ياللي زعلت

[سهم الموت]

ولا مت جعلك في جهنم تصاليك ..

نار الجحيم ونار دنياك تصلاك





--------------------------------------------------------------------------------
ياللي زعلت ازعل ولاني مراضيك ..
اشرب كدر ماي البحر كانه ارضاك ..
لاتحسب اني عقب صدك بداريك ..
بعز نفسي عنك مدراك مدراك ..
أربع سنين أنا متحمل تغليك ..
راضي بتعذيبك لاجل قلبٍ أغلاك ..
وخليتني واليوم والله لاخليك ..
وادوس قلبي لينه يقول خلاك ..
قبل توريني الحساير بوريك ..
ليما قال فلان هانك وخلاك ..
كانك تحداني فأنا أقبل تحديك ..
وانسى الغرام اللي مضى واتحداك ..
منيب قايل لك عسى الله يهنيك ..
الله يحرمك كل ما كان هنّاك ..
عسى العمى يا خاين العهد يعميك ..
فوق الغرور اللي عن الماضي أعماك ..
وعساك ما تسمع قريبٍ يناديك ..
حيثك تجاهل صوت محروم ناداك ..
وعسى الشلل يعوق رجلٍ تمشيك ..
لينك تندم ليش غيرت ممشاك ..
وعسى حياتك بس فرحه لشانيك ..
يلقى بها الفرصه عدوك ويشناك ..
وعسى الليال اللي تجيني بطاريك ..
يصبح عليها الصبح وتموت طرياك ..
وعسى المنام وكل راحه تجافيك ..
آمين .. حتى اللي تمناه يجفاك ..
وعساك ما تفرح وتكثر بلاويك ..
وامك تشق الجيب من عظم بلواك ..
ولا مت جعلك في جهنم تصاليك ..
نار الجحيم ونار دنياك تصلاك ..
الله يكره فيك حتى دوانيك ..
غشاش خاين من من الناس داناك ..
هذي النهايه روح والله يجازيك ..
امسك ويومك عنهم الغد يجزاك ..

طلال السعيد ..

[اسير الصحراء]

تسلم اخي عاشق على هذه الكلمات
تقبل حظوري
اخاك
اسير الصحراء

[ريم السلطنة]

كلمات بغايه الروعه اخوووي عاشق الكاسبي

والله يسامح من تخلى عنك وخلاك
بيشوف من الويل ويعاني الهلاك

[رافع الرايات]

نقل موفق يا الكاسبي

تحياتي

[دلع مسقط]

يؤيؤيؤيؤ ايش هالقسوة
كلمات جميلةتحمل فى طياتها الكثير والكثير
مشكور اخوي على القصيدة

[صاحب السعادة]

بصرااحة أنا تعجبين مثل هالأشعار

تسلم حبوب على الكلمات الروعة

والله يوفقك

[زمان_الصمت]

الكاسبي
ود خوالي
صراحه كلماااااااااااااااات في غاية الاحساس
الي مايحس بيحس غصبا عنها
ههههه
أضحك حبيبي
بالتوفيق والى الامام دوما

اخاك زمان_الصمت

[سهم الموت]

مشكورين شباب وشابات عى المرور الكريم

[العنود]

تسلم يمناك اخوي
على هالكلمات الرائعه
مشكور الغالي