استفسار عن السياحة في سلطنة عمان

[دمعة حائرة]

السلام عليكم جميعاً ..


أنا من دبي.. وحابين نطلع أنا وزوجي عندكم في الإجازة... لمدة يومين

ممكن تدلوني على مكان حلو حق السياحة في السلطنة غير صلالة ..

مع ذكر اسم فندق .. ( يفضل 5 نجوم .. بس يكون يستاهل..يعني نظيف والخدمة أوكي )


تحياتي

دمعة

[الامبراطوره]

حياج الله اختيه انتي وريلج



والله وايد اماكن عندك محافظة مسندم البحر عندهم رووعه .. بس اتوقع انكم زرتوها لانها جريبه منكم


وفالمنطقه الداخليه عندك :: عين تنووف .. ووادي المعيدن .. ووادي غول .. ومسفاة العبريين .. ومنطقة الحمرا كلها مناطق سياحيه..

والقلاع والحصون كثيره وفي الجبل الاخضر وجبل شمس وكهف الهوته العجييب.. والاماكن كلها جريبه من بعضها

والمنطقة الداخليه كلها اماكن سياحيه جميله جدا والفنادق متوفره فيها مثل فندق الديار وفندق فلج داريست هذيل الي اذكرهن وفي فنادق وايد

المنطقه الداخليه ينقصها البحر بس مع ان الله عوضها بعيون ووديان دائمه ..


المنطقه الشرقيه .. وادي بني خااالد جميل جدا .. والاشخره الي جوها يطير العقل ..


وعندك الباطنه .. وادي نخل ((عين الثواره ))

ووااايد اماكن بس هذيل الي اتذكرهن الحين ..

وفكل منطقه بتحصلون مكتب سياحي هم بيساعدوكم ^_^!!

نتمنالكم قضاء وقت ممتع ^_^!!

[الامبراطوره]

ونسيت مسقط .. فيها بر الجصه وماكن سياحيه كثير

والشواطي حلوه وايد

[بنت المضيبي]

يووومين ماا يسون لكم طوولوو اسبووع ع الاقل

اختي مااا قصرتي كفيتي وفيتي

اتمنااالكم زيااارة ممتعه

[أخت شهد]

مرحبا بك جزيرة مصيره جوها10 على 10 وفيها فنادق راقيه وناسها طيبين وايد


بس مظن يومين يكفن

[فارسة الصحراء]

انصحجـ بــ " بر الجصه " في مسقط

روووووووووعه ...

وهو سلسله منـ سلاسلـ فناادقـ شانغريلا العااالميه .. وتقدرينـ تحجزينـ منـ الموقعـ الرسمي لهمـ ..

يعني لا تحااتيينـ مكاانـ رووعه وخدمه ونظااافه .. وفيه 3 أقساامـ " لرجاالـ الأعماال والعائلاتـ والثاالثـ ماا أذكر بالضبط شوو .. إنتي تصفحي الموقعـ وبتلاقينـ كلـ شئ فيه

وبعد عندجـ منتجعـ مسندمـ في منطقة زِغي على ما أظنـ .. بعد روووووعه

هذيلـ إللي أعرفهنـ ..

[»قـَـآيــٍدةِ الريــًـِـمُ ॡ]

الاخـــووان ما قصـــررو



انصحج فبـــر الجصــه مكان روعــــه بما تعنيه الكـــلمه

واحجري من الموقع الرسمي لهم

[دمعة حائرة]

مشكورة الامبراطورة .. ما قصرتي عزيزتي.. فعلاً رحنا مسندم .. والجبل الأخضر.. خيااااااااااااااااااااااااااال


شكلي بسير الأِشخرة .. حمستيني وايد... القائمة اللي عطيتيني إياها ماشاء الله طويلة .. ما نحنا نفسنا طويل .. هههه

,,,,,,,,,,,,,,,,,,,,,,,,,,

بنت المضيبي.. صدقج والله .. يومين ما يكفون يبالنا شهر كامل .. .. احنا أيام المدارس.. كنا نقضي إلإجازة كلها عندكم هههه يعني شهرين وأكثر بعد..

،،،،،،،،،،،،،،،،،،،،،،،،،،،،

أحت شهد .. بنزور مصيرة إن شاء الله .. زوجي من النوع اللي يموت على الطبيعة.. تسلميلي والله

،،،،،،،،،،،،،،،،،،،،،،،،

فارسة الصحراء وريماني ما تقصرون.. قريت عن بر الجصة .. ودخلنا موقعهم عشان نحجز .. مول ما شي مجال.. شكله عليه إقبال كبير
..

,,,,,,,,,,,,,,,,,,,,,,


مشكووريــــــــــــــــــــــــــــن

[عذاري2005]

أختي أنصحك جربي الدخليه كهف الهوته منظر روعه ويستحق الزياره والرحله الطويله وما رأح تحسي بندم أنك ضيعتي أجازتك
واتمنى لك انك تستمتعي في عمان