كاظمة الحب
02-14-2010, 12:42 PM
الشوق عمره طويل ولاعلى الصبر زود
وإن طال عمر الجفا جف القلم والكلام
أخايل الشعر وبروقه حديث الرعود
ويسمي الخير وجروحي حديث الظلام
ماأقول صدري هو أضيق صدر في هــالوجود
لكني أحس بين ضلوع صدري غرام
لو للمقادير من وجه البن آدم وعود
إن كان مرت مصايبنا مرور الكرام
من رحمة الله مانقرا عيون الحسود
ولانشوف المغطا في صدور الآنام
ولاّ كثر ماتشيل العالم قلوب سود
يمكن تضيع الهقاوي في خوال وعمام
طبيعتي لاأنكشف ستر الزمن عن جحود
أمد له غصن زيتون وحمامة سلام
إن جتني حلوقهم بالنار هبيت نود
وإن طمنوا روسهم راسي خوي الغمام
أعيش جو السعادة بالدعا فــــ (السجود )
لاطرف الليل ثلثينه وعز المنام
الله يخلي لقلبي ضحكة أربع ورود
ويقر عيني بشوف النور عقب العتام
ياليت شعري ألا ليت الليالي تعود
يوم التجافي دقيقة كنه فراق عام
أسألك باللي جعل كلك رهاوة عدود
لاتبطي عروق قلبي من قراحك حيام
من يوم دمعي حدر والضيق يرقى سنود
لو قلت لك: طيب وكلش على مايرام !
شف كيف عمر الفرح ينقص وحزني يزود؟!
وأطول البال وأقول: الزمن مايلام
صدقني إني فقدتك والجوارح شهود
أرجوك لاتعتبر بعدك سبيل إنتقام
إي والله أخطيت في حقك وجيت مهدود
أشيل عذري لعل العذر قد المقام
أخطيت والبعد يوجعني ولاأنت محدود
تحط بيني وبينك فـــــ (المحبة) نظام
لو الخطا بين خلق الله جزاه الصدود
ماعاش في هـــالزمن إلا عيال الحرام
عشت الغلا في شبابه لاتخليه عود
العود مايطلب الله غير حسن الختام
الشاعر / راشد النفيعي .
وإن طال عمر الجفا جف القلم والكلام
أخايل الشعر وبروقه حديث الرعود
ويسمي الخير وجروحي حديث الظلام
ماأقول صدري هو أضيق صدر في هــالوجود
لكني أحس بين ضلوع صدري غرام
لو للمقادير من وجه البن آدم وعود
إن كان مرت مصايبنا مرور الكرام
من رحمة الله مانقرا عيون الحسود
ولانشوف المغطا في صدور الآنام
ولاّ كثر ماتشيل العالم قلوب سود
يمكن تضيع الهقاوي في خوال وعمام
طبيعتي لاأنكشف ستر الزمن عن جحود
أمد له غصن زيتون وحمامة سلام
إن جتني حلوقهم بالنار هبيت نود
وإن طمنوا روسهم راسي خوي الغمام
أعيش جو السعادة بالدعا فــــ (السجود )
لاطرف الليل ثلثينه وعز المنام
الله يخلي لقلبي ضحكة أربع ورود
ويقر عيني بشوف النور عقب العتام
ياليت شعري ألا ليت الليالي تعود
يوم التجافي دقيقة كنه فراق عام
أسألك باللي جعل كلك رهاوة عدود
لاتبطي عروق قلبي من قراحك حيام
من يوم دمعي حدر والضيق يرقى سنود
لو قلت لك: طيب وكلش على مايرام !
شف كيف عمر الفرح ينقص وحزني يزود؟!
وأطول البال وأقول: الزمن مايلام
صدقني إني فقدتك والجوارح شهود
أرجوك لاتعتبر بعدك سبيل إنتقام
إي والله أخطيت في حقك وجيت مهدود
أشيل عذري لعل العذر قد المقام
أخطيت والبعد يوجعني ولاأنت محدود
تحط بيني وبينك فـــــ (المحبة) نظام
لو الخطا بين خلق الله جزاه الصدود
ماعاش في هـــالزمن إلا عيال الحرام
عشت الغلا في شبابه لاتخليه عود
العود مايطلب الله غير حسن الختام
الشاعر / راشد النفيعي .