لماذا التكلف والتصنع

[جعلاني للابد]

اخوتي واحبتي اعضاء منتدى جعلان
اطرح بين ايدكم اليوم هذا الموضوع بس انقطاع طويل عن طرح موضوع نقاشي

احبتي موضوعي اليوم واللي راح اتحدث عنه هو التكلف من الشخص نفسه
ولكي اكون اوضح معكم عن موضوعي راح اطرح مثال :
وهو مثلا انا راتبي 200 ريال طبعا راتب يتسر الحال بس ما هو الراتب اللي يخليني اخذ راحتي كلها
ع هالراتب هل انا ملزوم اشتري سياره من الوكاله وانتوا ادرى عن الاسعار
هل انا ملزوم بمتابعة اخر ما ينزل ف الاسواق واقتنائه
وفي الاخير اصرخ واقول راتبي لا يكفي
من وجهة نظري الشخصيه والمتواضعه
لو انا خططت لنفسي ماذا اعمل وكيف اصرف راتبي تخطيط جيد فقد انجح ولا اتفوه بكلمه اكون الحمدلله ع كل حال ولا انسى هنا ضروف الحياه الصعبه وارتفاع الاسعار والمغالاه لكن احاول اني اوجد لنفسي مخرج

فانا اعرف ناس راتبهم مثلا 500 ريال ويقول راتبي لايكفيني
فما بال الناس اللي عندهم راتب 100 ريال او اقل او راتب الظمان الاجتماعي

اخوتي واخواتي
عدم التكلف واقتناء اشياء ليقال فلان عندك كذا وكذا ع حساب نفسي لماذا؟؟!!!
يمكن لم اصل الى فكركم بموضوعي ولكن من خلال النقاش راح نتضح ونوضح بعض الامور
فينا من يشتغل وفينا من ياخذ مصروفه من اهله
فلما لا نتبادل الاراء ونفيد ونستفيد من بعضنا البعض ع حسب المعطيات والتجارب


لكم مني ارقى تحيه
جعلاني للابد

[emperor]

السلام عليكم

موضوع جميل جدا

طبعا في الوقت الحالي الحياة غالية والرواتب تختلف من شخص الى شخص
فمنهم من يستلم راتبا عاليا ومنهم من يستلم راتبا منخفضا

يجب علينا ان نوازن في الحياة ونخطط للمعيشة على حسب الراتب .

وشكرا

[جعلاني للابد]

معاك اخوي
اذا انا راتبي ضعيف هل اتبع هواي ع حساب نفسي واصير مديون واحسن السيارات عندي وبالنهايه اصرخ راتبي لا يكفي

[emperor]

المشكلة ان حاليا التقليد

نجد ان الي راتبه ضعيف يتدين لكي يصل نفس مرتبة الغني وعلشان ما يحس بالنقص

[جعلاني للابد]

اتفق معاك ع كلمة التقليد بس ليش ارمي نفسي ف اشياء ف غنى عنها وابهذل نفسي واتسلف كل مره من عند حد

[emperor]

صراحة لا ادري ما هي وجهات نظرهم اللي يتسلفوا كل واحد وعنده اسبابه
نسأل الله لنا التوفيق جميعا
ننتظر مشاركات الاعضاء الباقين

موضوع جميل جدا اخوي شكرا لك smile.

[جواهر عمان]

المووووضه طالبه هالايام

اللي يستلم راتب بربه بعده يادي شي
الحين موووضة اللي ما يستلم راتب ويعتمد على ابوه والتسلف من الاصدقاء تحصله يمتلك بدل السياره سيارتين ومن احسن السيارات والملابس من احسن نوع والتلونات بدل واحد اثنين وثلاث واربع وعاد الفاتوره توصل فوق 100 فالشهر وي الاخير يقوول ماعندي مفلس ومن اجيب ومن بيسلني

ياخي مد رجولك على قد لحافك شو بتسيفد شي من اتباع المووضه

[بنت السلاطين]

السلام عليكم ورحمة الله وبركاته
اشكرك لطرح الموضوع المهم
ردي سألخصه حول كلمه واحده وهي:
القناعه
اذا كان الشخص قنوع بما وهبه الله من نعم وحمده عليها
انفق قدر استطاعته دون النظر الى ما ينفقه الاخرون و اقتناء اشياء هو في غنى عنها
اما اذا كان الشخص غير قنوع فتجده دائما ينظر كيف ينفق من هو اقدر منه ويحاول ان يقلده
هذا راي باختصار

[The white man]

الا فضل كل شخص يعيش على اللي يشوفه< الحياه لا زم فيها المظاهر عشان الناس تحترمك و تقدرك

[بنت السلاطين]

الا فضل كل شخص يعيش على اللي يشوفه< الحياه لا زم فيها المظاهر عشان الناس تحترمك و تقدرك

!!!!!!
يعني عشان الناس تحترمك لازم يكون عندك سيارة اخر مودييل وفلة و...الخ

عمره الاحترام ما يكون بالاشياء الماديه

بالعكس كل شخص يفرض احترامه باخلاقه مب بممتلكاته

[ندى صلالة]

لااؤمن باقتناء الأشياء الرخيصة


تحياتي

[زهرة البنفسج]

يسلمو اول خيو على الموضوع
وانامعكم في كل كلمة طرحتوه التقليد وكل يوم نشوف شي جديد
ويصير غالي هذه هي الحياااة
وربك اللي يعين على صبر الناس.....

[الشاهين الحر]

طرح جميل اخوي جعلاني ومشكله موجوده ..



اولا ابدا فيمابداته انت ...


المشكله هنا لها شقين اولا ضعف الراتب اللي يصاحبه اسراف ..

والرسول اوصى بالاقتصاد فالحياه ...فالاقتصاد نصف المعيشه ..

على فكره ناس راتبها 1000 وماملحقه وبعد عليه ديون كثر شعر راسه وناس 200 ريال وقايمه بيوت

واذا رحت تريد منه شي يسلفك بعد يعني خير وايد اهم شي ادارة المعيشه ...

تعرف ليش لان بعضهم درس وكان ماعنده شي يعني ماعنده خير وفجأه بعد دراسه يشتغل ويصير

راتبه 1000 ريال يفكر انه يقدر يشتري فيه الدنيا ومافيها فيبدا يصرفه هنيه وهناك وسياره وجمعيه

وبيت ويتزوج و و و و ...

اشياء مالها نهايه يتفاجأ انه عطى راتبه فوق حجمه وصار مديون فوق هذا ...

وتجد من راتبه 200 وعنده اداره صحيحه لمعيشته يقدر يقيم بيت وهو مريح نفسه والحياه مع الوقت

تجي وتتحسن ولكن اعتقد ان غير العمل لابد له انه يسوي له مصدر دخل ثاني يجيب له مردود يساعد الر

اتب والمجالات كثيره من هذي الناحيه ...

وفي النهايه الانسان وعقله وطريقة تفكيره ...

[The white man]

الايام هذه البس احسن وكل احسن والبس احسن بتشوف الناس تعزك فوق فوق وبتحص ان امورك يخلصولك ياها< واذا كنت معاك فلوس ولكن ما ظاهره في لباسك واكلك ومسكنك بتشوف ولا احد يحترمك او يقدرك

[شيخة الزين]

جزاك الله خير ع هالموضوع
بصراحة اشوف انه لازم نرقى بفكرنا اكثر لان
الفلوس تجلب لنا المظاهر الخداعه
في ناس تقول بفلوسك الناس تحترمك
بس ما سالتوا نفسكم ليش ما يحترموا اللي
حاله ع قده باختصااااااااااار المصالح تلعب دور

فما له داعي التكلف والتصنع الواحد يكون ع طبيعته وع سجيته الناس الطيبه
كله تحبه وتحترمه

[جعلاني للابد]

اسعدني كل من نور موضوعي وابدى وجهة نظره
واتمنى انه تنتهي هذه الظاهره
لكم خالص ودي

[شيخة الزين]

وين راحت المشاركات؟؟؟؟؟؟؟؟؟؟؟

[شيخة الزين]

الظاهرة ما تنتهي دام في ناس للاسف
تغرييييييها المظاهر الخداعه