معلمه في مدرسه او طبيبه مسؤوله في اي دائره ...

فالمعلمه تكون بالمدرسه وكل الكادر انثوي وحتى الطبيبه لها هيبتها في مجتمع المستشفيات ...

هنا اعود الي حرم الجامعه <<والسوال الذي يطرح نفسه

اليس بالجامعه طالبات عفيفات شريفات خرجن من بيوتهن لطلب العلم والرفعه ؟؟

اليس في الجامعه طالبات متفوقات علميا حتى على معشر الرجال ؟؟؟

صدقني لايجتمع التفوق وسوء الخلق ابدا انما التفوق يلازمه حسن اخلاق ..

ويازين البنت المتعلمه وصاحبة الاخلاق فعلا هي مدرسه متكامله للمجتمع ولبيتها ...

وهنيئا لكل طالبه جامعيه شرفت وتشرفت بها جامعتها وبلدها ...

لك احترامي

مو وسط الردود شدني ردك من بين الردود

اول شي الارزاق بيد الله سبحانه وتعالى

ويا ما بناات ما جابوا نسبه واخلاقهم عاليه يعني هيه ما جابت نسبه لانها كانت مو محترمه وتلعب

عيل هذا انتوا الشباب وانت اولهم جاوبني ليش ما جبت نسبه معنى انك كنت تتلعب وما عندك اخلاق؟؟

وبصراحه الحين اللي اشوووفه العكس الاشياء الاخلاقيه تطلع من الجامعيات اكثر من اللي جالسات فالبيت
من يرووحن الجامعه ياخذن حريتهن بالكامل ومن وراء اهاليهن وقدامهم هنيه الدنيا العفيفات الشريفات

ولا تنسى انه اغلب الجامعات مختطله

بشهادة الثانويه فمصيرها انها تشتغل اي شغله ولو كانت وسط الرجال

هذي يعني ما تعاملت مع الرجال فايام الدراسه ولا درست وسطهم ولا درسوها رجال ويعني كل اللي يدرسن الحين يتخرجن معلمات ودكتورات صات اغلب الجامعيات يشاغلن فالشركات حالهن حال اللي فالبيوت وسط الرجال

دموع فرح

03-26-2010, 06:28 PM

اعتذر اخي الاسيف كنت اريد اكتب الاسيف وكتبت الزعيم

دمتم على خير

كيف رأي يا اخي الزعيم في موضوعك شكله ماعجبك؟!!!!!!!!!!!!!!

مع اني رديت ع اساس اني فاهمة القصد من الموضوع زين

بارك الله فيك

قلبــﮧ

03-26-2010, 07:55 PM

بصراحة نحن البنات ف عائلتنا ما نخليهن يدخلن لا جامعة و لا كلية

و من بنات العائلة عندنا

(يا جبل ما يهزك ريح)

لا داخلة كلية و لا جامعة
ابوها رفض يدخلها
لكنها في قمة الادب و الاحترام..
هذا الكلام لا يدل على ان بنات الجامعة سيئات
و لكن هذي عاداتنا و تقاليدنا في العايلة

دموع فرح

03-29-2010, 12:26 PM

والله مو بقصدي كنت اريد اكتب الاسيف رديت مرة2 وكتبت الزعيم

اعتذر جدا اخي الاسيف بس اثنينكم اخواني انت والزعيم وكلكم زي بعض وتكملون بعض
الله يحفظكم

جمانة

03-29-2010, 01:24 PM

السلام علكيم ورحمة الله وبركاته

وعليكم السلام و رحمة الله وبركاته اخوووي

حااااااااااااااااااااااااابب نجادل في موضوع مهم والذي نرى في عالمنا

أول شي اخوي أبى أسألك سؤال: هل انت كاتب الموضوع ولا ناقلنه؟

بصراحه أشوف انه منقول ومو بلهجتكcool.

وأنا ما أشترط ان الموضوع منقول ولا لا بس اذا منقول أحسن لك تكتب منقول لأنك بتتورط ف اشياء انت ف غنى عنها

وبطرحها لاحقاً...rolleyes.

بصراحه

ايهما اكثر احترام البنت الذي تكمل تعليمها في الجامعه او الذي تجلس بالبيت بعد ثانويه

الاحترام ما يتعلق بجلوس البنت فالبيت ولا دراستها بالجامعه...مثل الشاب ما نقدر نحكم عليه انه محترم لأنه ما درس

بالجامعه أو عنده ثانويه...

انا حبدا بصراحه بالاجابه

انا اشوف البنت اللي تجلس بالبيت اكتر احترام من البنت الذي تكمل بالجامعه من ناحيه اخلاقيه وليسه علميه ركزوا على هذي النقطه

بصراحه وبهذا الزمن صارت البنت تدخل الجامعه لأهدافها الخاصه من حريه وكمان فيه اشياء بصراحه تسير داخل جامعه وايضا في دوام الجامعه من الخروج من الجامعات من دون علم الاهل لكي

تروح كوفي تشرب معسل وتانيه تقابل حبيبها بصراحه الوضع صار مزري للغايه

وعلشان كده بصررررررررررراحه بهذا الزمن احس انو الجامعه ليس مكان تعليم للبنت بل فساد

عيل اذا الجامعة مب مكان لتعليم البنت وين برايك تشوف أنسب مكان تتعلم فيه العلوم والطب وغيرها؟؟؟confused.

ههه لا تقول البيتeek.

لما راينا من عدم وجود الاهميه الكافيه من عناصر الجامعه حيثوا يجعلوا ابواب الجامعه مفتوحه واللي تخرج واللي تدخل على كيفها ولايحاسبوا على غياب ولايتصلوا بالاهل عندما البنت تغيب

شفت كيف الغلطه لما ما تكتب منقووولrolleyes.

الجامعة المشهوره عندنا بالسلطنة هي جامعة السلطان قابوس rolleyes.

سؤال: انت شفت الجامعة؟rolleyes. وشفت السيكيوريتي عليهاrolleyes.؟

من قال ان ابواب الجامعة مفتوحه؟confused. و وين المشرفات اللي بالهبل ف سكنات الجامعة و وحداتها؟؟confused.

بالعكس الجامعة هي اللي أكثر مشدده ف الرقابة واذا قصدك السوالف اللي تصير نادراً ف ذلك أكيد خارج نطاقهم

وهم ما قصروا ف الرقابة وإذا قصدك الجامعات الخاصة ف هناك كل وحده وضميرها وايمانها وثقتها بأهلها فلا تعمم

رجاءاً لأن فيه الصالح والطالح منا ومنكم...rolleyes.

ولما يحصل من مصالح شخصيه بين الدكاتره وتلميذات

مسألة تربية وايمان بالله وثقة وضمير...rolleyes.

وماانتشر حديثا بصراحه لزبي بشكل كبير في الكليات والجامعات بصراحه

احس انو البنت احسلها تجلس في البيت لان بصراحه الوضع صار مره لارقيب ولاحسيب اكتر بنات الجامعه تلاقيهم في الكوفيات والمراكز في الصباح

همــســـه:

اخوووي النار ما خلقت للنساء والجنة للرجال وإذا انت شفت الغلط فالغلط يمكن يرتكبه الشاب أكثر من البنت تدري

ليش؟

لأن عاداتنا تقدس الشاب وحتى لو ارتكب مية جريمة فهو بالأخير ما ينعاب!cool.

أما البنت اذا سوت غلط بسيط فهي خلااااص فاسده ومكروهه ومنبوذه من قبل المجتمعfrown.

والبنت ولو كانت ف بيت هلها وبدون كمبيوتر ولا تلفون بتفسد إذا نيتها الفساد!

وبتصلح إذا نيتها الصلاح...وكذلك بالنسبة (لبنت الجامعه )ع قولتك إذا فيها دين وحاشمه

عمرها وهلها وتخاف من ربها بالأول فهي ما عليها باس ...

وكفاااااااااايه ...

انا بتكلم من واقع الحياه

ماهي فلسفه مني او شي

بس انا بصراحه جالس اشوف الموضوع من هذا المنظور

واتمنى مشاركاتكم واخد اراء بعض

لما فيه مصلحه للمجتمع

وشكرررررا

عفواtongue.

شْـمِــوخ جْـعْـِلْاٌنــيْ

03-29-2010, 01:53 PM

يعطيك العافيه اخوي ع الطرح

بصراحه انا ما اقدر احكم لانه في اختلاف من بنت الى بنت ومن اسره الى اسره
ومن مجتمع الى اخر ~

EMINEM

03-29-2010, 02:13 PM

you cant compare it in this way

طبيب

03-29-2010, 04:21 PM

شكلي انا بضارب بصراحه ليوم راجع للمنتدى ..............
اول شي يسلمووووووو على الموضوع .... وكل حد قال وجهة نظره وفي الأول والأخير هذا موضوع ومطروح وانا مستغرب من الردود لي تقول هذا قسم بس يركز على البنات ولى يرد يرد بعصبيه وحساسية ليش ما اعرف بصراحة ... أحنا ف البداية نشكر صاحب الموضوع وبعدين نعلق اذا فيه شي أو لا ...ليش جالس كل واحد فينا يتصيد بس حد يغلط عشان يرد عليه بحساسية ...ولي يقول كل مواضيع النقاش بس للبنات هو ينزل موضوع خلنا نشوف إبداعه وبس كلام كذا .... وتشكر اخوي صاحب الموضوع وننتظر الجديد منك

كلمة من اجل الوطن

03-30-2010, 11:16 AM

اول شــي موضوووووع جدلـــــــي قديم وصارت كل الناس تسووولف فيـــــــــــــــــــــــــــــــه...

اخووووووي مواضيــــــــــــع مثل هذه اللي تخلق فجـوة بين البنت والولد موووو منطقية...
نحـن صرنا ف عصر المرأة تكمل فيه دوور الرجل ف كل نواحي الحيـــاة...
اما من ناحية انه البنت اللي تكمل دراستهـا مو محترمة..فهذاه وجهة نظرك انت ويمكن انت من الناس اللي اذا شافو بنت مهتمة ف مظرها سموووومها مو محترمة او انها صااايعة... هذا هي المشكلة اللي تواجهنا انه العقووول بعدها مو منتفتحة....
ومن ناحية انه البنت اللي جالسة تكووون اكثر ادب فهذا كلااااام مغلوووط... نعم فيه بنات محترمات ولكن ف نفس الوقت في اللي مو حترما وكل هذا يكووون نتاج التربية اللي تربى عليها الفرد سووواء اكان ولد او بنت....
وحبيت اضيف شي مهم ...اذا كان قصدك انه فيه بنات يروووحن يدرسن عشان يتصيعن...ترى في واااايد اولاد يتصيعوووو كثر من البنات ف هذه الاماكن العلمية ... والسبب في ضياع اي بنت ..ولد ... والمعنى واضح...
ومثل ما قالو الشباب فيه بنات يدرسن ف الخارج والاادب اهم شي عندهن... وانا بعيني شفت بناتنا بالتحديد ف كـــندا (سفرة علاجية)ف قمة الاحتراااام وحط ف بااالك انهن بعييييد عن اهلهن مسافة كبيرررررررررررة...
ف النهاية الاختلاف ف وجهات النظر لا يفسد ف الود قضية..
اخوووووووكـــــــــــــــــم :كلمة ....من ....اجلك ...ياوطن....

روح البداوة

03-31-2010, 09:23 AM

مرااااااااااااااااااااحب
أخوي لوسمحت لاتتعمم على الجميع وبعدين لاتنسى ان بنات عمااااان هن خوووووووووواتك وبعدين لا تقارن الاحترااااااااام بالعلم بالعكس العلم يهذب اخلاق الانساااااااان
واتمنى انك تتنتقي الالفاظ mad.

أشجان

04-11-2010, 08:47 PM

ما اعتقد فيه فرق او مفاضلة

وكل وحده تعرف مصلحتها وووين؟؟؟

وتقدر تحكم على نفسها...

وكل وحده وتربيتها...

والحمدلله انا اعيش ف غربة وبعيدة عن أهلي بس محافظه ع نفسي زين و اهلي واثقين فيني ومافي ولا بنت تقدر تغير من طبعي او تأثر فيني

ويالأخو ترى مب كل اصابع ايدك نفس الشي

خَ'ـفـآيآ آلـ ـرُّـوـح

03-02-2011, 12:46 AM

DarkRed"]لااااااااااااااااااا وبشدة مو كل البنات زي بعض

مب معناته انه البنت دخلت جامعة يقل ادبها والبنت اللي في البيت اكثر ادب
اسمحلي مب كل البنات واحد

يعني الحين البنات اللي في البيت مؤدبات ونحن لااا؟؟؟؟؟؟؟؟؟؟؟؟؟؟

ومن قال انه نحن اصلا داخليييين الجامعة علشان نترغد ونتصيع ونقابل شباب وناخذ الحرية
اصلا لوحنا مب مال دراسة أولا لو ما ذخلنا الجامعة
وثانيا حتى لو ذخلنا ما كنا نجحنا يعني بننطرد فأقرب فرصة من الدراسة وأشياء وايد.

فالنهاية البنات كلهم واحد وبعدين ترى البنات اللي في البيت بعضهن طبعا مو الكل عليهن سوالف لكن محد يدري عنهن. ونفس الوقت ما أنكر إنه فعلا بعض البنات الجامعيات فيهن قلة أدب.

يعني كان ممكن تكتب [هل فعلا تتختلف أخلاق وتصرفات بنات الكليات والجامعات عن البنات اللي في البيت؟؟؟؟؟]

لكن [أيهما أكثر أدب؟؟؟] ما حبيتها

والسمووووووووحة منك يالأسيييييييييييف[/COLOR]

الشأإأإأإمخ

03-02-2011, 01:24 AM

بسم الله الرحمن الرحيم

اول شي اشكر اخوي الاسيف ع وما كتب او نقل الموضوع الا حرصاً منه على اخواتنا

وبغيت اعقب على بعض النقاط اللي تم ذكرها ,,,

* اذا تكررت المواضيع عن البنات ف هذا من حرص الجميع على سمعة البنات وتحذيرها من اشياء ممكن

هي ما تفهمها او ما تكون عندها خلفية واضحة يعني باختصار عشان تستفيد اكثر ,, اما من ناحية الشباب

ف اكيد واقعين في اخطاء اكبر بس الشباب يكبرو والناس تنسى غلطاتهم بعكس البنااااات

* المقارنة ف الادب والاخلاق بين بنات البيت وبنات الجامعه مرفوضة وغير منطقية لانها ما تعتمد على اسس

ونقاط يمكن مقارنتها,,, لكن هذا ما يمنع ان اخواتنا يستفيدن من الموضوع بشكل نصيحة

اللي اتمناه من الجميع وبالاخص البنات نظرو للموضوع بشكل ايجابي بعيد عن السلبية لان الهدف منه هو سمعة البنت

والمحافظة على اخلاقها وادبها بغض النظر عن اسلوب الموضوع او طريقته

يا ناس اللي يفيد اخذوه واللي ما يفيد ارموه بحر

انا مستغرب ليش البعض معصب وزعلان ,, اذا انتي بعيدة عن اذي الكلام في وايد بنات غلطانات وامكن بإرادة الله وبالنصح الجميل الهادف يستجين للنصيحة

ارجو اني وصلت الفكرة اللي ف بالي بشكل صحيح وواضح

اخووووووووكم ~~ مريض المحبة ~~ ,,,,,,,

خَ'ـفـآيآ آلـ ـرُّـوـح

03-02-2011, 11:34 AM

كلامك ما عليه زود

بس فعلا حزت ف قلبي عبارة

أيهما أكثر أدب؟؟؟
وروحك قلت:
المقارنة ف الادب والاخلاق بين بنات البيت وبنات الجامعه مرفوضة وغير منطقية لانها ما تعتمد على اسس

وإن شاء الله المرات الياية النظرة السلبية بنعقها بحر.

الشأإأإأإمخ

03-02-2011, 12:24 PM

المغتربة تسلمين ما جصرتي

واتمنى لك التوفيق ,,,,

إحساس إنسان

03-02-2011, 01:30 PM

تسلم ع المضوع

أعتقد معيار الأخلاق والأدب معتمد قياسه ع البنت اذا دشت الجامعة ولا لا
بالعكس يعتمد ع البنت وتربيتها فهي تصون نفسها وشرفها فإذا ف الجامعة ولا البيت
لإن بعد في بنات داخل البيت والأخلاق زفت
بالعكس اشجع البنت تكمل دراستهااا في حدود الأخلاق

همس المساء

03-02-2011, 02:45 PM

اناااا معك الاسيف ,,

اخن فالجاااامعة والنت اصلا وفصل تي الجاااامعة وتفعل فعاااايلهااااااا,,,ماااا فكرت ف لحظة ف اهللة اللي جاااااالسة يكدوا ويتعبوا عشااااااااانهااا عشااااااااااكن يدرسوهاااا ,,السبب في صديقاااااات السوء وفي الشااااب اللي يضيعوا بناااااات العرب,,

نصيحة ,,

دااائماااا فبل عن تغلطت فكر كمااا تدين تدان...

ابتعدوا عن هالطريق الدماااااااار اللي يضيع ويخرب الوااااحد..

كل واااااااحد سفيرة عن نفسة وعن هللة اذا ماااا تريدي تحااااافظي ع نفسج حااااافظي ع اللي واثقين فيج ويسهروا بس عشااان يوفروا مطاااابج عشااااان مااا ينقصك حاااجة ..

ديري باااالج ع سمعتج... يااا عزيزتي تراة الدنياااااااا ما تسوى شي والشباااااب محد فيهم صاااادج اللي صااادج عرفي يطرق البااااب بيتكم ماااايراسلج يلقيج وغيرة ..
الله يسترا علينا وع خوتنااااا المومناااات,,

مجرد نقاااااااش ونصيحة فقط...محد يجلس يبرر او يعلق حن شااااااايفين جداااااااام عيونة هالشي وتراة م جالسة اععم بعض الصبااايا اللي لهية ع ربهااا ونفسهااا وهللهااااااا,,

يسلمووووووو

ضحكة أمي تسوى عمري

03-05-2011, 01:23 AM

بصراحه لا اتفق معك ابدا لان البنات مب نفس الشي درسنا وخلصنا دراسه ورفعنا راس اهلنا والحين نكمل برا

الاسيف

03-06-2011, 07:32 PM

حياااااااا الله من شارك ورد وانتقد

ومشكووووووورين

خَ'ـفـآيآ آلـ ـرُّـوـح

03-06-2011, 07:43 PM

حيا الله فيك

وين هالغيبة؟؟؟؟؟؟؟؟؟؟

الاسيف

03-06-2011, 07:56 PM

هههههه
داير راسي فقدت الذاكرة ونسيت كل شي
تسلمي ع السؤال

خَ'ـفـآيآ آلـ ـرُّـوـح

03-06-2011, 08:03 PM

خطاك السوء

الشيمة كل شيء ولا ذاكرتك..

ما نبى ننحرم من ردودك المرحة.

مسك الختام

03-09-2011, 12:29 AM

موضوع حلو ويستاهل النقاش كل واحد يشوف اصابع ايده متساويات؟؟
اذا حصلتوهن متساويات تراه كل البنات اللي يدرسن ف الجامعات والكليات متشابهات ------
واللي يبي يضيع م يحتاج يطلع من بيتهم تراه المراه ولو مقيده بسبع سلاسل بتقدر تفك نفسها وتروح تدور ع حريتها وبعدين الوصف اللي ممكن نوصف به البنت اللي تدرس بالجامعه او غيره انها اكثر جراه من اللي جالسه بالبيت وفي ناس م تتقبل جراه البنت وتعتبرها قله ادب وهذا يرجع لعقليه المجتمع وتمسكه بالعادات والتقاليد
لا تفهموني خطا م ابي اسب عاداتنا بس لازم الكل يفهم ان م كل العادات تتماشى مع التطور والتقدم التكنولوجي

ذبحني الشوق

03-10-2011, 07:06 PM

انا مع الهاشمي

يسلمووووووووووووووواااااااااا

jo0o0dy_90

03-10-2011, 11:42 PM

أسمحلي أخوي تفكيرك غلط أو بمعنى أصح محدود

البنت غرس ينضج لما تعطيها الحريه لما ترووووح الجامعه بتعكس الشي ألي متربيه عليه فالبيت

والبنت اذا بغت شي بتسويه حتى ولو كانت فالبيت

بالعكس الملل والكبت هو سبب الأنفلات الأخلاقي للبنت

دلع شرقي

03-11-2011, 02:03 AM

يعتمد ع شخصية البنت مش التربية وبس ياما بنات ربوهن اهلنا تربية ممتازة وتضعف فلحظة انا ما اتكلم لاعن البنت الجامعية ولا عن اللي جالسة فالبيت اتكلم بشكل عاااااااااااام والله يستر عالجميع وان الله ناظر على عبادة وخلو الخلق للخالق

الاسيف

03-11-2011, 10:39 PM

مشكورين علي المناقشة والمرور الطيب
يسلممممممممممممممممو

نبض جعلان

03-13-2011, 11:10 PM

مرحبا
اسمحلي اخوي ماكل البنات نفس الشي كل وحده واخلاقها والبنت الي تبي تتدمر شرفها وحياتها هي الي تروح تتطلع من مكان الى مكان
نحن ندرس والحمدلله ماسوينا هالحركات وربنا شاهد علينا هدفنا الوحيد العلم والاستفاده
انت ماجلت شي غلط بس لاتحكم بنفسك
ولازم تعرف ماكل البنات واحد
واسمحلي عاد

نبض جعلان

03-13-2011, 11:23 PM

صدجني بتحصل بنات جالسات في البيت يمكن يسون اشياء اكثر عن البنات الي يدرسن في الجامعات

الاسيف

03-14-2011, 07:28 PM

كلام صحيحة بس تراها مجرد موضوع منقول وقصدي منة الافادة

لولو جعلان

03-14-2011, 07:33 PM

اتفق مع جووووووووووووووووووووووووووووووووووووووودي

الاسيف

03-14-2011, 07:52 PM

والنعم بجووووووودي راعية منطق ونقاش جميل
تعرف كيف ترد

ريم البواااااااااااااادي

03-14-2011, 08:47 PM

مشكورين على هذا الرد صراحة ارتحت لردودكم
وصراحة البنت المؤدبة لوتدخل وتروح وتتغرب مستحيل تضيع مادام مرباية عدل وتهمها سمعة اهلها ماراح تسوي شي
وبعدين البنات اللي فبيوتهن يطلع منهن بعد

الامبراطوره

03-14-2011, 10:36 PM

مرحباا...

ي خوي اولا شكل الموضوع منقول من واحد مب عماني ..

ثانيا .. بالفعل انا مع ان البنت الي تجعد فالبيت اكثرا احتراما واخلاقا بنسه اكبر من الي يروحن الجامعاات

لكن ما يصير نظلم انفسنا ولا نظلم بنات العرب في بنات دشن الجامعه وطلعن ولم يتغير منهن شي بل بالعكس زادن ادب واخلاااق

وفالاخر اوقول لكل بنت حتى الخلوقه والمحترمه يجب اننا نتحذر من كل شي

الدنيا وايد التغير .. والقصص واااايد

والله يستر علينا وعلى بنات المسلمين جميعا

الاسيف

03-15-2011, 07:33 PM

ااااااااكيد منقول اختي الامبراطورة

وتسلمي علي المرور
تراهااا ما قصدي من وراء من هالموضوع غير الفائدة للبنات المتعلمات في الجامعات والكليات
احس بعض الردود قاسية وكني انا كاتب الموضوع
بس في النهاية كل واحد وتعليمة والله يعرف النية

جعلاني الين الموت

03-16-2011, 02:58 AM

من وجهة نظري الشخصيه

البنت ما اقدر احكم عليها على اساس هذا المعيار(كان كملت تعليمها او اكتفت بالثانويه )
البنت احكم عليها باخلاقها وبتفكيرها وكيف هي
ياما بنات كانوا ف بيوتهم واختربت اخلاقهم وياما بنات ف الجامعات وخدموا بلدهم بكل عز وشرف

وياما بنات ف الجامعات وراحن بيوتهن بدون عز ولا شرف وبنات ف بيوتهن كونن نفسهن واسسنها من الصفر وصاراً إخدمن بلدهن من خلال الاعمال يالي يعملنها بكل عز وشرف

اهم شي البنت كيف تبني اساسها بتفكيرها والقيم يالي تضعها لنفسها وسلم الارتقى يالي تمشي عليه

ضحكة أمي تسوى عمري

03-16-2011, 08:04 AM

بعد ابي ازيد ع الموضوع كني قريت رد ان عادت العايله معهم ان البنت ماادش لا الجامعه ولا الكليه اوين وكأن الادب والاخلاق محصوره فهالنقطه ارد عليه ان الاسلام امر بالتعليم ولقوله صلى الله عليه وسلم أطلبوا العلم ولو كنتوا بالصين مو فالجامعات وفعمان ’’’’ ازيده الا تخلف بعينه والادب والاخلاق مايحكمها الروحه للجامعه ولي الكليه ’’’’’’’

الاسيف

03-20-2011, 07:23 PM

يسلمووووووووو علي
المروررررررررر

الامبراطوره

03-21-2011, 12:21 PM

نبااااا جامعااات وكليااات غيييييييييييير مختلطه حااالنااا حاال دول الخليج ..

ملكة الورد

03-22-2011, 09:23 AM

في وجه نظري .. أدب البنت يعتمد حسب البيئي اللي عيشة فيها ..
وعلى حسب تربيت الاهل لها ( كلامي ينطبق على الجنسين- البنت و والولد )

شيخة البدو

03-22-2011, 11:11 AM

بصراحة لما قريت استغربت واااااااااااايد منصدجك الاسيف ناقل هالموضوع !!!!!!!!!!!!!!!!!!!!!

سفير المودة

03-22-2011, 01:33 PM

أنا أرى ان الموضوع اصلا تافه وما يستاهل اننا نناقشه لاسباب كثيرة ومعروفة لدى الجميع....
مع احترامي لطارح الموضوع....انصحه باختيار مادة اكثر افادة , على سبيل المثال لا الحصر:
- ما اسباب الانحلال الاخلاقي لدى الشباب والفتيات .
- ما راي الاعضاء في البنات الاتي يدخلن دورات مياه كارفور ويخرجن منها باشكال او ( look ) مختلف تماما..كأنهن سقطن في برميل اصباغ. (اقصد الميك اب )
- ما هي الاسباب وراء انتشار ظاهرة تدخين الشيشة بين طلاب الجامعة (الشباب) .
وغيرها الكثير الكثير من المحاور المفيدة التي نخرج منها باسباب كثيرة ونحاول ان نبحث لها عن حلول..

أتمنى عدم اخذ ما كتبت على محمل شخصي...اطيب المنى...سفير المودة

بنت الباطنة

04-03-2011, 10:01 PM

سفير المودة أذا مب عندك تعليق طيب فأنته مب مجبووور تشاارك فالمووضوع ...كل واحد فالمنتدى له الحق يطرح مواااضيع دامها ف حدوود المعقوووول

تسلم الأسيف ع الموووضوع...وأنا ف وجهة نظري أن مسألة احترام وأدب البنت مب مقاسة بدخووولها الجامعة أو جلستها فالبيت لأنه البنت إذا كانت تريد تتصيع لوعساااك حبستها فصندوق تراها بتتصيع ...يعني المحترم محترم سواء كان جالس فالبيت أو ظاهر فالجامعات...انت تجول انه جامعة وحرية وغيره تراه حتى فالبيت البنت تجدر تطلع بحجات واااايد
الممم مااابي اطول ف كلااامي وتسلم

سفير المودة

04-04-2011, 09:10 AM

http://www.jalaan.com/forum/lmsa4d.com/misc/quotes/quot-top-left.gifاقتباسhttp://www.jalaan.com/forum/lmsa4d.com/misc/quotes/quot-top-right.gifhttp://www.jalaan.com/forum/lmsa4d.com/misc/quotes/quot-by-left.gifالمشاركة الأصلية كتبت بواسطة بنت الباطنةhttp://www.jalaan.com/forum/lmsa4d.com/misc/quotes/quot-by-right.gifhttp://www.jalaan.com/forum/lmsa4d.com/misc/quotes/quot-top-right-10.gifسفير المودة أذا مب عندك تعليق طيب فأنته مب مجبووور تشاارك فالمووضوع ...كل واحد فالمنتدى له الحق يطرح مواااضيع دامها ف حدوود المعقوووول
==========
أختي العزيزة شكرا على النصيحة ولكن اأنا شخص ما احب المجاملة.....كل واحد أعطيه ( سحته ) فيده..على قولة اهل جعلان....مثل ما اي عضو له الحق في طرح مواضيع للنقاش فالجمهور له الحق في النقد سواء نقد عنوان المادة أو مضمونها..و(كف صفعني نفعني..وكف ضحكلي ضيعني)...وخصوصا المواضيع التي بها اي نوع من انواع الاهانات ل جنس او طائفة معينة...وكان رأيي ان هذا الموضوع فيه تنقيص بحق البنت بشكل عام ...ولا جدوى من مناقشته...
ورأي الجمهور وانا واحد منهم ليس شرطاً أن يكون رد طيب وفي صف صاحب الموضوع....
فالواحد قبل لا يطرح اي موضوع لازم يفكر قبل لا يطقطق على لوحة المفاتيح....والا بيكون ردي على قدر الموضوع..اذا موضوع يستاهل بعليه فوق وبمدحه فوق حده...واذا موضوع لا طائل من وراء مناقشته بكتب فيه رأيي وبكل شفافية وما علي لا من بنت الباطنة ولا من بنت القمر....
يمكن يكون ردي جارح ومحبط بس هذا انا وعليك قبول حقيقة وجودي والتعايش مع أسلوبي...لأني في يوم من الايام بمدح موضوعك وبثني عليه وبقول رأيي بكل صراحة وبتفق مع وجهة نظرك وبساندها بقوة ما تحلمي فيها وتعيشج لحظات تحسي فيها انك أفلاطون زمانه....
وفي ايام اخرى برد على اي موضوع ما يناسبني او اشوفه ما يناسب للنقاش وبرد على قلمك بمنتهى الصراحة وحتى يمكن اخلليك تندمي انك كتبتيه ( في حدود الادب والنقد العربي طبعا).....
مثل ما تعيشي لحظات الانتصار لا بد انك تجربي لحظات الاحباط عشان ترجعي وتوقفي من جديد وقفة المنتصر وما احلاها من وقفة بعد الكبوة....
NO HARM FEELINGS مثل ما يقولوا الانجليز
...اطيب المنى...سفير المودة

تسلم الأسيف ع الموووضوع...وأنا ف وجهة نظري أن مسألة احترام وأدب البنت مب مقاسة بدخووولها الجامعة أو جلستها فالبيت لأنه البنت إذا كانت تريد تتصيع لوعساااك حبستها فصندوق تراها بتتصيع ...يعني المحترم محترم سواء كان جالس فالبيت أو ظاهر فالجامعات...انت تجول انه جامعة وحرية وغيره تراه حتى فالبيت البنت تجدر تطلع بحجات واااايد
الممم مااابي اطول ف كلااامي وتسلم
http://www.jalaan.com/forum/lmsa4d.com/misc/quotes/quot-bot-left.gifhttp://www.jalaan.com/forum/lmsa4d.com/misc/quotes/quot-bot-right.gif