ماحد وصل قدرك

[عسوله]

آمر تدلل يابعد اهـــــــلي وكلي
تطلب فؤادي ؟ لك فؤادي اجيبه

وان ماكفاك القلب انت بس قللي
اشر ومطلوبك قبل تطلب اجــيبه

لك مركز(ن) فالقلب فأعلى محـــــــلي
ماحد وصل قدرك لاغصب(ن) ولا بطيبه

ويوم تجفي وتعطيني الظهر ماتخللي
في عيوني قطرة الا سكــــــــــــــيبه

ويــــــــــــوم تقبل وعينك بعيني تهللي
ارتجف كني فمتحان وخايف(ن) منتيجه

والحين لازلت تنشد ؟من اللي فالهوى خلي
للحين ماعرفت؟ترا هذي مصـــــــــــــــــيبه

ولا تتغيشم يــــــــــــــابعد كللي وكللي
تبي تعرف غلاتك من بعد هذي الحسيبه




هذي اخر كتاباتي اتمنى تعجبكم

مع تحياتي اختكم

عســـــــــــــــــــوله

طبعا بالاحمر
هههههههه

[اسير الصحراء]

امممممممممممممممممم
اها
عسووووله كم اعجبني تنسيق تلك الكلمات الراقيه
والاخلاق التي توسوست بين معاني الكلمات الكريمه والخلوقه
التي تدل على وجود الهواجس النائي في هذا الزمن والاخلاص الذي يفتقده الامل
يالها من روائعه اختي عسووووووووووووووووووله وان شاء الله راح نظل دائما بنتظار جديدك
تقبلي تحياتي
خيك
اسيررررررر

[عسوله]

امممممممممممممممممم
اها
عسووووله كم اعجبني تنسيق تلك الكلمات الراقيه
والاخلاق التي توسوست بين معاني الكلمات الكريمه والخلوقه
التي تدل على وجود الهواجس النائي في هذا الزمن والاخلاص الذي يفتقده الامل
يالها من روائعه اختي عسووووووووووووووووووله وان شاء الله راح نظل دائما بنتظار جديدك
تقبلي تحياتي
خيك
اسيررررررر


اشكرك اخي العزيز اسير الصحراء

مرورك اسعدني واطراءك وسام اتقلده

تسلم

[ريم السلطنة]

سلمت يداك اختي عسوله
كلمات رائعه

[عسوله]

مشكوووووووووووووووووووووووووووووووره

ريموه

وسلمت يداك عالمرور

[بن مطاعن]

ما آمر عليك عدو يا غالية يا اللي
في كل موقع وكل محفل انتي لبيبة

يسلم هالقلب اللي ما عيا يشلي
قالب ومعدنن اصيل يفوح بحسيبه

احلم بلوغ نجمة سهيل وكذا الشلّي
والقى من مصاعب الموت واحتسي به

وحاشا مادير ظهري لك ولا لمنذهلي
ولا ادع دموع عينك تنهدر الا.. لي طبيبه

والله ما يعيش فها الدنيا ولا اخلّي
عاذل(ن) يخدش حياك الا اختفي به

معروف عني..شرير الفعل ويحتفللي
في الجنايز..وصولات الفكر..الشعر اهتديبه

[عسوله]

تسلم يابن مطعان يسلم غاليك


وتقدر تشارك بالقصيده عالمنتدى لانها تستحق


مرور الاعضاء عليها

[بن مطاعن]

سيدتي..عفوا: ان كنتي فعلا حواء.. اكتفي فقط بهذه الابيات كمشاركة هزيلة لمشاركتك الاولى التي لم ولن اوفي جزالة عطاك..فاني اخجل لاكثر من ذلك ولا اطمع الى الوصول الى مقام بلوغك الفكري..فتقبلي مني سوء ردي..وهزل جدي..ولك مني شكري

[عسوله]

ابن مطاعن ماقدرت على ردودك


يعطيك العافيه

[رافع الرايات]

آمر تدلل يابعد اهـــــــلي وكلي
تطلب فؤادي ؟ لك فؤادي اجيبه

وان ماكفاك القلب انت بس قللي
اشر ومطلوبك قبل تطلب اجــيبه

لك مركز(ن) فالقلب فأعلى محـــــــلي
ماحد وصل قدرك لاغصب(ن) ولا بطيبه

ويوم تجفي وتعطيني الظهر ماتخللي
في عيوني قطرة الا سكــــــــــــــيبه

ويــــــــــــوم تقبل وعينك بعيني تهللي
ارتجف كني فمتحان وخايف(ن) منتيجه

والحين لازلت تنشد ؟من اللي فالهوى خلي
للحين ماعرفت؟ترا هذي مصـــــــــــــــــيبه

ولا تتغيشم يــــــــــــــابعد كللي وكللي
تبي تعرف غلاتك من بعد هذي الحسيبه




هذي اخر كتاباتي اتمنى تعجبكم

مع تحياتي اختكم

عســـــــــــــــــــوله

طبعا بالاحمر
هههههههه



هلا عمري .. هلا بالليل لا حلّي
هلا بنوره القمر لي مراقب امغيبه
***
هلا يا نفح العطر .. لي شاع بالهلّي
هلا يا راسخه بالشعر والذوق تهذيبه
***
هلا يا مكرمه بالله .. والحشم بالكلي
هلا بالورد وانواعه .. وشذاه وطيبه
***
سلامي لك يا شاعره... عاليه امحلي
عدد ريح الشذى .. لي لافي بحيفه
***
وعد المزن لي كساها الارض بالهملي
وعد برجن لاح .. والزود يلضيبه

[عسوله]

الله الله شوي شوي علينا يارافع الرايات مانقوى على

هذا المستوى


تسلم اخوي رافع هذا من طيب اصلك

[الطوفان]

تسلمي عسوله على هذه الكلمات الحلوه
وكذلك بن مطاعن ماشاء الله عليه

[رافع الرايات]

الله الله شوي شوي علينا يارافع الرايات مانقوى على

هذا المستوى


تسلم اخوي رافع هذا من طيب اصلك


اولا مبروووكه على الاشراف ..

ثانياً .. مستواك احسن عني وايد

سلامي

[عسوله]

تسلمي عسوله على هذه الكلمات الحلوه
وكذلك بن مطاعن ماشاء الله عليه



تسلم الطوفان
واشكر مرورك اخي

[عسوله]

الله يبارك فيك اخي رافع الرايات وتسلم على المرور الكريم

[جعلاني للابد]

الله الله على الكلمات الجميله والمتناسقه اختي عسوله وكلمات عجز لساني عن التعبير

[عسوله]

الله الله على الكلمات الجميله والمتناسقه اختي عسوله وكلمات عجز لساني عن التعبير

الله الله على مرورك اخي جعلاني للابد مشكوووووووور

[ابو سالم]

كلمات رائعه الاخت عسوووووله
والى الامام دائما


واجاريك بقصيده عسى ان تنال اعجابك
وهذي اولى المشاركات لي في منتداكم


هام فكري في هوى حب خلي
راحل مع الاشواق يتبع حبيبه

يهذي بحبك يا الغضي وين حلي
والهم في وصلك ماخذ نصيبه

صــــــابر فحبك والصبر ملي
والعقل من بعدك ودع صويبه

سيف المحبه بالجفا يوم سلي
شل السعاده وزادني باالعطيبه

هذي المواجع بالحزن تمتثلي
من غاب شخصك ولالجى من يثيبه

لي صارلي حبك ترى مثل ظلي
طبع المشاعر بالمحبه غريبه

ارجي مع الايام بالوصل علي
اهنا بشوفك وبالوفى لي قريبه

وابقى بحبك لو حصل ما حصلي
واخذ حقوقي بالرخا والغصيبه



والسموحه منكم ان كان نقصان

[سهم الموت]

تسلم يداج وصح لسانج على المشاركه الرائعه

[عسوله]

كلمات رائعه الاخت عسوووووله
والى الامام دائما


واجاريك بقصيده عسى ان تنال اعجابك
وهذي اولى المشاركات لي في منتداكم


هام فكري في هوى حب خلي
راحل مع الاشواق يتبع حبيبه

يهذي بحبك يا الغضي وين حلي
والهم في وصلك ماخذ نصيبه

صــــــابر فحبك والصبر ملي
والعقل من بعدك ودع صويبه

سيف المحبه بالجفا يوم سلي
شل السعاده وزادني باالعطيبه

هذي المواجع بالحزن تمتثلي
من غاب شخصك ولالجى من يثيبه

لي صارلي حبك ترى مثل ظلي
طبع المشاعر بالمحبه غريبه

ارجي مع الايام بالوصل علي
اهنا بشوفك وبالوفى لي قريبه

وابقى بحبك لو حصل ما حصلي
واخذ حقوقي بالرخا والغصيبه



والسموحه منكم ان كان نقصان




تسلم اخي ابو سالم والصراحه قصيدتك اعجبتني
اذا هي الاولى فالمنتدى
ان شالله ماتكون الاخيره


اشكر مرورك اخي

[عسوله]

تسلم علشق الكاسبي

على المرور الكريم

[ابوهاجر الجعفري]

تسلمي عسوله على الابيات الحلوه والتى هزت مشاعر شعراء المنتدى

فلا مجال للدهشه لردود فعلهم بالقصائد وهذا ان دل على شئ دل على قوه التعبير في كلمات قصيدتك و قوه صدى معانيها ولذلك لاتستحقين الرد بشكرا او تسلمي بل اكثر من ذلك وجاووك بالمثل...

[عسوله]

تسلمي عسوله على الابيات الحلوه والتى هزت مشاعر شعراء المنتدى

فلا مجال للدهشه لردود فعلهم بالقصائد وهذا ان دل على شئ دل على قوه التعبير في كلمات قصيدتك و قوه صدى معانيها ولذلك لاتستحقين الرد بشكرا او تسلمي بل اكثر من ذلك وجاووك بالمثل...



اشكرك اخي الفاضل على هذا الاطراء اللي اسعدني وايد وايد
ومرورك ومرور اخواني الاعضاء كثير على قصيدتي
تسلم